அரங்கம் சென்றேன்!
முதல் நபரும் முடிவான நபராகவும் நானிருந்தேன்.!
முதல் வரிசையில் நான்காவதாக அமர்ந்தேன்.!
எழுந்து!
ஏழாம் வரிசை சென்றமர்ந்தேன்.!
இருக்கை சப்தமிட்டது.!
உடன் எழுந்து!
பின்வரிசை சென்றமர்ந்தேன்.!
மேடையில்!
காட்சிகள் தோன்றி மறைந்தன.!
எனது இருக்கை தான் நிலைத்தபாடில்லை

01.!
முகப்பு!
----------!
கொஞ்சம் பொறுங்கள்!
மெல்ல முணுமுணுத்துக் கொள்ளுங்கள்!
உங்களது பிரார்த்தனையை!
வேறொருவர் கேட்டுவிடக் கூடும்!
திரும்பிப் பார்த்துக் கொண்டே!
செல்லுங்கள் உங்களை!
யாரேனும் பின்தொடரக் கூடும்!
எதையும் திருடாதீர்கள்!
உங்களிடமிருந்து அதே பொருள்!
களவாடப்படும்!
எதையும் உழைத்தே பெறுங்கள்!
வாழ்க்கை நகரும் படிக்கட்டல்ல!
அடுத்த அடியை நாம் தான்!
எடுத்து வைக்க வேண்டும்!
கூடியவரை உண்மை பேசுங்கள்!
வயதாக வயதாக!
பொய்களின் பாரத்தை!
தாங்க மாட்டீர்கள்!
உபதேசங்களை!
கண்ணை மூடிக்கொண்டு!
நம்பாதீர்கள்!
வாழ்க்கையே கடவுள்!
வாழ்ந்து பாருங்கள்.!
02.!
குறிப்பு!
------------!
அழகான மனைவி அமைந்தால்!
அவஸ்தை தான்!
அவளுடைய கைபேசியை!
சோதனை செய்யத் தோன்றும்!
தொலைக்காட்சியில்!
அவள் அஜித்தை பார்த்தால்!
சங்கடம் தோன்றும்!
இவ்வளவு அழகானவளை!
கல்லூரியில் காதலிக்காமலா!
விட்டிருப்பார்கள்!
என்று யோசிக்கத் தோன்றும்!
உங்களை டி.வி.யில்!
பார்த்திருக்கிறேனே என்று!
யாரேனும் அவளிடம் கேட்டால்!
எரிச்சல் தோன்றக் கூடும்!
பொது இடங்களுக்கு!
அவள் கூட செல்ல!
தயக்கம் தோன்றக் கூடும்!
கொடுத்து வைத்தவன் என!
அவன் காதுபடவே பேசினால்!
சொன்னவனை!
கொலை செய்யத் தோன்றும்!
பரிசுத்தமாக அவள் இருந்தாலும்!
மனம் சாக்கடையை நாடி ஓடும்.!
!
03.!
வரைமுறை!
----------------!
நீங்கள் தயங்கி நின்றால்!
உங்கள் திருவோட்டில்!
காலணா கூட விழாது!
நீங்கள் கூச்சம் கொண்டால்!
நான்கு பேருக்கு மத்தியில்!
உங்கள் தரப்பை வாதிட இயலாது!
நீஙகள் சந்தேகம் கொண்டால்!
மனைவியை சித்ரவதை செய்வது!
தீர்வாகாது!
நீங்கள் பேசாமல் நின்றால்!
உங்கள் தரப்பு வெற்றி பெறாது!
நீங்கள் வெட்கம் கொண்டால்!
அடுத்த அடி கூட எடுத்து!
வைக்க இயலாது!
நீங்கள் செல்லும் வழி!
சத்தியம் வெற்றிபெற வழிவகுக்காது!
நீங்கள் இரக்கம் கொண்டால்!
சுற்றியிருக்கும் மிருகங்களை!
வேட்டையாட இயலாது!
உங்களிடமுள்ள கருணையை!
தானமாக பெற்று!
உங்களை இறைவன் வீழ்த்தியது!
மறுபிறவியிலும் மறக்காது.!
04. !
நிழல்கள்!
-----------!
இதோடு நிறுத்திக் கொள்ளுங்கள்,!
நாங்கள் உங்கள் அந்தரங்கத்தை!
ஆராயமாட்டோம்!
நீங்கள் எங்கள் படுக்கையறையை!
எட்டிப் பார்க்கக் கூடாது!
நாங்கள் உங்களை குறைவாக!
எடை போட மாட்டோம்!
நீங்கள் எங்கள் வாழ்க்கைப் பாதையில்!
குறுக்கிடக் கூடாது!
நாங்கள் உங்களிடம் பணத்துக்காக!
கையேந்த மாட்டோம்!
நீங்கள் எங்களை வார்த்தைகளால்!
உதாசீனப்படுத்தக் கூடாது!
நாங்கள் உங்கள் நடவடிக்கை மீது!
சந்தேகப்பட மாட்டோம்!
நீங்கள் எங்கள் பக்குவத்தை இயலாமை!
என எடுத்துக் கொள்ளக் கூடாது!
நாங்கள் உங்கள் அத்துமீறலை வேடிக்கை!
பார்க்க மாட்டோம்!
நீங்கள் அகலிகையை கெடுத்த!
இந்திரன் என்று தெரிந்தால்!
உலகம் உங்களை கழுவில்!
ஏற்றாமல் விடாது

உன்னிடம் அடைக்கலமாக !
இருந்த எனது !
எனது இதயத்தை !
ஒரு அழுக்குப் பாறையில் !
கொழுவி விட்டு !
நீ ஒதுங்கிக் கொண்டாய் !
கறைபடிந்த உன் இதயத்தை !
கழுவிக் கொள்ள !
ஒரு மூன்றாவது !
இதயத்தையும் !
நீ தேடிக்கொண்டாய்..!
கால நெருக்குதலில் !
துவானமிழந்த !
மழைகளையும்.....!
ஈரலிப்பில்லா காற்றையும்..!
நீ வசமக்கினாய் !
இதயத்தின் வெற்று உருவத்தை !
சுமந்து பயணிக்கும் நீ !
உனக்குரிய குழியை நீயே!
தோண்டி அதற்குள் அமர்ந்து கொண்டாய் !
நடக்கவே முடியாத நீ !
பறக்க ஆசைப்பட்டாய்...!
உன் பறத்தல் பற்றிய !
ஆசைத்தீயில் அமிழ்ந்து !
அழுகின்றாய்..!
உனக்கு தெரியுமா..!
பொய்களும் வஞ்சனைகளும் !
என்றும் ஜெயிப்பதில்லை

கவிஆக்கம்: இனியதாசன்!
அழகுதான் ஒம்பேரு!
அதயாரு மறுப்பாரு!
பழகினோம் வெளயாடி!
மறக்குமா? யம்மாடி..!
புரியா வயசுலேயே!
புரிஞ்சுது காதலுன்னா!
ஆறியாம நாமிருந்தா!
அப்படியா நடந்திருக்கும்!!
வரிவரியா எப்போதும்!
வச்சவமுத்தம் இனிக்கும்படி!
கன்னத்துல கோலமிட!
எண்ணத்துல வந்தவளே!!
பாவாட சட்டயில!
பாத்து ரசிக்கவச்சு!
பாவாட தாவணிக்கு!
பட்டுன்னு மாறிட்டியே!!
அச்சமே இல்லாத!
அன்பா இருந்தவளே!
உச்சமா ஒனக்குள்ளே!
உருமாறி போயிட்டியே!!
வெக்கமா சிவந்துக்கிட்டு!
வேறபக்கம் திரும்புறியே!
பக்கமா வந்தாக்க!
படுகூச்சம் காட்டுறியே!!
துங்கமா தோனுறியே!
தக்காளிப் பழங்கணக்கா!
எங்கிருந்து வந்ததிந்த!
எலுமிச்ச நெறமொனக்கு!
வெடிச்ச வெள்ளரியா!
வெடலப்புள்ள நீமாறி!
புடிச்சமாதுறியே!
பொன்னழகா பூத்திட்டியே!!
எனக்கதுல சந்தோசம்!
தலகாலு புரியாம!
ஏதேதோ ஆகுதடி!
எதமாத்தான் கொல்லுமடி!!
வருவ வருவேன்னு!
வழிநெடுக கண்ணவப்பேன்!
ஒருதடவ பாத்திடவே!
பலமணியா காத்திருப்பேன்!
வந்தாத்தான் எந்திரிப்பேன்!
வல்லேன்னா நொந்திருக்பேன்!
பந்தாவ நானிருந்து!
பருவத்த ஏங்கவப்பேன்!
வெந்த வெறகாட்டம்!
வேதனய சொல்லியழ!
தந்தாயே சோகமொன்னு!
தாங்கலயடி எம்மனசு!
பட்டப் படிப்புக்கு!
பட்டணந்தான் போகனுன்னு!
பட்டுத்தான் ஆகனுன்னு!
பளிச்சினு தெரிஞ்சாலும்!
பட்டமா பறந்தோமே!
பாதய மறந்தோமே!
விட்டனறம் கொஞ்சமில்ல!
கட்டுப்பாடு போடவில்ல!
தொட்டிழுக்க முடியாம!
துண்டுபட்ட நூலாட்டம்!
தொலைச்சிட்டு தேடுறேண்டி உன்ன!
தொலைக்க மனமில்லயடி!!
கவிஆக்கம்: இனியதாசன்!
006591094789

1. நிறவெறி!
நான் கையைக் கழுவுகிறபோது!
நீரில் கலைந்த அழுக்குளைப் பார்த்து!
உன் நிறம் கரைகிறது என்று சொல்லிச்!
சிரித்தான் சகதொழிலாளி.!
அவனது வெள்ளைத்தோலில் அப்பிக்கொண்டிருந்தது!
நிறவெறி.!
2. மனிதாபிமானம்?!
எனது முகத்துக்கு முன்னால் எனது பெயரையும்!
முதுகுக்குப் பின்னால் எனது கறுப்புநிறத்தையும்!
அவன் அடையாளப்படுத்திக் கொண்டேயிருந்தான்.!
இரண்டையும் பிணைத்து!
எல்லா மனிதர்களும் சமம் என்றபடி பல்லிழித்தான்!
!
3. அமைதியின்மை!
இலக்கினைச் சரியாகவே ஊடுருவிக் காண்பிக்கிறது என் பார்வை – ஆனாலும்!
விரலசைப்பில் குறி!
தவறிப்போய்விடுகிறது.!
மீண்டும் துருத்திற்று என் அமைதியின்மை.!
!
4. ஆணாய்ப்பட்டவன்!
அவர்கள் தொடைகளுக்கிடையிலும் மார்புகளுக்கிடையிலும்!
கவிதையை ஒளித்துவைத்திருந்தார்கள் - எனது!
குறிவிறை பார்வை பிசகாமலிருக்க.!
நான் ஆணாய் நீண்டுபோய்க் கிடந்தேன்.!
!
ரவி (2008 மார்ச்)

ஆடைகள் இழந்த!
என் உடலைத் தின்னும்!
உங்கள் கண்களில்!
எத்தனை பெருமை!
நான் உங்கள் சகோதரி என்றோ!
மகள்போல் என்றோ!
கால்களில் மண்டியிட்டு!
உறவின் தூய்மையை!
களங்கம் செய்யேன்!
காணாமல்போன!
என் சகோதரிகளின்!
உடல்களில்!
உங்கள் வன்முறையை!
படித்திருக்கிறேன்!
நான் அழமாட்டேன்!
எனக்குத் தெரியும்!
என் கண்ணீர்தான்!
உங்கள் உற்சாக பானம்!
நான் சிதைந்தாலும்!
காயங்களின் வழியே!
உயிர் வடிந்து சென்றாலும்!
என் கண்ணீரால்!
பெருமைப்படுத்த மாட்டேன்!
உங்கள் இயலாமையை!
எனக்கு பின்னும்!
என் சகோதரிகள்!
இங்கு இழுத்துவரப்படலாம்!
மரணத்தின் கடைசி நிமிடம்வரை!
மானம் தேடலாம்!
அவர்களும் என்னைப்போல்!
உரக்கச் சொல்வார்கள்!
சதைகளில் இல்லை!
எங்கள் மானம்!
கடைசியாய் ஒன்று!
தாயின் மரணத்தின் போதோ!
தலைப்பிரசவத்தில்!
துணைவி துடிக்கும் போதோ!
அழுதுவிடாதே!
உன் கண்களுக்கு!
அந்தத் தகுதியில்லை!
-சு.சிவா

கா….. கா….கா….. கா……!
1987 இல் காகம் கரைந்தது.!
உரிமைப்பசி!
இந்தியப் பாட்டி!
அப்போது சுட்டவடை இன்னும் பழுதாகவில்லை.!
ஆனாலும் அதன் அருமையை!
காகங்களும் அறியவில்லை.!
படையை நிறுத்தி!
வடையைச் சுட்டுக்கொடுத்த!
பாட்டிக்கு முன்புபோல்!
காகங்கள் பற்றி அதிகம் கவனம் இல்லை.!
ஆண்டுகள் ஓடினும் வடையைத் திருடும்!
நரியின் திட்டம் ஓயவில்லை.!
ஊழையிடத் தொடங்கின அவை.!
‘காகங்களுக்கு வடையெதற்கு!
காகங்களுக்கு உரிமை வடையெதற்கு’!
எலும்புகளை வாசம் காட்டி!
நரம்புகளுக்கு வார்த்தை ஊசியேற்றி!
‘எல்லோரும் நரிகளாவோம்!
வடைகளைப்பறிப்போம் வாருங்கள்’!
பெரும்பாண்மை தேடி பயணமாகின அவை!
தாடி வளர்த்த குழப்ப நரியின் தலைமையின் பின்னால்!
காற்றுத்தந்தி கொண்டு வந்த ஒலியை வாங்கிய!
வெண்புறாவொன்று!
1956 ஐ நினைத்துப்பார்த்து!
உடலைச்சிலிர்த்துக்கொண்டது.!
1983 இலும் பின்னரும் நடந்த!
உயிர்க்கொலையின் வலியதன்!
கண்ணால் ஒழுகியது

மு.பழனியப்பன்!
வேலைகள் அதிகமாகிவிட்டன!
ஒரு குழந்தை!
மற்றொரு குழந்தை!
இந்த குழந்தை மாற்றி அந்தக் குழந்தையின்!
தேவைகள்!
அலுவலக கொடுக்குகளில்!
தொக்கியிருக்கும் வேலைக் காளான்கள்!
பிடுங்குவதற்கு நேரம் ஆகாதென்றாலும்!
காளான்கள் மழைக்காலத்தில்!
மலியும்!
குடியிருக்கும் வீட்டில்!
மாடி வீட்டுக்காரரின் அட்டகாசத்தில்!
நாமே பார்க்க!
நாளுக்கு நாள் வேலைகள்!
சொந்த வேலை!
பார்த்து ரொம்ப நாளாகிவிட்டது!
பாங்கில் பணம் எடுக்க!
எல்ஐசியில் பணம் கட்ட!
டெலிபோன் பில்!
கரண்ட்பில்!
மாதத்தவணைகள் செலுத்த!
என!
வேலைகள் அதிகமாகி விட்டன.!
ஆனால்!
ஆள் ஒன்றுதான்!
மதிப்பு ஒன்றுதான்!
சம்பாத்யம் ஒன்றுதான்!
செலவு பல!
!
palaniappan

இ.இசாக் !
முள்மரம் !
முத்துச் சிதறல்கள் !
மழைத் துளி !
!
மழை பெய்த காலை !
வாசல் முழுக்க !
ஈசல் இறகு !
!
அடைமழை !
தெருவில் !
குப்பைகளின் ஊர்வலம் !
!
கொட்டும் மழை !
குடையில் நான் !
மகிழ்ச்சியாய் ஆடுகள் !
!
மழைக்காலம் !
நினைவில் !
பழைய கூரைவீடு !
!
தொடர்மழைக் காலம் !
குப்பைகளுக்கும் குடைகள் !
காளான்கள் !
!
பக்கங்கள்: 80 !
விலை : ரூ 30 (தமிழகத்தில்) !
வெளியீடு !
சாரல் !
189, அபிபுல்லா சாலை !
தியாகராயர் நகர் !
சென்னை 600 017. !
தமிழ் நாடு

இன்று அவளுக்கு!
அணில் மேல் கோபம்!!
மாடியின் ஜன்னல் மூடாத!
என் மேல் கோபம்!!
கொஞ்சம் இடம் கொடுத்தாலும்!
குளியலறையில்!
பஞ்சு நார் எனக் குவித்துக்!
கூடு கட்டும்! !
சுத்தம் செய்ய முதுகு ஒடிகிறதாம்.!
எனக்கோ- !
ராமர் கோட்டு முதுகை வருடிட ஆசை!!
கற்பனையாய்!
வாலில் முத்தமும் உண்டு!!
அவ்வப்பொழுது!
கண்ணாமூச்௪¢ காட்டி ஓடிவிடும் அதற்கு!
இன்று ஜன்னல் திறக்காது!!
அரைகுறைக் கூடு கலைந்திருக்கும்!
என உள்ளுணர்ந்த துயரத்தில்!
தோட்டத்தில் அது சுற்றிடுமா?!
குறுகுறுக்கும் மனத்துடன்!
மூடிய ஜன்னலின் உட்புறம் நான்.!
- சிதம்பரம் நித்யபாரதி