நெஞ்சம் பதறுதே ! உள்ளம் துடிக்குதே !!
இத்தரை மாந்தரை எண்ணி விட்டால்!
எத்துணை துயரம் கண்ணுற்றாலும்!
சொட்டுணை உணர்ச்சியும் தொட்டிடார்!
சுற்றமுடை மக்கள் பட்டிடும்!
கண்ணீரோடேகிய வாழ்க்கையை!
சற்றேனும் ஏறிட்டே பார்த்திடா!
கற்பாறை இதயத்தை கொண்டிட்டார்!
நித்தமொரு யுத்தம் தாமவர் வாழ்வு!
சத்தமில்லாமல் மடிந்திடும் கூட்டம்!
தத்துவம் பேசியே பொழுதினில்!
புத்தரைப் போலவே நடக்கிறார்!
பறப்பன, நிற்பன, ஊர்வன!
அனைத்தையும் பாதுக்காத்திட!
அழகாய்ச் சட்டம் போட்டிடும்!
அழிந்திடும் மனிதரை மறந்திடும்!
மாந்தரின் செய்கைகள் சரியோ!
சொல்லு நீ தெய்வமே !!
முத்தமிழ் பெருமைகள் பேசிடும்!
நற்றமிழ்க் கவிதைகள் வடித்திடும்!
முட்டாள்கள் மலிந்த நம் பூமியில்!
வாழ்ந்திடும் நான்கூட முட்டாளே !!
!
-சக்தி

இரவின் அழகை வாசிக்கும் !
மெழுகுவர்த்தியின் நாவை !
நறுக்கும் காற்றாய் !
காலம் அறுத்து விட்ட நம் !
ஆறு வருட பந்தம். !
காதல் பத்மவியூகத்தில் நுழையும் !
மன அபிமன்யுகள் !
மணக்கதவைத் !
திறக்கும் முன்னே !
மாய்ந்து போக, !
பிரிவின் வெளிச்சத்தில் புதிதாய் !
சிக்கிய விட்டில் பூச்சிகளாய் !
நாம்! !
நிலக் காதலிக்கு !
மரம் தரும் !
இலை முத்தங்களாய் !
பரிமாறப்பட்ட பாசங்கள் !
சத்தமின்றி சருகுகளாய் !
புதைக்கப்படுகின்றன! !
ரசவாதமா? ரசாயன மாற்றமா? !
அறியோம்... !
இடைவெளி பள்ளத்தாக்குகளில் !
நம் காதல் !
செய்த தற்கொலை !
செய்தி கேட்டு !
உறைந்தோம் ஒன்றாய்.. !
ஓய்வறியா செவிகளும் இதழ்களும் !
ஓயாது நன்றி சொல்லும் !
என் உயிர் தழுவிய !
உன் உறவின் உயிர்த்துறவுக்கு !
வளைக்கரம் வளைத்த என் தோள்கள் !
வேறொருத்தியின் தீண்டலுக்கு !
தயாராக... !
உன் இமைக் கதவுக்குள் !
நசுங்கி விட இன்னொருவன் !
காத்திருக்கிறான் !
காதலை சொல்லி கற்பிழந்த நாட்கள் !
கவலை மழலைகளைக் !
கல்யாணப் பரிசாய் !
தந்துவிட்டு போகிறது! !
வருடங்களை வினாடியாய் !
மாற்றிய மந்திரமே! !
வேண்டாத போது !
விருந்தளித்தாய் !
வேண்டிய போது !
விலகிக் கொண்டாய்... !
என்னை மடியில் கிடத்தி !
சொர்க்கம் சேர்ப்பித்த !
பெண்ணே, !
நரகம் மட்டும் நான் !
காண நீ எங்கே !
சென்றாய்? !
இந்த நரன் இங்கே !
கிழிக்கப்படக் காணாது !
அங்கே நீ !
நஞ்சமுது உண்கிறாயோ? !
என்னை நனைத்த உன் !
அலைகளில் நான் !
மூழ்கிப் போவேனோ? !
பயத்தின் பசிக்கு !
நீ இரையானாய்… !
இறையை நம்பாது !
ஆதலால் நம் மனிதக்காதல் !
இனி அமரக் காதலாய்... !
நிழலாய் மட்டும் இருக்கும் !
நிஜமே! !
எது நீ? !
நேற்றா? இன்றா? !
நாளையா? !
வேண்டாப் பக்கத்தைத் தாண்டும் !
புத்தக விழிகளாய் பழக்கப்படுத்தி !
எதார்த்தம் என்று !
மொழிவது சரியோ? !
நிகழ்வுகள் நிரப்பி கொண்டே வந்தாலும் !
நினைவுகளை சரிபார்த்து கொண்டு வரும் !
சூத்திரம் என்ன? !
வாழ்க்கையின் பகுதி !
காதலென்று விளம்பும் !
ஞானிகளே! !
வந்து என் நினைவுகளை !
கழற்றிப் போடுங்கள் !
செய்தால் உங்களுக்கு !
திருஷ்டி சுற்றி !
நான் போடுகிறேன்

வறண்டு போய்க்கிடப்பது!
பாலை அல்ல!
முல்லை!!
கரிந்து கிடப்பது!
உப்பால் அல்ல!
உதிரக் குழம்பால்!!
எங்கும் இருள்!
இரவால் அல்ல,!
பகைமையால்!!
கடவுள்கள்!
இருப்பதாகவே இருந்தாலும்!
இங்கு வர மாட்டார்கள்.!
இது சபிக்கப்பட்ட பூமியா?!
நாங்கள் மட்டும் நரகுழல்வோரா?!
யார் செய்த சட்டம் இது?!
இன்னும்!
விதைக்க வேண்டிய!
விதைகளே ஏராளம் இருக்க!
அறுவடையை!
அரிவடையாய்!
யார் செய்தது?!
கனவைக் கலைப்பதாய்!
எண்ணிக் கொண்டு!
கருக்களைக் கலைக்க!
யார் தந்தார் உரிமை?!
இன்னும் பொறுத்திருப்போம்!
சத்தியத்தின் மீது!
தளராத நம்பிக்கை!
எங்களுக்கு எப்போதும்!
நிறையவே உண்டு!!
மீண்டும் ஒரு மழைக்காலம்!
எங்கள் பூமிக்கு வரும்.!
அப்போது நாங்கள்!
விருட்சமாய் எழுவோம்.!
எங்கள் நிழலில்!
நீங்கள் இளைப்பாறவும்!
அனுமதிப்போம்!!
உங்கள் ஊர்ப் பறவைகள்!
எங்கள் கிளைகளில்!
கூடுகள் கட்டவும்!
கொஞ்சிக் குலாவவும்!
அனுமதிப்போம்.!
இருக்கிறோம் தோழர்களே!
இன்னும் உங்களுக்காகவே

முட்சடங்குகள் பிண்ணிய!
சாமுதாய சிறைகளின்!
கைதிகள்!
நீயும்..!
நானும்...!
வெப்ப ஆற்றாமை பொங்கும்!
விழி பெருவெள்ள வழக்குக்கு!
இருள் ஊறிய துணியும்!
துருப் பூத்த தராசும்!
ஏந்தி!
தீர்ப்பு இயம்ப!
நீதி மன்றங்களால் இயலாது..!
சாதியை மோகித்து!
மத வேட்கையில் புணர்ந்த!
பெற்றவர்களுக்கு!
உணர்ச்சி மீறாத நேசிப்பின்!
உட்தூய்மையை!
உருக்காண தெரியாது..!
முட்டுக்கட்டைகளை முட்டைப்போடிகிற!
முதிர் தலைமுறைகளின்!
தொப்பைக் குழியில்!
தீனியாவப்போவது!
நம் காதலும்தான்..!
வா..!
காதல் சிலுவையில் இருவரும்!
உற்சாகமாய் அரைப்படுவோம்!
உன் கண்ணில் கண்ணீரோடு..!
என் புண்ணில் உதிரத்தோடு..!
நம் உயிரின் நீரை!
மாந்திப் பருகி!
பிரிவின் அரக்க நாவுகள்!
தாகம் துடைக்கட்டும்..!
-ஆதி

அது என்ன செய்து விடப் போகிறது..?!
சுடுவதாக ஒரு போதும்!
அது பொய் பேசியதில்லையே!!
கதகதப்பாய்!
தழுவுவதாகச் சொல்லி!
யாரையும் ஏமாற்றியதுமில்லையே!!
குளிர்......!!
அது என்ன செய்து விடப் போகிறது..?

பூக்களை ஏந்திக் கொண்டவன்!
வாழ்வின் இனிய நாதத்தைக் கற்றுத்தந்தவன்!
தனித்த பசிக்குச் சுய சமையலையும்!
விரக்தி நிரம்பிய ஏகாந்தப் பொழுதுகளில்!
மனதோடு இசைக்கப் பாடல்களையும்!
அருகிலிருந்து சொல்லித் தந்தவன் !
சொல்லியோ சொல்லாமலோ!
அன்பின் பிடியிலிருந்து!
யாரோவாகி அவன் நகர்ந்தவேளை!
தெரியாமலே போயிற்று !
இறுதியில் தெரிந்தது!
ஆழ்கிணறுகளின் பழுப்பு தோய்ந்த!
சிதிலங்களுக்கிடையில் துளிர்க்கும்!
பசுந்தளிர், சிறு மலர்களைப் போன்று!
பார்த்துப் பார்த்து மகிழும்படியான!
வாழ்வினை அவன் விட்டுச் செல்லாதது !
சிலவேளை வெயிலும்!
சிலவேளை மழை இருட்டுமாக!
இப்பொழுதெல்லாம் காலம்!
வாழ்வியலைக் கற்றுத்தருகிறது!
சிலவேளை பனியைத் தூவியும்!
சிலவேளை!
பழைய நினைவுகளைச் சுட்டி இம்சித்தும்

தோற்றுவிட்டதை !
ஒப்புக்கொள்ளத்தானே !
வேண்டும்.. !
தோல்வியிடம் !
சொன்னேன்.. !
நான் !
தோற்றுவிட்டேன். !
தோல்வியிடம் !
தோற்ற !
நான் !
வெற்றியை !
வெல்லாதிருக்க !
தடுக்க நினைக்கும் !
அனைத்தையும்.. !
தோற்கடிக்க வேண்டும்... !
நான் !
தோற்று போகும் !
காலத்தில்.. !
என் வெற்றியை !
சொல்ல !
விட்டு செல்வேன்.. !
சில குறிப்புகளோடு.. !
-மன்மதன் !
துபாய்

தங்கள்!
பிள்ளைகள் கொல்லப்படுகிற காட்சியை!
பார்க்கிற தாய்மார்களின் கண்கள்!
பெற்ற வயிறுகளை!
கைகளால் அடித்தபடி வழிகின்றன.!
சிதைக்கப்பட்டிருக்கிற குழந்தைகளின்!
காயங்களிலிருந்து,!
இரத்தம் சிந்தச் சிந்த விரியும்!
அவர்களின் கடைசி நேர ஓவியங்கள்!
தாய்மார்களின் துக்கம் நிறைந்த!
மூச்சுக் காற்றை அடைக்கின்றன.!
பிள்ளைகளின் நிர்வாண மரணங்களை!
தாய்மார்கள் பார்க்கவேண்டிய!
கனத்த துயரத்தின் விதியை!
காலமெம் தேசமெங்கும் எழுதியிருக்கிறது.!
தாய்மாரின்!
வறண்டு போன தொண்டைகளிலிருந்து!
உருகிவிழும் வார்த்தைகளும்!
கண்கள் கட்டப்பட்டிருக்கும்!
நீதி தேவதையின் காதுகளுக்கு எட்டாமல்!
நலிந்து போய் சாகின்றன. !
கடவுள்கள் புன்னகைத்துக்கொண்டிருக்கிற!
கோயில்களின் வாசல்களில்!
தாய்மார்கள் கண்ணீரோடு இருக்கிறார்கள்.!
எல்லா பிரார்த்தனைகளும்!
கைவிடப்பட்டு விட்ட மனிதர்களாய்.!
இனிமேல்!
தொட்டும் பார்க்க முடியாதபடி!
குப்புறக் கிடக்கிற பிள்ளைகளின் சடலங்கள்!
கைகள் கட்டப்பட்டபடி கிடந்து!
தாய்மார்களின் கைகளை மாரடிக்கச் செய்கின்றன.!
எந்தப் பிள்ளைகளைப் பற்றியும்!
எந்தத் தாய்மார்கள் பற்றியும்!
கவலை இல்லாத வியாபாரிகள்!
தங்கள் கள்ளச் சந்தைகளில்!
பிள்ளைகளின்!
நிர்வாண உடல்களை காட்டிக் காட்டி!
வியாபாரம் செய்து கொண்டிருக்கிறார்கள்.!
பிள்ளைகள் சுடப்படுவதற்கு முன்பு!
இவர்கள் திருகிக் கொன்ற!
நீதி தேவதையை கூட்டி வருவதாக!
பொய் சொல்லிச் சொல்லி!
வியாபாரிகள் சனங்களை!
இப்போதும் ஏமாற்றுகிறார்கள்.!
திரும்பிவர முடியாத பிள்ளைகளின்!
காயப்பட்ட தேகங்களை!
திரும்ப திரும்ப குவித்துக் காட்டி!
பதறிக் கொண்டிருக்கிற தாய்மார்களின்!
வலி நிறைந்த கண்களையும்!
காட்சிகள்!
விரைவில் மூடிவிடப் பார்க்கின்றன

ஈக்களின் நந்தவனத்தில் ஒரு!
வியாபாரமற்றக் கடை!
எல்லாரும் வாடிக்கையாளர்களே!
சில வேடிக்கையாளர்கள்!
போட்ட கல்லில் கடைஅடைக்கப்பட்டதால்!
இப்போ போக்குவரத்து தடைப்பட்டு!
கழிவுநீர் வீட்டுக்குள் நுழை போடும்!
இந்த சாக்கடை சீராகும் வரை !
கொஞ்சம் அனுசரணையோடு!
பயன்படுத்தினால் ஊருக்குள்!
ரயில்நிலையம் வந்தாலும் வரலாம்!
ஆனால் இந்த கற்சாலை உண்மையில்!
ரயில் பாதைக்குயிடப்பட்டதில்லையாம்!
நம் வாகனத்திற்கான தார்சாலை!
என்கிறார்கள் ஓட்டுக்கு பணம்கொடுத்தவர்கள் !
சாலைக்குயிரு புறமும் சிரித்தமுகத்துடன்!
வளமையான மரங்கள் காட்சிக்கு.!
கோடைகாலத்தில் கொஞ்சம் பெயிண்டும்!
மழைகாலத்தில் கொஞ்சம் தண்ணியும்!
காட்டுவர் எப்போதாவது கட்சிக்கொடியை!
இறக்கிவிட்டு வெட்டப்பட்டபசும் மரங்களுக்கு!
துணையாக இந்த மரத்தையும் மாற்றுவர் !
இலவச நீச்சல் தொட்டிகள் உண்டு!
அதில் குளிக்க அதிக நீருமுண்டு!
நல்ல மழை நேரத்தில் செழிப்பான!
குதுகலமே எங்களுக்கு மிச்சம்!
இரவுகளில் மட்டும் பரணிகளில்!
ஒட்டிக்கொள்வோம் காரணம் வீடுகளை!
பள்ளத்தில் கட்டிக்கொண்டதால் !

கதவைத் திறக்கையில்!
கால் தடுமாறுகிறது!
காத்திருப்புக்கு!
யாருமில்லாமல்!
மூடிக் கொள்கிறது!
குளிரேறிய உணவும்!
குண்டுச் சட்டியில்!
மிட்டாயும்!
குதித்துக்!
கை தட்டும்!
பொம்மையும்!
எப்போதும் போல்!
இப்போதும்!
எனக்கு வேண்டுவது!
குளிர்ந்த கரத்துக்கு!
சூடும்!
மூடிய மனதுக்கு!
மருந்துமாய்!
ஒரு முத்தம்!
- இளந்திரையன்