தமிழ் கவிதைகள்

தமிழ் கவிதைகள்

பிளவு

தான்யா
அவனைக் காணும் போதெல்லாம் !
ஏற்படும் இயல்பது, !
ஏதோ ஒரு கணம் நின்று !
கதைபேசி !
பின் பிணக்காகி !
சிதறும். !
நம்பிக்கையற்ற நம்பிக்கை அது !
அந்தரங்கத்தில் ஏற்படும் !
அருவருப்பைப் போல சிதறுண்டு போகும் !
குப்பிகளைத் தாண்ட விரும்பாத !
புத்தி அது. !
எல்லாவற்றையும் தாண்ட விளையும் !
புத்தி இது. !
எங்கே அந்த உருபிழந்த உருவங்கள்! !
எங்கெங்கோ சிதறுண்டு !
ஒட்டி வைத்த ஒட்டடைகள் !
சொல்லாமல் தொடர்ந்து கொல்லும் !
வேர்கள் !
வேதனையில் சிதறுண்ட உருக்கள் !
இவற்றுக்குள் வாழும் ஐந்துக்கள் !
ஆதி தேடி நாங்கள் !
-தான்யா !
நன்றி: உயிர்நிழல்

வாடகை வீடு

நவா நடா
வாடகை வீட்டில் வாழ்ந்திட்ட நாங்கள்,!
வாழ்வினில் அகதிகள் ஆனோம்,!
தேடிய சொந்தம் எம்மிடம் இல்லை!
தெருவினில் ஓடுது வாழ்க்கை,!
வீட்டினில் உருப்படி ஏழு, இந்த!
விடிவினில் உருப்படி ஏது?!
கூட்டினில் கல்லை எறிந்தால் - அங்கு!
குருவிகள் வாழ்ந்திடுமோ? !
!
-நவா நடா

விமானம்

ஆ.முத்துராமலிங்கம்
சிறு பிராயத்தில்!
அலாதிப்பிரியம் விமானங்கள் மீது.!
!
வெகு உயரத்தில் குச்சியாய் செல்லும்!
விமானத்தை பலமுறை பார்த்தும் அதன்!
ஆச்சரியம் குறைந்ததில்லை.!
!
சாப்பிட்டுக்கொண்டிருக்கும் போது கூட!
அதன் இறைச்சல் கேட்டு!
வெளிமுற்றத்திற்க்கோடிவந்து!
பார்த்திற்கின்றேன்.!
!
கோவில்கொடையில்!
சந்தையில் எங்கும் என்!
விளையாட்டுப் பொருளில் முதன்மை!
வகித்தது விமானம்.!
!
சில தினங்களுக்கு முன் கூட!
அதன் நினைவுகள்!
பூட்டிய என் உதடுகளுக்குள்!
சிறு புன்னகையை மிச்சம் வைத்திருந்தது.!
!
ஆனால் இன்று என் பிள்ளைகள்!
விமானச்சத்தம் கேட்டதும் ஓடிச்சென்று!
பதுங்குக்குழிக்குள் புகும் அவலம் பார்த்து!
அறைகின்றது! விமானம் ரசித்த என் நெஞ்சை.!
!
விமானம் குறித்த என்!
ரசனையும், ஆச்சரியமும்!
கைநழுவி விழுந்த பீங்கான்!
கோப்பையைப் போல!
உடைந்து சிதறிவிட்டது.!
!
பாட்டி சொல்லும் பேய் கதைகளைப் போல்!
பயத்தை நிறப்புகின்றது விமானங்களும்!
அதன் செயல்களும்.!
!
-ஆ.முத்துராமலிங்கம்!
சாலிகிராமம்

போரபிமானம்

ரவி (சுவிஸ்)
அழிவுகளைக் கணக்கிட்டுக் கொள்ளும்!
காலங்கள் இவை.!
இராணுவவீரன் களைத்துப் போய் இருக்கிறான்.!
குண்டுவீசி பெயர்த்த இடிபாடுகளின் நடுவே!
இவன் ஒரு சிகரட்டையோ கட்டையோ ஊதியபடி!
இளைப்பாறுகிறான்.!
பதவிநடை பிசகாமல் அரசியல்வாதிகள்!
ஒலிவாங்கி; நோக்கி நடக்கின்றனர்.!
பத்திரிகையாளர்கள் குறிப்பெடுக்கின்றனர்.!
ஒருவன் தன்னை பாதுகாக்கும் உரிமை என்பது!
இன்னொருவனை!
அல்லது இன்னொருவளை அழிப்பதாகும்!
என்பது கோட்பாடாகிறது.!
ஆக்கிரமிப்பாளர்களை விரட்டியவனுக்கு!
பயங்கரவாதி பட்டமளிக்கப்படுகிறது.!
போர்விமானத்தின் இரைச்சலில் ஊர்!
ஒளித்துக்கொள்கிறது பதுங்கு குழிகளினுள்.!
குண்டுகள் வலைவீசி இழுத்த!
கட்டடங்களின் சிதைவுக்குள்!
குழந்தை அந்தரிக்கிறது.!
நாய் இருப்புக் கொள்ளாமல் ஓடித்திரிகிறது.!
கிற்லரின் யூதவதை முகாமிலிருந்து கிளம்பிய!
ஒரு பிசாசுபோல்!
புகைமண்டலங்களின் நடுவே!
வெளித்தெரிகிறது இஸ்ரேல்.!
மீண்டும் லெபனானுக்குள் புகுந்துகொள்கிறது.!
ஆயுதங்களை பிரசவிக்கும் ஆலைகளில் இங்கு!
இயந்திரங்கள் சூடாகிக்கொண்டிருக்கின்றன.!
இவர்களுக்கான சொர்க்கங்கள்!
தமது மண்ணிலேயே எழுதப்பட!
ஏழைநாடுகளுக்கான சொர்க்கங்கள்!
அடுத்த பிறவியில் என!
சிலுவையை உயர்த்துகின்றனர் பாதிரிமார்!
வத்திக்கானின் மேலாக.!
அவர்கள் எம்மிடம் காவிவந்த பைபிள்!
இப்போதும் எம்மிடம் இருக்கின்றன.!
எமது வளங்கள் எம்மிடம் இல்லை.!
சபிக்கப்பட்ட பூமியின் ஏழ்மைக்கு!
சபிப்பவன்!
போரை முதலுதவியாய் வழங்குகிறான்.!
அழி! எஞ்சிய எல்லாவற்றையும் அழி!!
மனிதாபிமானம் பற்றிப் பேசு!
போர்நெறி பற்றிப் பேசு!
ஓயாது குண்டுவீசு, கொல்!
கொன்று போடு ஒரு தாயையோ!
குழந்தையையோ அன்றி ஒரு நாயையோ!
கிடையாதபோது!
அசையாமல் நிற்கும் ஒரு பல்லிக்குமேல் தன்னும்!
குண்டுவீசு.!
தன்னைப் பாதுகாக்கும் உரிமை என்பது!
மற்றவனை அழிப்பதென்பதாகும்.!
வீசு!!
- ரவி (05082006)

சுவாசம்

வேல் கண்ணன்
மீன் விற்கும் ஒருத்தியும்!
பெருங்காயம் விற்கும் ஒருத்தியும்!
ஒரே வீட்டில் இருந்தார்கள்!
இவர்கள்!
கண்ணயர்ந்தவேளையில் !
சுவரில் சாய்ந்திருக்கும்!
கூடைகள்!
நூகர்தலுக்கு!
இடம் வலம் ஏது?!
கலந்தேயிருந்தன!
வாசனையும் வீச்சமும்!
ஆத்திரமோ அவசரமோ!
நாள் ஒன்றில் மாறிப்போன!
கூடைகளிருந்து கூடுதலாகவே!
விற்றும் தீர்த்தன !
சமைத்தவர்கள் வீடுகளிலிருந்து!
கலந்தே வெளியேறுகிறது!
நாசிகள் தேர்ந்தெடுத்து!
கொள்கின்றன தேவையானவற்றை

திருமண நாள்

பாரதிமோகன்
அதி வேக உலகம் !
ஒயாத உழைப்பு !
நின்று பேசி !
நலம் விசாரித்து செல்ல கூட !
நேரமின்மை !
முந்தி செல்லும் !
சக மனிதனை !
தோற்கடித்து !
முன்னேற துடிப்பு !
இவற்றுகிடையில் !
மனைவி குழந்தை !
குடும்பம் என்பதெல்லாம் !
மூன்றாம்பட்சமாகி விட்ட !
எனக்கு !
அன்பை !
அவசரமாக பரிமாற !
ஒரு வாய்ப்பு !
திருமண நாள்

அரவிந்தன் கவிதைகள் 02-12-07

எம்.அரவிந்தன்
அரவிந்தன் கவிதைகள்!
மௌனத்தை!
கிழிக்கிற!
சத்தம் !
அடங்கியபின்!
அதை விட சத்தமாய்!
மீண்டும்!
அறையும்!
மௌனம்.!
---------------------!
குழந்தைகள்!
போட்டிக்கு இல்லாத!
இரவில்!
பூங்கா ஊஞ்சலில்!
ஆடுகிறது!
காற்று.!
----------------------!
இலை சிந்தும் !
மரமொன்றை!
படமாக!
வரைந்து வைத்தேன்!
அதை யார் யாரோ!
எடுத்துப் பார்க்கையிலெல்லாம்!
விழுந்தது!
இன்னுமொரு இலை

மயிலே இறகாய்

ஆ.மணவழகன்
============= !
- ஆ. மணவழகன் !
புத்தகத்தின் நடுவில் !
புதைத்து வைத்த மயிலிறகு !
குட்டி போடவில்லை இன்னும்... !
இறகு கொடுத்த உன் நினைவோ !
'குட்டி மேல் குட்டி'

ராஜ்பவன் கனவுகள்

புதியமாதவி, மும்பை
புதியமாதவி, மும்பை. !
கனவு காணுங்கள் !
விடிந்துவிடும் !
நம் கலாம் சொல்லலாம் !
எங்கள் கவிதைகள் !
சொல்லுமோ? !
கனவுகள் காண விழிகள் வேண்டுமே !
கனவுகள் எழுத இமைகள் வேண்டுமே !
விழிகளில்லாத இமைகள் !
இமைகள் எரிந்த விழிகள் !
எப்படி எழுதுவது !
எங்கள் கனவுகளை. !
இமயத்தைப் புரட்டிப்போடும் !
நெம்புகோல் கவிதையை !
இந்த நொடியிலும் !
என்னால் !
உங்கள் அவைக்குத் தரமுடியும் !
அதனால் என்ன பயன்? !
கங்கையும் காவிரியும் !
இணைந்திடவா போகிறது? !
எல்லோருக்கும் விடுதலை !
எல்லோருக்கும் சம உரிமை !
மக்களாட்சியின் மகத்துவத்தை !
எழுதிய சட்டங்கள் !
வாழ்ந்து கொண்டிருக்கிறது !
செங்கோட்டையில். !
ஆனால் !
நாங்கள் மட்டும் எப்போதும் !
வெண்மணியில் எரிந்து !
தாமிரபரணியில் கரைந்து !
ஊடகங்கள் காட்டமறுக்கும் !
கோர முகத்துடன் !
புதைந்து கொண்டிருக்கிறோம். !
டாலர்க் கனவுகளில் !
கணினி மூலைகள் !
கடவோலைக்காக காத்திருக்கின்றன. !
இரட்டைக் குடியுரிமைப் பேசும் !
பச்சை அட்டைகளின் !
பாதம் நக்கிய !
இந்திய நாக்குகள் !
வல்லரசுகளின் ஒப்பந்தகோப்பையில் !
மதுவருந்தி !
மயங்கிக் கிடக்கின்றன. !
சட்டம் ஒழுங்கு !
கெட்டுப்போனதாய் !
நித்தமும் குரைக்கின்றன !
அரசியல் மேடைகள். !
மறதி எப்போதும் !
மனிதகுணம் என்பதால் !
வாழ்ந்துகொண்டிருக்கிறது !
கூட்டணி பேரங்கள். !
குடிசைகள் இல்லாத !
மும்பையின் சாலைகள் !
சாத்தியப்படுமா? !
எத்தனைக் கோடிகள் !
எத்தனைச் சட்டங்கள் !
எத்தனைத் திட்டங்கள் !
அத்தனையும் தலைகுனிகிறது !
ஓட்டைக்குடிசைகளின் !
கிழிசல்கள் கண்டு. !
புரிந்துகொள்ள முடிவதில்லை !
சமுதாய ரசனையை. !
சந்திரமுகியுடம் ஆடிய கண்கள் !
தவமாய்த் தவமிருக்கும் !
விசாலமான பார்வை !
விசித்திரமான காட்சிகள் !
எப்போது நடக்கிறது !
எங்கள் நாடகமேடையில். !
எங்கள் பதினாறு வயதில் !
எந்தை சொல்லுவார் !
எப்போதும் !
உதவி வேண்டுமானால் !
கேட்டுவிடு காவல்துறையிடம். !
இன்று- !
எங்கள் புதல்விகளுக்கு !
எங்கள் தந்தையர் சொன்ன மந்திரத்தை !
தரணியில் சொல்லமுடியாமல் !
தலைகுனிந்து நிற்கிறது !
எங்கள் சரித்திரம். !
'விடுதலை விடுதலை !
எல்லோருக்கும் விடுதலை' !
இப்படி எல்லாம் !
விடுதலைப் பண்பாடி !
விண்ணதிர ஆடிட !
எனக்கும் ஆசைதான் !
ஆனால் !
ரத்தம் சிந்தாத போராட்டங்களில் !
ஆயுள்கைதியாகும் விடுதலை !
சமத்துவமில்லாத சமுதாயத்தில் !
தூக்கிலிடப்படுகிறது. !
எங்கள் !
போராட்டக்களத்தில் மட்டுமே !
எழுதப்பட்டிருகிறது !
சமுதாய மீட்சி. !
எதிரிகளை வீழ்த்தும் !
இமாலயப் போர்களின் !
வெற்றி முரசுகள் !
வெற்றி மயக்கத்தில் !
எதிரிகளிடமே !
விற்கப்படுவதும் !
விலைபோவதும் !
தொடர்கதையாக !
தொடரும்வரை !
எப்படி எழுதுவேன் !
சமத்துவ சமுதாயத்தின் !
சரித்திரக் கனவுகளை? !
தோற்றுப்போவது !
கனவுகள் மட்டுமல்ல !
கனவுகளைச் சுமந்த !
எங்கள் தலைமுறையின் !
போராட்டங்களும்தான். !
இனி- !
நாங்கள் கனவுகளை !
விலக்கி வைக்கின்றோம் !
மன்னிக்க வேண்டும் !
வல்லரசு கனவுகாணும் !
ராஜ்பவன் தோட்டங்கள். !
மன்னிக்க வேண்டும் !
கனவுகளைத் தின்று கொழுத்த !
எங்கள் கவிதைராசாக்கள். !
மன்னிக்க வேண்டும் !
கனவு வரிகளில் !
உங்கள் விருதுகளுக்காக !
காத்திருக்க மறுக்கும் !
எங்கள் கறுப்பு கவிதைகளை

நான் நானாகவே.... நீ?

ஆ.மணவழகன்
நீயா?!
நீயாகத்தான் இருக்குமோ?!
ஒருவேளை!
நீ நீயில்லையோ!!
நீ இல்லையென்றால் அப்போ நீ யார்?!
நெடுந்தொகையாய்!
நெடுநேரம் இல்லை!!
குறுந்தொகையாய்!
கொஞ்சவுமில்லை!!
முல்லைப் பாட்டாய்!
முகம் மலரவுமில்லை!!
குறளாய்.. குறைவில் விளக்கமாய்..!
கோடிட்டுக் காட்டவும் இல்லை!!
'ஆத்திச்சூடியாய்' ஒற்றை வரியில்!
நான்மறுபடி பிறக்க!
நீ ஒரு முறை பூத்தாய்!!
அன்றும் இல்லை!!
அன்றுமுதல் என்றும் இல்லை!!
என் விழிகளுக்கும் மனதிற்குமான உறக்கம்!!
நீயே தானா?!
நீதான் என்றால்..!
நிமிடத்தில் உணர்வாயே!!
நான் நான்தான் என்பதை!!
வருடங்கள் பலவற்றை வாங்கிக்கொண்டது!!
வயிற்றுக்காக நான் வந்ததும்...!
வாழ்க்கைக்காக நீ சென்றதும்....!
இன்றும் கூட என் நினைவில் - என்னைப்!
புரட்டிப்போட்ட உன் முதல் புன்னகை!!
நீதான் என்றால் ...!
நீ நீயாகத்தான் இருக்கிறாயா?!
ஆம்! ஆம்!!
நீ! நீயேதான்!!
தூவானக் குளியல் முடித்த!
பறவையின் சிலிர்ப்பாய்....!
அதே படபடப்பு!
உன் கண்களில்...!!
**********!
ஆ. மணவழகன்