தமிழ் கவிதைகள்
திசைகளின் வாசல்களில் தடுப்புக்கள்
நிந்தவூர் ஷிப்லி
அவள்!
எதற்கு!
ஏன்!
எப்படி!
என்றில்லாமல்!
அழுது கொண்டிருக்கிறாள்!
அவள்!
இழந்து விட்ட!
அல்லது!
பெறத்தவறிய!
ஏதோ ஒன்றுக்காக!
மனசாலோ!
கண்களாலோ!
அழுது கொண்டிருக்கிறாள்!
அவள்!
எப்படியும்!
அவள்!
அழுதாக வேண்டும்!
என்பது!
எழுதப்படாத விதி!
வலிக்க!
வலிக்க!
அழுது கொண்டிருக்கும்!
அவள் கண்களை!
நோக்கி!
எந்தக்கருணை!
விரல்களும் நீள்வதாயில்லை!
ஆதிக்கமும்!
அடக்குமுறையும்!
அவள்!
புன்னகைகளை!
களவாடி விட்டன!
அவளது!
ஒவ்வொரு!
கண்ணீர்த் துளிக்கும்!
பின்னால்!
உதிர்ந்து கொண்டிருக்கிறது!
வெகுண்டெழும்!
நம்பிக்கையின்!
வரட்டு முகங்கள்!
அவளுக் கென்று!
ஆயிரம்!
திசைகள்!
அத்தனையும்!
ஆண்டாண்டு காலமாய்!
பூட்டப்பட்டுள்ளன!
என்றோ!
ஒரு நாளில்!
அவளுக்கான!
திசைகளின்!
வாசல் கதவுகள்!
உடைத்தெறியப்படலாம்!
அப்படி!
நேர்ந்தபின்!
எதற்கு!
ஏன்!
எப்படி!
என்றில்லாமல்!
அழுது கொண்டிருப்பான்!
அவன்…
மாட்டுக்கு மாலை போடு…
அஸ்மின், ஈழநிலா, இலங்கை
கழுத்துக்கு மாலை வேண்டாம்!!
எழுத்திலே காணின் ஏதும்!
எழுதுவீர் அதுவே போதும்!!
வாலினை பிடிப்ப வர்தான்!
வாழுவர் தெரியும் கெட்ட!
தேளினை பிடித்தோர் கூட!
தேம்புவர் எனவே உங்கள்!
காலினைப் பிடித்தே னையா!
கழுத்துக்கு மாலை வேண்டாம்!!
கழுதையும் குரங்கும் மாடும்!
கழுத்திலே மாலை பூண்டு…!
மூலைக்கு மூலை கூடி!
“முதுகினை சொரிந்து” எங்கும்!
“போட்டோக்கு” பல்லைக் காட்டி!
“போஸினை’’ கொடுத்து பின்னர்!
எங்களை வெல்லும் கொம்பன்!
எவனடா இங்கு உண்டு…? !
என்றுதற் புகழ்ச்சி தன்னில்!
எம்பித்தான் குதிக்கும் போது!
அற்பன்நான் அவைகள் பாத!
அடியிற்கு இன்னும் கீழே!
ஆகையால் மாலை வாங்க!
அடியேனுக் காசை யில்லை!
காலினைப் பிடித்தேன் ‘வாப்பா’!
கழுத்துக்கு மாலை வேண்டாம்! !
மாண்டுநாம் மடிந்த பின்தான்!
மனதினால் மாலை இடுவர்!
ஈண்டிவர் போடும் மாலை!
இதயத்த லல்ல வேசம்..!
மாலையில் மாலை போட்டு!
மாலைதான் மறையுமுன்னே!
கூழையன் நாங்கள் போட்ட !
“கூழுக்கு” ஆடிப் போனான…!
ஆளினைப் பிடித்து வைத்தால்!
ஆளலாம் என்பீர் உங்கள்!
காலினைப் பிடித்தேன் ‘’வாப்பா’’!
கழுத்துக்கு மாலை வேண்டாம்!!
எலும்புக்காய் எச்சிலைக்காய்!
எங்கள்நாய் வாலை ஆட்டும்!
பிணமான பின்தான் உண்மை!
பிரியத்தை அதுவும் காட்டும்!
ஆகையால் மாலை சூட்ட!
ஆருமே வராதீர் தேடி!!
எழுத்திலே ஏதும் காணின்!
எழுதுவீர் அதுவே கோடி
நிஜம்
யாயினி , கனடா
கடலும் ஒருநொடி அமைதியாய்... போனது...!
தேற்றுவாறின்றி நம் தேசம் தேம்பி நிற்குது!
தேசத்து உறவுகள் எல்லாம் ஊரூராய் அலையுது!
அம்மி மிதித்து அருந்ததி பார்த்து........!
சோடிசேர்ந்த சோடிக் குயில்களின்.......!
மகிழ்ச்சிகள் எல்லாம்.!
இன்று முட்கம்பி வேலிக்குள்...!
முடங்கிக் கிடந்திட!
நான்கு சுவற்றுக்குள்!
நடப்பவை எல்லாம்!
கந்தல் துணியால் கட்டிய முகாமில்.....!
வேட்டை நாய்களுக்கு நடுவில்!
வேதனையுடன் நடக்குது.......!
குளவி முதல் கிளவிவரை....!
மாற்ற ஒர் உடையில்லை...!
அன்றொரு நாள் நம் இளசுகள்!
காத்திருந்து காதல் செய்த!
வீதிகள் எல்லாம்!
வேதனை தாங்கி!
விம்மியே நிற்கின்றன.....!
தண்ணீர் ஊற்றி!
நாம் வளர்த்த நந்தவன!
மரம்,செடி,கொடிகளெல்லாம்...!
உறவுகள் இன்றி!
கோடைபற்றிப்போய் நிற்கின்றன......!
திசைகள் பார்த்துக்!
கட்டிய வீடுகள்!
அரக்கனின் குண்டுமழையிலே!
சின்னா பின்னமாகி!
சிதவுற்ற நிலையில் இன்று!
பேய்கள் உலாவும்!
வீடாகிப் போனது......!
களிவறைமுதல் கொண்டு!
உணவறை வரைக்கும்!
கூப்பன் கடையிகளின்!
வரிசை போல் நிற்குது....!
காரிகையே காத்திரு நான்!
என் கடமையால் வரும்வரைக்கும் என்று!
முத்தத்தால் திலகமிட்டு!
முடிவாக சென்றவனை!
பிரியமுடியாத பிரியமான காதலி!
கையசைத்து விடைபெற்று இன்றும்!
கடைசிவரை காணாத!
உறவுகள் படும் பாடு!
மகிந்தாவே நீ....அறிவாயா.......?!
நாடு,நாடாய் நாங்களெல்லாம்!
ஊனுமின்றி உறக்கமின்றி!
என்ன செய்தி என் நேரம்!
எப்படி வருமென்று தெரியாமல்!
நிமிடத்துக்கு ஓர் தடவை!
தொலைபேசியைப் பார்த்திடுவோம்!
அழவும் முடியாமல் சிரிக்கவும் முடியாமல்.....!
தவிப்பவர்களின் தவிப்புகளை!
என் உள்ளத்து குமுறல்களை...!
எங்கிருந்து யார் அறிவார்....?!
இறுதியாய் தெரிந்துகொண்டோம்!
உலகத்தின் சதிகளினால்!
இன்று தமிழனின் இறப்பு மட்டும்!
தடையேதும் இன்றி!
வரிசைக்கு நிற்காமல்!
மிகவும் வேகமாய் செல்கிறது
சட்டமாக்குங்கள்
சூரகுடி பாலா, சென்னை
பெண்களின் !
திருமண வயதை !
இன்னும் கொஞ்சம் !
அதிகப்படுத்துங்கள்! !
குடிசையில் வாழும் !
கோல மயில்களுக்கு !
இங்கே மாதவிடாய் நின்றும் !
மணமகன்கள் வரவில்லை!! !
இவர்கள் !
இராமன் !
கால்படக் காத்திருந்த !
அகலிகைகள் இல்லை !
இராவணன்களுக்காகக் !
காத்திருக்கிறார்கள் !
கடத்தியாவது செல்வார்களென்று!!! !
தயவு செய்து !
பெண்களின் !
திருமண வயதை !
அதிகப்படுத்துங்கள்
புள்ளி
ப்ரியன்
தூரத்தில் தங்கி !
தயங்கி நிற்கும் !
நிலா! !
அவளின் நெற்றியில் !
ஒற்றைப் பொட்டு! !
என் கவிதைகளின் !
கடைசி மைச்சொட்டு! !
ஒவ்வொன்றும் !
ஒவ்வொன்றைக் குறித்தாலும் !
தூரம் நின்று பார்த்தால் !
எல்லாம் புள்ளி! !
வெறும் புள்ளி! !
ஒன்றின் தொடக்கமாகவோ !
முடிவாகவோ !
நிற்கும் மாயப் புள்ளி! !
- ப்ரியன். !
* காவல் * !
இரவெல்லாம் !
கண்விழித்துப் !
பார்த்திருந்தேன் நிலவை; !
ஆனாலும், !
காணாமல் போயிருந்தது !
காலையில் !
என் காவலையும் மீறி! !
- ப்ரியன்
சாத்தான்களுக்கென்ன குறை?
இமாம்.கவுஸ் மொய்தீன்
சீட்டாட்டமாகட்டும்!
எல்லாச் சூதாட்டங்களிலுமே!
வெற்றிகள் உண்டு!
பரிசுகளும் உண்டு - ஆனால்!
அதைக்கொண்டு கோட்டீஸ்வரர்!
இலட்சாதிபதியானதும்!
இலட்சாதிபதி!
நடுத்தெருவுக்கு வந்ததும் தான்!
வரலாறு கூறும் சான்று!!
மது மாது புகை போதைகளில்!
கரைந்து போனவை!
மன்னர்கள் மாநிலங்கள்!
மாளிகைகள் வளம்!
நலம் நற்பெயர் நிம்மதிகள்!!
சாத்தானின் பாதையில் சென்றோரால்!
நிரம்பி வழிகின்றன!
மருத்துவ மனைகள்!
சிறைச் சாலைகள்!
சுடு இடுகாடுகள்!!
காலங் காலமாய்!
இப்பழக்க வழக்கங்களுக்கு!
ஆளானோரின் தொகை !
வளம் கொழிக்கின்றதே தவிர!
தேய்பிறை யாகவில்லை!!
நாய்வால் புத்தியினர்!
நிறைவாய் இருக்கும் வரையில்!
சாத்தான்களுக் கென்ன குறை? !
-இமாம்.கவுஸ் மொய்தீன்
எப்படி புரியவைப்பாய்?.. காத்திருப்பு
செளந்தரி
நீ என்ற மையத்தில்!
சுற்றும் என் உலகம் !
உன்னை மட்டும் வாசிப்பதில்!
தன் காலத்தை கரைக்கும்!
நீ இல்லாதபோது!
உன் மெளனம் மட்டும்!
என்னோடு வாழும்!
உனது சோகம்!
உனது குறும்பு!
நீ சொல்கின்ற பொய்!
அதில் தெரிகின்ற நேர்மை!
இறுகப் பற்றிக்கொண்டது என்னை!
புதிரான உன் உலகில்!
தினம் புதுமையாகும் நீ!
புதையலானாய் எனக்கு! !
வாய்விட்டுச் சொன்னேன்!
வார்த்தைகளை மறித்து!
நீ ஒன்றுமே இல்லை என்றாய்!!
நீ ஒன்றும் இல்லை என்றால்!
எப்படி புரியவைப்பாய் அதை எனக்கு!!
!
2.காத்திருப்பு!
யன்னல் வழியே எட்டிப்பார்க்கிறேன்;!
இருண்ட இரவு!
என் மனசைப்போல!!
ஊர் உறங்கியும்!
உறங்க மறுத்தன கண்கள்!
கனவுகள் தொடர்கிறது!
கனவுகளின் வெளிச்சம்!
காலத்தை கடக்கப் போதாது!
நினைவுகள் சுடுகிறது!
நினைவுகளின் காயம்!
கண்ணீரில் கழுவி முடியாது!
ஏனிந்த நாட்கள்!
என்தேசம் போல் நீள்கிறது!
நம்பிக்கையின்மை!
நாற்புறமும் போராடி வெல்கிறது!
தனிமையின் வெறுமை!
நிஐத்தையும் கேள்வியாக மாற்றியது!
ஒருகணம் அழுகிறது மனசு!
மறுநிமிடம் !
அடைகாக்கும் தாயாகச் சுரக்கிறது!
ஏனிந்தப் போராட்டம்?!
விடியலுக்கு காத்திருப்பு அவசியமோ?!
கசியும் என் இதயத்தை கட்டுப்படுத்த!
இருண்ட இரவில் !
தோன்றும் வெள்ளிபோல்!
என்னிடம் நீ வந்துசேர்!!
-செளந்தரி
குழந்தைச் செல்வங்கள்
வேதா. இலங்காதிலகம்
குடும்ப விளக்குகள், குளிர் தென்றல் அலைகள்.!
உவகைமிகு சர்வதேச உயிர்ச்சிலைகள் மழலைகள்.!
உயிர் அதிசயங்கள், உணர்வுக் காவியங்கள்.!
தாழ்வது வந்தாலும் தைரியம் தருகின்ற!
வாழ்வுக் கடலின் வைரத் தெப்பங்கள்.!
உலகத்து உதடுகள் உணர்ந்து புகழும்!
உன்னத தீபங்கள் உளி செதுக்காச் சிலைகள்.!
மனவாதை இருளின் ஒளி தேவதைகளின்!
மனங்கவர் புன்னகை, மழைமின்னல கீற்றுகள்.!
வாழ்க்கைச் சுவடுகளின் காலடித் தடங்கள்.!
வாழும் கவிதையாய் நடமிடும் மழலைகள்.!
பெற்ற செல்வங்களைப் பேணத் தவறிடில்!
சுற்றம் தொலைந்திடும், பற்று அறுந்திடும்.!
குற்ற உணர்வுடன் வெற்றி தொலைப்போம்.!
மற்றவர் போற்றிடும் நிலை விலகிடும்.!
காற்றுள்ள போது கறைகளைத் தூற்றாவிடில்,!
ஆற்றில் வெள்ளமாய் சேற்றோடவர் புரள்வார்.!
கற்ற அறிவாலெவரும் கொற்றம் பெறலாம்,!
நற்றமிழ் வானில் துருவ நட்சத்திரமாகலாம்,!
பண்பு மேடையில் அன்பு வாழ்வமைக்கலாம்,!
இன்ப நகரத்துச் சரித்திர நுழைவாயிலாகலாம்,!
மழலைப் பூக்களை மதித்து அணைத்தால்.!
மனிதநேயக் கிரீடம் மகிழ்ந்து அணியலாம்
வேண்டாம் உலக.. நிறைவேறாத.. தமிழே
கிரிகாசன்
01. !
வேண்டாம் உலக வாழ்வு!
---------------------------------------!
சிலையாகக் கல்லாகச் செங்கதிர் ஒளியாகச்!
சிவந்ததோர் மாலைவிண்ணின்!
அலையும்வெண் முகிலாக அதனூடு மதியாக!
அடங்காத திமிரெடுத்த!
மலையாகக் குயிலாக மரம்மீது துணைகூடும்!
மகிழ்வான குருவியாக!
இலைபூவைத் தழுமோர் இளந்தென்றற் காற்றாக!
எம்மையும் படைக்காத தேன்?!
நிலையாக ஒர்நேரில் நிற்கின்ற மரமாக,!
நில்லாமற் தடம்புரண்டு!
அலைந்தோடும் காட்டாற்று அருவியாய் அதுசேரும்!
ஆழியென் றாக்கலின்றி!
தொலையாத துயரோடு தோன்றிடும் பிணியாலே!
தூரமென் றின்பங்கொண்டு!
கொலைபாதகர் கையின் கொடும்வாளில் உயிர்போகும்!
கோலமும் ஏன் படைத்தாய்?!
குலையான கனியாக கூடிடும்கொத்தான!
குறுவாழ்வு மலர்கள்போலும்!
தலைசாய வீழ்ந்துமண் தழுவுநெற் கதிராக!
தன்மானங் கூனலிட்டு!
இலையென்ற துன்பங்கள் எதிர்வந்து மனதோடு!
இழையவும் தளதளத்து!
புலையுண்டு மதிகெட்டு பிறழ்கின்ற வாழ்வாகப்!
பிறவியுந் தந்ததேனோ?!
கிளை தூங்கு சிறுமந்தி யெனஓடி வீழ்ந்துமோர்!
கீழ்மையில் சிந்தைவாட!
வளைகின்ற முதுமையோ வாவென்று கூறிமேல்!
வானத்தின் திசைகாட்டிட!
நுளைகின்ற காற்றாலே நுண்துளைக் குழலூதும்!
நேரிலே உடலூதியும்!
விளைகின்ற உயிர்க்காற்று விதிகொள்ள வீழுமிவ்!
வெற்றுடல் தந்ததேனோ?!
மழைகொண்ட வான்மீதில் மறுகோடி உறையுமென்!
மாதேவி சக்திதாயே !!
பிழைகொண்ட வாழ்வீது பேர்மட்டு முயர்வான!
பிறவியாம் மனிதமென்றே!
துளைகொண்ட மேனியுந் துடிக்கின்ற வேளைகள்!
துஞ்சிடுந் நெஞ்சம் வைத்து!
விளைகின்ற மேனியில் விஷம் வைத்து மீந்தனை!
வேண்டா மிவ்வுலக வாழ்வு!!
02. !
நிறைவேறாத காதல்!
-----------------------------!
நீரைஉடைத்து நெருப்பைக் கிழித்தவள்!
நெஞ்சிலுறைய நின்றேன் - பெரும்!
வேரைஉடைத்து விழுத்தி மரமேறி!
வெண்முகில் தாவிவந்தேன்!
தாரையெனக் கொட்டும் வான்மழைத் தூறலைத் !
தள்ளி நெளிந்து சென்றேன் - சிறு!
தேரைஉருட்டிநற் தென்றல்வழி ஓடி!
தேன்நிலாவில் தேடினேன்!
கூரையி லேறிவான் கொட்டிய தாரகைக்!
கூட்டத்தைக் கைபொறுக்கி - அதை!
ஆரமெனக்கட்டி ஆனந்தக் கூத்திட்டு!
அன்பில் அளிக்கவென்றே!
ஈரமுகில் தொட்டு மோதவிட்டு அது!
மின்னிய வெண்ணொளியில் - அங்கே!
தூரம்கி டக்கின்ற கோள்களும் சுற்றிட!
துள்ளிக் கடந்து சென்றேன்!
மாலையில் வீசிடும் தென்றலின் பூமணம்!
மெல்லப் பிரித்தெடுத்தேன் - அவள்!
காலையில் வந்திடக் காயும் வெய்யோன் மீது!
கையள்ளி நீர்தெளித்தேன்!
மூலை, நிழல் இவைமீது நிறங்கொள்ள!
முற்றும் வெள்ளையடித்தேன் -ஆயின்!
சேலை அணிந்தவள் செல்லும்வழிகண்டாள்!
சேரமுடிய வில்லை!
தென்னை மரமேறிப் பாக்கும் கமுகினில்!
தேங்காய் பறித்துவந்தேன் அந்தப்!
பின்னை வளவுக் கிணறுதனைச் சற்று!
பக்கம் இழுத்துவைத்தேன்!
சொன்னசொல் மீண்டும் பறித்தெடுத்து குரல்!
சொல்லை விழுங்கிநின்றேன் - அட!
எண்ணில் நாலுதன்னை இரண் டிரண்டாக்கிடா!
ஒன்றிட ஒட்டிவைத்தேன்!
ஆனவகையினில் ஆகாதவேலைகள்!
அத்தனையும் புரிந்தேன் - ஆயின்!
ஏனோ அவள் மனம் எண்ணுவதேனென!
ஏதும் புரிவ தல்லேன்!
தேனோ மானோஇளந் தென்றலதோ எனத்!
தேடியலைந்து சென்றேன் - ஆயின!
வீணோ அவள்விழி ஓர்கணமும் என்னை!
வேடிக்கை காணாநின்றேன்!
கண்ணில் கனலெழில் கார் குழல் மாரியும்!
கன்னம் பழமெனவும் அவள்!
வண்ண நிலாமுகம் வீசும் காற்று மொழி!
வேதனை பார்வைதரும்!
எண்ணம் கனவிலும் ஏய்த்திடும் நெஞ்சமும்!
ஏனோ மனதிற் கொண்டாள் - இள!
வண்ணம் எடுப்பென வாய்த்தவளாம் இவள்!
வந்து அணைப்ப தெப்போ?!
!
03.!
தமிழே தருவாயா?!
-------------------------------!
தமிழோடு விளையாடித் தரநூறு கவிபாடித்!
தவழ்கின்ற பெருவாழ்வு வேண்டும்!
இமைமீது விழிகொண்ட உறவாகக் கணமேனும்!
உனையென்றும் பிரியாமை வேண்டும்!
கமழ்வாச மினிதான கனிகாணுந் தருவாக!
கனம்கொண்டு இவன்சோலை யெங்கும்!
திகழின்பத் தமிழான தென்றும்நற் பொலிவாகி!
தினமொன்று கனிந்தாக வேண்டும்!
சுவையான தெனஅன்னை தமிழோடு பயில்கின்ற!
சுகமான உணர்வென்றும் வேண்டும்!
அவைகூற அவையேறின் அழகென்பதென யாரும்!
அதுகண்டு புகழ்கூற வேண்டும்!
எவைமீதி இருந்தாலும் எதுமீறி நடந்தாலும்!
உனதன்பு அதைமேவ வேண்டும்!
இவைபோதும் எனவல்ல இகமீது தமிழ்போதை!
எழுந்தின்ப நதிபாய வேண்டும்!
குவை தங்கம்,கொடி ஆட்சி, குடிவாழும்!
ஊரென்று எது தந்தும் பரிசாகக் கேட்டும்!
அவையொன்று நிகரில்லை அரசாளத் தமிழேடும்!
அதிகாரம் அதில் உண்டுபோதும்!
குவிகின்ற மலர்மீது கொள்கின்ற துயில்போலும்!
கலையன்னை மடிமீது சாயும்!
கவினின்பக் கணம்போதும் கருதேனே பிறிதேதும்!
காணென்று மனம்கூற வேண்டும்!
ரவிவானில் வரும்போதி லெழுவான ஒளியாக!
என்றென்றும் பிரகாசம் வேண்டும்!
இரவில்வந்த நிலவாலே எழுகின்ற மனபோதை!
இதனோடு இழைந்தோட வேண்டும்!
சரமாலை யணியாகத் தமிழன்னை புகழேந்தி!
தருகின்ற கவியாவும் என்றும்!
வரமான தரவேண்டும் வளர்வொன்று தானின்றி!
வழுவாத நிலைகொள்ள வேண்டும்
விடுமுறைதினம்
காருண்யன்
ஒவ்வொரு விடுமுறை நாளும் !
ஏறக்குறைய இப்படித்தான் ஆகிறது !
இந்த நாளை எப்படி !
வித்தியாசமாக்கலாமெனச் சிந்தித்தபடியே !
பதினொரு மணிவரைக்கும் கட்டிலிலிருப்பேன் !
நீந்தப்போகலாமா? தண்ணியடிக்கலாமா? !
பிள்ளைகளை வெளியேகூட்டிப்போகலாமா? !
யாராவது பெரியவர்களைப் போய்ப்பார்க்கலாமா? !
பாதியில்விட்ட கதையைப் பூர்த்தியாக்கலாமா? !
புத்தக அலமாரியைத் தூசுதட்டலாமா? !
போஸ்ட்டில் புதிய நூலேதும் வராதபோதும் !
முடிவுக்குவர முன்னாலே மதியம் திரும்பிவிடும் !
மனைவி பெரிய செலவொன்றையும் !
அறிவிக்காதவரையில் பர்ஸானது !
மிதக்குமா தாழுமா மனஞ்சுழல !
விஷ்கியும் சிக்கன் ஃப்றையுமா !
'றம்'குப்பியும் சாடின் மீனுமா !
இல்லை பியரும் கருவாடுந்தானா? !
எக்காலத்தும் எல்லோராலும் !
சபிக்கப்பட்டாலும் இருக்கும் !
சில்லறையுடன் எப்போதும் தன்னை !
அட்ஜெஸ்ட் செய்துபோவது !
இளவெடுத்த !
இந்தச் சோமபானந்தான்! !
03.07.2005
