மது மாது சூது வேண்டவே : வேண்டாம் ! !
மண்ணாசை பெண்ணாசை பேராசை வேண்டாம் ! !
பிறன் மனை நோக்கவே வேண்டாம் - அதில் !
பேரின்பம் உண்டென்று அலைய வேண்டாம் ! !
கல்நெஞ்சர் கயவர் கொடுமதியர் - வஞ்சகர் !
கள்வர் பொறாமைகாரர் உறவு வேண்டாம் !
கடுகளவும் தீமைகளைப் புரிய வேண்டாம் - பிறர் !
குடும்பத்தை ஒரு போதும் பிரிக்க வேண்டாம் ! !
வட்டிப்பணம் வாங்க வேண்டாம் - சிறிதும் !
வரதட்சனை கேட்க வேண்டாம் - ஒரு போதும் !
சட்டத்தை மீற வேண்டாம் - என்றும் !
சங்கடத்தில் மாட்ட வேண்டாம் !
வீண் பேச்சை பேச வேண்டாம் - பிறரோடு !
புறம் பேசி மகிழ வேண்டாம் - வாழ்வில் !
இதையெல்லாம் உணர்ந்து வாழ்ந்தால் !
இறைவனை தேடி எங்கோ அலைய வேண்டாம் !
மாதா பிதா குரு தெய்வம் மதித்து வாழ்ந்து !
மனைவி மக்கள் நலன் பேணிக் காத்து !
குடும்பமே கோவில் என்று வாழும் !
மனிதனே தெய்வம் தேடி வணங்குவோம். !
-து.பாண்டியன்

நீயில்லாத இடம் தேடிக் குவிகிறது!
வார்த்தைகள்..!
உன் நினைவுகளின் அழுத்தம் அறையெங்கும்!
கொல்லும் தனிமையை உடைத்தெறிகிறது கவிதை;!
கவிதையின் லயம் பிடித்து!
வரிகளாய்க் கோர்க்கிறேன்!
உள்ளே நீயிருக்கிறாய்,!
என் பசியறிந்தவளாய்!
என் உறக்கத்தின் அளவறிந்தவளாய்!
என் வாழ்வின் தூரம் முழுதும் உன் மயமாகியிருக்கிறாய்..!
காற்று!
வீட்டுச் சுவர்!
உன் துணிகள்!
எங்கும் தொடுகையில் உன் முகம் உன் குரல் உன் அன்பு!
உன் வாசனைமுழுதும் நான் கலந்து!
என் எல்லாமுமாய் நீ மட்டுமேயிருக்கிறாய்..!
உன் பார்வை விடுபடுகையில்!
போகமாட்டேனென்றுக் கதறியதை நானறிவேன்!
போகையில் மறுக்குமுன் பாதங்களின் தவிப்பை நானறிவேன்!
போய் கடைமுனையில் நின்று திரும்பிப் பார்க்கும்போதே!
ஓடிவந்துவிட துடித்த மனசையும் நானறிந்து!
கூடவே நான் கதறியதையும் இந்த வரிகளுக்குச்!
சொல்லிவைக்கிறேன்..!
இந்த வரிகள் நம் பிள்ளைகளுக்கு நம்!
அன்பைச் சொல்லும்!
அன்பு அவர்களையும் வளர்க்கும்!
அவர்களால் வலுக்கட்டுமிந்த சமுகம்’ போய் வா!
ஊர்போய் நீ திரும்பி வரும்வரை,!
நீ விட்டுச்சென்ற உன் மனசாக!
துடித்துக்கொண்டேயிருப்பேன் நானும்’ உனக்காய்!!!

திரைப்பட வாய்ப்பு மறுக்கப்பட்டு!
ஊடக வாசல்கள் மூடப்பட்டு!
அலைகள் உரசும் கரையின் நடுவே!
பயணம் போனான்!
கம்பன்!
பசியோடு!
சுவடுகளின் உதிர்ந்த!
கவிதைச் சொற்களைக்!
கையகப்படுத்திய கடல்!
பையப் பையப்!
பாற்கடல் ஆயிற்று,,,!
வறண்ட காவிரி!
மனதைப் பிறாண்ட!
தொண்டை அடைத்தது!
கவிச்சக்கரவர்த்திக்கு.!
கொக்கக்கோலா விற்கும்!
சிறுவனுக்குக் கொடுக்கக்!
காசில்லை.!
சம்பந்தமில்லாமல்!
அரபு நாட்டிற்குப் பிழைக்கப்போன!
சடையப்பன் ஞாபகம்!
தொற்றிக் கொண்டது.!
குலோத்துங்கன் டெல்லிக்குப்போய்!
நான்கு நாளாச்சு!
அமெரிக்க அதிபர்க்குக்!
கொடை கொடுக்கப் போனவன்,,,!
மிச்சமிருக்கும் காவியச் சித்திரங்கள்!
கோடைவெயிலில்!
வியர்வைத் துளிகளாய்!
உதிரத் தொடங்கின,,,!
(தொடரும்)!
-சேதுபதி!
[ இது நெடுங்கவிதைகளின் தொகுப்பு நூல் ]

தேவமைந்தன் !
அன்பரே, தற்பொழுது என் பரிணாமம் !
இந்த 'ஜங்க்' காலத்துக்கு ஏற்பவே. !
பொருளாதாரம் - அகம்புறம், !
வீட்டிலிருந்து நாடு, !
நாட்டிலிருந்து வீடு.. வீங்கி. !
சதா விளம்பரங்கள் துண்டித்தும் !
தொடர்ந்து தொடர்கள் பார்த்து-- !
அழுது, விசும்பி, சிரித்து, அதே வசனங்களை !
வாய்ப்பு நேர்கையில் விடாதென் குடும்பத்திலும் விளம்பி--- !
வேறுவீடு பார்த்து, தனிவிலகிப்போய், !
என்னிலிலிருந்தே என்னை விலகவைக்கும் - வினோத !
ஊடக வார்த்தைகளுக்கெல்லாம் விடாமல் செவிகொடுத்து, !
கடனோ உடனோ கால்பிடித்து கைபிடித்து வாங்கி; !
'இங்க்லீஷ் பேப்பர்' வாங்கி, அப்படியே !
மடித்த மடிப்புக் குலையாமல் அடுக்கியே வைத்து !
'வெய்ட்'டுக்குப் போட்டு; அற்பச் சிறுதொகை !
அதையும் கூட அடுத்தபெருஞ் செலவுக்கு !
அச்சாரமாக்கும் நடுத்தரக் குடிமகன், !
வேறுஎன் செய்வேன்? விலகியே வாழ்வேன். !
சம்பளம் வாங்கும் வேலைப் பொறுப்பும் !
ஒழுங்காய் வாழும் வாழ்க்கைப் பொறுப்பும் !
சுற்றிச் சூழும் நீர்போல் எனக்கு. !
எதிரிகள் பலப்பலர். !
விலகி விலகியே நீச்சல் அடிப்பேன். !
நண்பர்கள் மாறுவர் நாளும் எனக்கு. !
எவர் என்ன ஆனாலும் எப்படிப் போனாலும் எனக்கென்ன? !
பயன்பெறு; தூக்கியெறி - என்பதுஎன் !
புனித வாசகம். !
''பயன்பெற வாயாத யாரும் எதிர்வந்தால் !
பாராமல் போயே பழகு'' - அடியேனின் !
புதிய குறள். !
தகவமைப்பு உயிர்களை உருவாக்கும் !
என்பது அறிவியல். என்றால் நிகழ் உலகில் !
மீனாகவே இருப்பேன் நான். !

A.Pasupathy(Devamaindhan)

மனதின் ரணங்கள் !
நாட்கள் கடந்தாலும்!
ஆறாது !!
மனதின் ஏக்கம்!
மாதங்கள் கடந்தாலும்!
மாறாது !!
மனதின் துக்கம்!
வருடங்கள் கடந்தாலும் !
தீராது !!
என் மனதில் தங்கள் நினைவுகள்!
ஜென்மங்கள் கடந்தாலும்!
நீங்காது !!
இனி ஏவறும் குடியிருக்க முடியாது !
கிழிந்து விட்ட மனதில்!
அதை தைப்பதற்கு !
வேறு ஏவரையும் அனுமதிக்க !
இயலாது !!
!
நீங்கள் விட்டு சென்ற!
நினைவுகளை!
கவிதைகளாக்கி கொண்டேன் !!
!
நீங்கள் விட்டு சென்ற!
கவிதைகளை!
நினைவுகளாக்கி கொண்டேன் !!
இவை இரண்டையும்!
நிரந்தரமற்ற!
நிமிடங்களில்!
ஜிவிக்கும்!
என் வாழ்க்கை !
ஆக்கிக்கொண்டேன்

என் அம்மா எங்கே இருக்கின்றாய் .?!
நானும் நீயும்!
அப்பாவும் தம்பியும் அனைவரும்!
அன்பாகத்தானே இருந்தோம்!
ஊரெல்லாம் ஓடிக்களைத்த!
என் மனதில் நீயும்!
உன் அன்பும் ...!
உறவுகள் நீங்கிய உலகில்!
சூனியமாகிவிட்டது வாழ்க்கை!
பதுங்கு குழி வாழ்க்கை!
பயமாயுள்ளது அம்மா !!
மீண்டுமொருமுறை தருவாயா கருவறையை!
வேண்டாம் !!
வானிலிருந்து காற்றின் திசை பிளந்து!
இறங்கும் குண்டுகளுக்கு தெரியவா போகிறது ...?!
வித்தியாசம்!
பதுங்கு குழிக்கும் கருவறைக்கும் ....!!
!
-கா.ஆனந்த குமார் !
தமிழ் ஆய்வாளர்!
பாரதியார் பல்கலைக்கழகம்!
கோயம்புத்தூர் -46

முகம் ஒளித்த!
பறவைகளின் ஒலிக்கலவை!
செவி தீண்டும்!!
'கலவை' இல்லை 'இசைமை' என்று மனம் கூறும்!
ஓசைகடந்த ஓங்காரம் !
உறைக்காது மரத்த புலன்!
இதை விடவும் வார்த்தை தேடி!
இம்சையுறும்!!
சொற்கள் சிறையமைக்க!
மெளனம் விடைபெறும்!!
ஓசை குழப்பமாய்க் குடிகொள்ளும்.!
-சிதம்பரம் நித்யபாரதி

என்னைக் கடந்து செல்லும்!
முகங்களின் புன்னகைகளை!
ஏளிதில் என்னால்!
நம்பிவிட முடியவில்லை !
புன்னகைகளின்!
பின்னால் தடவப்பட்டுள்ள!
விஷங்களின் கதிர்கள்!
என்னைப் பயமுறுத்துகின்றன !
என் முன்னால்!
பற்கள் வெள்ளையாய்ச் சிரிக்கின்றன!
என் பின்னால்!
அவை என்னைக் கேவலப்படுத்தி!
வஞ்சகம் செய்கின்றன !
எதையும் நம்பிவிடமுடியாதபடி!
காலம் என்னைக்!
கடந்தபடி இருக்கிறது !
ஊரெல்லாம் என் கதைகளை!
சொல்லித் திருப்திப்படுகின்றன வாய்கள் !
வாய்களில் வழிந்தபடி இருக்கும்!
விஷங்களையும் வீணீரையும்!
என் கண்கள் கண்காணித்தபடியே இருக்கின்றன !
யாரையும் எளிதில்நம்பமுடியாத!
அபத்தம் எண்ணி!
என் மனம் அழுகின்றது !
என் முன்னால்!
நீலம் பாரித்த ஒரு நதி!
ஓடிக்கொண்டிருக்கிறது !
ஏன் கண்ணீர்த்துளிகள்!
நீலநதியில் சேர்கின்றன !
கண்ணீர்த்துளிகள்!
என்றோ ஒரு நாள்!
நதியைச் சுத்திகரிக்கும்!
என்று என் மனம்!
நம்பியபடி இருக்கிறது

இனியும் வேண்டாம் !
சத்தி சக்திதாசன் !
!
கனவாக வாழ்ந்தது போதும் !
கதையாக கேட்டது யாதும் !
கண்களை திறந்திடு இனியும் வேண்டாம் !
காற்றோடு போகும் பேச்சு ! !
அறிவை நீ வளர்த்திடு !
அதுவே உனை உயர்த்திடும் !
அன்பை நீ மதித்திடு - இனியும் வேண்டாம் !
அழகான விளக்கங்கள் ! !
ஆசையை அளந்திடு புவியில் !
ஆபத்தை உணர்ந்திடு நெஞ்சில் !
ஆணித்தரமாய் உரைத்திடு - இனியும் வேண்டாம் !
ஆணவ சுய விளம்பரம் ! !
ஆக்கங்கள் தான் உன் சமூகத்தை !
ஆக்கி வைக்கும் என்றும், அழிவல்ல !
ஆதாரம் உன் மொழி - இனியும் வேண்டாம் !
ஆதாயம் தேடும் அரசியல் ! !
தவறு செய்யா மனிதனில்லை !
தப்பு செய்பவன் மனிதனேயில்லை !
தன்னை அறிந்திடு - இனியும் வேண்டாம் !
தப்புத் தாளங்கள் வாழ்விலே ! !
ஆற்று வெள்ளம் அடிக்கும் போது !
அழிவது மரமே நாணலல்ல !
ஆணவம் என்றும் அழகல்ல - இனியும் வேண்டாம்!
ஆத்திரம் ; அவசரம் ! !
இனியும் வேண்டாம் : இனியும் வேண்டாம் !
இதயம் தன்னில் வெறுமை அதனால் !
இரக்கத்திற்கே வறுமை !
இன்பம் கொழிக்கும் வாழ்க்கை !
இளையவர் உங்கள் கைகளில்

அம்பத்தேழு வயசு கணவன்!
சர்க்கரை வியாதியால்!
செத்து போனதுக்கு!
வாயையும் வயிற்றையும் !
அடித்துக்கொண்டு!
அழும் மனைவி,!
“என் ராசாவ!
எடுத்து போனதுக்கு!
பதிலா!
தொண்ணுத்தி மூணு!
வயசுலயும்!
கல்லு மாதிரி இருக்குற!
அவர் அம்மா!
போயிருக்கலாமே…” !
என்கிற புலம்பலை....!
டிவி நாடகங்கள்!
பார்க்காமல், !
கதை சொல்லி,!
நிலா சோறு ஊட்டி,!
நடக்க கத்து கொடுத்த!
பாட்டியா பத்தி !
பேசுறது கேட்டு!
பதறுகிற!
பேரக் குழந்தைகளுக்கு!
தெரிய வில்லை!
ஐம்புலன்களையும்!
அடக்கி!
தியானம் பயின்ற!
பாட்டியின் காதில்!
கடும் சொற்கள் !
விழ போவதில்லை!
என....!
!
-முருகன் சுப்பராயன!
Murugan Subbarayan, Mumbai