உயிர் ஒன்று மட்டுமே!
ஊசலாடும் நிலையில்!
ஒட்டிக் கொண்டிருக்க,!
கால்களுக்குக் கூட!
போக்கிடம் இல்லாமல்!
கவலைகள் மலையாய்க்!
கனத்துக் கிடக்கும் மனது.!
முட்களே இங்கு!
ரோஜாவைக் குத்திக்!
காயப் படுத்திக் !
கசக்கிப் பிழியும் நிலையில்,!
இடுப்புக்கு மேல் துணியின்றி!
எல்லோரும் காந்திகளாய்...!
சுற்றம் என்பதே புதிராகி!
முற்றும் துறந்த கீழ்நிலையில்!
ஒட்டுமொத்த இனமே!
ஒடுங்கிப் போனது.!
உலகத்தில் தமிழுக்கு!
உயிர் கொடுத்த கூட்டம்,!
இனபேதத்தைப் பயிராக்கி!
ஈனத்தை வளர்க்கும்!
சர்வாதிகாரச் சாக்காட்டில்!
சதிராடித் திணறுகிறது.!
புத்தனைக் கூடத் தனது!
போதனைகளில்!
பொல்லாங்கு தெரிகிறதா என்று!
திருப்பிப் பார்க்கவைக்கும்!
வெறுப்புகளைச் சுமந்தவர்கள்!
விதைத்த வினை இன்று!
வேதனைகளை விளைச்சலாக்கி!
வேரூன்றி நிற்கிறது

இது எனது வீடு.!
இந்த வீட்டின்!
ஓவ்வொரு மூலையும் என்னுடையவை.!
ஓவ்வொரு மூலையும் தனித்துவமானவை!!
இதோ!
இந்த மூலையில்!
இரண்டு பாத்திரம், நாலு கரண்டி!
ஒரு அடுப்பு…!
எல்லாம் எனது!
எதிர் மூலையில்!
எனக்கென்று வாங்கித்தந்த!
பெரும் இயந்திரங்கள்!
துணிகள் துவைக்கவும்..!
காயப்போடவும்..!
ஒவ்வொரு அறையிலும்!
பெரிய அலமாரிகள்!
காய்ந்ததை அடுக்கவென்று!
வலப்பக்கம் !
இருக்கும் மூலையில்தான்!
படுக்கையறை.!
படுக்கவும்…!
கலைக்கவும்…!
பின் விரிக்கவும்!!
அதன் இடப்புறமும்!
எனது மூலைதான்!
ஒரு தொட்டில்!
பால் போத்தல்கள்!
பொம்மைகள்!
அழுக்குத் துணிகள்...!
டீவி,!
மேசை, !
இருக்கைகள்.!
ஆதன் மேல் எறியப்பட்ட!
பொருட்கள்.!
அடுக்கவும் துடைக்கவும்!
சாப்பாட்டு மேசை,!
தூசி தட்ட பலவித பொருட்கள்.!
எல்லாம் என்னுடையவைதாம்!
வீட்டின் பொறுப்பானவர் என்ற!
பெயரில்!
வீட்டுப்பத்திரம்!
மட்டும் !
என்னை மொத்தமாய் ஆட்கொண்டான்!
பெயரில்!
-கவிதா. நோர்வே

நர்மதை நதி.!
சரோபவர் அணைக்கட்டு.!
23 ஆண்டு தவம்!!
ஆர்பாட்டமே இவளின் வாழ்க்கை,!
ஆர்பணிப்பே இவளின் வேட்கை.!
நர்மதை நதி கூட!
இவள் நாடியின் துடிப்பறியும்,!
மேகத்தின் துளி கூட!
மேதாவின் சொல் கேட்கும்,!
மேதா பட்கர்.!
அரசியலுக்கு அப்பாற்பட்டு!
அகிம்சா வழியிலே,!
தொலைநோக்கு பார்வைகொண்டு!
தொடர் உண்ணாவிரதம்,!
உயிரையும் விடத்தயார்!
அணை உயர்வதை தடுத்திடவே,!
மக்கள் செத்து வீழ்ந்தாலும்!
செவிசாய்க்க மறுக்கும் அரசின்!
செவியில் அறைந்து கேட்கும் தைரியம்,!
இவள் நலத்தில் இன்னல்கள் விரும்பும்,!
பொது நலத்தில் தன் நலன் மறந்தும்.!
தனியொரு மனிதமாக!
இத்தரணி முழுவதும் சிறந்தும்,!
மக்கள் நலன் காக்கும்!
இவள் ஆத்மா!
மனித நேயத்தில்!
மகாத்மா!
இவளின் அரவணைப்பு இருக்கும்வரை!
அணைஉயரா!!
இவள் அயர்ந்த பின்னே?!
!
எழுத்து: பாண்டித்துரை

அகலத்துக்கும்!
அன்பைப் போதித்த அன்னையே!!
மனிதக் குவியல்கள்!
மடிந்த!
எங்கள் பூமிக்கு வா… !
அல்லலுற்று !
அளவு கணக்கின்றி!
அழிவுக்கு ஆட்பட்டு!
அகதிகளாய் அலைந்து!
அவதிப்படும் ஆத்மாக்களை !
சேர்த்தணைக்க!
எங்கள் பூமிக்கு வா…!
அப்பாவிகளை !
புல்டோசர் கொண்டு !
அரைத்துப் பார்த்தது!
எங்கள் பூமிதான்!
உடைப்பதற்கென்றே !
உருவெடுத்த!
உருவங்களைப் பார்க்க!
எங்கள் பூமிக்கு வா… !
புதைக்க நேரமில்லாத!
புழுத்துப்போனது தேசம்!
பூவாடை இன்றி!
பூக்கள் கருகி !
இன்றும்!
ரத்த வாடை வீசும் !
பாலைவனத்தை பார்ப்பதற்கு!
எங்கள் பூமிக்கு வா… !
திரைமறை நாடகங்கள் !
திசை யாவும் சூழ்ந்துவர!
நச்சுப் புகை வந்து!
நசுக்கியதை அறியாயோ!!
பீரங்கி வேட்டுக்கு இனி ஒரு!
பிஞ்சுடம்பும் வேண்டாம்!
ராட்சத சூரியன்போல்!
எங்கள் பூமிக்கு வா…

சிந்தனையில் தீ வை...!!!.. தீயினை கண்களில் கொழுத்து!
உன் மேனியில் அல்ல...!!! !
01.!
சிந்தனையில் தீ வை...!!!!
---------------------------------------!
தமிழகம் என் தாய் வழி உறவடா...!!!!
தம்பிகளா நீங்களெல்லாம் எங்களின் தொப்புள்கொடி உறவடா...!!!
வேண்டாம் இந்த தீக்குளிப்பு!
போதும் இதுவரை கண்ட இழப்பு!
இனியும் தாங்கமுடியாது இனியொரு உரியிழப்பு..!!!
முத்துக்குமார் இட்ட தீயை - உன்!
நெஞ்சினில் ஏந்து!
உன் மேனியில் அல்ல..!!!!
உன் மேனியில் இட்ட தீ !
ஒரு வீரத்தமிழனை அழிக்கும்...!
உன் கண்களில் தீயை வை!
உன் நெஞ்சினில் விடுதலை தீயை பற்ற வை -அது!
ஆயிரம் தமிழனை வாழவைக்கும்.!
உயிரை விடாதே உன் உணர்வை தா...!!!!
என் சகோதரா!
தீக்குளிக்க வேண்டியவன் நீயல்ல...!!!!
நில்!
சிந்தனையில் தீ வை...!!!!
உனக்கே புரியும் எரிக்க வேண்டியது உன்னையல்ல...!!!!
02.!
தீயினை கண்களில் கொழுத்து!
உன் மேனியில் அல்ல...!!! !
---------------------------------------!
”மக்கள் புரட்சி வெடிக்கும்!
சுதந்திர தமிழீழம் மலரும்”!
அண்ணன் திலீபன் உயிர் கருகும் போது!
சொன்ன வார்த்தை...!
இன்று தமிழகமெங்கும் ஓங்கி ஒலிக்கும் நேரம்!
மாணவர் புரட்சி வெடிக்கும் தருணம்...!
தொப்புள்கொடி உறவுகள் தோள் கொடுக்கும்.!
எப்போதும் உங்களை எங்களின் இரத்த உறவுகளாய்த்தான் பார்க்கிறோம்!
எப்போதும் உங்களின் மேல் வைத்த நம்பிக்கையையும் விட்டதில்லை.!
தம்பிகளா உங்களின் எழுச்சி ...!!!
தங்கைகளே உங்களின் கோபங்களின் வீரியம்..!!!
தம்பிகளா உங்களின் ஒற்றுமை..!!!
தங்கைகளே உங்களின் கொள்கையின் நம்பிக்கை..!!!
இதில் எதுவுமே சோரம் போகாத !
யாருக்கும் அடிபணியாத!
எவனுக்கும் விலைபோகாத உறுதியோடு!
பார்த்துக்கொள்ளுங்கள்.!
நம்புகிறோம் இப்போதும் உங்களைத்தான்.!
நமக்கென்று யார் இருக்கிறார் உங்களை விட்டால்...!!!!
நம்புகிறோம் உங்களின் கண்களில் தெரியும் கோபத்தை...!
நம்புகிறோம் உங்களின் வார்த்தைகளின் ஆழங்களை...!
நம்புகிறோம் உங்களின் உணர்வுகளின் உண்மைகளை...!
நாங்கள் நம்பிக்கையை எப்போதும் கைவிட்டதில்லை..!
அதனால்த்தான் ஈழத்தமிழன் இன்னும் உயிர் வாழ்கிறான்.!
தொப்புள் கொடி உறவுகளே...!
கண்ணகி இட்ட தீ மதுரையை எரித்ததோ இல்லையோ..!
முத்துக்குமார் இட்ட தீ தமிழத்தில் எரிகிறது....!!!!
தியாகி திலீபனும் முத்துக்குமாரும் ஏற்றிய தீபம்!
எண்ணையை ஊற்றி ஏற்றவில்லை!
அவர்கள் தங்களையே ஊற்றி ஏற்றிய தீபம்...!!!
அணையாத தியாக தீபங்கள்!
யாரும் அணைக்க முடியாத அமர தீபங்கள்...!!!
முத்துக்குமார் கண்ட கனவு பலிக்கும் !
அவன் கண்முன்னே மாணவர் புரட்சி வெடிக்கும்.!
தமிழீழம் எங்களுக்கு தாய்!
தமிழகம் எங்களுக்கு பெரிய தாய் உறவு!
தம்பிகளா நீங்களெல்லாம் எங்களின் தொப்புள் கொடி உறவு!
எங்களின் வலிகளிலும் சோகங்களிலும் உங்களுக்கும் பங்கு!
அடக்குமுறைகளும் அதிகார வெறியாட்டங்களும்!
உங்களுக்கு புதிதல்லவே...!
அட எதற்கு நீ அஞ்சவேண்டும் -கொஞ்சம்!
உரத்தே கேள்...!
அரசியல் பேசும் அசிங்கங்கள் சிலரை!
அருகிலும் அண்டாதீர்கள்!
அவர்களின் அழுக்கு ஒட்டாமல் பழகு.!
துரோகிகளை கண்டால் தூர விலகு.!
மாணவன் என்றால் வெள்ளை அழகு.!
நிமிர்ந்து நில் உன் கொள்கையும் அழகு.!
விடுதலை தீயினை கண்களில் கொழுத்து!
உன் மேனியில் அல்ல...!!!!
மாணவன் என்றால் மாற்றங்கள் என்று...!
மகிந்தனின் ஆயுளை மாற்றி எழுது.!
தமிழீழத்துக்காக உங்கள் உயிர்களை கருக்காதீர்கள்...!
தமிழகமே எங்களுக்காக உணர்வுகளை கொடுங்கள்.!
தம்பிகளா உங்களின் தாகம் அடங்க தண்ணீர் கேட்காதீர்கள்!
தமிழீழம் கேளுங்கள்!
தமிழனுக்காய் நீதி கேளுங்கள்!
உலகத்திடம் எங்களின் உரிமையை கேளுங்கள்...!
உண்மையை உரத்து கேளுங்கள்.!
ஒற்றுமையாய் நின்று கேளுங்கள்.!
ஒயாமல் போராடிக் கேளுங்கள்.!
தமிழகமே...!!!!
தமிழீழம் உங்களின் தாய் வழி உறவு!
எங்களின் வலிகளிலும் உங்களுக்கும் பங்கு

அவள் நடந்தாள்!
எல்லையற்ற பயணமது!
அவள் கண்களிலிருந்து!
கருணையை பருகிக் கொண்டனர்!
அவளது வற்றா முலைகள்!
பலரின் பசியைப் போக்கியது!
அவளது இதயம்!
குழந்தைகளால் பூத்தது!
நம்பிக்கை இழந்தவர்கள்!
அவளின் வார்த்தைகளில்!
உயிர்த்தெழுந்தனர்!
போரும் வாழ்வும்!
இழப்பும் கசப்பும்!
நெஞ்சழுத்த அவள் நடந்தாள்!
அவளின் சோகத்தை!
யாரும் வாசித்ததில்லை!
அவள் அதை விரும்புவதுமில்லை!
மறுபடி மறுபடி!
உயிர்த்தல் அவள்!
வாழ்வாய் இருந்தது!
தன் சின்னக்கால்களால்!
தளரா உறுதியுடன்!
பல்லாயிரம் வருடத்து!
பயணம் அவள் தொடர்ந்தாள்!
அம்மம்மாவின் நினைவாக!
ராகவன்!
30.11.06

என்னால் அவளைப்போல் !
நடந்துகொள்ள முடிவதில்லை. !
இருப்பினும்... !
இதை அவளிடம் !
சொல்லிக்கொள்வதும் இல்லை..! !
உள்ளங்காலில் அடிபட்டால் !
உச்சந்தலைவரை வலிக்கிறது !
அவளுக்கு. !
காயங்கள் குறித்த !
வேதனைகளை !
என்னைவிட அவள்தான் !
உணர்ந்துகொள்வது அதிகம். !
இது ஒரு !
உயிருள்ள உறவு தொடர்பான !
உணர்வின் வெளிப்பாடென்று !
எங்களில்... !
இதுவரை பலர் !
விளங்கிக்கொள்வதில்லை. !
பாசத்தின் கோடுகளையும் !
மனிதத்தின் அடையாளத்தையும் !
இதயத்தின் சத்தங்களையும் !
கன்னத்தின் காயங்களையும் !
உணரமுடிகின்ற குறியீடாகத்தான் !
இன்னும் அவள். !
தாலாட்டுப்பாடி !
சமாதானமாகப்பேசி !
ஒருவழியாக... !
உறங்கவைத்த பின்பும் !
காயம்பட்ட !
குழந்தையின் அழுகுரல்கேட்டு !
இதோ வருகிறேன் என !
குரல்கொடுத்தபடியே !
பக்கத்து அறையிலிருந்து !
பதறிக்கொண்டு ஓடிவருகிறாள். !
இப்படித்தான்... !
எங்களின் கதறல்கள் கண்டு !
தாங்கமுடியாமல் !
பக்கத்துநாட்டிலிருந்தும் !
பல இதயங்கள் !
எங்களுக்காகவே உரத்தகுரலில் !
பேசிக்கொண்டிருக்கின்றன என்பது !
இன்னும்... !
எத்தனைபேருக்கு தெரியும்...? !
--- த.சரீஷ் !
03.02.2006 (பாரீஸ்)

சாத்தானின் கொடிய கரங்களில்!
பூந்தளிர்கள் அகப்பட்டன!
மனிதமற்ற மிருகத்தின் செய்கைகள்!
மிகக் கொடியதாக இருந்தன!
இன்னும் மலராத மொட்டுக்களை!
காமுகர்கள் கசக்கி எறிந்தனர்!
பால்யம் மாறாத முகங்களில்!
பீதி குடிகொண்டது!
கள்ளங் கபடமற்ற!
வெள்ளை உள்ளத்தில்!
உதிரத்தின் ரேகைகள் பதிந்தன!
வேட்டையாடுதலைப் போலே!
மனித உருவில் விலங்குக் கூட்டம்!
விரும்பியே செய்யும் காரியமிது!
பிள்ளைப் பிராயத்தில்!
சித்ரவதை அனுபவிக்கும் வேதனை!
அக்குழந்தையின் பால்யத்தை!
பறித்துவிடும்!
எத்தனை ஆண்டுகள் ஆனாலும்!
நிகழ்வின் சுவடு மட்டும்!
வடுவாக மனதில் தங்கிவிடும்!
குற்றவுணர்ச்சி சிறிதுமற்ற!
ஈனப்பிறவியின் செய்கைகள்!
சமுதாயத்தை முற்றிலுமாய்!
சீரழித்துவிடும்!
இனி என்றென்றும்!
விழிப்போடு இருப்போம்!
அவர்களுக்கு அன்றன்றே!
தண்டணையைக் கொடுப்போம். !
(பாலியல் ரீதியாக வன்கொடுமைக்கு ஆளாக்கப்படும் குழந்தைகளுக்காக)

நாட்டில் அவலமங்கே!
ரோட்டில் வாருங்கள்!
போராடிக் காத்திடுவோம்!
வாதாடிச் சமர்புரிவோம்!
மாணவர் சமூகமிங்கே!
மண்டியிட்டுக் கேட்டுநிற்க!
வீட்டுச் சோறுதின்று!
ஏப்பமிட்டு இடைபெருத்து!
கூச்சலிட முடியாதென்று!
காச்சலென்று பொய்சொல்லி!
நாடகமாடி நடித்திடும்!
வேடிக்கை மனிதர்களுமிங்கே!
வீதிக்கு வந்து எங்கள்!
பாதையை மறைத்து நீங்கள்!
சாலை மறியல் செய்யாது!
காலையே ஊர்போங்கள்!
கனடா எம் நாடென்று!
கனமாய் கூறும் கூட்டமொன்று!
அரசியல் லாபம் தேடும்!
அதிகார வர்க்கங்களூம்!
பழிபாவமென்று வாய்மூடி!
தனிமையாய் விட்டிட!
தடியடித்திடும் போலிசும்!
வேடிக்கை மனிதர்களே!
நாதியற்றவர்களாய்!
நல்லவன் வழிசென்று!
வாழ்வோம் என்றோரு!
நம்பிக்கை கொண்டிங்கு!
வாழும் மாணவர்கள்!
உண்வை, உடையை!
உறக்கத்தை மற்நது!
தயக்கமின்றி மயக்கமின்றி!
தன்னம்பிக்கை உணர்வுடன்!
தேடிக்கிடக்கின்றார் வீதிகளில்!
அவர் பின்னே நாமும்!
வேடிக்கை மனிதர்களே!
விடியலொன்று வேண்டுமென்று!
வேதனை மனத்துடனே!
மரணத்து பயத்துடன்!
அரக்கரது மிரட்டலுடன்!
வாழ்க்கையை வெறுத்துத்!
தாழக்கையை பதித்து!
குறுகிய வாழ்வைத் தேடி!
குறுக்கப்பட்ட மக்களிவர்!
நச்சுப் பாம்புகளிடம்!
பிச்சை கேட்டுக் கையேந்தி!
எச்சிலான மனிதரது!
துயரமும் வேடிக்கைதானோ?

ஒவ்வொரு முறை!
அவள் அனிச்சையாய்!
திரும்பும் போது!
என்னை நோக்கியோ?!
எண்ணிக் கொண்டு!
சிறு புன்முறுவலை!
சொல்லத் தெரியாமல்!
சொதப்பிக் கொண்டு!
ஊடுறுவும் என் பார்வை!
எனக்குள்ளே காதலாகிறது!
கல்லூரி நாட்களை!
கடத்தும் வரை!!
எழுத்து: நீ “தீ”!
தொடர்புக்கு:006582377006!
!
இடைவெளி...!
!
வாரமொருமுறை!
காகித மடலாக!
நினைக்கும் போதெல்லாம்!
தொலைபேசி அழைப்புகள்!
நிமிடத்திற்கு ஒரு!
குருந்தகவல்!
உறவுமுறை ஜனங்களின்!
விசனப்பட்ட விசாரிப்புகள்!
பார்க்கும் இடம் எல்லாம்!
தோன்றி மறையும்!
காட்சிப் பிம்பங்கள்!
இரவின் து£க்கத்தில்!
புன்னகை முனகலாக!
அசைபோடும் மனது!
இதயத்தில் பாரமாய்!
இடைவெளியின் சுகம்!
எழுத்து: நீ “தீ”!
தொடர்புக்கு:006582377006