கண்ணாடித் தொட்டியில் இருந்த!
மீன்குஞ்சுகள்!
ஒருநாள் துள்ளி விழுந்தன!
மாடுகள் தின்னும்!
வைக்கோல் கற்றைக்குள்!
ஒளிந்து விளையாடின!
வேப்பங் குச்சிகளைப்!
பொறுக்கியெடுத்து!
கரும்பெனச் சப்பித் துப்பின!
வயலில் சூடடித்து நீக்கிய!
‘பதர்’ எல்லாம்!
பாற்கஞ்சிக்கென!
தலையிற் சுமந்து!
நிலத்தில் நீந்தி வந்தன!
வீதியிற் போனவர்க்கு!
கொல்லைப்புறச் சாமானெல்லாம்!
விற்றுப் பிழைத்தன!
திருவிழா மேடையில் ஏறி!
ஆழ்கடல் பற்றியும்!
அதன் அற்புதங்கள் பற்றியும்!
நட்சத்திரமீன்களின் அழகு பற்றியும்!
அளந்து கொட்டின!
இப்படித்தான்!
வைக்கோலைச் சப்பித் தின்னும்!
மனிதமாடுகள்போல் கதையடிக்கின்றன!
தொட்டியில் இருந்து துள்ளிவிழுந்த!
மீன்குஞ்சுகள்.!
04/2011

மத்தியானப் பொழுதில் !
நிறுவனத்தின் ஊர்திகளில் !
திணிக்கப்படுகிறதெங்கள் !
எதிர்பார்ப்பு !
சாலையின் அசுரநகர்வில் !
வேகமாக பயணிக்கிறதெங்கள் !
ஆர்வம் !
நெரிசலுக்கிடையேயான நிறுத்தமொன்றில் !
திபுதிபுவென வெளியேறுகிறதெங்கள் !
உற்சாகம் !
காற்று திணரும் !
மனிதக்காடுகளில் !
நுழைந்து !
நகர்ந்து !
முட்டிமோதி வெளியேறுகையில் !
இல்லாமலாகிறதெங்கள் !
ஏக்கம் !
மின்கம்பம் !
கண்விழிக்கும் பொழுதில் !
நிறுவன ஊர்திகள் !
மீண்டும் அள்ளிச்செல்கிறன !
எங்கள் கூடுகளை

நகரத்திற்கு வந்தவனின் இரண்டு!
கவிதைகள்!
!
துயர்ப் பயணக்குறிப்புகள் 1!
---------------------------------!
நான் யுகங்களின் முடிவிலிருந்து!
திரும்பி வந்திருக்கிறேன்!
எறும்பூரும் பாதைகளும்!
வனாந்திரங்களின் ஒலிகளுமற்றதில்லை!
எனது வழித்தடங்கள்!
இறுகிய முகங்களின் சர்வகாலத்தினதும்!
புகைமண்டிய புன்னகைகளை!
எனக்காக விட்டுச்சென்ற!
எல்லோரையும் நானறிவேன்!
இடியதிர்வின் மின்னல் ஒளியில்!
பாதியான என் பாலிய பிராயத்தை!
காடுகளின் இலையுறுமல்களுக்கிடையில்!
தவற விட்டுவிட்டேன்!
குறிகளும் முகங்களுமில்லாத!
ஆயிரமாயிரம் மனிதர்களுக்கிடையில்!
நான் திரும்பி வருவேனென!
யாரும் நினைத்திருக்க முடியாது!
நான் வந்தேன்!
மௌனகாலத்தில் மிதந்த கடல்!
முதல் முறை அலையெழுப்பிற்று!
வானத்திற்கு அப்பாலான வெளியிலும்!
நான் அதைக்கேட்டேன்!
கிரகங்களின் ஒளிமுகங்களிலும்!
எனது புன்னகை ஒட்டிக்கிடந்தது!
தூக்கு மேடைகளும் கயிறுகளும்!
நிறைந்த பொழுதுகளில்!
ஒரு அந்நியனின் பார்வையழிந்து!
இன்னொரு அந்நியன்!
தெருக்களில் உலாவந்த நாட்களில்!
நான் தெருக்களில் வதைபட்டேன்!
உங்களில் எவருமே தெருவுக்கு வரவில்லை!
இன்று நான் வந்தேன்!
பிரபஞ்சத்தின் கடைசியிரண்டு!
கண்ணீர்த்துளிகளும் காய்ந்துபோன பிறகு!
நான் வந்தேன்!
தெருவில் சயணித்த மனிதர்களின்!
ஆழ்ந்த உறக்கத்தின் அலறல்களில்!
நான் கழுத்தைத் திருகியெறிந்த!
கனவுகளுடன் வந்தேன்!
ஆனால்!
இன்னும் நீங்கள் தெருக்களுக்கு வரவில்லை!
இலைச்சஞ்சாரம்!
காற்றில் இல்லாமலே போய்விட்டது!
நானே தெருக்களில் அலைகிறேன்!
நான் மட்டும் ஒருவனாக!
தனி ஒருவனாக!
துயர்ப் பயணக்குறிப்புகள் 2!
-------------------------------------!
நண்பனே!
சர்வசாதாரணமாக வார்த்தைகளை!
உதிர்க்கப்பழகிவிட்டாய்!
மொழி தெரியாத ஒரு நகரத்தில்!
நான் ஒரு பித்தனாய்த் திரிந்தேன்!
வாகனங்களின் நெரிசலுள்ளும்!
மனித இடிபாடுகளிலுள்ளும்!
வெறும் அலங்கார ஒளிர்வுகளிலுள்ளும்!
எனது குரலை மறைத்தபடி திரிந்தேன்!
உனது வார்த்தைகளை!
இயல்பானதென நீ வாதாடுகிறாய்!
நான் வார்த்தைகளை காற்றிலே விட்டெறியாமல்!
மிக அவதானமாக உன்னைப் பார்த்தேன்!
எந்த இயல்பும் நிரந்தரமானதில்லை!
இயல்பில்லாமலும் போய்விடும்!
நீ அவதானமாக இருக்க வேண்டும்!
உன் இயல்புகளை!
இந்த நகரம் பிடுங்கி எடுத்துவிடும்!
இந்த வீதிகளில் இயல்பில்லை!
கணங்கள் தோறும் இதன் இயல்புகள்!
உடைந்து நொருங்குகின்றன!
இதனையும்!
நீ இயல்பெனக்கருதலாம்!
அது நல்லது!
ஒரு சிறிய இடைவெளி கொடு!
நான் வெளியேறி விடுகிறேன்!
தேநீர்க் கடைகளையும்!
புத்தகக் கடைகளையும்!
நினைவில் வைத்துக்கொள்கிறேன்!
என்னைப்போலவே!
இன்னும் சில மனிதர்களும்!
இங்கு அலைவுறலாம்!
பஸ் இலக்கங்களை மறந்துபோய்!
அவர்களுக்குத் தெரிந்த!
தொலைபேசி இலக்கஙகளைத் தவறவிட்டு!
அலையலாம்!
இங்கு வாழப்பழகிவிட்ட!
வாழ நிர்ப்பந்திக்கப்பட்ட!
எல்லா மனிதர்களுக்கும்!
எனது அனுதாபங்கள்!
நண்பனே!
எந்த இயல்பும் நிரந்தரமில்லை!
இயல்பில்லாமலும் போய்விடும்!
!
-சித்தாந்தன்

சின்ன செம்பருத்தியின்!
ஐங்கர அழைப்பு!
கையில் எடுத்தவுடன்!
குஞ்ச நாக்கைத் துருத்தும்!
ஜிமிக்கியில் பேத்தி நினைவுடன்!
என் குழந்தை பருவமும் ஆடும்!!
குடலை நிறைய நிறைய!
கொல்லையில் பறித்து!
சிறு செறுமலுடன்!
அடுப்பங்கரை அருகே வைத்து!
விரைந்திடும் தாத்தா.!
வளைந்த முதுகினில்!
மோதிக் கீழ் விழும்!
பாட்டியின் முணுமுணுப்பு!
கனத்த சூழல் தலைமுறை கடந்து!
கையில் கனக்கும்!!
--சிதம்பரம் நித்யபாரதி

1. விதி!
விதியால்......!
என்று சொல்வதைத் தவிர!
வேறு என்ன சொல்லி!
எழுதிடமுடியும்!
உன் பிரிவை..!
இந்த காகிதங்களில்.!
2. நீ!
நின்று பார்க்கையில்!
நடந்து போகையில்!
படுத்துக் கிடக்கையில்!
படித்துச் சுவைக்கையில்!
சுகப்படும் வேளையில்!
சோகப்படும் நாழியில்!
நீ வேண்டும் என்னருகில்....!
வேறெப்படிச் சொல்ல!
என் காதலை உன்னிடம்.!
3. சுவை!
உன் இதழ்களை!
சுவைத்த போதுதான்!
எச்சிலுக்கும்!
சுவையிருப்பதை உணர்ந்துகொண்டேன்.!
4. பிரிவு!
தவிர்க்கவே முடியாத!
நம் பிரிவில்!
நீ விட்டு வைத்துப்போன!
உன் நாற்காலியிலும்!
மேசையிலுமே!
மாறி மாறி அமர்ந்து-நான்!
அமைதியாகிறேன்!!
வேறுயாரும் அமராதபடி....!
- தென்றல்.இரா.சம்பத்

மரணம்.. ஓய்வில்லா வேலைக்காரன்.. வீடு !
01.!
மரணம் !
--------------!
ஜீவித வாசலின் !
கதவடைப்பு.!
சுவாச தொழிற்சாலையின் !
மூடு விழா.!
வயதெல்லை இன்றி !
யாவருக்கும் கிடைக்கும்!
சமவுரிமை .!
வாழ்க்கைத் !
திரைப்படத்தின் !
வணக்கம்.!
இலஞ்சம் கொடுத்து !
தப்பிக்க இயலா !
உறுதியான தண்டனை !
பின் போட முடியா !
கட்டாய பரீட்சை .!
துப்பாக்கிகளும் !
குண்டுகளும் !
அறுவடை செய்யும் !
சமகால பயிர்.!
கடவுள் விளையாடும் !
கிரிக்கெட் விளையாட்டில் !
எடுக்கப்படும் !
உயிர் விக்கெட். !
நீதிபதிகளுக்கும் !
வழக்கறிஞர்களும் !
வாதாடி வெல்ல முடியாத !
முடிவான வழக்கு.!
வழித்துணைகளையும் !
வாழ்க்கைத் துணைகளையும் !
விழித்துணைகளையும் !
விட்டு விட்டு !
விதித்துணையோடு !
போகின்ற தனிப் பயணம் !
!
02.!
ஓய்வில்லா வேலைக்காரன்!
----------------------------------!
என் மௌனம் உடைக்காமல்!
செவிகளின் சவ்வுகள் கிழியும்!
சத்தங்களோடு!
நீங்கிக்கொண்டிருந்தன இரயில்கள் !
நீண்டநேரமாய் !
எனக்கான இரயில வாராத !
துக்கங்களுக்குள் முடங்கிக் கிடந்தது!
எனது பயணம் !
மின்சார இரயில்கள் !
மலிந்து விட்ட காலகட்டத்தில் !
புகை கக்கி நடந்து வந்த!
அநாகரீகம் பார்த்து!
பிரகாசமாகின !
எனது விழிச்சூரியன்கள்!
எதிரே அவசர அவசரமாய்!
துப்பட்டாவில்!
வியர்வை ஒத்தி !
ஓடோடி வந்தது நிலவு !
!
நிலவுக்காக காத்திருந்த !
நிமிஷங்களின் வேதனைகள்!
மறைத்து!
பனிபோல் குளிர்ந்த முகத்தோடு !
நிலவை வரவேற்று!
நாகரீகமாய் !
கைகுலுக்கிக் கொண்டு!
நடந்தபோதுதான்!
நடந்தது அது.!
குருதி குளித்த நிலவு !
உயிரை இரயிலேற்றி!
பிணமாய் கிடந்த வேளை!
காக்கிகளும் கரும்பச்சைகளும் !
கழுகளாய் வட்டமிட்டு!
சூத்திரதாரிக்கு வலைவிரிக்க!
எல்லோரின் கண்களிலும்!
மண்ணை தூவிவிட்டு!
அடுத்ததர்கான வலைவிரித்து !
சேவையில் மும்முரமாகியிருந்தான் எமன்.!
03.!
வீடு !
--------!
மழை பெய்யும்!
போதெல்லாம் !
ஒழுகும் கூரையின் கீழ்!
பாத்திர பண்டங்களை !
பரப்பி வைத்து!
முணுமுணுத்த போதும்!
அடை மழை !
அடிக்கும் போதெல்லாம்!
ஊடுரும் வெள்ளத்தால் !
பரண் மேல்!
வீட்டுச் சாமான்களை!
நனையாமல் !
பத்திர படுத்தி!
நாற்காலிகளிலும்!
கட்டில்களிலும் !
உட்கார்ந்தது உட்கார்ந்தது!
வெள்ளம் வடிய!
காத்திருந்த நாட்களிலும் !
காற்றடிக்கும்!
காலமெல்லாம்!
மடார் மடாரென்று !
சேர்த்தடிக்கும்!
கூரைத்தகடு !
மனசை கிழித்த !
வேளைகளிலும்!
திறந்து வைத்தாலும்!
மூடிக் கிடந்தாலும் !
காற்றுக்கு தடைபோடும்!
ஜன்னல்களை!
திட்டித்தீர்த்த!
கோடைக்காலங்களிலும் !
எந்தப்பக்கம் !
அடைத்தாலும்!
ஊடுருவி உள்வந்து!
உடல்நடுங்க செய்யும்!
குளிர்வாட்டும் மார்கழியில்!
தாழ்பாள் இல்லாமல்!
தள்ளாடும் கதவுக்கு!
அணையாக கல்வைத்து!
அழுதிருந்த நாட்களிலும் !
இந்தவீட்டில் !
குடியிருப்பதைவிட !
மாட்டுப்பட்டியில்!
இருக்கலாம் என்று !
அப்பாவை!
சினந்துகொண்ட நாட்களிலும் !
மின்சாரமிலாமல் !
குப்பி விளக்கில் !
கண்விழித்து படித்து !
முகம் கழுவும் வேளை!
மூக்கில் வரும் கரிபார்த்து!
கலங்கிய நாட்களிலும்!
அடுபெரிக்கும்போது!
ஈரவிறகின் புகை மண்டலம்!
வீட்டை விட்டு!
வெளியேற மறுத்து !
அடம்பிடித்து !
கண்ணீர் வரவழைத்த!
நாட்களிலும்!
எனக்குள் அப்போது!
நரகமான என்வீடு....,!
ஒரு கோர யுத்தத்தில் !
குண்டு வீழ்ந்து!
சிதைந்துபோனதன் பின்னர்!
குடியிருக்க வந்த!
வாடகை வீட்டில்....!
சுவரில் சிறு ஆணி அடிக்கவும்!
முற்றத்து பூச்செடியில்!
ஒரு பூப்பறிக்கவும்!
நுளம்புக்கு வேப்பம்!
புகை பிடிக்கவும் !
ஒரு நாள் தாமதித்தாலும்!
வாடகை பணத்திற்காய் !
கடி நாய் கவனமென்று !
வாயில் பலகையில்!
எழுதியிருப்பதை !
ஞாபகமூட்டும் வீட்டுக்காரனிடம்!
கடிபடாமால் தப்பிக்கும் !
வேளைகளில்!
சொர்க்கமாக தெரிகிறது இப்போது

சிலேடை வெண்பாக்கள்!- (II)!
----------------------------------!
பானையும், பலகாரமும்!!
தட்டித் தழலிடலால் ஆவென்னும் வாயுளதால்!
சுட்டிடப்பொன் வண்ணமாய் தோன்றுதலால் -அட்டியின்றி!
மண்பானை வாசப் பலகாரம் நேராக்கிப்!
பண்பாய் தமிழில் படி!!
பனியாரமும், புத்தகமும்!!
புரட்டுதலால் பல்சுவை காணுதலால் போய்ஓர்!
திறண்டநூல கத்துள் சேர்ந்தும் -இருத்தலால்!
உண்ணும் பனியாரம் புத்தகத்தை ஒக்குமெனப்!
பண்பாய் தமிழில் படி!!
விண்ணும், கிணறும்!!
சந்திர சூரியர் தோன்றுதலால்@ தண்ணீரைத்!
தந்தேநம் தாகம் தணித்தலால் -சிந்தித்தே!
விண்ணும்நீர் ஊற்றுக் கிணறும்நேர் என்றாய்ந்தே!
பண்பாய் தமிழில் படி!!
-அகரம்.அமுதா

அது ஒரு நீண்ட நாவல்!
இரண்டு தசாப்தங்கள் தாண்டியும்!
இன்னும் முடிவதாயில்லை!
பாதியில்தான் நான் படிக்கத்துவங்கினேன்!
முழுக்கதையும் தொடர்ந்து படிப்பவர்கட்கே!
சரி வர புரிவதாயில்லை!
நாவலின் ஒவ்வொரு வரியிலும்!
உயிர் துளைக்கும் உண்மை வலிகளின்!
தத்ருபம் நிரம்பி வழிகிறது...!
துண்டுச்சீட்டில் எழுதிவிடக்கூடிய!
தம்மாத்துண்டு கதை அது...!
ஒரு சிறுவனை ஒரு பெரியவன்!
அடக்கத்துவங்கும்போது நேரும்!
படிமுறைச்சிக்கல்கள் ஒவ்வொரு பக்கத்திலும்!
பயங்கர விஞ்ஞாபனமாய் விரிந்து செல்கிறது..!
இடையில் இன்னொரு சிறுவன்!
வேண்டுமென்றே சீண்டப்படுகிறான்..!
சிறுவன் சிறுவர்களாக!
பெரியவன் பெரியவர்களாக!
உரிமைக்கான போராட்டமொன்று பீறிடத்தொடங்குகிறது!
இடையில்!
பேச்சுவார்த்தை!
வன்முறை நிறுத்தம்!
உடன்படிக்கை என்று!
நகைச்சுவைக்கும் பஞ்சமில்லை..!
சீணடப்பட்ட மற்றைய சிறுவர் கூட்டம்!
காரணிமின்றி!
கொல்லப்படுகிறது!
கொளுத்தப்படுகிறது!
அடக்கப்படுகிறது!
முடக்கப்படுகிறது!
இந்த நாவலை சிலர்!
அவ்வப்போது படிக்கிறார்கள்!
சிலர் படிப்பதேயில்லை!
வாசகர் வட்டம் பற்றிய எந்தக்கரிசனையுமின்றி!
தொடர்ந்துகொண்டேயிருக்கிறது நாவல்!
ஆயுதங்களே பிரதான பாத்திரங்கள்!
எல்லாப்பக்கத்திலும்!
கொலைச்செய்தியும்!
இரத்த வாடையும் விரவிக்கொண்டேயிரக்கின்றன..!
மர்ம நாவல் என்று சிலர் சொல்வதை!
ஏற்க முடியவில்லை!
முதலில் சிறுகதையாகத்தான் துவங்கியிருக்கும்!
வலுக்கட்டாயமாக நாவலானதா!
என்பது பற்றி எனக்கொன்றும் தெரியாது..!
உடன்பாடுகளின்றி முரண்பாடுகளில்!
வளர்ந்து செல்லும் அந்நாவலை!
ஒற்றுமையாக்கி யாராவது சுபம் போடுங்களேன்..!
இன்னும் இதன் பயணம் நீண்டால்!
நாவலை படிக்கக்கூட யாருமிலர்!
இவ்வளவு சொல்லிவிட்டேன்!
நாவலின் பெயரைச்சொல்லவும் வேண்டுமா...???!
!
-நிந்தவூர் ஷிப்லி

அந்த மரம் வெகு அமைதியாக !
நெடுங்காலமங்கே நின்றுகொண்டிருந்தது !
தளிர்த்தும் துளிர்த்தும் ஓங்கிய வளர்ந்து !
கனிந்து நின்றது !
பின்னர் யார்யாருக்கோ குறிவைத்த !
குண்டுகள் ஷெல்கள் அதன் !
உடலைத்துளைக்கத் தொடங்கின !
தினமும் காயம் பல பட்டு !
வலி சுமந்தாயினும் உயிர் !
பிழைத்து நின்றது அம்மாமரம் !
பின்னர் வாழ்வு என்பது தினமும் !
காயம் கண்டல் நோவு !
குருதி குமுறல் என்றாச்சு !
பழைய ரணங்கள் ஆறமுன்னே !
மீண்டும் புதிய புதிய ரணங்கள் !
தலைமைக் கிளையும் !
சிறுகிளைகளும் மடிந்து கருகி !
பட்டுப்போக மூலவேரில் !
கொஞ்சம் உயிரைத்தாங்கி !
நொந்து முனகிக் கொண்டே !
கோமாவில் வாழ்ந்தது பலகாலம் !
பின்னர் ஒருநாள் காலை !
அதன் மரணம் அறிவிக்கப்பட்டது !
அதன் உறவுகள் பல கோடி !
அம் மாமரத்தின் பெயர் !
மனிதம். !
30.10.2000

01.!
பிறந்த நாட்பரிசு !
--------------------- !
நான் அல்லாத!
எனக்காகவும்!
நீ அல்லாத!
உனக்காகவும்!
இது… !
இன்று!
பூவின்!
பிறந்த நாள் -!
அதனால் தான்!
எங்கும்!
வாசம் !!
உன்!
சோகங்களெல்லாம்!
மறைய வேண்டும்.!
ஆனந்தம் உன்!
சொந்தமாக வேண்டும்.!
உனது!
ஆசைகள்!
நிறைவேற வேண்டும்!
நிறைவாக!
நீ!
வாழ வேண்டும்.!
இன்று!
பூவின்!
பிறந்த நாள் -!
எங்கும் வாசம்!!
நீ நடந்து போகும்!
சாலை எங்கும்!
பூஞ்சோலை!
உருவாகும்.!
நீ –!
வாசம் வீசும் மாலை!
பாசம் காட்டும் பாவை!
வண்ண வண்ண!
வன்னங்களில்!
ஓர் ஓவியம்!
உனக்காய் !!
!
உன்!
கருணைக் கடலில்!
மூழ்கினேன் -!
என்னை நான்!
கண்டு பிடித்தேன்.!
இறுதி வரைக்கும்!
அழியாத அன்பு –!
இது உனக்கான!
எனது பரிசு. !
!
02.!
ஒரு நிறுவல் !
--------------------!
புனிதஸ்தளத்தில்!
நீ நிற்கின்றாயென்றால்!
நிச்சயமாக நீயொரு!
பரிசுத்தவானே!
ஆனால் யாரோ உன்னை!
பாவியாக்கும் பொழுது!
நீ எவ்வாறு!
பரிசுத்தவானாவாய்..?!
ஆகவே!
நீ நிற்குமிடம்!
புனிதஸ்தளமே அல்ல