அந்தகாரத்தில் எனக்கு வழி காட்டிய!
அச் சிறிய தங்க நிற ஒளிப் புள்ளி!
வெளியே தென்படாதது!
எங்கு, எப்பகுதியலது!
தேடினாலும் தென்படாதது !
அலங்காரங்களற்ற விழிகளில்!
இருளை விடவும் அனேகமானவை!
வெளிச்சத்தில் மறைந்துபோகும்!
தென்படாமலேயே

சாதுர்யை!
பூவரசம் மரநிழலின் கீழே!
என்ன பேசுகின்றன புலுனிகள் !
உன்னைப்பற்றியா!
அல்லது தங்களைப் பற்றியா!
அந்தக் காலையில் என்னைக் கண்டதும் அவை !
வெட்கப்பட்டன!
நிகழவிருக்கும்!
அதிசய முகுhர்த்தத்தை எண்ணி!
உனது முற்றத்தில் !
தரையிறங்கும் சூரியனை வரவேற்க!
காத்திருந்த தோழிகளாய்ப் பூத்திருந்த செடிகள் !
என்னையும் வரவேற்றன.!
மாமரத்தில் !
உனது குழந்தைக் குதூகலத்தை !
ஊஞ்சலாக்கியிருந்தாய்.!
எதைப்பற்றிய பேச்சுகள்!
எதைப்பற்றி ஞாபகங்கள்!
எதைப்பற்றிய நினைவு மீட்டல்கள்!
அல்லது எதைப்பற்றிய கனவுகள்... !
ஆயிரம் விழிகளும் பேரிதயமும் கொண்ட ரசிகன்!
வந்திருக்கிறான்!
ஒரு நதி குதித் தோடுவதைக்காண!
ஒரு தேர் மலராவதைப் பார்க்க!
பேரழகு மயில்!
ஏனின்னும் ஆடவில்லை!
பேரழகு மயில் ஏனின்னும் ஆடவில்லை?!
தாளமும் யதியும் சிந்திடச் சென்றாள்!
என்னை அவ்வெளியிற் தனியே தவிக்க விட்டு!
புயலென!
பிறகவளைக் கண்டேன்!
அவளுடைய அந்த நீண்ட மூக்கில்!
தூக்கணாங்குருவிகள் கூடு கட்டியிருந்தன!
அவளைப் பிரார்த்தித்தேன்!
அவள் கோபமுற்றால் !
அந்தக் கூடுகள் தீப்பிடித்து விடக் கூடாதென்று.!
இன்னொரு சனிக்கிழமைக்காக!
காத்திருக்கிறேன்

கவிஆக்கம்: பாண்டித்துரை!
எதையோ யோசித்து!
அடித்து!
கிறுக்கி!
அழகாய்!
ஒவ்வொரு முறை!
எழுதிய பின்பும்!
பலமுறை!
படித்துப் பார்ப்பேன்!
மீண்டும்!
படிக்கத் தோன்றும்!
அடுத்தடுத்து!
நான்!
எழுதும் வரை!
மீண்டும்....!
கவிஆக்கம்: பாண்டித்துரை!
தொடர்புக்கு:006597345497!
இரவின் திருட்டு!
கவிஆக்கம்: பாண்டித்துரை!
!
தூங்கப் பிடிக்காமல்!
புரண்டு புரண்டு படுக்கும்போது!
ஏதோதோ சிந்தனைகள்!
எதும் ஞாபகத்தில் இல்லாமல்!
நான் தான் சொன்னேன்ல!
ச்சீ போடா!
உளறலுடன்!
எனையறியாமல்!
எப்போழுது தூங்குவேனோ!
காலையில் விழித்ததும்!
கண்களில் இரத்தமாய்...!
!
கவிஆக்கம்: பாண்டித்துரை!
தொடர்புக்கு:006597345497

சத்தி சக்திதாசன் !
!
இன்றுவரை அமைதி காத்துக் !
கண்டதென்ன !
இதயம் பேசட்டுமே ! !
அன்னையவள் கைகளிலே !
தவழ்ந்தபோது !
அமைதியைக் கண்டதவள் !
கண்களிலே !
தந்தையின் பின்னோடு !
சென்றபோது !
பாதுகாப்புக் கண்டது !
அவர் நிழல்தனிலே !
இதயம் பேசட்டுமே !
இல்லாததையா பேசிவிடும் ? !
இன்று மட்டும் பேசட்டுமே ! !
நண்பனுடன் !
நாளெல்லாம் அலைந்தபோது !
பாசத்தைக் கண்டதும் !
பாசியாய்ப் படிந்ததுமே ! !
கல்லூரி நாட்களில் !
கற்காத சாத்திரங்கள் !
கனவுதான் மிஞ்சியது !
கண்களிலே ! !
கன்னியவள் மனதினிலே !
ஊஞ்சலாட்டம் !
காதலென்னும் கற்பனைத் !
தேரோட்டம் ! !
கடல் கடந்த பயணங்கள் !
கலைந்தோடும் மேகங்கள் !
கானல் நீரை நோக்கிப் !
படகோடு யாத்திரை ! !
இதயம் பேசட்டுமே !
இயங்கும் வரை !
இனியும் ஏன் மௌனம் ! !
இயல்பான வாழ்க்கையில் !
இணைந்து கொண்டதும் !
இனிமைகள் சில !
இழைந்து கொண்டதும் !
இன்னமும் நெஞ்சில் தென்றலாய் ! !
குடும்பம் எனும் கோவிலில் !
குலவிளக்காய் குணவிளக்கு !
குழந்தை எனும் செல்வமாய் !
குழைந்து வந்த குளிர் மேகம் !
இன்பம் பாதி இங்கே !
துன்பமும் பாதி கண்டேன் !
இதயத்தை பேச விட்டு !
இறுக்கம் கொஞ்சம் !
இழந்து விட்டேன்

ஊர்திகளின் ஓய்வற்ற அணிவகுப்பால்!
ஊமையாய் கண்ணீர் விட்டு,!
வாடி வதங்கி போய் விட்ட நெடுஞ்சாலை...!!!
நெருக்கடியும், நெரிசலுமாய்!
நெளிகின்றது எம் தேசம்...!!!
செப்பனிடப்படாத வீதிகள்..!
செத்து பிழைக்கின்றன..!!
புது புது இன வரவுகளால்,!
புத்துயிர் பெற்று விட்ட வீதியோர!
புல்பூண்டுகள்...!!!
பதரோடு, மிதிவெடியும்!
பதுங்கி கிடக்கும் என்று, எம்மவர்!
கைவிட்டு காடாகி போன!
வீதியோரமெங்கும்...!
கல் வைத்து தீ மூட்டி,!
கதிரை போட்டமர்ந்து,!
கை நனைக்கும் வேற்றின மக்கள் தொகை..!
குடியிருக்கும் தமிழனை விட அதிகமாய்...!!!
பூர்விகமாய் காலங்காலமாய்..!
குடியிருந்த எம்முறவுகளை...!
காணவில்லை...!
எம்மண்ணிலே....!
சுற்றுலா என்று..!
சுற்றி பார்க்க வருபவர்கள்...!
அநாதரவான நிலத்திலே...!
அத்து மீறி நிரந்தரமாய் !
குந்தி விட்டாலும்...!
ஆச்சரியப்படுவதற்கில்லை...!!!
ஆக்கிரமிப்பையும்!
அடிமைத்தனத்தையும் !
ஆசைப்பட்டு ஏற்றுக்கொண்ட இனம்!
அல்லவோ எம்மினம்..!!!!
அதனால் - இந்த!
அத்துமீறலையும்!
அன்போடு ஏற்றுக்கொள்ளட்டும்

மணல்வெளிக் கோயிலில்!
பாடுகளைச் சொல்லி!
மன்றாடும் பெண்ணிடம் !
வழிபாட்டின் ரகசியம் என்னவென்று !
கடவுள் கேட்டார்!
அந்த அதிகாலையில் !
கடவுளின் குரல் !
அவளுடைய செவிகளை அண்ட விடாது!
பெருகிய போரொலி!
கடவுளைத் தொடர்ந்து பேசவிடவில்லை!
கடவுள் ஏதேதா சொல்வதை !
அவதானித்த அவள்!
அவரை நெருங்கிப்போய் !
அருகிருந்து விவரம் கேட்க முனைகையில்!
பார்த்தாள் !
பதுங்கு குழிக்கருகில்!
கடவுளின் அங்க வஸ்திரம் தனியே கிடந்தது!
அவளதை தீண்டிட முன்னே !
அவளைச்சுற்றி!
ஒரு பாம்பாக வளைந்த தது!
பிறகு !
மேலெழுந்து போனது !
எங்கோ!
அவள் !
தேவாலயத்தின் சுவர்களில் !
தன்னுடைய தலையை மோதி அழுதாள்!
தனக்கும் கடவுளுக்கு மிடையிலான !
பந்தத்ததை சாட்சியாக வைத்து!
பிறகு !
மணல்வெளித் தேவாலயத்தில்!
கடவுள்!
நீண்ட நாட்களாக வர முடியாதிருந்தார்!
அவளுடைய குரலும் வேதனையும்!
அங்கிருக்கென்று!
தேவாலயத்தில் நிரம்பிய!
அவளுடைய குரல்!
மணல்வெளியில் சுவறிக் கொண்டிருக்கிறது

காருண்யன்- !
பேர்லின் பிரிசுவர் இருந்ததுக்கு அணுக்கம் !
நம் வீடுள்ள வீதிக்கு மேற்கே !
விரிந்திருக்கிறது அம்மைதானம். !
எப்போதாவது நாலு சிறுவர் சேர்ந்தால் !
சைக்கிள் விடுவர் அல்லது உதைபந்தாடுவர். !
மறுபடி அங்கதன்----- !
புல்லை மிதிக்கும் ஒரு குருவியை !
காக்கையை காண்டிடலரிது !
ஒரு நாளங்கு இத்தாலியிருந்து !
'புறொங்காலி' என்றொரு சேர்க்கஸ் வந்தது !
கூடாரம் விரித்தது காட்சிகள் போட்டது !
விண்தொட்டாடும் ஊஞ்சல்கள் விதூஷகம் !
பண்ணக் கோமாளிக் கூட்டங்கள் !
ஆயிரக் கணக்கில் மாந்தர்கள் கூடினர் !
சகல சந்திலும் வாகனம் தரித்தது !
சுவைமிகு தீனொடு கடைகள் பரவின !
பியர் பீப்பாய்கள் பீறிட்டுப்பாய்ந்தன !
மூன்றுமாதம் அமர்க்களம் போங்கள்! !
எங்கள் குழந்தைகள் தினம் சர்க்கஸ்” என்றனர் !
நுழைவுக்கிரையம் யாதென்று உசாவினேன் !
அய்யகோ எம்மாத 'பட்ஜட்டின் பாதி'யாமஃது !
ஏழை மனமோ நாளும் சபிக்கும் !
நாளும் சாக்குச் சொல்லித் தவிர்க்கும்! !
கூடாரம் தாண்டிச் சென்றிட நேரும் !
வேலையற்றோர் நாடோடிகள் ஏதிலிகள் !
காலம் துரத்தி ஒதுங்கிய அகதிகள் !
தஞ்சமடைந்தவர் சின்னக் குழந்தைகள் !
கூட்டினுள் பகலில் தூங்கும் கரடியை !
புலியைப் சிங்கத்தைக் குதிரையை !
வேலியால் எம்பிப் பார்த்துக் களிக்கும்! !
வித்தைகள் காட்டி மயக்கிய சேர்க்கஸ§ம் !
ஒருநாள் புறப்பட்டுப் பரதேசம்போனது !
அறுவடைதீர வயல் தனியானது !
ஆரவவாரங்கள் ஆர்ப்பாட்டங்கள் !
நீங்கியோய்ந்த மைதானம் நோக்கையில் !
மனம் வெளியாகுது சிறுவலி காணுது !
ஒரு சூரிய அஸ்த்தமனத்தில் ஆவதைப்போல! !
!
25.11.2004 Berlin

தென்றல் தாலாட்டும்!
வான்வெளி ஊஞ்சல்!
இறக்கை முளைத்த !
பறக்கும் காளான்!
விமானம் புகாயிடுக்குகளிலும்!
வலம்வரும்!
தரையிறங்க ஓடுதளம்!
தேவையில்லை!
கட்டுபாட்டு அறை!
தேவையில்லை!
விமானியும் நீயே!
பயணியும் நீயே!
வசதிபடைத்தவர்களின் !
பொழுதுபோக்கு வாகனம்!
2050-ல் ஒவ்வொரு வீட்டிலும்!
இன்றியமையா இருக்கும்!
ஏர்கார். !
- லலிதாசுந்தர்

ஓங்கி உயர்ந்த தென்னை மரம் !
பரந்து கிடக்கும் முற்றத்தில் சாக்குக்கட்டில் !
அண்ணாந்து படுத்தால் வானமும் !
பரந்து கிடக்கும் !
இரவு !
மௌனத்தை எங்கும் விதைத்திருக்கும் !
நட்சத்திரம் பார்த்ததும் !
பள்ளிப் படிப்பு ஞாபகம் வரும் !
பழைய வாழ்க்கை அப்படியே இழையோடி !
கண்கள் பனித்திருக்கும் !
பக்கத்தில் நாய் முன்னங்கால்களில் !
முகம் புதைத்து !
கண் மூடிக் கனவு காணும் !
படலை அசையும் சத்தம் கேட்டு !
நிஜத்திற்குள் நானும் நாயும்

ஓய்ந்த மழையும் - மௌனமாய் இரைமீட்ட திருப்தியில் !
வெள்ளமுமாய் அடங்கிக்கிடந்தது !
காற்றின் அசைவும் சலனமிட்ட ஓலையுமாய் தென்னை! !
ஓலைக் குடிசைகள் ஓட்டை அடைக்கப்பட்டு !
வாழ்தலின் சாயலை மெதுவாய் காட்டிக்கிடந்தன !
பண்டிகைகயின் வருகை ஏனோ மரணத்தின் !
அவலங்களை நிமிடமேனும் மறக்க வைக்கும் !
சோகம் சுமக்கையிலேனும் வாழ்வில் சிறு மகிழ்ச்சி இனி வரும் !
நாட்களேனும் வாழ்வு மலர்ந்திடும் !
என்பதாய் !
யாவும் பொய்த்தனவோ? !
வாழ்வே பொய்த்தனவோ? !
புதைகுளியா எம் தேசம்? !
சேற்றில் புதைக்கப்பட்ட பனங்கிழங்காய் மானிடம் !
மீண்டும் உயிர்ப்புறுமா? !
எதைத்தான் உன்னிடம் கேட்டனர் இம்மக்கள்! !
வலைவிரித்து உன்னிடம் தேசமா கேட்டார்! !
ஒருவாய் உணவிற்காய் உன்னிடம் மண்டியிட்டு !
மீன் பிடித்த இவர்களை ஏன் கொன்று நின்றாய்! !
சொல்வதற்காய் மீண்டும் உன்வாய் திறத்தல் வேண்டாம் !
கொடுப்பதற்கு எம்மிடம் ஏதுமில்லை! !
!
மீண்டும் காற்றின் அசைவும் சலனமிட்ட ஓலையுமாய் தென்னை.. !
குடிசைகள்தானில்லை........ !
!
மாலியன் !
27-12-04