தமிழ் கவிதைகள்
இழப்பு
கவிதா. நோர்வே
எம் மண்ணில்!
வசந்தம் ஒருநாள்!
மலருமென்று!
இழப்புகளை ஒருநாள்!
இழப்போம் என்று!
அன்று !
அழிந்த வீதியெல்லாம்!
தோரணங்கள் கட்டப்படும்!
என் இடிந்த வீட்டை!
மாமா புதுபித்துத் தருவார்!
பூஞ்செடிகளில் பூக்கள்!
புத்துயிர் பெறும்!
என் பழைய சினேகிதர்கள்!
மீண்டும்!
அறிமுகமாவார்கள்.!
இருள் மறையும்!
என் அம்மா வருவாள்!
என் மாமன், மாமி!
வருவார்கள்.!
மடித்துக் கட்டிய !
அழுக்கு வேட்டியுடன்!
என் தாத்தா வருவார். !
என் மச்சான் வருவான்!
தேசத்திற்காய் உயிர் நீத்தவர்கள்!
என்ற மாவீரர் பட்டியலில்!
என் அப்பாவும் !
வருவார். !
!
-கவிதா நோர்வே
இந்தக் கணம் போயின்
க.யசோதை (கனடா)
பின் அது தோன்றதலு- மரிது. !
எம் உதடுகளும் உடம்பும் கவ் !
வுகிற நொடி போல் !
நான் உன்னிலே தங்கி !
அடங்கி !
கிறங்கி !
உடல் சீற !
உன் சகல அங்கங்களுள்ளும் !
காமுற்று மிதப்பவள் !
எனினும் !
கடந்து போகையில் !
என் ஆன்மாவைக் அடக்கி மாயாதே !
பிரிந்து போகவோ !
உரத்துப் பேசவோ !
அதிகமாய் சிரமப் படாமலே !
கடந்து போகையில் !
இப்போதல்ல எப்போதும் !
உன்னைத் தவிர வேறொருவன் எனக்கு !
நீயாக முடியா. !
என் சிறிய தனங்களை !
பிடித்திருக்கும் உன் பெரும் கரங்கள் !
நெஞ்சச் வட்டுள் !
கட்டிக் கிடக்கும் !
இந்தக் கணங்கள்... !
கீழ்மையையும் நச்சையும் !
நீ உமிழ முன் !
கொஞ்ச நேரம் பொறு. !
உன் இலட்சியங்களின் பொது மேடையில் !
என்னுடைய துயர் !
பேசாதது. !
சிரித்திருக்கும் மண்டபத்துள் !
உன்னால் ஒலியற்ற என் குரலை !
கேட்க முடியுமோ அறியேன். !
உன்னுள் இழைகிற !
இனிமை கரைகிற !
எனினும் !
வரலாறு மறுத்த !
-ஒரே ஒரு முறை !
மூடிய கதவுகளுள், !
இருளுள்- நீ-ர் !
புணர்ந்தெறிந்த !
சேடிப் பெண்டிர் !
கனத்த சீற்றத்துடன் !
என்னிடம் வெளிப்படும் !
அப்போதும் !
நீ என்னை -வெறும்- காமமாய், !
அற்பமாய்- எண்ண முற்படினும் !
நான் உன்னுடையவளேதான் !
க.யசோதை (கனடா)
இந்தியா ஒளிர்கிறது
சேயோன் யாழ்வேந்தன்
----------------------------------- !
குஜராத் பெரு நெருப்பின் வெளிச்சத்தில் !
இந்தியா ஒளிர்கிறது !
ஒரிஸ்ஸாவில் பாதிரியும் பிள்ளைகளும் !
ஜீப்போடு எரிக்கப்பட்ட வெளிச்சத்தில் !
இந்தியா ஒளிர்கிறது !
இராஜஸ்தானில் கற்பழிக்கப்பட்ட !
கன்னிகாஸ்திரிகளின் !
கண்ணீரின் பிரதிபலிப்பில் !
இந்தியா ஒளிர்கிறது !
மதவெறியை வாக்குகளாக்கி !
மறுபடியும் ஆட்சியைப் பிடிக்க !
பேயாய் அலையும் !
அரசியல்வாதிகளின் கண்களில் !
இந்தியா இன்னும் ஒளிர்கிறது !
-தி.கோபாலகிருஷ்ணன், திருச்சி
மாறிடுமா.. அலையாய்…ஒத்துக்குமா
செண்பக ஜெகதீசன்
மாறிடுமா…!
----------------!
மரணம் ஒரு சம்பவம்தான்!
மனித வாழ்வினில்,!
அது!
மாற்றான் வீட்டிலென்றால்!
சாதாரணம்,!
தன் வீட்டிலென்றால்!
தவிக்கிறானே மனிதன்!
தனியே கிடந்து…!!
மாறிடுமா இந்த வேறுபாடு..,!
மாறினால் அவன்!
ஏறிடுவான் வாழ்வில்!
ஞானியாக…!!
!
02. !
அலையாய்…!
--------------------!
சலிப்படைவதில்லை!
சமுத்திர அலைகள்,!
வந்து வந்து அவை!
செல்கின்றன!
வருடமெல்லாம் …!!
சலிப்படைந்து சலிப்படைந்து!
சாவை!
சமீபத்தில் கொண்டுவருகிறாயே..!
சகோதரனே நீ!
சங்கடப்படாதே,!
வாழ்க்கை வாழ்வதற்கே…!!
!
03. !
ஒத்துக்குமா..!
----------------!
ஒத்தத் தூத்தல்!
ஒடம்புக்கு ஒத்துக்காதுண்ணுதான்!
ஒதுங்கி நிக்கிறேன்,!
ஓடிப் போயிருக்கான்!
ஒடம்ப நனைய வேலைக்காரப்பய!
ஊட்டுக்கு-!
கொட எடுக்கத்தான்…!!
ஒத்துக்குமா- !
ஒடம்புக்கு..!
ஒலகத்துக்கு…
இழை பிரிந்த மௌனங்களின் கதைச்சித்திரம்
த. அஜந்தகுமார்
நமது இரகசியங்களின்!
உள்ளறைகள்!
ஒரு புள்ளியில் தொடங்கும்!
நம் கதைச்சித்திரம்!
மீண்டும் அந்தப் புள்ளியில்!
கால் புதைக்கிறது!
சுவாரசியங்களில்!
பொழுதுகள் தின்னப்பட!
நமது கதிரைகளைக் !
கதைகள் நிறைக்கின்றன!
காற்று கேசத்தைத் தொட்டு!
வருடிச் செல்லும் உணர்வில்!
தொற்றிக் கொள்ளும் சொற்கள்!
இறுகக் கைபற்றி!
என் முகம் பார்க்கின்றது!
!
இழை பிரிந்த !
மௌனங்களிடம் !
காயங்கள் ஏதும் இருக்குமேவென்று!
நான் கவலைப்பட ,!
நீ சிரித்த சிரிப்பில்!
மின்னல் வெட்டியது!
மழை பொழிந்தது!
மழை நனைத்த நிலமாய்க்!
குளிர்ந்தது கால்!
கைகளின் நடுக்கத்தை மறைக்க!
காற்சட்டைப் பொக்கற்றுக்குள் கைநுழைத்து!
வான் பார்த்தோன் பார்!
- த. அஜந்தகுமார்
இது மாலை நேரத்து மயக்கம்
தமிழ்ஹாசன்
மாலைப்பொழுது!!
மாலைச்சூரியன்!
மறைந்து போகும் நேரம்!
மலர்கள் நார்களில்!
தூக்கிலிடும் நேரம்!
தடதடக்கும்!
புகைவண்டி!
பரபரக்கும்!
பள்ளிப்பேருந்து!
ஊர்வலம் போகும்!
ஊர்திவண்டிகள்.!
உணவைத்தேடி அலையும்!
உள்ளூர் சுகவாசிகள்!!
காற்று தந்த!
முத்தத்தால்!
காணாமல் போகும் இலைகள்!!
இலைகளைத் தேடும்!
காவலராய்!
கானக்குயில்கள்.!
சாலையோரப் பூக்களாய்!
மாணவிகள்!!
பூக்களைச் சுற்றும்!
தேனீக்களாய்!
மாணவர்கள்!!
ஜன்னலோரப் பேருந்தில்!
கரம்காட்டும்!
கைகுழந்தை!!
தெருவோர!
தெய்வங்களாய்!
தேநீர்கடைகள்.!
தெய்வங்களை!
வழிபடும் பக்தர்களாய்!
மானிடர்கள்!!
அர்ச்சனை செய்யும்!
பூக்களாய்!
மாலைநாளிதழ்கள்!!
இவைகளின்!
மத்தியில் நான்.!
சற்றே மயங்கிய நிலையில்!!
தேகத்தால் அல்ல.!
மோகத்தால்!
இசையெனும் மோகத்தால்!!
இளைப்பாறும் வேளையில்!
இசையைக் கேட்டேன்!
இறைவனைக் கண்டேன்!!
தினந்தோறும் செல்லும்!
ஒற்றையடிப்பாதை!
ஒதுங்கிய நிலையில்!
மரங்கள்!
மரங்களின் வழியில்!
மலர்கள்!
மலர்களின் திசையில்!
நான்.!
என்னைச்சுிலும்!
இசை!!
வேறென்ன வேண்டுமெனக்கு?!
ஒவ்வொரு நாளும்!
இதே நேரம்!
இதே மயக்கம்!
ஒவ்வொருவிதமாய்!!
இசையின் முடிவில்!
மயக்கம்!
மயக்கத்தின் முடிவில்!
நான்.!
இதோ,!
இதே மயக்கத்தோடு!
மீண்டும் மயங்கத்!
தயாராகிறேன்,!
மற்றொரு!
மாலைப்பொழுதை நோக்கி
வதந்தி
செல்வா
இரைச்சல் இடையே!
பயணிகளுக்குள் பயணித்து!
விட்டுச் சென்ற பாடநூலை!
பெற்றுச் செல்லும்!
தெரு சந்திப்பின் !!
வெட்டிப்பேச்சு மாநாட்டிலும்!
நீர் நிரம்பிய குடங்களுடன்!
நெஞ்சம் நிரம்பாத மங்கையரிடமும்!!
என்மேல் ஏற்படாத!
உன் காதல்!
வதந்தி களாக!
வாழ்ந்து செல்கிறது!
!
கவிதை : செல்வா
சிட்டுக்குருவி
ரா.கணேஷ்
மாடி வீடு!
சிவப்பு நிற சிமெண்ட் தரை!
வழவழப்பாய்!
உத்தரத்தில்!
மின்விசிறி இல்லாத!
எங்கள் வீடு!
தேர்வுகள் மடிந்து போய்!
விடுமுறைக் காலமது!
சாப்பாட்டுக் கூடைக்கு!
விடுமுறைக் காலமது!
உத்தரத்தில் விசிறி போல்!
காற்றில் ஆடிக்கொண்டிருக்கும்!
கீச் கீச்சென்று!
பாட்டும் சிறகடிப்புமாய்!
கூட்டைக்கட்டியிருந்தன!
என் சிகப்புக் கூடையில்!
குருவிகள்!
விண்ணில் பறப்பதும்!
எங்களைப் பார்த்து வியப்பதும்!
குஞ்சுகளுக்கு இரை கொடுப்பதும்!
அழகாய் இருந்தது!
அந்த குடும்பம்!
நெல் மணிகள் இடுவதும்!
என் பிஸ்கட்டை சரி பாதி!
கொடுப்பதுமாய்!
சுகந்து போனது விடுமுறை!
குருவிக்கூட்டைக் கலைத்தால்!
குடும்பம் விளங்காது!
வேறு கூடை வாங்கிக் கொள்!
என்றாள் அம்மா..!
இன்று...!
நகரத்தில்!
என் வீட்டில்!
மின்விசிறி உள்ளது!
சங்கீதம் சீடி மூலம்!
ஒலிக்கிறது!
எங்கு தேடியும்!
குருவிகளை மட்டும் காணோம்!
விளங்குமா!
நம் குடும்பங்கள் ?!
நிசப்தம் என்னுள்!
திரவமாய் இறங்கி!
பயம் கொப்பளிக்கிறது
செந்தமிழ்
த.தயாநிதி
சொந்தமாய் தேசம் அமைந்திடத் தானே !!
பைந்தமிழ் தாயின் விலங்கினை உடைத்து!
சுதந்திர ஈழம் அமைத்தவர் வாழ்க.!
யாகங்கள் நடத்தி தியாகங்கள் செய்த!
புலி வீரரை மனதினில் நிறுத்து.!
ஈகங்கள் புரிந்த புலி வீரரின்!
நாமத்தை உந்தன் பிள்ளைக்கு சூட்டு.!
சிங்கள வெறியரின் ஊழிக் கூத்திற்கு!
மங்களம் பாடிய தலைவனைப் பாடு.!
மலர்ந்த நம் ஈழத்தில் கலைந்த எம்!
சொந்தங்கள் கூடியே குலவிடும்!
காட்சியை பெருமையாய் பாடு.!
விதியினை விரட்டிய வீரரை வாழ்த்திட!
வீதிக்கு வீதி விரைவதைப் பாரும்.!
மட்டில்லா மகிழ்வோடு வெற்றியின் முரசம்!
கொட்டுது கேளும். மாவிலை, தோரணம்,!
வாசலில் தொங்கிட, மங்கள வாத்திய!
வரவேற்பை, பார்க்கலாம் வாரும்.!
வல்லரசின் வல்லமைகள் விழி அகல!
வியந்து வருவதைக் காணலாம் வாரும்.!
தனி ஒருஅரசென அமைந்ததை பாரும்.!
இனி ஒரு துயர் எமக்கேது கூறும்?!
த.தயாநிதி!
பிரான்ஸ்!
23.03;.08
காவேரி அக்கா
வேல் கண்ணன்
எல்லோரும் பார்க்க!
பக்கத்து வீட்டு!
ஆறுமுகம் சாருடன் !
கைகோர்த்து சுற்றிய!
காவேரி அக்காவை!
பார்த்து மகிழ்ந்தேன்.!
அழுது அடம்பிடித்து!
அடிவாங்கி விஷம்குடித்து!
பிழைக்கவைத்து பயமுறுத்தி!
பிடிக்காத மாமாவிற்கே!
கட்டிவைத்த காவேரி அக்காவை!
பார்த்து கலங்கினேன்.!
தாலி ஏறிய நாளில்!
கேலியும் கிண்டலும்!
சிரித்தபடி இருந்த!
காவேரி அக்காவை!
பார்த்து வியந்தேன்.!
பின் 'மாசமாகி' வந்து!
பிள்ளையும் பெற்ற!
காவேரி அக்காவை!
பார்த்து யோசித்தேன்.!
குழந்தைக்கு!
பால்மறக்கடித்த சிலநாட்களில்!
அதே ஆறுமுகத்துடன்!
ஓடிப்போன!
அதே காவேரி அக்காவை!
பார்த்து!
என்ன செய்ய ....?
