01.!
*பி*ரகாசிற்கு இப்பொழுது!
பியரில் நாட்டமில்லை!
முன்பு நாம்!
பியர் குடிப்பதில்லை!
சமாதான காலத்தில்தான்!
இங்கு பியர்கள்!
கொண்டுவரப்பட்டன.!
அப்போதுதான்!
நானும் பிரகாசும்!
பியர் குடிக்கப்பழகினோம்.!
இப்பொழுது இங்கு!
பியர்கள் அனுமதிக்கப்படுவதில்லை!
முன்பு கொண்டுவரப்பட்ட!
பியர் போத்தல்களின்!
சுட்டுத்துண்டு நிறங்கள்!
வெளுறிக்கிடக்கின்றன.!
!
02.!
நாங்கள் பயணம் செய்த!
பேருந்துகள்!
ஓய்ந்தோ முடங்கியோ!
கிடக்கின்றன!
நாங்கள்!
பேருந்துகளையோ பயணங்களையோ!
விரும்புவதில்லை!
இப்பொழுது!
சைக்கிளை!
மெதுவாக ஓட்டியபடி போகிறோம்!
எங்கள் மோட்டார் சைக்கிள்!
வீட்டில் நிற்கிறது.!
இனி நடந்தும் போகவேண்டி இருக்கும்.!
!
03.!
பிரகாசின் அம்மா!
புற்றுநோயில்!
இறந்துவிட்டாள்!
பாதை பூட்டியிருந்தததால்!
அவளுக்கான வைத்தியங்கள்!
தவறிவிட்டன.!
கடைசி நாட்களில்!
நல்ல சாப்பாடுகளைக்கூட!
பிரகாசு!
வாங்கிக் கொடுக்க முடியவில்லை.!
இப்பொழுது அவன்!
பியரை நன்றாக!
வெறுத்துவிட்டான்!
!
04.!
வீடுகளில்!
விளக்கு வைப்பது!
பெரும்பாடாகி விட்டது.!
சிவப்புநிற மண்ணெண்ணையில்!
வண்டிகள்!
புகையுடனும்!
பெரும் இரைச்சலுடனும்!
ஓடுகின்றன!
எமது வண்டிகளுக்கு!
எதிர்காலமே!
இல்லாமலாகி விட்டதென்று!
அனேகரும் கவலைப்படுகிறார்கள்.!
வீதிகள் எல்லாம்!
குன்றும் குழியுமாகி விட்டன.!
சில்லுடைந்துவிடும்!
காற்றுப் போயிவிடும்!
சைக்கிளை!
மெதுவாக ஓட்டுகிறோம்!
!
05.!
கான்ஸ்பிரஸ்கரின்!
சிரிப்புடன்கூடிய படம்!
எரிக்சொல்கெய்மின்!
சிரிப்புடன் கூடிய படம்!
எல்லாம்!
சுவர்களில் இருந்து!
அகற்றவேண்டி ஆகிவிட்டது.!
அவர்கள்தான்!
எங்களுக்கான பியர்களை!
எடுத்துவந்திருக்க வேண்டும்.!
அவர்கள்தான் சோடாவும்!
கொண்டு வந்திருக்க வேண்டும்!
மினரல் தண்ணீர்களும்!
கொண்டு வந்திருக்க வேண்டும்.!
இப்பொழுது சுடும்!
கலர் தண்ணிகளை!
பொலித்தீன் பையில் அடைத்து!
இங்கு விற்கிறார்கள்!
அது சூடாய் இருக்கிறது.!
கடைகள் குறைந்து விட்டன.!
!
06.!
எங்கள் தாத்தாவின்!
வாயில்!
மூள மறுக்கும்!
குறைச்சுருட்டுக் கிடக்கிறது!
அவர் பழைய!
குறைச்சுருட்டுக்களை!
தேடிக்கொண்டிருக்கிறார்!
நெருப்புக் கொள்ளியுடன்!
போராடுகிறார்.!
!
07.!
கடிகாரத்திற்கான!
பென்டோச் பற்றியுமில்லை!
சுவர்க்கடிகாரம் ஓடுவதில்லை!
ரணில் விக்கிரமசிங்கவும்!
தலைவர் பிரபாகரனும்!
இணைக்கப்பட்ட படமுடைய!
கடிகாரத்தை!
புத்தளத்தில் இருந்து வந்த!
முஸ்லீம் கடையில்!
அம்மா வாங்கி வந்தாள்.!
அது பழுதாகி விட்டது.!
பற்றி போட்டும் வேலையில்லை.!
நேரம் சரியில்லை.!
!
08.!
எப்படி வீடுகளில்!
பதுங்குகுழி என்று!
நானும் பிரகாசும்!
விசாரித்துக் கொள்கிறோம்.!
நாங்கள் நல்ல!
பதுங்குகுழி அமைக்கவில்லை.!
சாமாதான காலத்தில்!
சீமெந்துகள்!
அனுமதிக்கப்பட்டிருக்கையில்!
நிலத்தின்கீழ்!
வீடுகட்டியிருக்க வேண்டும்.!
!
09.!
படுகொலை செய்யப்பட்டவர்களின்!
பெயர் விபரங்கள்!
சந்தியில் அறிவிக்கப்படுகின்றன.!
அது நமது பாடலாகி ஒலிக்கிறது.!
சைக்கிளை விட்டு!
இறங்கி வீதிக்கரையில்!
நிற்கிறோம்!
களமுனையில் வீழ்ந்த!
மாவீரர் ஒருவரின்!
விதையுடல்!
சிப்பு மஞ்சள் வண்டியில்!
துயிலும் வீடுநோக்கிப் போகிறது.!
!
10.!
சைக்கிளை ஒதுக்கி!
வழி விடுகிறோம்!
விமான தாக்குதலில்!
காயமடைந்த!
மக்களைக் காவிக்கொண்டு!
அம்புலன்ஸ் வண்டி!
ஓமந்தை நோக்கிப் போகிறது!
சிலவேளை!
பிணத்துடன் திரும்பி வந்துவிடும்!
!
11.!
நமது உடைகள்!
மங்கி சுருங்கி விட்டன!
செருப்பும் தேய்ந்துவிட்டது.!
பசிக்கிறது.!
கொஞ்சமாய் சாப்பிட வேண்டும்.!
நானும் பிரகாசும்!
மெலிந்து விட்டோம்!
மீண்டும் ஒருநாள்!
நானும் பிரகாசும்!
பதுங்குகுழியை விட்டு!
வெளியில் வந்து பேசுகிறோம்.!
!
-தீபச்செல்வன்

அன்பே மலிய அனைவர்க்குந் தொண்டுசெயின் !
இன்பம் மலியுமென்ற பாவேந்தர் சொற்களையென் !
சிந்தனை மத்தால் சிலுப்பிய போதினில் !
வந்துதித்த எண்ணமதை வாகாய் இயம்புகிறேன். (வந்து) !
வாடிய நெற்பயிரை கண்டதுமே வாடியவர் !
தேடிய தென்றும் உயிர்தழைக்குந் தொண்டதுவே! !
நாடது போற்றும் விவேகா நந்தரும் !
நாடிய துண்டோ புகழை பொருளை? (நாடிய) !
இறைமை யெனுங்கரு தாண்டி மனிதம் !
பரப்பிய வாரியார் தீர்த்தர் ரமணர்; !
மறைமலை போன்றே செழுந்தமிழ் மேன்மை !
உரைத்தத் தமிழர் நிலையின்று தாழ்வோ? (உரைத்த) !
மதத்தின் தலைமை பொறுப்பென்றும் பீடத்தில் !
பதமா யமர்ந்தே புகழ்தேட லில்லை; !
மதத்தின் வழியினில் மக்களின் தொண்டாம்! !
அதைமறக்க வீழ்வா ரழிந்து! (அதை) !
---------------- !
வாடிய நெற்பயிர் கண்டு வாடியவர் = இராமலிங்க வள்ளல் !
வாரியார் = கிருபாநந்த வாரியார் !
தீர்த்தர் = இராம தீர்த்தர் !
ரமணர் = இரமண மகரிஷி !
மறைமலை = மறைமலையடிகள் !
அன்பு மலிய உயிர்களுக்கு தொண்டு செய்தால் இன்பம் மலியும் என்ற வரிகள் !
பாவேந்தர் பாரதிதாசனின் வரிகள் !
-------------------------- !
அன்புடன் இராஜ. தியாகராஜன்

கண்களை நான் மொத்தமும் இழந்தது மிகச்சமீபத்தில்தான் !
திடீரென்ற விபத்தொன்றுமல்ல !
படிப்படியான நிகழ்வுதான் !
சோற்றுப்பானையில் நித்தம் பிடிக்கும் !
கரியாய். !
எனக்குச் சரியாக நினைவில்லை !
இன்றுதானென்று சொல்லமுடியாதபடிக்கு !
குன்றியிருக்க வேண்டும் தினம் தினம் !
சிதறியிருந்த பருக்கைகளை !
சரியாய் துடைக்காமல் !
சிறுவன் அடிவாங்கிய போது !
ஆற்றிக் குடித்துவந்த காப்பி !
அடி நாக்கில் கச்கிறது இன்று. !
படித்திருந்தால் அவன் அஞ்சாங்கிளாஸ் !
அதற்கும் முன்னர்தான் துவங்கியிருக்கவேண்டும் !
என் பார்வைக் குறை !
நெருக்கம் அதிகமில்லா ரயில் பயணத்தில் !
ஒவ்வொரு நிருத்தத்தின் போதும் !
சம்பிரதாயத்திற்கேனும் வாங்கிக்குடித்த !
“டீ காபி பாலுக்கு” அஞ்சு ரூபாய் கேட்டு நீட்டிய பிஞ்சுக் கையில் !
சிவப்புக் கோடாய் பால் பாத்திர பாரம் !
மிச்சக்காசை எண்ணின (என்)கண்கள். !
!
அன்றையிலிருந்தா ? !
பட்டாசுக் கம்பெனி தீ விபத்தில் !
பதினஞ்சு குழந்தைகள் வெந்ததிற்கும், !
பம்பாயில் மீட்ட சிறுமிகளுக்கும் சேர்த்து !
உணர்ச்சிகளற்ற இரண்டு ”த்சோ”க்களை மட்டும் உதிர்த்துவிட்டு !
சேனலை மாற்றியபோதும் உணர்ந்தேனில்லை !
நான் முழுக்குருடனென்பதை !
சொச்சமேனும் மீந்து கிடந்த மனிதம் உரைத்தது !
இன்னும் கை சூப்பும் தம்பியை !
இடுப்பில் சுமந்தபடி !
குட்டிப்பாப்பா ஒருத்தி !
கால்சட்டையை பிடித்துச் சொடுக்கி !
கசக்கிப் பிழிகிற தொனியில் !
”சார்....” என்று யாசித்தபோது

பாஷா !
ஏன் சுரேஷ்.... !
ஏனென்றால் நானுன்னை !
காதலிக்கிறேன் !
கேட்கப்படும் உன் !
கேள்விகளுக்கெல்லாம் ஒரே !
பதிலாக சொல்ல முடியவில்லை !
நேசிக்கிறாயா !
என் நினைவால் !
தேய்ந்துகொண்டிருக்கிறாயா, !
பாசம் வைத்திருக்கிறாயா, !
என் ஆழ்ந்த இதயத்தின் !
இருள் பள்ளத்தாக்குகளில் !
ஊறும் என் அன்பு !
உன்னிடம் அடைக்கலமாக !
உன் மனக்கதவு !
திறந்திருக்கிறதா, !
என்ன செய்துகொண்டிருக்கிறாய் !
என்ற உறுதிசெய்ய முடியாத அவஸ்தையில் !
உயிர் தீண்டிகொண்டுதானிருக்கிறாய் நீ! !
என் காதலை !
ஏற்பாயா !
எதிர்ப்பாயா !
எதுவெனினும் உன்னை !
பார்க்காத நாளும் !
நினைக்காத நெஞ்சமும் !
நெருப்பில் வேகட்டும்

விண்ணினைத் தொட்டிடும் விரக தீயினால் !
விழி எனும் விளக்கிலே விாித்த!
விருப்பு எனும் நெடும் திாியிலே!
தீபம் ஏற்றினாள் காதல் தீபமேற்றினாள்!
மாம்பழ மதுரமேனி மங்கையின் கண்ணிலே!
கண்ட காதலால் கன்னியுடன் சென்று!
காமம் கலந்துண்டு களிப்புற்று கழித்திட்ட!
கனிந்த பொழுதுகள் காலத்திற் புதியது!
மனம் புதியதென்று பூமகளைப் புாிகையிலே..!
நெருப்பென்ன நின்ற நெடும் குமாி!
நெருங்கி வந்ததுவும் நிசம் தானோவென்று!
நின்று நினைக்கையிலே கருத்தைப் பிழைப்பித்து!
கட்டியவள் அணைக்கையிலே காதல்தான் பெருகியது!
ஆசையினாலுண்டான அறியாத ஆயிரமாயிரம் உணா்வுகளில்!
அன்பேதான் ஆதிக்கம் செலுத்தியது ஆதலினால்!
அழகுத் திருமகள் ஆசையுடன் கூடிவந்து!
கொண்டு வந்த காதலெனும் தீபமது!
ஆண்டாண்டு காலமதாய் அணையாது எாியட்டும்

1971ஏப்ரல்2004 !
சேய்! !
என்னைத் தண்டித்துவிடு !
உனது புதைகுழியை !
தென்னமெரிக்கக் காற்றில் விதைத்து !
புரட்சியின் குறியீடாய்ப் போனவன் நீ. !
உன்முன் நான் மண்டியிடுகிறேன் !
என்னைத் தண்டித்துவிடு, நான் !
ஓர் இலங்கையனாய்ப் பிறந்ததிற்காய். !
சேகுவேரா !
உனது பெயரில் ஓர் ஏப்ரல் கிளர்ச்சி !
வெடித்து பின் !
சிதறிப்போய் முப்பத்திமூன்று ஆண்டுகளாகிறது. !
இன்றும் சேகுவேரா என்றால் உனது !
பெயரென்றறியாமல் !
தவறியிருப்பவர்களிடம் நினைவில் !
வந்துபோபவர்களை உனக்குக் காட்ட !
வெட்கப்படுகிறேன். !
உனது தாடியை பிரதிபண்ணியதற்கும் அப்பால் !
சம்பந்தமற்றுப்போனவர்கள் அவர்கள். !
கிளர்ச்சியின் நாயகர்களாய் !
வதந்திகளை நாளுக்குநாள் காற்று !
எழுதிக்கொட்டிய அந்த நாட்களில் நாம் !
திகில்கொண்டிருந்தோம் !
புரட்சியை ஒரு மாயக்குகைபோல் !
அவசர அவசரமாய்ப் புனைந்துகாட்டி பின் !
தோற்றுப்போனார்கள். !
எல்லாம் போயிற்று !
வதந்திகள் பிணங்களின் எண்ணிக்கையையும் !
இந்திய இராணுவத்தின் கொலை வெறியாட்டத்தையும் !
காவி வரவர !
ஊதிப் பெருத்த செய்திகளில் நாம் !
களைப்படைந்தோம். !
அழகுராணி மன்னம்பெரியை நிர்வாணமாய் !
வீதியில் நடத்தி பின் !
கொலைசெய்த பொலிஸ்கோரத்தில் !
மனிதம் அதிர்ந்துநிற்க, உலகின் முதல் !
பெண் பிரதமர் அரசவைக் கட்டிலை !
அலங்கரித்துக்கொண்டிருந்தார். !
இப்படியாய் !
பரம எதிரியாய்ப் போனோர் இன்று !
தேர்தலில் ஓரணியான புதினம் !
இருக்கிறதே பார், சொல்லிட !
வெட்கப்படுகிறேன் நான் ஓர் !
இலங்கையனாய்ப் பிறந்ததில். !
இளைஞர்களேயற்ற கிராமங்களையும் !
பிணங்கள் காவிய களனிகங்கையையும் !
நிர்மாணித்ததில் !
கொலைக்கரங்களிற்குக்கூட வலி எடுத்திருக்கும். !
உயிர்களை புதைகுழிக்குள் கொழுவி !
வீசியதில் !
கடிகார முட்களும் சோர்வுற்றிருக்கும். !
சோசலிசக் கனவுகளோடு புதைக்கப்பட்ட !
தோழர்களின் புதைகுழியில் !
மலர்களுக்குப் பதில் !
இனவாத முட்களோடு அஞ்சலிக்காய் !
அணிவகுக்கின்றனர், உனது பெயரில் !
முன்னர் புயல்கொண்டவர்கள். !
இதற்காய் !
வெட்கம்கொள்ள ஏதும் இல்லை எனின் !
அம்மணமாய் நான் வீதியில் !
நடப்பது ஒன்றும் அசாதாரணமல்ல. !
தண்டித்துவிடு, !
என்னைத் தண்டித்துவிடு! !
உன்முன் நான் மண்டியிடுகிறேன் !
என்னைத் தண்டித்துவிடு சே, நான் !
ஓர் இலங்கையனாய்ப் பிறந்ததிற்காய்! !
- ரவி (சுவிஸ்,160204)

அன்றைய வைகறையிலாவது!
ஏதாவதொரு அதிசயம் நிகழக்கூடுமென!
படிப்படியாயிறங்கி வருகிறாள்!
சர்வாதிகார நிலத்து ராசாவின்!
அப்பாவி இளவரசி !
அதே நிலா, அதே குளம்,!
அதே அன்னம், அதே பூங்காவனம்,!
அதே செயற்கை வசந்தம்!
அதுவாகவே அனைத்தும் !
எந்த வர்ணங்களும் அழகானதாயில்லை!
எந்த மெல்லிசையும் புதிதானதாயில்லை!
எந்த சுதந்திரமும் மகிழ்வூட்டக் கூடியதாயில்லை !
நெகிழ்ச்சி மிக்கதொரு!
நேசத் தீண்டலை!
அவள் எதிர்பார்த்திருந்தாள்!
அலையடிக்கும் சமுத்திரத்தில்!
பாதங்கள் நனைத்தபடி!
வழியும் இருளைக் காணும்!
விடுதலையை ஆவலுற்றிருந்தாள்!
காவல்வீரர்களின் பார்வைக்குப் புலப்படா!
மாய உடலையொன்றையும் வேண்டி நின்றாள்!
அவள் நிதமும் !
அப் புல்வெளியோடு!
வானுக்குச் சென்றிடும் மாய ஏணியொன்றும்!
அவளது கற்பனையிலிருந்தது !
இப் பொழுதுக்கு மீண்டும் இக்கரை தீண்டா!
ஒரு சிறு ஓடம் போதும்!
எல்லை கடந்துசென்று!
சுதந்திரமாய்ப் பறக்கும் பட்சிகள் பார்க்கவென!
அச் சமுத்திரத்தின் அக்கரையில்!
அவளுக்கொரு குடில் போதும்

புதியமாதவி, மும்பை!
உடைந்து போன!
கம்பீரங்களின்!
அதிர்ச்சியில்!
சிதறிக்கிடக்கும் பிம்பங்கள்!
பொறுக்கி எடுக்கும்!
ஒவ்வொரு கணமும்!
மீண்டும் மீண்டும்!
விசவரூபமெடுக்கின்றன!
ஒவ்வொரு துண்டிலிருந்தும்!
வெவ்வேறு முகங்களுடன்.!
உன் நிஜங்கள்.!
ரசிக்கவும் முடியாமல்!
கடக்கவும் தெரியாமல்!
கவனமாக எடுத்தாலும்!
காயப்படுத்தும்!
கண்ணாடிச்சில்லுகளில்!
பதிந்துபோனது!
பலகீனரேகைகள்!
புரிந்ததாக நினைத்து!
புன்னகைப் புரியும்!
ஒவ்வொரு கணமும்!
மாயவித்தைகளில்!
மயங்கிவிடுகிறது!
நமக்கான!
நம் புரிதல்கள்

கவி ஆக்கம் க.முத்துக்குமரன்!
தீண்டலுக்காக!
காத்திருக்கும்!
தீயிளவரசி!!
பற்றும் முன்!
பெட்டியிலும்!
பற்றியபின்!
தொட்டியிலும் வசிக்கும்!
பிதாமகன்!!
பெயரில்!
“தீ” யை சுமக்கும்!
தற்கொலைவாதி!!
விளக்கிற்கு!
வாழ்க்கை கொடுத்துவிட்டு!
தன் வாழ்வை!
இருளாக்கி கொள்ளும்!
தியாகி!!
பஞ்சபூதங்களில்!
“ஓரினம”; என்பதை!
தலைக்கனத்தோடு!
உருவகத்தில் சொல்லும்!
“பேரினம்: !!!!
!
கவி ஆக்கம் க.முத்துக்குமரன்

01.!
எதார்த்தம்!
---------------!
!
நான் இருந்தேன்!
நீ வந்தாய்!
நாம் ஆனோம்.!
!
நீ சென்ற பின்னும்!
நான் இருக்கிறேன்.!
!
ஒன்று நீங்கிடில்!
மற்றொன்றும்!
உயிர் துறப்பது!
!
பறவைகளில் !
வேண்டுமானால்!
பழக்கமாய் இருக்கலாம்.!
!
மனிதனுக்குத் !
தெரியும்!
சேர்ந்துபோவதில் உள்ள!
சிக்கல்கள்.!
02.!
விட்டுக்கொடுத்தல்!
-----------------------!
எவருக்கும்!
இயலக்கூடும்.!
காதலுக்காக !
காதலியை !
விட்டுக்கொடுத்தல். !
!
எவருக்கேனும் !
இயன்றதுண்டோ?!
காதலுக்காக !
காதலையே !
விட்டுக்கொடுத்தல்.!
!
03.!
தடங்கள் !
------------ !
எப்போதும் போல்தான் !
இருக்கிறது. !
என்னையும் உன்னையும்!
பிரித்த நிலா.!
!
இப்போதும் முத்தமிட்டுக்கொண்டுதான் !
இருக்கின்றன. !
எதிர்வரும் அலைகளோடு!
உள் வாங்கும் அலைகள்.!
!
நீ விட்டுப்போன !
தடங்களோடு நான். !
இங்கேயும் அங்கேயும்.!
!
இன்றும் நீ வராமலே !
இருந்திருக்கலாம். !
ஏனைய நாட்களைப் போல.!
!
-செல்வராஜ் ஜெகதீசன், அபுதாபி