தமிழ் கவிதைகள்
வண்ணத்து பூச்சி.. புரிதல்
மோகன் குமார், சென்னை
வண்ணத்து பூச்சி!
-----------------------!
ஒவ்வொரு முறையும்!
உந்தன் தெருவினுள் வரும் போது!
எனை கடந்து போகும்!
வண்ண பட்டாம் பூச்சிகள்!
வெண்ணிறமாய், மஞ்சளாய்!
இன்னும் சொல்ல வொண்ணா நிறங்களில்!
முகத்திற்கெதிரே வந்து!
முணு முணுத்து போகும்.!
அவை சொன்ன சேதி !
விளங்கியதே இல்லை !
வருடங்களுக்கு பிறகு !
இன்று நீயில்லாத !
அதே தெருவில்.. !
முணு முணுப்பின் அர்த்தம் !
முழுசாய் புரிகிறது இன்று. !
!
02.!
புரிதல்!
----------!
ஒன்றன்!
அருகில் உள்ள போதல்ல!
ஒன்றை விட்டு!
தூரமான பின்பே!
ஒன்றைப் புரிய முடியும்
சமாதான பயணம்
விசித்ரா
உயிரின் இருப்புக்காய் குழந்தைகளின் பயணம்!
மலைகளின் பெருவெளியில் !
கபாலங்களையும் எலும்புத் துண்டங்களையும் !
மிதித்து நடக்கிறார்கள்!
தொலைந்து போன உறவுகளின்!
சிவப்புக் கோடுகளை நெஞ்சில் சிலுவையாய் வரித்து!
கரிக்கும் கண்ணீரைப் பருகி நடக்கிறார்கள்!
அதர்ம ஒலி எழுப்பி கொடிய இரத்த வெறியை !
ஆணிகளாலும், கோடரிகளாலும்; மன்னர்கள்!
புண்படுத்திக் காட்டியிருக்கிறார்கள்!
குழந்தைகள்!
தங்கள் ஆத்மாக்களை!
கல்வாரியின் மலைகளுக்கு ஒப்புக்கொடுத்துவிட்டு!
மடிந்தது போக எஞ்சியவற்றுடன் நடக்கிறார்கள்!
இப்போது!
எல்லோருமே அழுகிறார்கள் !
மன்னர்களால் கொல்லப்படுவதற்கு!
இன்னும் எங்களிடம் உரிமைக்கான நியாயங்கள் இருக்கிறதா?!
- விசித்ரா
கவிதைகளும், கேள்விகளும்
அனாமிகா பிரித்திமா
------------------------------------!
என்னிடம்...!
கேள்விகள்...!
ஆயிரம் உண்டு...!
கேட்க ஆசை உண்டு...!
உங்களிடம் கவிதைகள்...!
ஆயிரம் உண்டு...!
காதலை பற்றி... !
காதல் தோல்வியை பற்றி... !
திருமணத்தை பற்றி... !
உறவை பற்றி... !
உயிரை பற்றி... !
பிரிவை பற்றி... !
உணர்சியை பற்றி... !
எழுதாத எவையும் இல்லை...!
உங்கள் கவிதை அத்தியாயத்தில்... !
ஓன்றை... !
ஓன்றை பற்றி மட்டும் ...!
ஓரு கவிதை வேண்டுமே…!
மனமாற்றத்தை பற்றி…!
மறப்பதை பற்றி...!
எழுதுங்களேன்...!
நானும்... !
முயல்கிறேன்...!
தங்களை...!
மறக்க
தேர்தல்
இமாம்.கவுஸ் மொய்தீன்
இத்தேர்தல் வரையிலும்!
ஏற்பட்ட கழிவுகளையும்!
களைகளையும் களைந்து!
சனநாயகத்தைத் தூய்மை படுத்திட !
சனநாயகம் அளித்திடும் !
அரிய வாய்ப்பு!!
சமூக விரோத சக்திகளை!
இனம் கண்டு!
பாடம் புகட்டிட!
மீண்டும்!
ஓர் சந்தர்ப்பம்!!
சனநாயகக் கடமையாற்றிட!
முன் வரவேண்டியவர்கள்!
முன் வாராமையால்!
நாற்காலிகளே!
நாற்காலிகளுக்காக!
மோதிக் கொள்கின்றன!!
வாக்களிப்போரிலும்!
பெரும்பாலோர்!
மனசாட்சியை !
உறங்க வைத்துவிட்டு !
வாக்குச் சாவடிக்குச் செல்வதால் !
நாற்காலிகளே-மீண்டும்!
நாற்காலிகளை அலங்கரிக்கின்றன
இறுதி இரவும்.. விளையாட்டுச் சங்கிலி
ப.மதியழகன்
01.!
இறுதி இரவும் உன்னால் விடியும் !
----------------------------------------!
கச்சா எண்ணையாக!
பூமித்தாயின் உதிரத்தை!
நித்தமும் உறிஞ்சிக் குடித்தபடியே!
தீராத தாகத்தைத் தணிக்கின்றோம் !
நம்முடைய சுயநலத்துக்காக!
பஞ்சபூதங்களின் சமநிலையை!
பலியிட்டு!
சொகுசு கார்களில் ஊர்வலம்!
செல்கின்றோம் !
நான்கு தலைமுறைக்கு தேவையான!
சொத்து நிறைந்திருக்கும்!
பல கனவான்களின் வங்கிக்கணக்குகளில்!
அடுத்த தலைமுறை!
ஆரோக்கியமாய் சுவாசிக்க!
சுத்தமான காற்று இல்லாமல்!
காகித கரன்சியை வைத்து!
என்ன பண்ணும் !
கண நேர!
அற்ப கேளிக்கைகளுக்காக!
பூமியை சிவகாசி பட்டாசாய் எண்ணி!
விளையாட்டாய் திரியில்!
தீயை வைக்கின்றோம்!
வெடிக்கும் போது தெரியும்!
விளையாட்டு எப்படி!
வினையாகிப் போனதென்று !
இனியும் விழித்துக்கொள்ளவில்லை என்றால்!
ஓர் இரவு!
மனித இனத்துக்கே!
விடியாமல் போய்விடுமல்லவா!
இத்யாதி இத்யாதிகளிலேயே!
இயந்திரமாய் நாட்களைத்!
தொலைக்கும் மனிதா!
இயற்கையையும் ஒரு நொடி!
எண்ணிப்பார்!
இறுதி இரவைக் கூட விடியவைக்க!
உன்னால் முடியும்!
உன்னால் மட்டுமே முடியும். !
!
02.!
விளையாட்டுச் சங்கிலி !
--------------------------!
மழைநீரில் மிதந்தன!
நாளைய பொறியியல் வல்லுனர்களின்!
காகிதக் கப்பல்கள்!
கடந்த வருட கணக்கு நோட்டுப்புத்தகங்களெல்லாம்!
கப்பல்களாக வடிவம் பெற்று!
வெள்ளநீரில் பயணிக்கின்றன...!
கணக்கு வாத்தியாரை!
ஏதோவொரு விதத்தில் பழிதீர்த்துவிட்ட!
உணர்வு!
அவரிடம் பிரம்படி வாங்கிய!
ஒரு சில மாணவர்களுக்கு!
அவர்கள் செய்யும் கணக்குகள் போலவே!
‘வழி’தவறிவிடுகிறது கப்பல்!
கவிழ்ந்தாலும், கரைசேராவிட்டாலும்!
கன்னத்தில் கை வைதது உட்காருமளவுக்கு!
எந்தக் கவலையுமில்லை அவர்களுக்கு ஒன்றாம் வகுப்பு!
படித்துக் கொண்டிருக்கும் சிறுவன்!
எல்லோருரிடமும் கெஞ்சிக் கொண்டிருந்தான்!
தனக்கு கப்பல் செய்யக் கற்றுக் கொடுக்கும்படி!
அவன் செய்த தொந்தரவு தாங்காமல்!
அந்தக் கூட்டத்தில் ஒருவன் முன்வந்தான்!
அச்சிறுவனுக்கு கற்றுக் கொடுக்க,!
கப்பல் செய்வதில் முனைவர் பட்டம்!
பெற்றவனைப் போல!
அவனுக்கு பாலபாடம் எடுத்து முடித்தான்!
கன்னி முயற்சியில் தவறவிட்டாலும்!
அடுத்தடுத்து வடிவம் வெவ்வேறாக மாறினாலும்!
ஓரளவுக்கு தனது பிஞசுக் கைகளால்!
தானே கப்பல் செய்யக் கற்றுக்கொண்டான்!
அந்தச் சிறுவன்!
அவன் செய்த கப்பல்!
தண்ணீரில் தத்தளித்தபடி சென்ற போது!
அந்தக் கூட்டத்திற்கு மத்தியில்!
அவனடைந்த ஆனந்தத்திற்கு!
அளவே கிடையாது!
உலகிலுள்ள ஆனந்தம் முழுவதும்!
அந்தச் சிறுபாலகனின்!
சேமிப்புக கணக்குகளில் நிரம்பியது!
அந்த நொடிகளில்...!
மழை ஓயந்துவிட்டது!
ஆனால் அவனுடைய குதூகலம்!
சிறிதும் குறையவில்லை !
பருவம் மாறியது!
கோடை காலம் வந்தது!
வெயில் சுட்டெரித்தது!
அனல் காற்று!
புழுதி உயரெழும்ப வீசியது!
இப்போது அச்சிறுவன்!
பனை ஓலையில்!
காற்றாடி செய்யக் கற்றுக் கொடுக்கும்படி!
கெஞ்சிக் கொண்டிருந்தான்!
அந்தச் சிறுவர் குழாமிடம்
மௌனத்திற்கு அர்த்தம் என்ன ?
ந.பரணீதரன்
பார்வைகள் புதைக்கும் !
மௌனத்திற்கு அர்த்தம் என்ன ? !
இதயத்தினுள்ளே ஒரு !
பூ விழும் உணர்வுகள் தோன்றும் !
மௌனத்திற்கு அர்த்தம் என்ன ? !
இதழ்கள் மூடி புன்னகைத்து !
செவிமடல் சிவக்க நாணி நிற்கும் !
மௌனத்திற்கு அர்த்தம் என்ன ? !
மண்ணின் மார்பில் கோலம்போட்டு !
பாதம் தேய மண்ணை நோக்கி !
கவிழ்ந்து நிற்கும் பெண்மையின் !
மௌனத்திற்கு அர்த்தம் என்ன ? !
கண்கள் செருக !
கரங்கள் பிணைய !
இதழ்கள் இணையும் !
முத்தத்தின் போது தோன்றும் !
மௌனத்திற்கு அர்த்தம் என்ன ? !
வானின் மஞ்சத்தில் பள்ளிகொள்ளும் !
பளிங்கு நிலாவை பார்வை வெறிக்க !
தலையை வருடி உறங்க மறுக்கும் !
விடலையின் மௌனத்திற்கு அர்த்தம் என்ன ? !
விசையின் மீது கரம்வைத்து !
இருளை வெறித்திருக்கும் !
போராளியின் மௌனத்திற்கு அர்த்தம் என்ன ? !
கடலின் மீது தூண்டில் வீசி !
அலையை ரசித்துக்கொண்டே !
தூண்டில் அசையும்வரை காத்திருக்கும் !
மீனவனின் மௌனத்திற்கு அர்த்தம் என்ன ? !
மண்ணின் மார்பில் முக்குளித்து !
மூச்சுத்திணற வெளிவரத்துடிக்கும் !
விதையின் மௌனத்திற்கு அர்த்தம் என்ன ? !
மலா¢களுடன் பேசிப்பார்த்தேன் !
அர்த்தம் கிடைக்கவில்லை !
நிலவிடம் இரந்து கேட்டேன் !
விடை பகரவில்லை !
உன்னிடம் கேட்கின்றேன் !
மௌனத்தின் அர்த்தம் என்ன ? !
கொலுசினால் பேசுகின்றாய் !
கைவளையல்களால் மொழிகின்றாய் !
மௌனத்தின் அர்த்தம் கேட்டேன் !
மௌனத்தினால் கொல்கின்றாயே
விடலைக் குஞ்சுகளா
துரை. மணிகண்டன்
யார் கண்பட்டதோ!
இன்று சுனாமியால் சிதருண்ட!
குட்டிகுட்டித் தீவுகளாக!
என்று மீண்டும் இணைவோம்!
பிரிந்துபோன மேகங்கள் ஓன்றாய் கூடுவதுபோன்று!
இறைத்தேடச்சென்ற தாய்ப்பறவையினை!
எதிர்பார்த்திருக்கும் விடலைக் குஞ்சுகளாய்....!
இரத்தம் பேசும்!!
காலையில்!
கோழி கூவி எழுந்ததைவிட!
குண்டுகள் கூவி (வெடித்து)!
எழுட்ந்ததுதான் அதிகம்!
ஏன்? எங்களுக்கு மட்டும் இந்த தண்டனை!
இறைவன் கொடுத்த சாபமா!
எங்களுக்கும் இறைவனுக்கும்!
கணக்கு இன்னும் நிலுவையில் உள்ளதா?!
உலக மக்களே ஒன்று கேளுங்கள்!
இறந்தபின் எங்கள் இரத்தம் பேசும்!
பொய்யல்ல உண்மையே....!
!
-துரை.மணிகண்டன்!
(இலங்கை தமிழரிகளின் உள்ளத்திற்காக எழுதப்பட்டது)
நடு நிசி நாய்கள்
ப்ரியன்
இரவில் அப்படி இப்படி !
திரும்பி புரண்டுப் !
படுக்கையில் தூக்கம் !
கலைந்து போகும் !
சில நாட்கள்! !
பக்கத்து வீட்டு !
மரம் அசைதலில் !
பேய் கண்டுபிடித்து !
மனம் கிலி கொள்ளும் !
சில நேரம்! !
மாலையெல்லாம் !
அமைதியாய் !
கம்பம் தேடிய !
நாய்கள் குரைத்துத் தொலைக்கும்; !
அவ்வப்போது !
குலை நடுங்க வைக்கும்! !
சின்னதொரு வயதில் !
இருட்டியப் பின் கடைக்கு !
செல்லும் நாட்களில் !
தூரத்தில் வரும் அப்பனை !
அடையாளம் காணாமல் !
பேய் வருதென் பயந்து !
பதுங்கியதும்; !
டவுசரைப் பிடித்தப் படி !
துணைக்கு சத்தமாய் !
பாட்டை நடுங்கியபடி !
கத்திச் சென்ற !
நினைவுகளும்; !
மனதில் நின்று ஊஞ்சலாடி !
மெல்லியதாய் புன்னகை !
பூக்கச் செய்யும்! !
அது தொடர்ந்து !
என்னைப் போல !
எதைக் கண்டு !
பயந்து கத்துகின்றனவோ !
இந்நடு நிசி நாய்கள்! - என !
எண்ணும் கணம் !
இன்னும் பயங்கரமாக கத்தி !
பயமுறுத்தி தொலையும்! !
ஆனாலும், !
எந்த நாயும் !
சொல்லியதில்லை என்னிடம் !
இரவில் கத்தும் ரகசியத்தை; !
ஏனோ நானும் !
இதுநாள் வரை கேட்டதில்லை !
அவ்ரகசியத்தை! !
- ப்ரியன்
திருட்டும் தீர்ப்பும்
அமானுஷ்ய புத்ரன்
மலை முகடுகள்!
அங்கெல்லாம்!
ஒளிந்து கொள்ள ஓடுகிறாய்.!
நீயே!
களவாடப்பட்டவன் தான்.!
டி.என்.ஏ யின்!
முறுக்கிழையில்!
அமினோ அமிலங்கள்!
குத்தாட்டமும் குதியாட்டமும்!
போட்டுக்கொண்டதினாலும்!
அதன் இரண்டு உயிர்கள்!
ஏதோ ஒரு நள்ளிருட்டில்!
ஊஞ்சல் ஆடியதினாலும்!
வந்து விழுந்தாய்.!
அந்த மனுஷ புத்திரனின்!
ஜெனடிக் சூத்திரம்!
எங்கிருந்தோ!
எதிலிருந்தோ!
கையாடப்பட்டது தான்.!
பட்டினத்தார் சொன்னாலும்!
ஒன்றுதான்.!
டாக்டர் ஹர்கோபிந்த் கொரானா!
சொன்னாலும் ஒன்றுதான்.!
செல் எனும்!
உயிர்ச்சிற்றறைக்குள்!
ஒளிந்து கொண்டாலும்!
உன் நிழல்!
உன்னை திருடுகிறது.!
உன்னைத்தின்கிறது.!
உன் எலும்பையும் தாண்டி!
உன்னுள்!
விறைத்துக்கொண்டிருக்கும்!
லட்சக்கணக்கான!
ஆண்டுகளின்!
அச்சுப்பதிப்பு எல்லாமே!
அச்சப்பதிப்புகள் தான்.!
அதனால்!
கல் எலும்பு ·பாசில்கள் கூட!
ஏ.கே 47 களை!
கருவுற்று வைத்திருக்கின்றன.!
இந்த இரத்தவெறி!
எத்தனை எத்தனை!
இருபத்தியன்றாம் நூற்றாண்டுகளை!
கவசம் வைத்துக் கொண்டு!
வந்தாலும்!
அது அழிக்கப்பட வேண்டும்.!
அது துடைத்தெறியப்பட வேண்டும்.!
ஏ புதிய மானிடமே!
உன் புதிய சுவாசத்தில்!
அன்பின் சூறாவளிகள்!
சுழற்றி வந்து வீசட்டும்.!
ஆனாலும்!
அந்த திருட்டு சுமை!
உன் மீது!
இன்னும் ஏறியிருக்கிறது.!
உன் முதுகில்!
உன் நெற்றியில்!
கண்ணுக்கு தெரியாத!
அந்த முத்திரை!
நீ பண்ணும் கலவரங்களில்!
களேபரங்களில்!
நன்கு தெரிகிறது.!
புரட்டி புரட்டி படித்துப்பார்க்கலாம்.!
இந்த தம்ளர் இந்த ஓட்டலில் இருந்து!
திருடப்பட்டது.....!
திருடப்பட்ட அந்த வெறி...!
உன்னை நீயே சுரண்டிக்கொள்வது...!
உன்னை நீயே படுகொலை செய்து கொள்வது...!
உனக்கு நீயே பாசாங்கு காட்டிக்கொள்வது...!
உன்னை நீ கனவு கான்பதற்குப்பதில்!
உன்னை நீயே உணவு ஆக்கிக்கொண்டாய்...!
உன் மானுட ஒளிக்கு!
கருவறை கட்ட அடித்தளம் போட்டு!
முகம் தெரியாத!
ஏதோ ஒரு அதிகாரியிடம்!
பிளான் அப்புரூவலும் வாங்கி!
பூசை செய்து சூடம் கொளுத்தி!
நீ கட்டிடம் எழுப்பியபோது!
நீ கண்டாய்..!
ஒரு பொய் நின்றது.!
கள்ளத்தனத்தின் பெரும்பூதம்!
உன் முன் நின்றது.!
உன் கருவறையை!
புனிதமாக்க வந்தவன் என்று!
சொன்னாய்.!
ஆனால்!
வைரக்கல் பதித்து!
சலவைக்கல் விரித்து!
நீ பூவேலை செய்ததெல்லாம்!
உன் கபாலங்களைக்!
குவித்து வைக்கும்!
குடோனுக்குத் தான்.!
எல்லாம் திருடப்பட்டது தான்.!
கொலைவெறியில்!
சூடேறிய வாசகங்கள் எல்லாம்!
திருடப்பட்டது தான்.!
துப்பாக்கிகள் மனிதனை!
திருடிக்கொண்டன.!
எல்லாம் திருடப்பட்டது தான்.!
கடவுள்களும் சைத்தான்களுமே!
அந்த திருட்டு வழக்குக்கு!
கூண்டில் ஏறி!
நின்று கொண்டிருக்கிறார்கள்.!
தீர்ப்புகள்!
எழுதுவதற்கும்!
அவர்களே!
அங்கு அமர்ந்திருக்கிறார்கள்.!
- அமானுஷ்ய புத்ரன்!
23-2-2008
