ஒரு பறவை என்னோடு நட்பாகியிருந்தது!
அதன் சிறகுகள் !
அழகானவை என்றனர் சிலர்!
அவை கம்பீரமானவை என்றேன் நான்.!
அழகிய பறவையின் கூடு !
அதன் வீடு என்றார்கள் அவர்கள்!
வெளியே வீடு என்றாகிய பறவையிடம்!
கூட்டின் எண்ணங்கள் எப்படியிருக்கும்!
விரிந்த கடலும்!
பரந்த வெளியும் !
சுடர்ந்த ஞானமும்!
கொண்ட தப் பறவை!
என்னுடன் நட்பாகியிருந்தது!
அந்திபகல் என்ற பேதங்கள் !
இல்லாத பறவையின்!
பறத்தல் சுகத்தை !
சிறகின் வீரியத்தைக் காணுதலுற்றேன்!
ஆற்றலொடு பறந்து !
வானில் மிதக்கும் அப்பறவையிடம்!
சிறிய வட்டங்களேதுமில்லை!
விர்ரெனப்பறந்து மேலெழும்!
பிறகு !
சட்டென விரைந்து!
கீழே குதித்து !
மடிமீதமரும்!
என்ன ஆச்சரியம்!
இரவிலும் பகலிலும் !
அப்பறவை பறந்து திரிந்தது!
அந்தி பகல் !
என்ற பேதங்களின்றி!
வீரத்துடன்!
கம்பீரத்துடன்!
அதுவே அழகென்றேன் நான்

உண்மைகள் எப்போதும் மறைந்திருக்கும் - அவை!
உலகத்தில் ஏனோ புதைந்திருக்கும்!
நெஞ்சங்கள் அதனால் துடித்திருக்கும் - அவை!
வஞ்சங்கள் கண்டு தளர்ந்திருக்கும்!
பாசத்தை மதிக்கும் உயிர்கள் தானே - புவியில்!
நேசத்தால் உதைபடும் பந்துகள் ஆயின!
வேஷத்தால் மயக்கிடும் மனிதர்கள் - உலகில்!
கோஷத்தால் உயர்ந்திடும் நிகழ்வுகள்!
பொறுமையால் கட்டுண்ட சொந்தங்கள் - வாழ்வில்!
வெறுமையாய் தவித்திடும் பொழுதுகள்!
கருமையை விலக்கிடும் வேளைகள் - என்றும்!
வரும்வழி புரியாத ஜீவிதங்கள்!
இறைவனின் பாதங்கள் தொழுதிடும் - சில!
இதயங்கள் என்றுமே அழுதிடும்!
இதுகூட இயற்கையின் நியதியோ - அவனியில்!
இவர்வாழ்வில் இன்பம் இனிவருமோ ?!
-சக்தி சக்திதாசன்

பட்டினத்திற்குத் தொழிலுக்காய்!
போன உன் வருகைக்காக!
காத்துக்கிடக்கிறது பண்டிகை!
பண்டிகைக்காய் வருகின்ற!
உனக்கென்று என்னை முடிக்க !
நிச்சயம் செய்த நாளிலிருந்து!
உன் அம்மா மிகவும்!
ஆதரவோடுதான் இருக்கிறாள் என்னோடு!
உன்னை பிரிந்த தவிப்பில்!
உன் முகம் காணும் நாளுக்காய்!
தவமிருக்கும் உன் அம்மாவுக்குக் !
ஒரு பட்டு சேலையோ இல்லை!
உன் வசதிக்கேற்ப ஒரு!
கைத்தறி புடவையோ கொண்டுவரலாம்!
பண்டிகைகாய் வரும் நீ!
உன் தங்கைக்காய் பாவாடைத் தாவணி !
கொண்டு வரலாம்!
பள்ளிக்கூடப் புத்தகப் பை!
வரும் வீதிகளை!
பார்த்துப் பார்த்துக் காத்திருக்கும்!
உன் தம்பியின் ஏக்கம் தீர்க்கலாம்!
வீட்டைத் திருத்திக்கொள்ளும்!
உன் அப்பா எதிர்பார்ப்புகளுக்கு!
பணம் கொண்டு வரலாம்!
நண்பர்களுக்கு!
வாசனை திரவியமும்!
இன்னோரன்ன பொருட்களும்!
கொண்டு வரலாம்!
இன்னும் நீ!
உன் காதலிக்கும் இரகசியமாய்!
ஏதேனும் கொண்டுவரலாம்!
எல்லோருக்குமான உன் வருகையில்!
எனக்கு மட்டும் பகிரங்கமாக!
நீ கொண்டு வருவதென்னவோ!
மரணம் மட்டுமே!
அத்தனைப் பேருக்கும்!
பெருநாளாக நீ வரும் நாள்!
வந்துவிடக்கூடாது என்பதுதான்!
என் பிரார்த்தனையாய்!
.!
நீ வருகின்ற பண்டிகையில் நாளில்!
உயிரே வந்ததாய் உணரும்!
உறவுகளுக்கு ஆனந்த பந்தியாகி!
நாட்டுக்கோழின்னா நாட்டுக்கோழின்னு!
நா ருசித்து நீ மகிழும் நிமிஷத்தை !
எண்ணிய மரண பீதியில்!
அதிகாலையிலே அலறுகிறேன்!
ஆனாலும் சேவல் கூவிடிச்சு என்று!
எழுந்து அவரவர் கடமைகளில் மூழ்கும்!
உன் குடும்பத்துக்கு மட்டுமல்ல!
உனக்கும் கூட எப்படி புரியும்!
பஞ்சரத்துச் சேவல் என் தவிப்பு?!

என்னைத் தொலைத்த(தொலைக்கும்) கணங்கள் !
!
அந்த ஒரு கணத்தில் !
அரசமரத்துக் கிளைதனில் !
அன்றில் ஒன்று தாவிய !
அழகு கண்டு நான் !
அந்தக்கணம் எனைத் !
தொலைப்பேன் !
!
அழகுவிழி மலர் கொண்டு !
அம்பொன்று என்மீது !
அவளெய்த போதன்று !
அரைவினாடிப் பொழுதினிலே !
அவசரமாய் நான் எனைத் !
தொலைத்தேன் !
!
பூவிரியும் சோலையிலே !
பூந்தென்றல் வீசுகையில் !
பூவிலந்த வண்டமர்ந்து !
பொழியுமந்தத் தேனருந்தும் !
பொன்மாலையில் நான் என்னைத் !
தொலைப்பேன் !
!
கைநீட்டி காத்திருக்கும் சிறுவன் !
கண்களிலே ஏக்கத்துடன் !
கருணை எதிர்பார்க்கையில் !
கண்மூடித்திறக்குமுன்னே அவன் கையில் !
கச்சிதமாய் ஒரு நோட்டை !
கைகளினால் கொடுக்கையிலே !
கண்களை நம்பமுடியாமல் திகைத்து !
காற்றாய் அவன் பறக்கும் வேளையில் !
கண்நேரம் வாஞ்சையிலே நான் என்னைத் !
தொலைத்தேன் !
!
காற்றோடு காற்றாய் என் அன்னை !
கலந்து விட்ட பின்னாலும் !
கனவுலகில் சிலநேரம் காட்சியாகிக் !
கதைபேசி என்னோடு சேர்ந்து !
கவிதைகளை ரசித்திருக்கையில் !
கனவு எனும் கானகத்தில் நான் என்னைத் !
தொலைப்பேன் !
!
காதலினால் என்னைக் கட்டிப்போட்டு !
கலியாணம் என்னும் பந்தத்துள் அணைத்து !
கருணைமிகு மனதோடு கட்டுண்டு !
கடினமெனும் பாதையூடு கைபிடித்து !
கவலைதீர்ந்த ஊருக்கு அழைத்துச் சென்ற !
கண்மணி என் மனைவி தனை நினைக்கையில் !
காலமெல்லாம் நான் எனைத் !
தொலைப்பேன் !
!
தமிழ் என்னும் கன்னியொருத்தி !
தனைக்காட்டி எனை மயக்கி !
தரணியிலே வாழுமட்டும் மறக்காமல் !
தன்னோடு கலக்க வைத்து !
தாகம் தீருமட்டும் கவிதையென்னும் நீரூற்றி !
தகமதைத் தீர்க்கையிலெ நான் என்னைத் !
தொலைப்பேன் !
!
கண்ணதாசன் என்றொரு கவிஞனின் !
கவிதையெனும் கானகத்தினுள் !
கண்மூடி நான் நடந்து வேண்டுமென்றே !
காணமல் வழிதொலைந்து !
களைத்துக் கண்மூடும்வரை !
கட்டாயமாக நான் என்னைத் !
தொலைப்பேன் !
!
அன்புதனை பயிரிட்டு !
அன்பையே அறுவடை செய்து !
அன்புடன் தமிழ் வளர்க்கும் !
அன்புடன் குழுமத்துக்குள் !
அன்புடனே நான் என்னைத் !
தொலைப்பேன் !
!
கருவினிலே உருவாகி என் !
கைகளில் குழந்தையாய் !
கண்களில் ஒளியாகி !
கட்டிளம் காளையாக !
கடமையுடன் கல்விகற்கும் !
கண்ணான என் மகனின் !
கவரும் அந்தப் புன்னகையில் !
காற்றாகக் கலந்து நான் என்னைத் !
தொலைப்பேன் !
!
என்னைத் தொலைத்த கணங்கள் பல !
என்னைத் தொலைக்கும் கணங்கள் பல் !
எப்போதும் தொலைவதில் இன்பம் !
என்றும் கொடுப்பது தமிழும் கவிதையும் !
சக்தி சக்திதாசன்

தேவமைந்தன் !
காலையி லிருந்து !
கணினி இயக்கி !
சொடுக்கி பிடித்து !
அழுத்தி அழுத்தி !
விரல்நுனி, இடுக்கு !
முழங்கை வரையில் !
அரிப்பும் பிய்ப்பும்-- !
டாக்டர் சொன்னார்- !
இதுதெரி யாதா? !
கணினி அலுவல் !
பார்க்கும் பலர்க்கு !
வரும்பதி மூன்று !
நோய்க்குறி தம்முள் !
ஒன்றுதான் இது!என. !
அவர்க்குத் தெரியுமா !
என்றன் ஜெல்லிக் !
கணங்கள் நழுவி !
நழுவிப் போவது? !
அருகில் குறட்டை... !
ஆழ்ந்து தூங்கும்-என் !
அருமை மனைவியை !
எழுப்பி விடாமல் !
மீண்டும் கணினி. !
எனது தோழி !
என்றும் கைவிடா !
உரிமைத் தோழன் !
எல்லாம் அதுவே! !
முகத்தைச் சுழித்து !
மோவாய் இடித்துப் !
பார்த்ததே இல்லை, !
நான் அதை. !
திடீரென மூளையை !
ஜெல்லிக் கணங்கள் !
வழுக்கின. காலம் !
பின்புறம் நகர, !
இதுவரை யில்நான் !
வாழ்ந்த கணங்கள்-- !
என்-கண் ணிமைகளின் !
மேலே அமர்ந்துதம் !
கால்களைக் கீழே !
தொங்கப் போட்டுக் !
கொண்டே என்னை !
ஆட்டி வைத்தன. !
எல்லாம் கொஞ்சம் !
நேரம்தான்! !
ஜெல்லிக் கணங்கள் !
தோற்றுப் போக !
மூளை- வேகம் எடுத்தது... !
மூளையின் வேகம்-முன் !
எந்த ஒன்றின் வேகமும் !
எடுபடக் கூடுமோ? !
சொல்லி விட்டுப் !
போயே விட்டார் !
அருண கிரியார்--- !
சும்மா இரு, சொல் அற! வாம். !
சொல்லற்றுப் போனதன் !
சுமையால் தானோ !
அருணைக் கோபுரம் !
மேலே இருந்து !
வீழ்ந்து பெற்றார்-- !
முருகன் அருளை? !
சும்மா இருப்பதுவே !
சுகம். ஆம்! !
சும்மா இருந்து !
பாருங்கள். தெரியும்! !
சும்மா இருப்பது !
என்பது வேறு !
தம்பீ! புரியுதா? !
என்று உங்களில் !
தத்துவம் யோகம் !
தெரிந்தவர் கேட்பீர். !
புரியும். ஆனால் !
இயலுமா அதற்கு? !
வெறுமனே இருக்கும் !
மூளையுள் ஆயிரம் !
ஆயிரம் எண்ணக் !
குதிரைகள் தாவும்! !
நாமோ எங்கோ !
இழுத்துச் செல்லப் !
படுவோம் மறதியுள். !
ஜெல்லிக் கணங்கள் !
வந்து நம்மைக் !
காத்தால் பிழைப்போம்

உங்கள் வருகைக்காய்த்!
திறந்து வைக்கப்பட்ட கதவு!
நீங்கள் வந்தவேளை!
சாத்தப்பட்டிருந்தது கண்டு!
திரும்பியதறிந்தேன் !
திறக்கவும் மூடவும்!
மற்றும்!
பாதுகாப்புக்குமானவை!
கதவுகள் என்பதை!
நீங்கள் உணர மறுத்தது!
உறுத்துகிறதெனக்கு !
குரல் வழங்கப்பட்டிருப்பது!
கூப்பிடுவதற்கும்!
கைகள் தரப்பட்டிருப்பது!
தட்டிப் பார்ப்பதற்கும்தான் !
உள்ளே தாழிடப்பட்ட!
தட்டினால் திறக்கப்படாத!
கதவுகளேதும்!
உலகத்தில் கிடையாது

எடை கூடிவிட்டது!
நீ என் இதயத்தில் குடியேறிவிட்டதால்!
!
சிந்தனைகளின் எல்லைகள்!
தகர்த்தெறியப்பட்டுவிட்டன!
எண்ணங்கள் எல்லாம் நீயே என்பதால்!
!
எனது பகலின் அளவு கூடிவிட்டது!
ஏனெனில் இப்பொழுதெல்லாம்!
இரவில் நான் நித்திரைகொள்வதில்லை!
!
நாடித்துடிப்பு சராசா¤யைக் கடந்துவிட்டது!
உனைக்காணும்போது இதயம்!
தாறுமாறாய்த் துடிப்பதால்!
!
ஒவ்வொரு நாளும் வந்து வந்து போ!
உன் புன்னகைக்கொரு கவிதை!
எழுதிவிட்டு அடுத்த உன் வருகைக்காக!
காத்திருப்பேன்!
!
நீ சிந்திவிட்டுப்போன புன்னகைகளின்!
நினைவுகளோடு

அலையும் கண்கள் …!
---------------------------------------------------!
சவரம் செய்துபலமாதங்கள்!
தாண்டிய முகம் …..!
சீருடை அணிந்திருக்கும் !
சற்றுவாகான உடல்…..!
காலணிகளையே கண்டிராத!
புழுதிபடிந்த கால்கள் …..!
சாலையில் அவன் வரும்போதெல்லாம்!
ஊரே முணுமுணுக்கும்!
அவனைப்பற்றி தவறாய் …. !
தன்னைத்தான் ஏசுகிறார்கள்!
எனத் தெரிந்தும் புன்னகை!
உதிர்த்துவிட்டு போவான் …..!
சில சமயம் தடித்தபுத்தகங்களை!
கையில் வைத்துக் கொண்டு!
தனியே அமர்ந்திருப்பான் …!
தேநீர்கடை மேசையில்!
அமர்ந்தபடி புகைத்துக்கொண்டே!
தேநீரை ருசிபார்ப்பான்…….. !
தனக்கு தவறெனப்பட்டவைகளை!
தட்டிக்கேட்க்கும் நோக்கில்!
தர்க்கம் செய்வான் ……!
புரியாத விசயங்களைக்கூட!
புரியும்படி விளங்கச் !
சொல்வான் …..!
என் பேராசிரியருக்கு கூட!
தெரியாத பதில்கள்!
அவனிடமிருந்து அடிக்கடி வரும் ….!
எல்லாக் கருத்துக்களையும் கூறிவிட்டு!
பகுத்துபார்த்து ஏற்றுக்கொள்!
தம்பி என்பான் ……!
அகத்திலும் புறத்திலும்!
நண்பர்கள் வந்து!
போவர் ….!
அவன் என்னுடன்!
பேசுவதை யாரவது!
பார்த்தல் அவ்வளவுதான் ….!
வாழ்வியல் மேதைகள்!
வரிசையாய் வந்து!
என்னை வசைபாடுவார் ….!
கூடா குற்றம்!
செய்ததை போல!
என்னையும் பார்பர் ….!
அவன் புலம்பி நான்!
பார்த்ததில்லை -மகிழ்ச்சியாய்!
திரிவான் …..!
போராளிக்கு மகிழ்ச்சியா?!
என்றால் மகிழ்ச்சி!
என்பது போராட்டம்!
என்பான் ……!
எது எப்படியோ …..!
ஊரின் பார்வையில்!
அவன் “பிழைக்கத்தெரியாதவன் “!
என் பார்வையிலோ!
அவன்” புரட்சிக்காரன் “!
உங்களுக்கு “முகம் தெரியாத புரட்சிக்காரன்”……..!
மனிதனாய் பிறந்து!
மனிதருக்குள் புதைந்த!
அவனை தொலைத்து!
விட்டு தேடிக்கொண்டு!
இருக்கிறேன் …!
புரியாத கேள்விகளுக்கு!
பதில் தருவான் என்ற!
நம்பிக்கையில் ……

கவிதை பாட நேரமில்லை!
எங்கோ தொலைந்துவிட்ட!
என்னை தேடிக்கொண்டிருக்கிறேன்!
நான் என்னை சந்தித்தால்!
உன்னைத் தேடும் நான்

ஊரெங்கும்!
புஸ்வாணங்களும்!
சங்கு சக்கரங்களும்!
தீபாவளியாய்!
சிரித்தன!
முடிந்து போன!
கம்பி மத்தாப்புக்களையும்!
புஸ்ஸான வெடிகளையும்!
கைகளில் ஏந்தி!
முனுசாமியின் மகன்!
தன்!
கனவுகளைக்!
கொளுத்தினான் !!
- ரா.கணேஷ்