ராமன் வேசமிட்டிருக்கும்!
பல ராட்சசனுக்கு!
என்னை தெரியும்.!
பெண் விடுதலைக்காக போராடும்!
பெரிய மனிதர்கள் கூட!
தன் விருந்தினர் பங்களா!
விலாசத்தை தந்ததுண்டு.!
என்னிடம்!
கடன் சொல்லிப் போன!
கந்து வட்டிக்காரகளும் உண்டு.!
சாதி சாதி என சாகும்!
எவரும் என்னிடம்!
சாதிப் பார்ப்பதில்லை.!
திருந்தி வாழ நான் நினைத்தபோதும்!
என்னை தீண்டியவர்கள் யாரும்!
திரும்பவிட்டதில்லை.!
பத்திரிக்கையாளர்களே!!
விபச்சாரிகள் கைது என்றுதானே!
விற்பனையாகிறது..!
விலங்கிடப்பட்ட ஆண்களின்!
விபரம் வெளியிடாது ஏன்...?!
பெண்களின் புனிதத்தை விட!
ஆண்களின் புனிதம்!
அவ்வளவு பெரிதா?!
காயிந்த வயிற்றுக்கு!
காட்டில் இரை தேடும்!
குருவியைப் போல்!
என்னை யாரும் பரிகசிக்கவில்லை.!
கட்டில் மேல் கிடக்கும்!
இன்னொரு கருவியைப் போலத் தான்!
என்னை கையாளுகிறார்கள்.!
நான் இருட்டில் பிணமாக மாறினால்தான்!
பகலில் அது பணமாக மாறும்.!
பின்தான்!
என் குடும்பத்தின் பசியாறும்.!
நிர்வாணமே என்!
நிரந்தர உடையானல்தால்!
சேலை எதற்கென்று!
நினைத்ததுண்டு.!
சரி!
காயங்களை மறைப்பதற்கு!
கட்டுவோம் என்று!
கட்டிக்கொண்டு இருக்கிறேன்.!
என் மேனியில் இருக்கும்!
தழும்புகளைப் பார்த்தால்!
வரி குதிரைகள் கூட!
வருத்தம் தெரிவிக்கும்.!
எதையும் வாங்க வசதியில்லாத!
எனக்கு!
விற்பதற்க்காவது இந்த!
உடம்பு இருக்கிறதே!!
நாணையமற்றவர் நகங்கள்!
கீறி கீறி என்!
நரம்பு வெடிக்கிறதே!!
வாய்திறக்க முடியாமல்!
நான் துடித்த இரவுகள் உண்டு!
எலும்புகள் உடையும் வரை!
என்னை கொடுமைப் படுத்திய!
கொள்கையாளர்களும் உண்டு.!
ஆண்கள்!
வெளியில் சிந்தும் வேர்வையை!
என்னிடம் ரத்தமாய்!
எடுத்து கொள்கிறார்கள்.!
தூறல் சிந்தாத வான் மேகமில்லை.!
கீறல் படாத வேசி தேகமில்லை.!
என்னை வேசி என்று!
ஏசும் எவரைப் பற்றியும்!
கவலைப் பட்டதே இல்லை..!
ஏனெனில்!
விதவை - விபச்சாரி!
முதிர்கன்னி - மலடி!
ஓடுகாலி - ஒழுக்கங்கெட்டவள்!
இதில் ஏதேனும்!
ஒரு பட்டம்!
அநேக பெண்களுக்கு!
அமைந்திருக்கும்.!
இது இல்லாமல் பெண்கள் இல்லை.!
எப்போதும்!
இழிவு சொல் ஆண்களுக்கு இல்லை.!
முதுமை என்னை!
முத்தமிடுவதற்க்குள்!
என் மகளை மருத்துவராய்!
ஆக்கிவிட வேண்டும்.!
என் மீது படிந்த தூசிகளை!
அவளை கொண்டு!
நீக்கி விட வேண்டும்.!
இருப்பினும்!
இந்த சமூகம்!
இவள்!
மணிமேகலையை என்பதை மறந்துவிட்டு!
மாதவியின் மகள் என்பதை மட்டுமே!
ஞாபகம் வைத்திருக்கும்.!
இறுதியாக!
இரு கோரிக்கை.!
என்னை!
மென்று தின்ற ஆண்களே!!
மனைவிடமாவது கொஞ்சம்!
மென்மையாக இருங்கள்.!
எங்களுக்கு இருப்பது!
உடம்பு தான்!
இரும்பல்ல.!
என் வீதி வரை!
விரட்டிவரும் ஆண்களே!!
தயவு செய்து விட்டுவிடுங்கள்.!
நான் விபச்சாரி என்பது!
என் வீட்டுக்கு தெரியாது

வா !
வசந்தமே வா !
உனக்காகத்தான் இத்தனை நாள் !
காத்திருந்தேன் !
ஒவ்வொரு நாளின் ஒவ்வொரு நொடியும் !
உன் புன்னகையால் அடிபட்டு !
மயங்கியவனை !
உன் வார்த்தைகளால் எழுப்பிவிடு !
உணவையும் உறக்கத்தையும் !
மறந்து மயங்கிக்கிடக்குமென்னை !
மரணம் அடித்துச்செல்லுமுன்

பிறக்கும் போதே நண்பர்களாய் பிறப்பதில்லை!
பிறந்திட்ட எவரும் நண்பர்களாய் இருப்பதில்லை!
இறுதிவரை பலரும் நண்பர்களாய் இருந்ததில்லை!
உறுதியாய் உள்ளோர் என்றுமே பிரிவதில்லை !!
இன்சொல் இன்முகத்தால் ஈர்த்திடும் அன்பர்கள்!
இதயத்தால் இணைந்திடும் நாளைய நண்பர்கள் !!
பள்ளிப் பருவத்தே துள்ளி விளையாடும்!
கள்ளமில்லா உள்ளமுடன் பால்ய நண்பர்கள் !!
கல்லூரிக் காலத்தில் கற்பனை கனவுடன்!
உல்லாச பறவைகளாய் உலாவரும் நண்பர்கள் !!
அலுவல் பணிதன்னில் உளமகிழ உரையாடி!
அளவோடு பழகிடும் பகுதிநேர நண்பர்கள் !!
பயணிக்கும் நேரத்தில் சயனிக்கும் நேரம்வரை!
சிந்தையின் சிதறல்களை பகிர்ந்திடும் நண்பர்கள் !!
நலிவுற்ற நேரத்தில் பொலிவுடன் மீண்டிட!
உதிரத்தால் உதவிடும் உயிரான நண்பர்கள் !!
அகமும் புறமும் இருவேறு உருவங்களாய்!
வஞ்சமிகு நெஞ்சுடன் வலம்வரும் நண்பர்கள் !!
காரியம் நடந்திடும் காலம்வரை உறவாடி!
முடிந்தபின் நட்பினை முறித்திடும்* நண்பர்கள் !!
உதவிகள் செய்திட்டால் உறவாடும் உள்ளங்கள்!
உதவிஎனக் கேட்டால் உதறிடும் நண்பர்கள்!!
புண்பட்ட நெஞ்சினை பண்பட்ட உள்ளத்தால்!
ஆற்றிடும் மருந்தாய் அருமைமிகு நண்பர்கள்!!
பொன்னும் பொருளும் பணமும் பதவியும்!
நம்மிடம் இருந்தால் நாடிடும் நண்பர்கள் !!
இல்லாமல் இருந்து இருக்கும்நிலை உயர்ந்திட்டால்!
அறியா முகங்களாய் மாறிடும் நண்பர்கள் !!
காலம் முடியும்வரை களைந்திடுவோம் பகையுணர்வை!
காலன் அழையும்வரை அணிந்திடுவோம் நட்புணர்வை!
இன்பம் நிலைத்திட ஒன்றிடுவோம் நண்பர்களாய் !!
இதயம் நிற்கும்வரை நின்றிடுவோம் நண்பர்களாய் !!
-இரா.பழனி குமார் !
சென்னை

காவிரி டெல்டா!
பேருந்து பயணம்!
ஒரு புறம் காவிரி!
மறுபுறம் கொள்ளிடம்!
இடையில்...!
கரும்பு!
நெல்,!
உளுந்து,!
பச்சை பயிர்,!
முள்ளங்கி,!
எள்,!
பருத்தி,!
வேர் கடலை...!
என பயிர்கள்!
விளை நிலங்களில்!!
நடுவில்!
உறுத்தலாக!
விளம்பர பலகையில்!
அண்ணாமலையார் நகர்!
அரசு அங்கீகாரம் பெற்ற!
வீட்டு மனைகள்- விற்பனைக்கு

யார் செய்த சூழ்ச்சியிது?!
யாரிடம் போய்ச்சொல்லுவது?!
யாழ் மண்ணின் வீழ்ச்சியினை!
யாரிடம் போய்ச்சொல்லுவது?!
!
கனவுகளை காணவில்லை!
கண்ணிரண்டில் கண்ணீர் மழை!
இடம்பெயர்ந்த நாள் முதலாய்!
இன்றுவரை உறக்கமில்லை!
!
உடையிழந்தோம் உறைவிடமிழந்தோம்!
உயிர் சுமந்து உணர்விழந்தோம்!
உறவிழந்தோம் உணவிழந்தோம்!
உடன் பிறந்தோர் பலரிழந்தோம்!
!
புயலழித்த பூவனமாய்!
புலமபெயர்ந்தோர் நாமானோம்!
உதிர்ந்த விட்ட பூவினிலே!
உறைந்து போன தேனானோம்!
!
நிலம் வீடு பிளந்ததம்மா!
நூலகமும் எரிந்ததம்மா!
பள்ளிகளும் கோயில்களும்!
பாழ்நிலமாய்ப்போனதம்மா....!
!
காற்தடங்கள் பதிந்த இடம்!
கண்ணிவெடியில் புதைந்ததம்மா!
கனிமரங்கள் துளிர்த்த இடம்!
கல்லறையாய் போனதம்மா!
!
அங்கொன்றும் இங்கொன்றாய்!
உறவெல்லாம் தொலைந்ததம்மா!
நிம்மதியின் நிழல் இழந்து!
நெடும் பயணம் தொடர்ந்ததம்மா...!
!
அகதி என்ற பெயர் எமக்கு!
அறிமுகமாய் ஆனதம்மா!
பனிமழையில் நனைந்த வாழ்க்கை!
எரிமலையாய்ப்போனதம்மா!
!
யார் செய்த சூழ்ச்சியிது?!
யாரிடம் போய்ச்சொல்லுவது?!
யாழ் மண்ணின் வீழ்ச்சியினை!
யாரிடம் போய்ச்சொல்லுவது?!
!
-நிந்தவூர் ஷிப்லி!
தென்கிழக்குப்பல்கலை!
இலங்கை

அலுவலக கோப்புகளுக்குள் !
புதைந்திருந்த வேளை...!
யாரோ,சொல்லத் தெரிய வந்தது !
வெளியே நல்ல மழையாம்....!
கோப்புகளை மூடி வைத்து !
காகிதத்தை விரிக்கையில்!
கொட்டியது !
நினைவு மழை ...!
சாளரக் கம்பியில் கைவைத்து பருகியதும்...!
முழங்கால் நீரில் முழ்கி நீச்சல் பயின்றதும்...!
மின்னல் புகைப்படங்களும்... !
பொருள் விளங்காத !
அர்ஜுனா அலறல்களும்....!
!
காகித கப்பல் மூழ்கியதால் வந்த !
வெட்கங்களும் ,!
வேடிக்கை அவமானங்களும்.... !
எதிர் வீடு நண்பனின் !
கப்பல் மூழ்கியதால் !
ஏற்பட்ட களிப்பும்,!
செய்த கிண்டல்களும்..... !
அம்மாவின் !
சேலை துவட்டல்களும் !
செல்லத் திட்டுக்களும் !
பருவ வயது மழையில் ஆடிய!
மட்டைப்பந்தாட்டமும்.... !
நண்பனோடு நனைந்தே !
கடந்த சாலைகளும்...!
எதிர்ப்படும் கடைகளில் பருகும் !
எண்ணிலடங்கா தேநீர்களும்...!
வேளை கிடைத்து !
வெளியூர் வந்த வேளைகளில் !
பெய்த மழையின்!
ஏகாந்த நனைதல்களும் !
கரைத்து விட்ட கண்ணீர்களும்...!
இவ்வாறாக !
இணைந்து இருந்தவர்கள் !
இயந்திர வாழ்க்கைச் சக்கரத்தில் !
மிதி பட்டுப் போனதால்-எங்களை !
இன்று !
யார் யாரோ !
அறிமுகம் செய்கிறார்கள்

பார்த்தால் நொருங்கிப்போய்விடுகிறேன் !
வெட்கத்தால் கூனிக் குறுகி !
தலை சாய்வதெல்லாம் !
ஒரு நொடிப்பொழுதில் முடிந்துவிடும் !
நாளை நிச்சயம் உன் கண்களோடு !
என் கண்களை ஒட்டவைப்பேன் !
எத்தனை நாளைகள் பறந்தன !
இன்னமும் இதயத்துள் ஆர்ப்பரிப்பு !
இன்னமும் என்னையும் மீறி ஒரு புன் சிரிப்பு !
நீயும் நானும் இப்படியே காதலிப்போம் !
உணர்ந்து சொல்கிறேன் !
தயவுசெய்து என்னோடு உரச நினைக்காதே !
பின் எங்களின் காதலும் செத்துவிடும்

ஒரு கோட்டினைப் போலவும்!
பூதாகரமானதாகவும் மாறிமாறி!
எதிரில் விழுமது!
ஒளி சூழ்ந்த!
உயரத்திலிருந்து குதிக்கும்போது!
கூடவே வந்தது!
பின்னர் வீழ்ந்ததோடு சேர்ந்து!
ஒரு புள்ளியில் ஐக்கியமாகி!
ஒன்றாய்க் குவிந்ததும்!
உயிரைப் போல!
காணாமல்போன நிழலில்!
குருதியொட்டவே இல்ல!

நினைவுகள் தடம்மாறிப் போவதனால் !
தாலாட்டிச் செல்லும் எண்ணங்கள் !
துயரங்களாய் மாறி !
மீளாத சோகத்தில் !
ஆழ்த்திச் செல்கின்றன.. !
அக்காவாக, தங்கையாக !
தாயாக, கேட்கிறேன் !
விட்டு விடு !
இந்த நாசமான காரியத்தை.. !
கொட்டிவிடு உன் !
இதயத்தின் பாசத்தை !
குடிக்காதே வெறிக்காதே !
ஒளித்து ஓரமாய் நின்று !
மறைத்து மற்றவரை மதியாது !
குடித்து குட்டிச் சுவராவதில் தான் !
உனக்கென்ன லாபம்? !
உலகம் தேடுகிறது நல்லவனை !
மாறிவிடு நல்லவனே! !
நீ நல்லவன் என்று தான் !
நானும் சொல்கிறேன் !
நாடும் சொல்லும் உன்னை.. !
திருந்திவிடு தம்பியே! !
தனையனே! அண்ணனே! !
தந்தையே! !
--புஷ்பா கிறிஸ்ரி

பூரணம் மிளிரும்!
பள்ளக்கு தேவதையாய்!
நதியின் மீது பவனி வரும்!
பால் நிலா.!
நெடும்பயணத்தின் முடிவில்!
நீலம் தறிக்கும் யோகியென!
சுயமிழந்து கடலினில் உப்பாய்!
கரைகிறது ஜீவநதி.!
யுகங்களைத் திண்றும்!
நிரம்பாத ஆழ்கடல்!
சிறுவர்களின் மணல் வீடுகளை இடித்து!
விளையாடிக் கொண்டிருக்கிறது.!
கையிடுக்குகளில் ஒழுகும் நீலக்கடலை!
அள்ளிவந்து ஒவ்வொருத் துளியாய்!
என் பேனாவிற்குள்!
மை நிரப்புகிறேன்