கல்வியை விற்கிறான் கடையிலே!-இங்கு !
கற்பவன்; நிற்கிறான்; படையிலே! !
கழுதைகள் காவலன் உடையிலே!-மனம் !
கண்டு துடிக்குதே இடையிலே…! !
பேயர சாளுது நாட்டிலே!-இன்று !
பேனையை போடுறார் கூட்டிலே! !
கணவனும் மனைவியும் கோட்டிலே!கொண்ட !
காதலால் வந்தது றோட்டிலே…! !
நினைவுகள் காதலின் மடியிலே!-நிதம் !
நிம்மதி தேடுறார் குடியிலே! !
வாழ்வு நிலைப்பது “படி”யிலே!-இன்றேல் !
வாடிட வேண்டுநாம் அடியிலே! !
அனைத்தையும் இழந்தார் அலையிலே!-இன்று !
அகதியாய் நனைகிறார் மழையிலே! !
வாழ்க்கை செலவுயர் மலையிலே!-இட்ட !
வாக்கினால் வந்தெதம் தலையிலே! !
சும்மா புகழுவார் பேச்சிலே!-கொடும் !
சுயநல முள்ளது மூச்சிலே! !
வாழ்க்கை எரியுது நெருப்பிலே!-உலகில் !
வாழ்வது அவரவர் பொறுப்பிலே

என்னுடன் நீ இருக்கும்!
நாட்களில் உனக்கு புரியாதவை!
என்னை பிரிந்திருக்கும்!
நாட்களில் உனக்கு புரியும்!
ஆம் புரியும்!
பூக்கள் பேசும் மொழி புரியும்!
தென்றலின் தாலாட்டு புரியும்!
கண்ணீரின் பாரம் புரியும்!
தனிமையின் துயரம் புரியும்!
ஏக்கங்களின் எழுத்துக்கள் புரியும்!
மௌனத்தின் தவறு புரியும்!
பாதையில் தடுமாற்றம் புரியும்!
புரியும்!
உனக்குப்!
புரியும்!
அனைத்தையும் இழந்து விட்டாய்!
என்று புரிவாய்!
ஆனால்...!
நான் உன்னில் இருப்பதை மட்டும்........!
புரிந்து கொள்வாயா?

சக்தி சக்திதாசன் !
நினைவுகளைக் கிளறிப் !
பார்க்கின்றேன் !
நெருடல்கள் கொஞ்சம் !
நெருஞ்சி முற்களைப் போலே !
கனவுகளைக் களைந்து !
பார்க்கின்றேன் !
கலங்கல்கள் சில !
குழம்பிய குட்டை போலே !
புனைவுகளில் புதையுண்டு !
பார்க்கின்றேன் !
வடிப்பவை எல்லாம் !
வாடிப்போன மலர்களாய் !
முனைவுகளைச் சிந்தித்துப் !
பார்க்கின்றேன் !
முடியாதவைகள் எதையுமே !
முடித்ததாய் இல்லை !
நனவுகளில் நீந்தும்போது !
பார்க்கின்றேன் !
நினைவுகளால் விளைந்த !
கனவுகளைச் சிதைத்த !
சித்திரமே நீதானென்று

மாலையாகப் போகிறது!
கடலில் கரையவிருக்கிறான்!
சிகப்பு ஆதவன்!
இவ்வேளையில்!
தங்கள் கூடுகளைத் தாங்கிய!
மரங்களடர்ந்த காட்டை நோக்கி!
பறக்கின்றன பறவைகள்!
வரிசை அமைத்து!
அந்தப் பறவைகள்!
வழக்கமாய் அங்கு!
திரும்புகின்றன!
தூங்கிப் போகின்றன!
இந்த வீடுகளாலான!
காட்டின் மத்தியில்!
கவலையில் உள்ளோம்!
நமக்கென யாதொரு இடமுமில்லை!
மாலையாகப் போகிறது!
எங்கே போவது.!
!
-ஜாவேத் அக்தர்!
தமிழில்:!
மதியழகன் சுப்பையா

ஊரிலிருந்து வந்திருக்கிறாய்?!
உன்னைப்!
பார்பதற்குள் பரவசம் எனக்கு.!
எனக்கு!
என்ன சேதியை!
கொண்டு வந்திருக்கிறாய்?!
நீ!
புறப்படுவது தெரிந்து!
பூ கொஞ்சம்!
வாசம் கொடுத்து அனுப்பியிருக்கலாம்.!
நான்!
நடந்த வரப்பு!
நலம்கேட்டு விட்டிருக்கலாம்.!
அறுவடைக்கா அடுத்த நடவுக்கா!
வயலென்!
வருகை கேட்டிருக்கலாம்.!
மறந்தேனென்று!
காற்று என்னை!
தூற்றி விட்டிருக்கலாம்.!
தொட நான் வருவதெப்போ என!
தொட்டால்சினுங்கி!
சொல்ல நினைத்து!
சொல்லாமலிருந்திருக்கலாம்.!
நான் நின்றமரம்!
என்நிழல் தன்னிழலுக்குள்ளிப்பவும்!
ஒளிந்துக் கொண்டிருப்பதாய்!
உன்னிடம் சொல்லிவிட்டிருக்கலாம்.!
காற்றாக நாற்றாக!
வரப்பாக வயலாக!
எல்லாம் நினைப்பாக...!
அன்பானவனே...!
நானிருக்குமிடம் நீவருவது தெரிந்தும்!
அவளேதும் சொல்லிவிட்டிருக்கமாட்டாள்!
உன்னிடம்!
அவளை நானும் விசாரிக்கமாட்டேன்.!
ஆனாலும் ...!
ஆவலோடு சந்திக்கிறேன்!
அவள் பொருட்டு

மு.கந்தசாமி நாகராஜன் !
கவிதை சொல்லி அழைக்கிறேன் - காதலியே என் !
கனவில் உன்னை நினைக்கிறேன் !
எதையோ சொல்லத் துடிக்கிறேன் - உன் நினைவில் !
என்னை நானே மறக்கிறேன் !
கனவுக்குள் நீவந்து போனாய் - என் !
கவிதைக்குக் கருவாக ஆனாய் !
தொடராதோ நம்காதல் மண்ணில் !
தொலையட்டும் அக்கடவுள் விண்ணில் !
ஊர்கூடும் நாள்பார்த்து வா !
உன்னை நான்சேர நாள் பார்க்கவா? !
கனவில் என் கைபிடிக்க வா !
கடலமுதத்தைக் கன்னிக்குத் தரவா? !
சிலையென்று வியந்த நாளொன்று உண்டு- நீ !
சிவனுக்கு சமமென்று நான் நினைத்ததுண்டு !
அழிக்கின்ற அழகொன்றை நீ கொண்டதுண்டு-என் !
அழுகையை துடைக்க நின் இருகரங்களுண்டு !
கவிதைக்குப் பேர்சொல்லித் தாயேன் - என் !
கனவுக்கு அர்த்தத்தைத் தாயேன் !
கன்னத்தில் முத்தத்தைத் தாயேன் - என் !
கவலைக்கு மருந்தாக வாயேன் !
நிலவோடு உனக்கென்ன சொந்தம் - இந் !
நிலவுலகில் நீடிக்கும் நம்காதல் பந்தம் !
என்னோடு இணைய இன்னும் ஏன்மந்தம்? சொல் !
எனக்கில்லை இவ்வுலகில் நீயன்றி சொந்தம்

பம்பரம்...முகவரி !
01.!
பம்பரம்...!
-----------------!
கென்னிப்பன் வூட்டு !
ஐயப்பன மிஞ்சரதுக்கு !
ஒருத்தனும் இருந்ததில்ல ஊருல ...!
அவங் செதுக்கித்தர !
பொம்பரத்துக்கு!
ஒரு கூட்டம் !
எப்பயும் அவங்கூட சுத்தும் ...!
பொம்பரத்துக்கினே !
காட்டுக்குப் போவாங்க ...!
பொர்சிமரம்தான்!
பொம்பரத்துக்கு எத்ததுன்னுவாங்க ...!
சிலநேரத்துல !
அவுஞ்ச,!
கொடுகாலி,!
துரிஞ்ச மரங்கள தேடுவாங்க ...!
பொம்பரம் செதிக்கித்தரகேட்டா !
ஆணி உனதா, என்தான்னு கேப்பாங்க !
ஆணிய நாங்குத்தா ஒன்னார்ருவான்னுவாங்க !
ஆணிய அவனே அடிச்சி செதுக்கித்தந்தா !
ரெண்ருவான்னுவாங்க ...!
தெருமுழுக்க !
அவங் செதுக்கன பொம்பரந்தாங்க வெளையாடும் ..!
அவங் வெச்சிருந்த !
சட்டித்தல பொம்பரத்த !
ஒருத்தனும் ஒடச்சதில்ல தெருவுல !
தரையில வுடாமலே!
கையில ஏந்தி அழகுகாட்டுவாங்க ...!
இப்பயெல்லா!
ஒரு பொம்பரத்தையும் தெருவுல பாக்கமுடியல !
ஐயப்பங் மட்டும் !
காட்டுக்கு போறத நிறுத்தல...!
இன்னமும் !
அவங் கொடுவா சத்தம் !
அந்த காட்டுமரங்கள்ள!
கேட்டபடிதாங் கெடக்குது ...!
ராவெல்லாம் !
எரியும் சாராய அடுப்புக்கு !
அவங் வெட்டியார்ர வெருவுதாங்க!
நின்னு எரியுதாம் !
!
02.!
முகவரி !
------------!
கை வலிக்க !
கொஞ்ச தூரத்திற்கொருதரம் !
கைப்பை சுமையை !
இறக்கி கொண்டுவரும் !
முகமறியா !
சகோதரியிடத்து !
''கொடுங்கக்கா நாங் தூக்கியார்றங்''!
எனச் சொல்லியபோது !
அவள் பார்வையில் தெரிந்தது !
திருடன் என !
என் முகம்

அந்தக் காலம்!
அங்கலாய்க்கிறாள் பாட்டி!
எதிரில் நின்றிருப்போமா !
எதிர்த்து பேசியிருப்போமா?!
சொன்னதை செய்து!
கொடுத்ததை சாப்பிட்டோம்.... !
ஆம்!
அது அந்தக் காலம்!
நடுங்கும் விரல்களால்!
அழுந்த எண்ணெய்த்தடவி!
பின்னிவிடும் வேளையில்!
பலப்பல கதைகள் சொல்லி!
சுரம் காண்ட நேரத்தில்!
மிளகு ரசம் சுட்ட அப்பளம்!
பண்டிகை காலத்தில்!
சீடை கைமுருக்கு!
அதிரசம் போளி!
அத்தனையும் செய்து கொடுத்து !
சட்டி சோற்றையும்!
கட்டித் தயிர்விட்டு பிசைந்து!
கைகளில் குழித்து விட்டு !
வத்தல் குழம்புபோடு!
வகையாய் உண்ணவைத்து!
வெண்டைக்காய் கத்தரிக்காய் !
பாவக்காய் ஆனாலும்!
பக்குவமாய் சமையல் செய்து!
பாசமாக பரிமாறி !
விளையாட்டாய் வேலைவாங்கி!
வேடிக்கையாய் சொல்லிக்கொடுத்தது !
எல்லாம் அந்தக்காலம்!
'லேஸ்' சிப்ஸ் வாங்கி தந்து !
குழந்தைகளின் வாயடைத்து!
'பந்தம்' 'பாசம்''நிம்மதி'!
பார்க்கும் பாட்டிகள்!
சொன்னால்!
எந்த வேலையும் செய்வதில்லை!
இந்தக்காலக் குழந்தைகள்.....!
S.உமா

துக்கமோ!
மகிழ்ச்சியோ!
தும்பிக்கை உயர்த்தி!
பிளிறும். !
துணைக்கான!
அழைப்பாகவோ !
ஆபத்திற்கான!
சமிக்ஞையாகவோ !
சுதந்திரத்தின்!
பிரகடனமாகவோ !
எத்தனையோ இருக்கலாம்!
பிளிறலுக்கான காரணங்கள். !
பாகனை சுமந்து!
நகர் வலம் வரும்!
யானைக்கு மட்டும்!
கிடைப்பதில்லை!
ஒரு காரணமும்!
பிளிறுவதற்கு

?!
----------------!
இருண்டு கிடக்கும்!
குகைக்குள்!
குருதியும்!
ஓலமும்..!
இறந்து கிடக்கும்!
உடல்களுக்கும்!
உரிமைகூற!
எவரும் இல்லை!
வீதிகளிலும் வீடுகளிலும்!
மரங்களை அழித்து!
மனங்களை அழித்து!
நடப்பட்டுள்ளார்கள்!
மனிதர்கள்!
ஆயுதங்களுடன்..!
திறந்தவெளிச் சிறைகளுக்குள்!
பயத்தின் நிழல்!
மனிதர்களைத்தின்ன!
காணாமல்போபவர்களை!
யார் தேடுவது!
போருடன் தூங்கி!
போரில் விழித்து!
போரை சுவாசித்து!
இறந்த உடல்களில்!
தடுக்கிவிழுந்து!
சாதாரண வாழ்வே!
மறந்து!
புதைகுழிக் கலாச்சாரத்தில்!
மிதக்கும் எமது!
தேசத்தில்..!
சுதந்திரம் என்றோ!
தற்கொலை செய்துவிட்டது!
!
- றஞ்சினி