பாஷா - !
என்னுள் நீ !
உடைந்து நொறுங்கிய தருணத்தில் !
உனக்கான என் உணர்வுகள் !
கற்பிழந்துவிட்டிருந்தது !
என் தன்மானத்தில் தலையிலெறி !
குத்தி கிழித்து குதறி !
கோரதாண்டவமாடியிருந்தாய் !
உனக்காய் செலவழிந்த நொடிகள் !
கழிவுப் பொருள்களாய் !
காற்றில் இரையப்பட்டிருந்தது !
நீ விட்டுப்போன இதயத்தின் !
வெறுமை பக்கங்களில் !
வெறுப்பு வந்தடைத்திருக்க !
இறந்துபோயிருந்தேன்

கொடிகொடிகொடி!
கொடியிடையாளே...!
உன் நடனத்தில் !
காற்றாகிறது உடல்!
கலையாகிறது பிரபஞ்சம்!
தாளமும் ஜதியும் சேர்ந்தெழ!
சுழல்கிறாய் நீ!
சுழலும் பூமியையும் விட !
வேகமாயச் சுழலும் !
உன்னைச் சுற்றும்!
துணைக்கோளாய்...நான்...!
கனவின் மயக்கங்களில் !
தொலையும் பொழுதில் !
பெருகும் சந்தோச நதியின் பிரவாகத்தில்!
காற்றாகிறது உடல்!
கனலாகிறது மனம்!
எது நிஜம் !
எது கனவு!
என்றறியாத்தவிப்பு !
இருளுமின்றி ஒளியுமின்றி!
அந்த வெளியில் கலைந்திருந்தது.!
ஏதென்றறியா அக்கணப்பொழுதில்!
எதையும் உணர முடியா நிலைமீது!
அனலாகக் கொதிக்கும் மனதோடு!
காத்திருந்தேன் !
வெளியேறவும் முடியாமல்!
விடை பெறவும் முடியாமல்...!
அந்த நாளைப்பரிசாக எடுத்து வந்தேன்.!
!
-வெளிவாசல்பாலன்

ஆள்களற்ற நகரத்திலிருந்த!
ஒரே ஒரு தொலைபேசியில்!
இலக்கங்களை அழுத்தி களைத்திருக்கிறாய்!
கூரை கழற்றப்பட்ட!
மண்சுவரிலிருந்த!
நாட்காட்டியும் கடிகாரமும்!
புதைந்து கிடக்கிறது.!
பூவரச மரத்தின் கீழ்!
உனது கடைசி நம்பிக்கை!
தீர்ந்து கொண்டிருக்கிறது.!
எடுத்துச் செல்லமுடியாத பொருட்களிலும்!
கைவிடப்பட்ட படலைகளிலும்!
மீண்டும் வரும் நாட்களை கணக்கிடுகிறாய்.!
உனது துயர்மிகுந்த ஒரு வார்த்தையேனும்!
கேட்க முடியவில்லை!
ஐநாவில் ஜனாதிபதியின் தமிழ் உரையில்!
உனது மொழி!
நசிபட்டுக்கொண்டிருந்தது!
அழுகையின் பல ஒலிகளும்!
அலைச்சலின் பல நடைபாதைகளும்!
சிரிப்பாக மொழிபெயர்க்கப்பட!
தலைகள் அசைந்து கொண்டிருந்தன.!
கைவிட்டுச்சென்ற!
கோழியும் குஞ்சுகளும் இறந்துகிடக்க!
வெறும் தடிகளில்!
தலைகீழாய் தூங்கும் வெளவால்கள்!
அழுதபடியிருந்தன.!
நேற்றோடு எல்லோரும்!
நகரத்தைவிட்டு வெளியேறிவிட்டனர்.!
ஐநாவின் உணவு வண்டியை!
துரத்திச் சென்ற சிறுவனின் பசி!
ஓமந்தை சோதனைச்சாவடியில்!
தடுத்து வைக்கப்படுகையில!
குண்டைபதுக்கிய அமெரிக்கன்மாப்பையில்!
உனது தீராத பசி எழுதப்பட்டிருக்கிறது.!
வானம் உன்னை ஏமாற்றிட்டதுபோல!
பார்த்துக்கொண்டிருக்கிறாய்!
இன்று நள்ளிரவோடு!
வாழ்வதற்கான அவகாசம் முடிந்துவிட்டதாய்!
அறிவிக்கப்படுகையில்!
மீண்டும் தொடரப்படும் படைநடவடிக்கைக்கு!
நாள் குறிக்கப்பட்டிருக்கிறது.!

வரிசையில் நிற்கிறார்கள் வாழ்வை தொலைக்கிறார்கள்!.. செஞ்சோலை மறக்கும் வரை ஓயாதீர் உறவுகளே!!!
!
01.!
வரிசையில் நிற்கிறார்கள்; வாழ்வை தொலைக்கிறார்கள்!!
--------------------------------------------------------------------------------!
'விடையிராதா!
நீண்ட கேள்விகளால்!
நிறைகிறது -!
எதற்கெதற்காகவோ காத்திருக்கிற மனசு..!
'நீண்ட பாலை நிலங்களில்!
காய்ந்த புற்களை போல்!
தொலைத்திட்ட ஆசைகள்!
மரணத்தை மட்டும் மிச்சம் வைத்துக் கொண்டு!
எல்லாவற்றிற்குமாகவும்; காத்திருக்கவே செய்கிறது..!
'வருடத்தில் பூக்கும்!
வளைகுடாவின் பசுமையை போலன்றியும்!
வருடங்களிரண்டில் பார்த்து வந்த குடும்பத்து முகங்கள்!
தூரத்தின் இடைவெளியில் -!
சிக்கிக் கொண்ட பாரங்களாகவே கனக்கின்றன..!
'எரிக்கும் வெயில்; வலிக்கும் குளிர்!
கண் அடைக்கும் மனற் காற்று!
எல்லாம் கடந்தும் -!
உறவுகளின் நினைவுகளில் வலிக்கும்; வலி!
தீர வதையன்றி வேறில்லை..!
'சான்றிதழ் தூக்கிக் கொண்டு ஏறி இறங்கிய படிகள்,!
வெளிநாட்டில் வேலை கிடைத்துவிட்டதென வெடித்துச் சிரித்த சிரிப்பு,!
விமானத்திலிருந்து இறங்கிய பின் வாங்கிய முதல் சம்பளம்,!
இவை எல்லாவற்றையும் ஈடுகட்ட!
கண்ணீர்தான்!
கண்ணீர்தான் மிச்சமாகுமென!
அன்று தெரியவில்லை -!
முடிகொட்டி!
வாழ்க்கை மொட்டையாகி!
கிழவனென்று பட்டம் சுமந்து ஊர்செல்கையில்!
மிக நன்றாகவே தெரிகிறது;!
'தெரிந்து மட்டுமென்ன செய்ய!
அதோ எனை சுமந்து வந்த விமானம் திரும்பி செல்கையில்!
இங்கிருந்து நிறைய பேரை -!
ஏற்றிக் கொண்டு தான் செல்கிறது; அதே வதை நோக்கி!!!
02.!
செஞ்சோலை மறக்கும் வரை; ஓயாதீர் உறவுகளே!!!
--------------------------------------------------------------------------!
செஞ்சோலை தெருவெல்லாம்!
புத்தகப்பையும் பிணமும் கனக்கிறதே;!
தமிழ் படித்த சிறுமியின் குரல்!
சப்தம் தொலைத்து கிடக்கிறதே;!
பூத்துக்குலுங்கிய பிள்ளைகளெல்லாம்!
மரண வாசலில் வீழ்ந்து துடிக்கிறதே;!
மறக்க இயலா மரணச் சூட்டின் -!
மண்டியிடவைத்து அவன் சுட்ட வெடி சப்தத்தின் -!
சற்றும் மனிதம்பாரா எம் குலமழித்த வெறியில் -!
முளைத்தெழு உறவுகளே;!
அடிப்பவனை மன்னிக்கலாம்!
அவனே திருப்பி அடிபானெனில் - திருப்பி அடித்தவனை!
திருப்பி அடிக்கும் வரை!
அவன் வருந்தி திருந்தும் வரை மன்னிக்காதே!
மடையுடைத்த வெள்ளமென பொங்கியெழு உறவுகளே;!
செத்தவன் செத்தவளெல்லாம் வெறும்!
சுப்பனும் குப்பனுமல்ல;!
எம் விடுதலையை 'உயிர்விடும் வரை காத்த வீரர்கள் -!
அவர் உறைந்த மண்ணில் மீண்டும்!
புடைசூழ் படையென திரண்டு நில் உறவுகளே;!
தோளிலிட்ட மாலை வாடும் சூட்டிற்குமுன்!
தாலி பறித்தவன் சிங்களவன் -!
அவன் பொட்டில் அரைந்து சொல் - எம்!
விடுதலை எத்தனை வலிதென்று; எம்!
சுதந்திர தேசம் எம் லட்சியமென்று!!
இணைந்து வாழும் வேடம் பூண்டு!
இரந்து நிற்கும் கயவனின் கூட்டம்,!
தூக்கிக் காட்டிய வெள்ளை கொடியை!
தட்டிவிட்டு; சுட்ட அதர்ம வர்க்கம்,!
இரண்டாம் தர இடம் தந்தே எமை!
மரணம் வரை மண்டியிட செயும் மதப்பை!
ஆணவத்தை -!
தகர்த்தெறிய புறப்படு உறவுகளே;!
உயிர் பறிக்கும் கழுகுகளுக்கு!
குழந்தையின் கண்ணீரெப்படி புரியும்?!
உயிர் பறித்து!
ஆடை களைந்து!
நிர்வாணம் ரசித்து!
பிணத்தை புணரும் ஜாதிக்கு; புனிதம் எப்படி புரியும்?!
உயிர்துடிப்பின் சப்தம் அடங்கும் முன்!
உறவுகளை சுட்டெறிந்த வஞ்சகனுக்கு - நாம்!
வாழ்ந்து படைத்த சரித்திரம் மண்ணெனப் பட்டதோ???!
மாண்டவரெல்லாம் ஆண்டவரென்பதை!
கத்தி கதறி ஓலமிட்டு மரணம் நெருங்கிய!
ஒவ்வொரு பிஞ்சுகளின் அழுகையும் -!
காற்றில் ஒலியில் காலத்தின் தலையெழுத்தினில்!
எழுதிவிட்டே தன் இறுதி மூச்சினை நிறுத்தியிருக்குமென!
வெகு விரைவில் பறக்கும் புலிக்கொடி!
எதிரியின் செவிட்டில் அரைந்து சொல்லும்!!
அன்று அடங்கும்!
எம் வீரர்களின் -!
அந்த செஞ்சோலை பிஞ்சுகளின் ஆத்மாக்கள்!!
அதுவரை ஓயாதீர் உறவுகளே

கதவுகளைத் !
திறந்துவிடும் போதெல்லாம் !
அம்மா வந்து விடுகிறாள்!
பிறகொரு நாட்களில்!
ஏனோ கதவைத் திறந்தே!
வைத்திருந்தேன்!
அம்மா!
ஆனந்தமாக!
சுற்றித் திரிகிறாள்!
பிரவேசிக்கிறாள்!
நிறைவேறாத கனவுகளை!
என்னுடன்!
பகிர்ந்து கொள்கிறாள்!
அவ்வப்போது!
காற்றாடியின் சுழற்சியைக்!
காட்டி அச்சம் கொள்கிறாள்!
ஒரு நாள் !
அம்மாவாசை இரவில்!
அம்மா தூரத்திலிருந்து!
கதறுவது கேட்கிறது!
“நீயும் ஒரு நாள் வந்து பார்”!
கட்டிலுக்கடியில்!
நான் பத்திரப்படுத்தி வைத்திருந்த!
அம்மாவின் தூக்குப் புடவையை!
அனைத்துக் கொண்டு!
உறங்கினேன்!
அம்மா!
கனவுகளின் துயரத்தில்!
தொங்கிக் கொண்டிருந்தாள்!
!
-கே.பாலமுருகன்!
மலேசியா

இராதை கண்ணனுக்கு எழுதிய கடிதம்!
(சுருக்கப்பட்டது)!

கோகுலம்,
மழைக்காலம்.!

வாவிகள் நிரம்பிவிட்டன!
வெள்ளிகள் முளைக்காத!
இருண்ட இரவுகளில்!
காத்திருக்கிறேன் நான் உனக்காக!
எங்கோ தொலைதூர நகரங்களின்!
தொன்மையான இரகசியங்களிற்கு!
அழைப்பது போன்ற உன் விழிகள்!
வெகு தொலைவில் இருந்தன!
என்னை விட்டு!
புதைந்திருக்கிறது மௌனத்துள் மலை!
இருக்கிறேன் நான் துயராய்!
அசைகிறது சலனமின்றி நதி!
காற்றில் துகளாய்ப் போனேன்!
இங்கே,!
என் கண்ணா!
சற்றுக் கேள் இதை!
மல்லிகைச் சரம் போன்றது என் இதயம்!
கசக்கிட வேண்டாம் அதை!

ராதா!
பிரியமுடன்!

வளையல் துண்டுகளின் காட்சி !
----------------------------------------------------!
அருகருகே த் தொடர்கிறது!
நம் பயணம்!
சுவாரஸ்ய மவுனத்தோடும்!
சுகமான நினைவுகளுடனும்!
தண்டவாளங்களைப் போல!
தகுந்த இடைவெளியோடு.!
உடைந்த வளையல்துண்டுகளாய்!
வீழும் உரையாடல்களைக் குலுக்க!
மனசின் முப்பட்டைக் கண்ணாடியில்!
திரள்கின்றனப் புதுப்புது பொழிப்புரைகள்.!
’பசிக்குதுடா’-என்றக் கெஞ்சலில்!
எட்டிப்பார்க்குமுன்னுள்ளொருக்!
குழந்தை !
பசியறிந்து ஊட்டிய விரல்களிலிருந்து!
வழியுமுன் கடவுளின் மனிதம் !
சொல்லதிகாரம் திரண்ட!
கட்டளைகளில்!
நிமிர்ந்தப் பனையென உன் !
ராட்சசம் !
சொல் செல்லமே!
யார்தான் நீ?

எங்கும் எல்லாமே!
எனக்கு நேரம்!
தாழ்த்தி விடுகின்றது!
ஒரு கவிதையை!
ஒரு கட்டுரையை!
எழுதுவதற்கு நீண்ட நேரம்!
எடுத்துக் கொள்ளுகின்றேன்!
நீயோ புன்னகைத்து!
என்னை வெற்றி!
கொண்டு விடுகின்றாய்!
நானோ அலைகளின்!
தீராத சுழற்ச்சியில்!
கட்டுண்டு அலைகின்றேன்!
கருத்துக்களுக்காகவும்!
கற்பனைகளுக்காவும்!
என்னை நீ!
நாடி வருவதாகச்!
சொல்லிக் கொள்ளுகிறாய்!
ஆனால் நானோ!
சொற்கள் எழுப்புகின்ற!
வெம்மையோடு!
மோதிக் கொள்பவனாகக்!
கொடூரம் கொண்டு!
எகிறுபவனாக இருப்பது!
உனக்கு!
மகிழ்ச்சியை அளிக்கின்றது!
என்னை இலக்கியக்காரனாக!
நீ ஏற்றுக் கொள்ளாததையிட்டு!
எனக்கு எந்தத் துயரமும்!
கிடையாது!
அதற்காக எந்த அபத்தத்தையும்!
என் மீது திணித்து விடாதே!
நான் ஒரு!
அரசியல் விலங்கு தான்!
என்பதில் எனக்கு!
எப்போதுமே!
உடன்பாடு உண்டு!
அப்படியாயின்!
வெறும் விலங்காக!
மட்டுமே!
ஏன் என்னை!
உற்றுப் பார்க்கின்றாய்

வசந்தகாலப் பயணம்!
வார்த்தைகள் வந்த!
வண்ணம் உள்ளன.!
தூக்கங்கள் இருக்கும்!
தடம் தெரியவில்லை.!
உடல் தேவையைக் கருதி!
சிறிது குட்டித் தூக்கத்திற்கு!
அனுமதி தரப்பட்டது.!
தூக்க நேரம் சிறியனவானால்!
சர்..சர்.. ஓசையிலும்!
பாம்..பாம்.. ஓசையிலும்!
தாலாட்டுப் பாடல்கள் அரங்கேறின...!
தூக்கத்திற்கு இடம்தேடும்!
குழந்தை மடியில்!!
கண் திறந்து பார்த்ததும்!
இறங்க வேண்டிய இடம்!!
மற்றக் காட்சிகள் அப்படியே!
இதயத்தில்

நகைக்கிடங் கான நறுவாய் நகைபோய்ப்!
புகைக்கிடங் காதல் புதிர்!!
வெம்புகையில் இன்பம் விளையும் எனுங்கருத்தை!
நம்புகையில் வீழும் நலம்!!
நகைப்பூக்கும் வாயில் புகைப்பூக்கக் காணல்!
தகையில்லை வேண்டும் தடை!!
காற்றிற்கும் மாசாகும் கைப்பிடித்தார் வாழ்வடைக்கும்!
கூற்றிற்கும் தூதாம்வெண் கோல்!!
புகையில் சுவைகண்டார் போயொழிய வேறோர்!
பகையில் புகையே பகை!!
சிறிதும் கரித்தூளைத் தேடற்க தேடின்!
பொறியைந்தும் பாழாம் புரி!!
பற்றவைக்கும் பாழ்சுருளால் பாலன்ன நெஞ்சினிலும்!
புற்றுவைக்கும் வேண்டாம் புகை!!
பஞ்சுண்டு எனினும் பரிந்து புகைக்குங்கால்!
நஞ்சுண்டு சாவாய் நலிந்து!!
வெண்குழலை நாள்தோறும் வேண்டிப் புகைத்தக்கால்!
மண்குழியில் வீழ்வாய் மரித்து!!
புகைப்பான் இடன்நாடிப் பூம்பழுதைக் காட்டி!
நகைப்பான் எமனும் நயந்து