ஏழை நீயிது மறவாதே - எசேக்கியல் காளியப்பன்

பார்த்து இரசி!
படுத்துத் தூங்கு!
பாடி எழுப்ப நினையாதே!!
கூர்த்த மதியினர்!
கோடியில் உள்ளனர்!
கூவி யழைக்க முனையாதே!!
சேர்ந்து நின்றிடு!
செய்கை யற்றிறு!!
சேதம் கண்டு கொள்ளாதே!!
ஊர்ந்து செல்பவர்!
ஊரில் பலபேர்!
உதைத்துக் கொண்டு செல்லாதே!!
எங்கே இலவசம்!
அங்கே சென்றிடு!!
எதையோ நினைத்து மறுக்காதே!!
இங்கே விதிவசம்!
இதுவே பரவசம்!
ஏழை நீ அது மறவாதே!!