கனடாவிலிருந்து பவித்திரா- !
அன்புடன் அறிவுசால் ஆன்றுடைத் தமிழகமே! !
அணிதிரண்டு நின்றீரே இமாலய வடிவத்தில்! !
இன்புறத் திளைத்திட, இனியதமி ழோங்கிட !
எஞ்ஞான்றும் தலைநிமிர்ந்து தமிழினம் வாழ்ந்திட !
மண்ணும் மக்கள் மன்றங்களா யிணைந்து !
மாபெரும் போராட்டம் நடத்தியே என்றும் !
பன்னுதற் கரியநல் பணியினை ஆற்றிப் !
பாரினில் எம்முடன் பிறப்பெனக் காட்டினீர்! !
நன்றியென்ற மூன்றெழுத்தில் நம்முறவு முடிவதல்ல !
நனிஉயர் உடல்நிறை குருதியால் நாமொன்றே! !
கன்றென நாமிருக்க நாவினால் நீவிடும்; !
கருணைமிகு பசுவாய்க் கருத்திலுமைக் கொள்வோம்! !
சென்றடையும் பாதையது தூரமில்லை காண்போம்! !
சிந்தையிலே தமழீழம் முடிவெனக் கொள்வோம்! !
ஒன்றிணைவோம்! உலகெங்கும் உரத்துச் சத்தமிட்டு !
உரிமைதனை நிலைநிறுத்த ஒருமனதாய் இயங்கிடுவோம்! !
பண்பால், படிப்பால், பக்குவத்தால் உயர்ந்து !
பாரினில் எழிலுடன் திகழும் சொந்தங்களே! !
உண்மை உறவினை உணர்வினாற் காட்டியே !
உலகில் ஈழத்தவன் தனித்தவன் அல்லன்என !
எண்பித்தீர்! என்னருமைத் தமிழகமே! நாம், !
எஞ்ஞான்றும் இசைந்து இலங்கிடுவோம் வாழ்வில்! !
கண்ணென வளர்ப்போம்! கன்னியாம் தமிழழகை! !
காசினி யெங்கும் கமழ்ந்திடச் செய்வோம்! !
ஈழத் தமிழனின் இன்னல்களிற் றிளைத்து !
இருட்டறை இரும்புக் கூட்டினுள் இடர்ப்பட்டு !
வழும் காவலர்தம் அடிகள் உதைகளிற் !
சுகத்தைப் பலத்தை முற்றாய் இழந்து !
வாழும் நாட்களை வீணே சிறையில் !
வாடிக் கழித்தீர் வண்டமிழ் உறவினரே! !
நாளும் நினைத்தே வாழ்வோம் இனிதே! !
நலமே காண்போம் நிறைதமி ழீழத்தில்! !
இனவாத அழிவினில் இடர்ப்பட்டு நாமிருக்க !
இந்தியா எமக்குதவ வேண்டுமெனக் குரலெழுப்பி, !
மனமொத்து உண்ணா விரதங்க ளிருந்துமே !
மானமிகு தமிழராய்த் தீக்குளித்து நின்று, !
சினம்கொள் சிங்களத்தின் செருக்கினை அடக்கிடச் !
சீர்மிகு தொண்டராய்த் திரண்டு ஈழத்திற்குக் !
கனதியாய்ப் புறப்பட்டடீர் காசினியில் எம்துயரம் !
கருத்தினில் எடுத்திடக் காரணமாய் நின்றீர்! !
அய்யன்மீர் தங்கள் ஒன்றுபட்ட எழுச்சியினால் !
அகிலமே அதிர்ந்து ஆட்டமுற்று நிற்கிறது! !
மெய்யன்பில் நீர்புரிந்த மிக்கவுயர்; பரப்புரையால் !
மேதினியிற் தமிழினத்தின் தீரம் துலங்குகிறது! !
பொய்யல்ல புகழுரையும் இவையல்ல எம் !
புத்துணர்வின் வெளிப்பாட்டிற் போற்றிடும் வார்த்தைகளே! !
துய்யதமி ழன்னைதன் பிள்ளைகளின் நிமிர்வில் !
தண்முகம் துலங்கியே தரணியில் ஓளிர்கிறாள்! !
காலங்கள் தோறும் கண்ணீரிற் குளித்தோம்! !
கலக்கமும் துயரமும் நிறைந்து வாழ்ந்தோம்! !
ஞாலத்தில் நமக்கென யாருமில் லையென !
நாடோறம் வருத்திய எண்ணமது நீங்கியே !
காலத்தால் அழியாத வரலாறு வரைந்திடவே !
காத்திரமாய் எமக்கொரு வாய்ப்பினை அளித்தீர்! !
சாலவும் நன்றியாய் நடந்துமே நன்கு !
தாகம்தீர் இளநீர்தரு தென்னையெனத் திகழ்வோம்! !
அன்புடன எம்மிடர்கள்! முரண்பட்டு நிற்குமும் !
மத்திய அரசது மாறுபட்டு நிற்கிறது! !
கடிதென அறிந்தோம் கையளிப்பு நாடகங்கள் !
கணக்கிலா ஆயுதக் கொடுப்புக்கள் தெரிந்தோம்! !
கொடிதன்றோ? அவர்செயல் கூடியே எதிர்த்திடுவீர்! !
கூர்மையான தரவுகளால் நியாயப் படுத்திடுவீர்! !
துடிப்புடன் எழுச்சிகள் தொடர்ந்திடின் ஆள்வோர் !
தூயதமி ழகத்தை விஞ்சிட அஞ்சுவரே

நகைச்சுவையாய் நாலுவரி!
பேசியிருப்போம் !
அதற்குள் காதல் எப்படி வந்தது ? !
உறவு என்பதனால் உன்னுடன் நான் !
கொஞ்சம் உரிமை அதிகம் எடுத்துவிட்டேன் !
அது காதல் வானத்தினில் !
பறக்க வைத்தததுவோ ? !
வெந்துபோயிருந்த என் உள்ளத்திற்கு !
மயிலிறகால் வருடின உன் வார்த்தைகள் !
துவண்டிருந்த என்னை !
துடிப்பாக மாற்றின உன் வரிகள் - நான் !
புதிதாய் பிறந்தேன் அன்பே !
உனக்காய் என்னை மாற்றிக்கொண்டே !
நாம் இணைவோம் என்பது !
எனக்கு இன்னும் உறுதி இல்லை !
அதனால்தான் நிழலில் இணைத்துக்கொண்டேன் !
நிழல் இணைந்துவிட்டால் இனி !
நிஐம் இணைவதை யாரும் தடுக்கமுடியாது !
அலைபாய்கின்றது உள்ளம் !
அதன் கட்டுத்தறி பொட்டித்தெறித்ததாலோ !
இரு கரங்களில் பல சொந்தங்கள் !
தராசின் ஒரு தட்டில் நீ !
மறுதட்டில் இரத்த உறவு !
அதுவா இதுவா என !
புரிந்துகொள்ள முடியவில்லை !
ஓன்றை இழந்தால் !
இன்னொன்று கிடைக்கும் !
எதை இழப்பது !
பாலு£ட்டி சீராட்டி !
பக்கத்தில் இருந்த பசியாற்றி !
ஆயிரம் கதைகள் சொல்லி !
அன்பால் என்னை மெழுகி !
இன்றுவரை எனக்காக இருப்பவர்களையா ? !
அரைநொடியில் என்னை அசைத்துவிட்டு !
எனக்குள்ளே இறங்கிசென்ற !
ஏதொவொரு புரியாத உணர்வை !
விதைத்த உன்னையா ? !
பதில் சொல் . . !
எது பொ¤தென்று எனக்குத்தொ¤யவில்லை !
இரண்டு கண்களில் ஒன்றைக்கேட்டால் !
எதை சொல்வது !
இதயம் ஓன்றுதானே !
அதை இரட்டையாக்குவது எப்படி ? !
இன்னமும் என் தராசுத்தட்டு !
சமனாகவே

கல்விநிலையச் சீருடை அழகு.!
செல்வம் வறுமைச் சமநடை அலகு.!
சொல்லும் தலைப்பில் கவிதை தெளிப்பும்!
நல்ல சீரடி நடைபாதை வனப்பு.!
தலைப்புக் கொடுத்துக் கவிதை தெளிப்பு!
மலைப்புறுவார் மாந்தர் இயல்பு.!
வல்லமைச் சொற்கள் வாலாயமானால்!
வில்லில் நாண், ஏற்றுதல் போலாம்.!
வலைவீசி வகையாக மீன் பிடித்தலாக!
வட்டம் கட்டமாய் வளைத்துப் போடலே!
தலைப் பெறிந்து கவிதை பிடித்தல்.!
கலைச்சுவை இவ்வகைக் கவியாக்கமெனலாம்.!
இலையிலிடும் உணவை ருசிப்பதான உணர்வு,!
உலைப் பானை தலைப்பு என்றாகி,!
உள்ளெயிடுதல் மரபு, புதுக்கவிதையாகி!
அள்ளுதல் நற் கவிதைப் பொங்கலாகும்

நீ !
வரும் வழியில்!
காத்திருக்கிறேன்..!
என்னைப் போலவே!
இங்குள்ள !
செடிகளும்!
மலர்களும்!
மலரின் இதழ்களும்!
உன் இதழ் சிரிப்பைக் காண…!
- வைகறை நிலா

பிடிக்காத வாத்தியாரின்!
பாட நேரங்களில்!
கூர்ந்து கவனிக்கிறார்கள்!
அடுத்த பாட வாத்தியாரை!
வரவேற்க போகும் மணியோசையை!
அந்த நாளின் !
இறுதி பாடத்தின்!
கடைசி பத்து!
நிமிடங்களில்!
போர்கால அடிப்படையில்!
ஆயத்தமாகிறார்கள்!
விடுப்பு மணியின் !
மூன்றாவது மணி !
யாரும் கேட்காமல் !
ஆனாதையாய்!
வகுப்பறையில்!
உட்கார்ந்தபடியே !
ஒளிந்துக் கொள்கிறார்கள்!
வீட்டுப்பாடம் !
செய்யாத நாட்களில்!
கடமையை செய்!
பலனை எதிர் பார்க்காதே!
கத்துக் கொடுத்தார்!
ஆசிரியர்!
முதன் முறையாக!
வீட்டுப்பாடம் முடித்தும்!
படித்தும் வந்தவனிடம்!
அவர் ஒன்றும் கேட்கவில்லை!
வாத்தியார்!
அடிக்கும்போது வலித்தாலும்!
அடிவாங்கியவர்களிடம்!
பெருமைக்காய் சொல்லிக்கொண்டான்!
தனக்குத் தான்!
அடி பலம் என்று

சமையலறையில் நீ!
அருகிருந்து உதவவேண்டாம்.!
‘உதவவா?’ என்ற !
ஒரு வார்த்தையே போதும்!
உன்னை அமரவைத்து !
ஊட்டிவிடுவேன்.!
வீட்டைத் தூய்மை செய்ய!
நீ வந்து துடைக்க வேண்டாம்!
நாற்காலியில் சாய்ந்து கொண்டு!
ஜாலியாகப் பார்த்துக்கொண்டிருக்கும்!
தொல்லைக்காட்சியை!
கொஞ்சம் நிறுத்திவிட்டு!
ஒதுங்கி இடம் கொடுத்தாலே போதும்!
மனதில் உன்னைத்!
திட்டுவதற்காகக்!
கொட்டிக்கிடக்கும்!
வார்த்தைகளோடு சேர்த்துத்!
துடைத்தெடுப்பேன்.!
‘அசுத்தமாக இருக்கும்!
குளியலறையை !
சுத்தம் செய்தால் என்ன?’!
என்று கேட்பதை விடுத்து!
குளிக்கும் முன் !
‘நான் சுத்தம் செய்கிறேனே’!
என்று சொன்னாலே போதும்!
உன் முகத்தில்!
என் முகம் பார்க்கும் !
மாயக்கண்ணாடியைப் போல!
நானே அதை மாற்றிடுவேன்.!
அதிகாரத்தை விட அன்பு!
எத்தனை சக்தி வாய்ந்த்து

================ !
- வேதா மஹலஷ்மி !
எப்படி இருக்கே? !
அம்மா அப்பா நலமா? !
அண்ணன் சௌக்கியமா? !
ஊர் கதை என்ன? !
நண்பனைப் பார்த்தாயா? !
உன்னை மறந்தே போனேன்... !
எல்லாம் சுகம்தானே?? !
.................. !
கேட்கும் மற்றவர்க்குத் தெரியாது, !
இறந்த உறவும் இருந்த உறவும் !
திடீரென்று ஓர் இரவில் !
'இல்லை' என்றானது... !
எனக்கு, எல்லாமே..இனி !
நீயென்றாகிப் போனது

ஈற்று எதுகையாய் இனித்திடும்!
இணையான உன் இதழ்கள்:!
மாற்றியும் மடக்கியும் எழுதும்!
புதுக் கவிதைபோல்!
ஏற்ற இறக்கமாய் அமைந்த!
இடுப்பு அழகு;!
நேர்நேர் நிரைநிரை அசையாக!
நேர்கொண்ட பார்வையில்!
நிறைவான கனிவு;!
நேர்கொண்டு முடிந்து!
நேர்கொண்டு துவங்கி!
வெண் தளை விரவினால் வெண்பாவாம்!
நேர்வகிடு எடுத்த பின்னலினால்தான்!
உன் தலையும் பெண்பாலாம்...!
அசை சீர் தொடை அழகாய்!
அமைந்தால் மரபு கவிதைக்கு அழகு!
அசையும் உந்தன் நடையால்!
அழகுக்கே அழகு!
கண்ணதாசனின் கவிதைபோல்!
செப்பலோசையின் இனிமை!
உந்தன் குரலோசை!
வைரமுத்துவின் வைர வரிகளாய்!
வைரம் முத்துக்களாய் உதிர்த்திடும்!
வசீகர உந்தன் குதிகால்கள்......!
கைப் பேசியை காதினுள் வைத்து!
கைக்குள் அடக்கமாக பேசிடும் நளினம்!
ஹைக்கூ கவிதையும் மிஞ்சிடும் மெல்லினம்...!
வள்ளுவன் வடித்த மூன்றம்பாலாய்!
அள்ளி தெளித்திட்ட உன் இளைமையிலே!
முனிவரும் மயங்குவர் இளமயிலே.....!!!!
இல்பொருள் உவமை அணியாய்:!
ராத்திரியில் பூத்திருக்கும் தாமரையே..!!! !
காசு மலர் பிறப்பு என்று ஈற்றில்!
முடிந்தால் வெண்பாவாம்!
கன்னி தாய்மை முதுமை என்று!
முடிவதும் பெண்பாலே!
உடலினை மட்டும் பாடினீர்!
உள்ளத்தினை ஏன் பாடவில்லை? என்று!
மடலினை யாரும் போட வேண்டா.!
மறுமொழி இதோ படியுங்கள்:!
உடலினைக் காட்டி எந்தன்!
உறக்கத்தை கெடுத்த இப்பெண் தான்!
உள்ளத்தினைப் பூட்டி வைத்து விட்டால்!
உள்ளத்தினுள் உள்ளதை நான் எப்படி!
உள்ளேசென்று பார்பேன்; படிப்பேன்?!
ஈறு கெட்ட எதிர்மறையாய் அங்கே !
இருந்து விட்டால்................!!!
தமிழைப் பெண்ணாய்க் கண்டேன்;!
பெண்ணைத் தமிழாய்க் கண்டேன்;!
கவிதையைப் பெண்ணாய்க் கண்டேன்;!
பெண்ணைக் கவிதையாய்க் கண்டேன்;!
இரண்டிலும் இன்பம் உண்டென்று கண்டேன்;!
இரண்டினையும் இணைத்தால் இன்னும் !
இரண்டு மடங்காகும் இன்பம் என்றே கண்டேன்...!
இல்லறப் புத்தகத்தில் இன்பத்துப்பால் ஒரு பகுதி;!
கவிதைப் புத்தகத்திலும் இன்பத்து பா(ல்) இருக்கட்டுமே

வெளியேறியவர்களின்!
பாடல்கள்!
------------------------------------------------------------------!
தானியங்கள் வீடுகளில்!
நிரம்பிக்கிடக்கின்றன!
வீடுகள் நிரம்பிய!
கிராமங்களைவிட்டு!
நாங்கள்!
வெளியேறிக்கொண்டிருக்கிறோம்.!
துயரத்தின் பாதைகள்!
பிரிந்து நீள்கின்றன!
எல்லா பாதைகளும்!
தலையில்!
பொதிகளை சுமந்திருக்கின்றன.!
எல்லோரும் ஒருமுறை!
நமது கிராமங்களை!
திரும்பிப்பாருங்கள்!
இப்பொழுதே!
தின்னைகள் சிதைந்துவிட்டன!
வீடுகள்!
வேரோடு அழிந்து விட்டன.!
ஒரு துண்டு நிலவுதானே!
வானத்தில் எஞ்சியிருக்கிறது!
அடர்ந்த மரங்களுக்கிடையில்!
காடுகள் வரைந்த வீதிகளில்!
நாங்கள் எங்கு போகிறோம்.!
எனது அம்மாவும்!
ஏதோ ஒரு வழியில்!
போய்க்கொண்டிருக்கிறாள்.!
நான் எங்காவது!
அம்மாவை சந்திக்கலாம்.!
எனது வயதிற்கும்!
எனது உருவத்திற்கும் ஏற்ற!
பொதி ஒன்றை!
நான் சுமந்திருக்கிறேன்!
எனது அம்மாவும்!
தனக்கேற்ற!
பொதி ஒன்றை சுமந்தே!
போய்க்கொண்டிருக்கிறாள்.!
இந்த பொதிகளை!
வைத்து!
நாம் ஒரு வாழ்வை!
தொடங்கப்போகிறோம்!
எங்கள் வானம்!
பறிக்கப்பட்டு விட்டது!
எங்கள் நட்சத்திரங்கள்!
பறிக்கப்பட்டு விட்டன.!
செல்கள் முற்றங்களை!
மேய்கின்றன!
முற்றங்கள் சிதைந்து!
மணக்கின்றன!
விமானங்கள் வானங்களை!
பிய்க்கின்றன!
கிராமங்களை தின்னுகின்றன!
வீதிகளை இராணுவம்!
சூறையாடுகிறது.!
எங்ள் கிராமங்களை!
விடுவித்துக்கொண்டதாக!
அரச வானொலி அறிவிக்கிறது.!
சாம்பல் நாகரிகத்திற்கு!
கிராமங்களை!
பறிகொடுத்து விட்டு!
போவதைப் போலிருக்கிறது!
நதிகள் வற்றிவிட்டன!
நமது பறவைகளின்!
முட்டைகள்!
கரைந்து விட்டன.!
வேர் சிதைந்துகொண்டிருக்கிறது!
இனி நாங்கள்!
ஒரு துண்டு தரப்பாலுக்கு!
திரியப்போகிறோம்!
ஒரு மரத்தை தேடி!
அலையப்போகிறோம்.!
உற்றுப்பாருங்கள்….!
இங்கு இரவாயிருக்கிறது.!
நாங்கள் கறுப்பு மனிதர்கள்!
கறுப்பு பொதிகளை!
சுமந்தபடி!
நிழல் வீடுகளை!
பறிகொடுத்து விட்டு!
சிறுதுண்டு நிழலுக்காக!
எங்கோ போய்க்கொண்டிருக்கிறோம்.!
-தீபச்செல்வன்

கால்சட்டையின் கிழிசல்களை புத்தகத்தால் மூடுங்கள்!.. இன்றைய சுடுகாடொன்றில் பிறக்கட்டும் நாளைய மனிதம் !
!
01.!
கால்சட்டையின் கிழிசல்களை புத்தகத்தால் மூடுங்கள்!!
---------------------------------------------------------------!
நாங்கள் பிடித்த மண்வெட்டியும்!
மண்கூடையும்!
சுமந்த குடும்பமு(ம்)கூட பாரமில்லை,!
சுமக்காத புத்தகங்கள் சும்மாடையாய் கனத்தன;!
சொட்டிய வியர்வையும் சுடும் வெய்யிலும் கூட!
வலிக்கவில்லை; அதையு(ம்) வாங்கிக் குடித்த!
அப்பாவின் சாராயமும் -!
அதற்குச் சுமந்த அம்மாவின் தாலியும் வலித்தது;!
பசித்த வயிறும் செருப்பிடா கால்களும்!
சுடவில்லை; எங்களின் அழுக்கு உடை!
தெருவில் போகும் பள்ளிச் சீருடையின் வெண்மையில்!
கருகித் தான் போனது;!
ஏங்கிய மனசும், எட்டிநின்று பார்த்த!
ஆசைப் பார்வையும் ஈரமே காயவில்லை; ஈரத்தின்!
சதுப்பிலும், ஏறி அடுக்கிய செங்கற்களின் இடுக்கிலும்!
வாழ்க்கை வெறுமனே புதைவது வலித்தது; !
படித்து வராத அறிவும், பகுத்தறியக் கல்லா!
கல்வியும் வெறும் தார்சாலையில் தீர்வது தீரட்டும்,!
நாளை மரணித்துப் படுக்கும் பாடைக்கு, பார்ப்பவர்!
'மண்வெட்டியின் பிணமென்று' பெயர்வைப்பர் வைக்கட்டும்;!
தெருவோர தூளியின் ஓட்டையில் வரும் காற்றும்!
எங்கோ தூர இடைவெளியில் கேட்கும் பிள்ளைகளின்!
படிக்கும் சப்தமும், அம்மா சேலையின் வாசமும், அப்பா !
என்றோ வங்கித்தரும் புதிய சட்டையின் பூரிப்பும் போதும் போதும்;!
பெரிய படிப்பு படித்து காதில் ஸ்டெதாஸ்கோப் மாட்ட!
திடீரெனக் கனவெல்லாம் பூக்கவில்லை, அந்த புதிய புத்தகத்தின்!
வாசம் நுகர அன்றிலிருந்தே ஒரு ஆசை, ஆயுதம் பிடித்த கையுதறி!
யாரேனும் புத்தகத்தைத் திணித்தால்; கெட்டியாகப் பிடித்துநடக்க ஆசை;!
ஆசையென்ன ஆசை!
அது தெருவோர சல்லியுடனோ !
தீப்பெட்டியின் குச்சிகளோடோ!
ஊதுபத்தியின் வாசத்திலோ கலந்து மணக்கும் மணக்கட்டும்;!
நாங்கள் படித்தாலென்ன!
எங்களின் கிழிந்த கால்சட்டைகள் ஒட்டித்!
தைக்காவிட்டால்தானென்ன - உங்கள் மனது லேசாகும்!
வேண்டுமெனில் ஒரு உச்சுக் கொட்டிவிட்டு கடந்துப் போங்கள்;!
எங்களுக்கான வாழ்க்கை எப்பொழுதும் போல்!
மண்வெட்டியிலும் மண் கூடையிலும்!
படிக்கக் கிடைக்காத பாடங்களாகவே நிறையும்!
அல்லது உங்கள் தீபாவளியில் பட்டாசாய் நன்கு வெடிக்கும்;!
காலத்திற்கும் ஒரு குறையாய் எங்களுக்குள் மட்டும்!
இது வலிக்கும் வலிக்கட்டுமே; எங்களுக்கு வலித்தாலென்ன - நீங்கள் போய்!
அந்த உழைப்பாளர் சிலையில் ஒன்றிற்கு கால்சட்டையும்!
இன்னொன்றிற்கு குட்டைப் பாவாடையும் மாட்டிவிடுங்கள்,!
அல்லது யாரேனும் சிபாரிசு செய்து - அந்த!
உழைப்பாளி சிலைக்கருகே யிரண்டு!
சிறுவர் சிலைகளையும் சேர்த்துக்கொள்ளச் சொல்லுங்கள்;!
நாங்கள் படிக்காத கல்வியை கவிதையாக்க நாளையது உதவலாம்!!!
02.!
இன்றைய சுடுகாடொன்றில் பிறக்கட்டும் நாளைய மனிதம் !
-------------------------------------------------------------------!
மண்ணிற்கு சண்டையிட்ட வாள்களின் ரத்தம்!
இன்னும் காய்ந்திடாத மனத்திரையில் !
விரிகிற காட்சிகளில் மரணமின்னும் நிகழ்கிறது!
மரணத்தின் பெயர்தான் கொலையில்லை;!
சொற்களின் வசியத்தில் அசைகின்ற தலைகளில்!
சரிதவறு சிந்திக்கப்படாத அங்கீகரிப்பில் !
நடக்கின்றன கொலைகள் -!
உயிர்போதலுக்குப் பெயர் மரணம் மட்டுமே;!
மண்ணுக்கும் பெண்ணுக்கும் வீங்கிய இதயம்!
தனக்கென்று துடித்து துடித்தே சுடுகாடுமுட்டும்!
அழுது புலம்புதலில் அடுத்தவன் ரத்தமோ கண்ணீரோ!
போனது போனபடியே நகர்கிறது காலம்;!
யாருக்கு யாருண்டு!
யாரின் அசைவில் யாருக்கு வலிக்கிறதிங்கே!
யாருமில்லா தனியுலகில் எவர்குறித்து யெண்ணியழ - !
இத்தனை இத்தனைச் சுயநலமோ?!!!!
சோற்றிற்கு சண்டையிட்டு சொத்துக்கு கொலைசெய்து!
பாட்டிற்கு கடல்தாண்டி படத்திற்கு வீடு விற்று!
வேலைக்கு லஞ்சம் கொடுத்து ஏழையின் ரத்தமருந்தி!
காதலுக்கு வீடுவிட்டு கட்டியவளை தெருவில் நிறுத்தி !
ச்சி........... மனிதர்களா நாம்?!
மனிதம் நிரம்பிய -!
உணர்விற்குத் தக வாழ்க்கையையா வாழ்கிறோம்?!
பிறர் நல அக்கறையின்றி பிறப்பவர் யாருமிலர்!
பிறர்நல னெண்ணாதார் இறப்பதில் வருத்தமுமில்லை!
பிறருக்கு ஈயாதான் இருப்பதில் ஏதுமில !
உயிர் அது இழுத்து இழுத்து ஒருவீட்டில் விளக்கெரிய -!
வீடு சுற்றியொரு அடர்ந்த இருட்டுப் படருமெனில் !
விட்டுத் தொலையதை;!
கனக்கும் சுடு காடுதனில் -!
துளிர்க்கட்டும் புதிய மனிதம் உனக்கும் எனக்கும் பிறருக்குமாய்