முளைத்தெழும் கவிதை.. ஒப்படைத்தாயிற்று!
01.!
முளைத்தெழும் கவிதை!
------------------------------!
பேரழகைச் சுமந்தபடி !
சூரியனை நோக்கிச் சீறுது பச்சையம்பு.!
நலம் விசாரிக்க வரும் காற்றோடு!
கைகுலுக்கியவாறே!
குளிர் விருந்தளித்து மகிழும் தளிரிலைகள்.!
மஞ்சள் பூவிதழின் மருங்குகளில் வந்தமரும் !
வண்டுகளின் ரீங்காரங்களுக்குள்!
கண்விழிக்கும் அரும்புகளில்தான்!
எத்தனை பரவசம்.!
பசிய மென்கொடிக்கயிறுகளில் !
தளம்பாது இறங்கி வருகிற வித்தைக்கார அணிலுக்காய் !
அடிமரத்தில் வாய்பிளக்கும் சாம்பல்பூனை.!
அட, முதல்மரத்தோடுதான் முளைத்திருக்கும்!
கவிதையும். !
02.!
ஒப்படைத்தாயிற்று!
--------------------------!
நெடுஞ்சாலையில் எதிரேகிய!
சாவடிகள் யாவையுமே!
பொறுமையும் சிரம்பணிதலுமாய்!
கடந்தாயிற்று!
பாரப்பொதியாய் கண்ணுக்குள் கனத்த!
உடமைகளை!
உரிய முகவரிகளுக்குள்;!
ஒப்படைத்தாயிற்று!
பணிகளுக்குள்ளும் இயலுமளவு!
சுற்றுநிரூபம் பேணியாயிற்று!
ஆக,!
சக்கரங்களின் தடம்புரளல் இன்றியே!
வண்டி நகர்ந்திட!
இழைகளுக்குள் மிக அடர்வாய்!
இறுகக்கோர்த்த உருமணிகள்!
வெண்மையை மட்டுமே!
மீதமாய் இருத்திவிட்டுத்!
தெறித்துருளும் !
இவ்வெல்லைப்புற நாட்களின் முடிவினிலே!
அவன் வாக்களித்த வாசமொன்றே!
நிதர்சனமானால்…..!
செவிட்டுப்பூமி புரிந்திடத் தவறிய!
அல்லது மறுத்த!
உன்னத அன்பின் ரகசியங்களையெல்லாம்!
பரிமாறியபடி!
சதா ஓடிக்கொண்டேயிருக்கும் அருவியோரம் !
துளிர்களால் நெய்த ஈரவானம்!
கூரையாய் கவிழ்ந்திருக்கும்!
குளிர் வனத்த்pல்!
நீள்கூந்தல் தோள்தூங்க!
மேலுமையிரு பொன்விரல்களை!
விரலிடுக்கும் புதிதாய் பிரசவிக்க!
இலைநுனியூடே இடரிவீழும்!
பனித்துளியின் ரீங்காரமொன்றே!
பின்னிசையாய் ஒலிக்கும்!
அம்முடிவிலி யுகங்களுக்குள்!
சுற்றிச்சுழலும் பத்திப்புகையாய்!
கனிவு மணப்பதும்!
நான் எப்போதுமே விரும்புகிறதுமான!
உன் தாலாட்டொன்றே கேட்டிருப்பேன்!
மறுபடியுமோர் தொட்டில்குழந்தையாகியே

02.!
எதிர்பார்ப்பு!
----------------!
வாழ்கின்ற!
வாழ்க்கைக்கும்!
வாழ நினைக்கின்ற!
வாழ்க்கைக்கும்!
இடையில் நீண்ட!
நிரப்பப்படாத!
இடைவெளிகள்!
பாலைவனத்தில்!
தண்ணீர் போல!
ஓடிக்கொண்டிருக்கிற!
மேகங்களில் மழை!
தேடிக்கொண்டிருக்கின்றன!
வாடிப்போன பயிர்கள்!
தூரத்தில்!
இலக்கற்று!
புறக்கின்றன பறவைகள்!
புதிதாக எதையோ தேடி!
கண்டங்கள் தாண்டியும்!
சலிப்பற்ற இறக்கைகள்!
கணனியின்!
மின் திரையில்!
தினமும் எதையோ!
தேடிக்கொண்டிருக்கும்!
விழிகளில்!
வழமைபோலவே சலிப்பு!
விடியலும்!
இருள்தலும்!
ஒரே மாதிரி நடந்து!
பழகிப்போன பாதங்களில்!
பழகிப்போனது வலியும்!
அனைத்துமே!
திரும்பத் திரும்ப!
நிகழ்ந்து கொண்டே!
இருந்தாலும்!
எதிர்பார்ப்பு மட்டும்!
எப்போதும் புதிதாய்!
ஏதோ ஒரு விடியலில்!
எல்லாமே!
மாறிப்போகும்!
என்பது போல!
- ஸ்ரெபனி

01.!
ஈழத் தமிழர்களே !!
------------------------!
கடவுளும் காத்திட வாரான்!
பகைவனும் பிழைத்திட விடான்!
ராமனும் இல்லான், !
உறுதுணை கன்னனும் பிறவான்!
ஈழமும் ச்சீய்! போங்கடா!
வீரங்குன்றிய மக்கள் என்று வெறுத்தாள்!
தமிழ் தாயோ பால் மார்பை அறுத்தே விட்டாள்!
தமிழர் சிறையில் கிடந்தார்!
புலம் பெயர்ந்த உறவுகளுக்கு மெழுகு பிடித்து கை ஓய்ந்து விட்டது!
இன்னும் இங்கு யார் உள்ளனர் ;!
எவர் எங்கள் உயிர் காப்பார் ;!
ஈழத்தமிழர்களே ! - நம் விதி முடிந்து விட்டது!
நம்மை கொல்லப்போகிறவர்களின் விதி தொடங்கி விட்டது .!
மகிழ்ந்து நம் மண்ணில் வீழ்வோம் !!
நாம் சிந்தும் ரத்தம் அவர்களின் நஞ்சு!
நாம் சிதறும் சதைகள் அவர்கள் ரத்த சதைகளை உறுஞ்சும் புழுக்கள்!
வாழ்க ஈழம் ! வாழ்க தமிழர் !!
02.!
இன்பம்!
------------!
தோன்றிட இனியும் இனிமைகள் உளதோ ?!
வேண்டிடும் வரையில் இனிவினைக் கொண்டேன்!
போதென நினைந்தேன் !!
இனிவரும் இன்பம் - உன்!
கொடைக்கே சான்று .!
தேனிசை அலைமடி உனதிதழ் கவிசேர்!
பாலிசை தருமதில் இருசெவி இழந்தேன்!
கோவில் முகமும் திருநீர் பன்னீர்!
யாவும் கொணரும் பக்தி உணர்ந்தேன்!
வாழ்வொரு நாளும் உன்னகை காணில்!
சூழ்பல பகையும் தூசிகள் போலவே !!
பின்னொரு துன்பம் நின்றிட பார்த்து!
பாவை உன்மொழி கேட்டு மறந்தேன்

இன்னொரு புதுவருட வரவும் !
நிகழ்த்தப்பட்டாயிற்று !
உடல்நல உளநல விசாரிப்புகள் !
மட்டுமன்றி !
சமாதானம் அமைதி என்றெல்லாம் !
வாழ்த்துக்கள் பரிமாறப்பட்டுமாயிற்று. !
முந்தைய ஆண்டினில் தொடங்கிய !
எனது நெடுங்கவிதையை !
இப்பவும் !
அப்படியே தொடரமுடிகிறது. !
கடந்துபோன ஆண்டின் முதுகெலும்பை !
போர் உடைத்துவிட்டிருந்தது. !
உலக வீதிகளை அப்பிய !
மனிதக் குரல்களையெல்லாம் !
தூசிபோல் தட்டி !
போருக்குப் புறப்பட்டனர் !
ஐனநாயக ஏற்றுமதியாளர். !
விளைவாய் !
இன்னொரு வியட்நாமை ஈராக்கில் !
வரையும் !
ஓவியமுனைப்பும் தொடங்கப்பட்டாயிற்று !
போரின் ஓவியர்கள் !
இரத்தம் வடியும் தூரிகையுடன் !
உயிர்முகட்டில் உலாவருகின்றனர். !
எனது மண்ணும் !
காட்டேறி ஓவியர்களின் கூடமாகி !
இருபது ஆண்டுகளை புதைத்திருக்கின்றது. !
முந்தைய ஆண்டின் போர் உறக்கம் !
இந்த ஆண்டினுள்ளும் !
கைகால்களை எறிந்தபடி நீளலாம் !
ஆனாலும் எம்மிடம் !
சமாதானம் கனவழிந்து !
மண்நனைப்பதாயில்லை. !
நாசித் தீயில் உயிர்வதங்கிய !
யூத இனமும் தொடர்ச்சியாய் !
பலஸ்தீனத்தின்மேல் தீயை உமிழ்கிறது, !
குறைவேயில்லாமல். !
ஒடுக்குமுறைக்கு உட்பட்ட இனம் நாம் !
இன்னொரு இனத்தை ஒடுக்குவோமா என்ற !
என்னவர் சூத்திரத்தை !
மலம் தின்னும் நாய் காவிச்செல்கிறது, !
இஸ்ரேல் வீதியில். !
இதுகண்டு எச்சா¤க்கைப்படுதலும் !
குற்றமாகிற்று எமது மண்ணில். !
எம்மை அமைதியாய்க் கடந்துசென்ற !
இரண்டாயிரத்து மூன்றாம் ஆண்டு !
ஈரானின் பூமியை புரட்டியெறிந்துவிட்டு !
மரணித்திருக்கிறது. !
ஒரு நூறல்ல ஓராயிரமல்ல !
முப் பதினாயிரம் உயிர்கள் !
நின்ற இடத்திலேயே புதைந்துபோன அவலம் !
இந்த ஆண்டுக்குமுரியதுதான். !
புத்தாண்டே! !
உன்னால் எதையும் அழித்து !
எழுதிவிடமுடிகிறதா? !
நம்பிக்கைகளை நாம் எப்போதுமே !
உருவாக்கிக்கொண்டுதானிருப்போம் !
ஒவ்வொரு வீழ்தலிலும் மீள எழுவோம்- அன்றி !
எழுதற்காய் போராடுவோம், !
ஓர் அருவியாய். !
என்றபோதும் !
வருக புத்தாண்டே! !
உன்மீதும் எமது எதிர்பார்ப்புகளை !
நம்பிக்கைகளை !
ஊன்றமுடிபவர்களுக்காக உனது வரவை !
நிகழ்திவிடுகிறோம். !
வருக! !
- ரவி (சுவிஸ்,080104)

பப்ளிக்ல பாடுவது!
பாரின்ல நியூசென்சு!
பக்குவமா பாடிப்புட்டா!
பலரை மயக்க இது லைசென்சு!
வாய்விட்டு நான் பாடும்போது!
வாசிங்டனே வணக்கம் சொல்லும்!
இறுக்கமான சூழ்நிலையும்!
இமைப் பொழுதில் இளகுவாகும்!
தனிமையில தவிக்கையில!
தலைமுடியை வருடிவிட்டு!
தாவி வந்தென்னை அணைச்சுக்கும்!
தாளமில்லா எம் பாட்டு!
பாடிக்கொண்டு நடக்கும் போது!
பாரம் கொஞ்சம் குறையுது!
பார்ப்பவர்கள் முகங்களெல்லாம்!
பள பளப்பாய் ஒளிருது!
இசை கேட்கும் திசை நோக்கி!
ஓசையின்றி பலர் புன்முறுவ!
உள் மனதின் வேதனையோ!
ஓடி எங்கோ ஒழியுது!
வேலை நேரத்திலும் பாடுவேன்!
வேண்டாதவரிடத்திலும் பாடுவேன்!
வேகமாய் நடக்கும்போது!
விறுவிறுப்பாய் நானும் பாடுவேன்!
கதவு மூடிய லிப்ட்டில்!
கனவுப் பாட்டு நான் பாடுகையில்!
காரியதரிசி கேட்டாள்!
Are you happy, J?!
கண் திறந் துரைத்தேன்!
Singing makes me happy!!
ஜான் பீ. பெனடிக்ட்!
வாசிங்டன்

சாலை ஓரங்களில் !
இத்தனை காலமாய் !
யாருக்காக இவர்கள் !
காத்து நிற்கிறார்கள்??!
ஒற்றைக் காலில் !
நின்று கொண்டு!
எவரை நோக்கி !
தவம் செய்கிறார்கள்??!
இவர்களது தலைகளில் !
பறவைகள் கூடுகட்டி!
வாழ்ந்த போதும்!
இவர்களது ஆழ்மனத் தியானம் !
கலையவில்லையே ?!
யாருக்காக இவர்கள் வாழ்கிறார்கள்?!
மானுடா...... சற்று சிந்தியேன்....!
தான் வாழும் போது -!
உன்னை வாழ வைத்து !
தான் வீழ்ந்த (வீழ்த்தப்பட்ட ) பின்னும் !
உனக்கு வாழ்வளிக்கும்!
மண்ணின் மைந்தர்களாம் - மரங்களை !
காத்திட உறுதி கொள்ளலாமே

பாலுண்ணும் பிள்ளைக்கு பரிசாக்க வேண்டும்!
தோதாக ஏதிருக்கு பரிசாக நான் தர!
பச்சை புல்வெளியில்லை!
பரந்து நிற்கும் வயலில்லை!
சுற்றி தோட்டமிட்டு வற்றாத நதியருகே!
எட்டாத உயரத்தில் கட்டாக பரணமைத்து!
கட்டாத என் மனக்கோட்டை!
காலூன்ற வழியில்லை!
பச்சைத் தண்ணீரும்!
பகிர்ந்துண்ண வேண்டும் நீ!
ஆலும் வேலும் இங்கில்லை !
அன்னைப்பாலும் சத்தில்லை!
முயன்றே விடவேண்டும் மூச்சிங்கே!
நேராக எதுவுமில்லை!
தோதாக பரிசுனக்கு!
நான் தர பூமியிலே!
ஆனாலும் சொல்லிடுவேன் கேளாய் என்மகனே!
நீயாக நினைத்தால் மாற்றிடலாம் இஃதையெல்லாம்!
கருத்தாக ஓர்மரம் மண்தொட்ட இந்நாளில்!
விளையாட்டாய் வைத்திட்டால்!
விதையாகும் உன் உழைப்பு!
வேங்கையாகும் வெற்றி!
சோர்வாக வேண்டாம் சொல்லிடுவேன் மகனே கேள் !
ஓசோனின் ஓட்டையையும் ஒட்டிவிடும் அறிவுண்டு!
இங்கே!
உன்கையில் உலகத்தை கொண்டுவரும் கண்ணி உண்டு!
வெண்ணிலாவில் கால்வைத்து !
வெட்டவெளி நடை நடந்து!
பெண்டீரும் வெல்வதனால்!
உண்டாகும் நன்மை பல உன்நாளில்!
செவ்வாயில் குடியேறும் !
திறம் கொண்டு அந்நாளில் !
தேர்ந்ததொரு தொழிற்நுட்ப பயிற்சியாலே!
வரலாறு திரும்பிடவே!
மும்மாரி பொழிவதனால்!
மூன்று போகம் விளைவித்து !
முக்கனியின் சாறும் தேனும் பாலும் கற்கண்டும் !
கலந்து வரும் காவிரியின்!
பொங்கிவரும் புனலருகே!
பூத்த ஒருசோலையிலே !
அத்தரும் சந்தனமும் ஜவ்வாதும் மணந்திருக்க !
ஆங்காங்கே முத்தும் பவளமும் மாணிக்கமும் மலர்ந்திருக்க !
அறிவிற் சிறந்த பெண்டீரும் !
அவர்க்கேற்ற ஆடவரும்!
ஆனந்தமாய் களித்திருக்க!
அத்தணையும் டிஜிட்டலில் அழகாக பதிவாக!
கம்ப்யூட்டரில் விளையாடி கைக்கடுத்த குழந்தைகள் !
காவிரியில் புனலாட கம்ப்யூட்டரில் பதிவாகி !
கனடாவில் நண்பர்களும் !
கண்டுக்களித்ததனை ஏக்கத்தோடு!
'நயாகரா' வும் தோற்றுவிடும்!
நலத்தோடு நந்தவனந்தன்னில்!
நடந்தாய் வாழி காவேரி என !
நயமாக மெயில் அனுப்ப !
நடக்கும் அத்தனையும் நடந்தே தீரும்!
நம்பிக்கை நம்பிக்கை நம்பிக்கை !
இஃதே நானுனக்குத் தரும் பரிசாகும்!
வளமான வாழ்வுனக்கு வந்துசேரும் நாள்வரையில் !
உரைத்திடுவேன் ஓர் சபதம்!
மக்காத பிளாஸ்டிக், ரப்பர், கண்ணாடி !
மண்ணில் புதையுறவேமாட்டாதொழிப்பேன் !
கண்ட இடத்தில் எச்சிலும் குப்பையும் கொட்டி!
காற்றையும் வீணாக்க மாட்டேன் உறுதி!
தயங்காது செய்வீர் இதனை!
பிள்ளையைப் பெற்றோர்!
பொறுப்பு நமக்கதிகம் புரிந்தே கொள்வீர்

கையசைத்து வரவேற்பதுபோல் !
ஆடிஅசையும் தென்னந்தோப்பு !
அதன் நடுவில் ஒற்றைக்குடிசையாய் !
ஓலைக்குடிசையொன்று !
முற்றத்து நிழலினில் !
முதுகுசார ஓர்¢ கதிரை !
இப்படியே இருக்ககூடாதா ? !
நுரைதள்ளி கரைவந்து !
கதைசொல்லி மறையும் அலை !
அலையுடன் கொஞ்சிக்கொள்ள !
ஆர்ப்பாரிக்கும் நண்டுக்கூட்டம் !
கால்நனைய உட்கார்ந்து !
பலகதைகள் பேசிக்கொள்ள !
அருகினில் நீயும் !
அப்படியே இருக்ககூடாதா ? !
பூமிதொடும் முதல் மழைத்துளி !
பனியோடு படுத்துறங்கும் புல்த்தரை !
வண்டுடன் சல்லாபிக்கும் பூவிதழ் !
உயர உயர பறந்து !
உச்சி முத்தமிடும் சிட்டுக்குருவி !
இப்படியே இருக்கக்கூடாதா ? !
கல்லெறி வேண்டியும் !
வாலைக்குழைத்து !
வளைய வரும் தெருநாய் !
எப்போது உறங்குவோம் !
அப்போது நுழைவோம் என !
விழிநோக்கி காத்திருக்கும் !
செல்ல பூனை !
இப்படியே இருக்ககூடாதா ? !
அசரும் நேரத்தில் !
ஆசையாய் ஓடிவந்து !
பழம் தின்னும் பச்சைக்கிளி !
ஓய்ந்துவிட்டால் வாழ்க்கை இல்லை !
என ஓடி ஓடி உழைக்கும் !
சின்னஞ்சிறிய சிற்றெறும்பு !
இப்படியே இருக்ககூடாதா? !
தலைவைத்து சாய !
அன்னை மடி !
கோபம் வந்தால் குட்டிக்கொள்ளவும் !
ஆசைவந்தால் அள்ளி அணைக்கவும் !
அன்பு தந்தை !
பாசத்தை பங்குபோடவும் !
பகிடியாய் சண்டை பிடிக்கவும் !
அன்புத்தங்கை தம்பி !
விழிக்குள் வைத்து காப்பதற்கு !
பாட்டன் பாட்டி !
இப்படியே இருக்ககூடாதா ? !
ஆக்கம். கரவைபரணீ ?

ஏய்!!
உனக்குள்ளிருக்கும்!
போதைப் பொருளை!
நீ இந்தக் கயவர்களிடம்!
காட்டியதால் தானே!
உன்னை இப்பொது!
வெட்டி வெட்டி!
துகிலுரிக்கிறார்கள்!
!
- ஆர். ஈஸ்வரன், வெள்ளகோவில்

காய்ந்துபோன பருத்திப் பஞ்சுகளின் நாளாந்த!
பொதுக் கூட்டம் எந்தன் தலையணைக்குள்!
அதற்கு மட்டும்தான் தெரியும் என் உடலின்!
உள்ளத்தின் உண்மையான சுயரூபம்.!
காற்றடைத்த பையாக நானும்!
பருத்திப்பஞ்சின் பால்ய சினேகிதனான!
என் தலையணையும் அடிக்கடி முத்தமிட்டு!
சல்லாபம் புரிவோம் ஒவ்வொரு நாளும்.!
எனக்கு வேலை இல்லை என்று என்!
வீட்டில் திட்டும் போது என்னை அரவணைத்து!
அன்பு காட்டும் என் அம்மாக்கு அடுத்ததாக!
என்னை ஆறுதல் படுத்துவது!
கழுத்து வலி, இடுப்பு வலி எல்லாமே!
உன்னை இறுக அணைக்கும் போது!
எங்கேயோ தற்காலிகமாய் குறுகிய!
விடுமுறையில் சென்றுவிடும்.!
என் கண்ணீரையும் பெருமூச்சையும்!
விலைக்கு வாங்கி உன்னகத்தே வைத்து!
வட்டியும் முதலுமாய் அடுத்த நாள் காலை!
அமைதியாய் சலவைக்கு செல்வாயே!!!!
உன்னை விட இன்று எனக்கு யாருமில்லை!
என்னை அண்மித்த ஜீவனாக!
ஆதலால் உன்னை என் தலையணை என்பதை விட!
என் காதலி என்றே அழைக்கிறேன் ஏற்றுக்கொள்வாயா