தமிழ் கவிதைகள்

தமிழ் கவிதைகள்

துடிக்கிறது இரட்டைக்கிளவி

அல் அமீனுல் தஸ்னீன்
பேச்சின் எச்சில் தெறித்த காலத்தின் மீது !
நடைபிண வாழ் தவமிருந்தவனை !
மௌன மரணம் முத்தமிடுகிறது!
உருவகம்!
படிமம்!
எதுகை மோனை!
குறியீடு!
எதற்குள்ளும் அடங்கா !
உயிர்ப் பிரிகையில்!
துடிக்கிறது இரட்டைக்கிளவி!
அவதானியுங்கள்!
அங்கொருத்தி!
மொழியல்லா பெயர்த்தெழுதலில்!
அழுதுக்கொண்டிருக்கும் காதலை !
இதயம் கிழித்து காட்டுகிறாள்!
சிவக்கிறது!
பேரண்ட பெருவெளி!

முடிவுறாத கவிதையின் எதிர்காலம்

அல் அமீனுல் தஸ்னீன்
நிசப்தத்தை மொழிபெயர்க்கும் ஆழியலையினூடே!
சுழற்றி வீசப்பட்ட நிராகரிப்பின் நிமிடங்கள்!
நிர்வாணியாய் கரையொதுங்கி கிடக்க !
நிர்மூலத்தின் மீதூர்கிறது நினைவின் நண்டு!
இறந்தகாலத்தை துப்பும் உப்புக் காற்றில்!
நிர்க்கதியான வாழ்வின் அழுகல் வாடையை!
வட்டமிடுகிறது நிகழ்காலப் பசியின் கழுகு!
அதோ!
கடலுக்குள் விழுந்து !
தற்கொலை செய்யக் காத்திருக்கும்!
ஆதவனில் எரிகிறது !
முடிவுறாத கவிதையின் எதிர்காலம்!

பனிக் கண்கள்

அல் அமீனுல் தஸ்னீன்
எப்போதும் சொல்லி விட்டு வருபவள் !
முதல் முறையாய் அறிவிப்பேதுமின்றி !
பேரீச்சைபழங்களோடும் *ஸம் ஸம்* நீரோடும் !
வந்திருக்கிறாள் நானில்லாத போது. !
எப்போதும் முத்தமிடுபவள் !
என்ன செய்திருப்பாளென தேடுகிறேன்!
யாருக்கும் தெரியாமல்.!
குழந்தைகளின் கன்னத்தில் !
எனதறையின் ஒவ்வொரு மூலையில் !
திறந்தே கிடக்கும் அலமாரிகளில் !
வீட்டின் முன்னிற்கும் யூகலிப்டஸ் இலைகளில் !
இருசக்கர வாகன கைப்பிடியில் !
கடந்த ரம்சானில் வாங்கித் தந்த குர்தாவில் !
எங்குமில்லை தடயங்கள்.!
ஈத்தப்பழத்தோடு உரையாடிக் கொண்டே!
பழைய கவிதை நூலை புரட்டினேன். !
சோக கவிதையின் கடைசிப்பத்தியில்!
முத்தங்களை முட்டையிட்டிருக்கிறாள். !
இந்த கண்ணீர்த்துளிகள் படும் முன் !
சடாரென மூடுகிறேன்!
அடைகாத்தல் ஒரு கடினப்பணியே

கூடு விட்டு கூடு பாயும்

அல் அமீனுல் தஸ்னீன்
உச்சிமயிர் பிடுங்கியெறிந்த !
ஐவிரல் பதினான்கு மடிப்புகளுள் !
மூச்சடங்கு முன் துடித்த !
பாவங்களின் ஒப்பாரி. !
தற்கொலை கடிதமெழுதியவன்!
அமர்ந்த நாற்காலியில்!
தூக்கு மாட்டியவளின் கால்தடம். !
அரூபிகளின் அருவாள்கள் !
துருவேறி துறவு பூண்டதால்!
நாடிவர்மத்தில் துளைத்து !
கருணைக் கொலை. !
கவிதைகள் !
இனி!
கூடுவிட்டு கூடுபாயும்.!

நினைவு கூறல்

ரோஷான் ஏ.ஜிப்ரி
வாசற்படி,தின்னை,என் அன்னைமடி!
எப்பொழுதும் நான்!
ஞாபகங்களால் தவழ்ந்து விளையாடும்!
ஞானமடங்கள்!
பூரணமான எனது!
புனிதஷ்த்தலங்கள்!
வாழ்க்கையை திரும்பிப்பார்க்கிறபோது!
தென்படும் என் திசைகள்!
தன் துணையை பயணமொன்றுக்கு!
கையசைத்து வழியனுப்ப மனமின்றி தவிக்கும்!
காதலியைப்போல் நானும்!
மயிலிறகால் வருடும்!
மழலை பருவத்தை !
நிகழ்காலத்தில் நினைவுகளில் கூட!
மீட்டிப்பார்க்கநேரமின்றி!
மின் விசிறியாய் சுழல்கிறேன்!
காலம் என்னை!
தன் அடுப்பன் கரையின்!
அம்மிக்கல் போலவே ஆக்கிவிட்டது

பழையபடி மரங்கள் பூக்கும்

ரோஷான் ஏ.ஜிப்ரி
பெரும் நெருப்பின் சுவாலை தணிந்து !
பனி நடக்கும் ஊரில் !
பஞ்சுமெத்தை விரித்து !
புற்கள் வரவேற்கும் கால்களை. !
கன்றிய இதயங்கள் இளகி !
முகம் பார்க்கும் மலர்களில். !
கூட்டு பறத்தலினூடே காற்றில் அசையும் !
புள்ளினங்களின் தேர்ந்த பாடலில் மயங்கி !
உயிர்கள் கழித்து விளையாடும். !
நிறைந்த குளங்களிலிருந்து !
குதித்துவிழும் மீன்கறிவாசம் பசியின் வயிறுதடவும். !
நிலவை தட்டில் பிசைந்து ஊட்டிய பாட்டி !
நினைவில் நின்று சிரிப்பாள், !
மனைவியின் உருவில் பேரப்பிள்ளைகளுடன். !
வடக்கின் குட்டானை !
கிழக்கின் நாருசிக்க !
ஒடியல் காயும் வாசலெங்கும். !
பஞ்சத்தில் வேரிறக்கி பயிர்கள் காய்க்கும் !
பரீட்சய முகங்களுடன் புதிது,புதிதாய் !
பிரிவின் இளப்பில் !
உறைந்து உட்கார்ந்த மனங்கள் !
மீண்டெளும் விட்ட இடத்திலிருந்து தொடங்க !
போகும் வழியில் !
தலை தெறித்து உயிர் மரித்து முண்டமாய் நிற்கும் !
பனையின் அடியில் !
புனை முருங்கை விதைகளை !
புதைத்து விடுவோம் !
பழையபடி மரங்கள் பூக்க.!

மாற்றம்!

ம அருள் ராஜ்
முன்பு என் கையெழுத்து கிறுக்கல்!
இப்போதோ ஓவியம்!
முன்பு பேச தயங்கியவன்!
இப்போதோ கவிதை சொல்கிறேன்!
முன்பு நகைசுவைக்கு கோபபட்டவன்!
இப்போதோ திட்டினாலும் சிரிக்கிறேன்!
முன்பு பூக்களை கசகியவன்!
இப்போதோ முட்களையும் முத்தமிடுகிறேன்!
நான் என் மனதிடம் கேட்டேன்!
ஏன் இந்த மாற்றம்!
என் மனம் சொன்னது!
நீ காதலித்துக்கொண்டு இருக்கிறாய்

பூக்கட்டும் புதிய புன்னகை!

சின்னு (சிவப்பிரகாசம்)
பூக்கட்டும் புதிய புன்னகை!
எரிந்து அழியட்டும் பூ விழங்குகள்!
ஒழியட்டும் ஒப்பாத கடமைகள்!
உணரட்டும் புதிய உலகினை!
கதவுகள் இங்கெதற்கு!
கயவர்கள் அழிந்தபின்னர்!
கடமைகள் இங்கெதற்கு!
உணர்வுகள் உணர்ந்த பின்னர்!
இருட்டினில் கோப்பெதர்க்கு!
இந்தியர் விழித்துவிட!
பகட்டினில் வாழ்வெதற்கு!
பட்டினிச் சாவிருக்க!
பகற்பொழுது தேவையில்லை!
பகலவன் உலா வர!
வழித் துணை தேவையில்லை!
மகேசன் பவனி வர!
பூக்கட்டும் புதிய புன்னகை!
பூவுலகு மீட்சி பெற!
உதிக்கட்டும் புதிய விதிமுறை!
அரசியலும் தூய்மை பெற!
இருட்டினில் சட்ட இயற்றலோ!
வெளிச்சம் கொண்டாருங்கள்!
குறைகள் நிறைய இருக்கலாம்!
வெளிச்சத்தில் செயல்படுங்கள்!
பூக்கட்டும் புதிய புன்னகை!
புவியாளும் மன்னர்கள் மத்தியில்!
தேர்தலுக்கு வாக்களித்தால்!
முடியுமா மண்ணாலும் மன்னர் கடன்!
மடியட்டும் பழைய விதிமுறை!
தேர்தலுக்கு மட்டும் மன்னர் வரும் முறை!
வெளிவிடுங்கள் ஆட்சி முறையினை!
மன்னரும் அறிந்து கொள்ளட்டும்!
பூக்கட்டும் புதிய புன்னகை!
புகைந்து வாழும் மனிதர் வாழ்விலும்!
பட்டினிச் சாவிருக்க!
பகட்டான வாழ்வெதற்கு!
பகலவன் வந்தபின்னும்!
இருட்டறையில் கோப்பெதர்க்கு

தெய்வத் தாரகை

ப. மதியழகன்
எங்கெங்கு தேடிடினும்!
பாவை, உன் போல வருமோ!
திக்கெற்று அலைகையில்!
நிழல் கொஞ்சம் தருமோ?!
வாடி நின்ற போது!
கலைகளால் ஞானத்தாகம் தீர்த்தாய்!
கலங்கி நின்ற போது!
ஆதரவாய் கை கொடுத்தாய்!
வீழ்ந்து கிடந்த போது!
நம்பிக்கை கொடுத்து மீண்டும்!
உயிர்கொடுத்தாய்!
எனை தொலைத்து அலைந்த போது!
இம்மண்ணில் எனக்கோர்!
முகவரி கொடுத்தாய்!
அவமானங்கள் உள்ளத்தை நொறுக்கிய போது!
உனது வார்த்தைகளின் ஈரம்!
அதனை ஒட்டவைத்தது!
காலம் கொடுத்த காயங்களுக்கெல்லாம்!
மருந்தாய் நீ இருந்து,!
எனையொரு மனிதனாய் உருவாக்கினாய்!
உதாசீனப்படுத்துபவர்களை அலட்சியப்படுத்தி!
லட்சியத்தை நோக்கி முன்னேறச் சொன்னாய்!
‘முயற்சிகளே முடிவுபெறாத வெற்றிகள்’!
என்று நெஞசத்தில் பதிய வைத்தாய்!
‘மழைநீருக்கு வாய்க்கால்கள் வெட்டப்படுவதில்லை!
பறவைகளுக்கு கலங்கரை விளக்கம்!
அமைக்கப்படுவதில்லை!
விதைக்கு எப்படி முளைவிட வேண்டுமென்று!
யாரும் பாடம் நடத்துவதில்லை’-!
என்று ஊக்கம் கொடுத்து உறுதுணையாய் நின்றாய்!
முயற்சி எனும் துடுப்பை வளித்து!
வாழ்க்கைக் கடலை!
துணிந்து கடக்க முனைந்தபோது!
உருவமிழந்து ஞானச்சுடராய்!
எனதுள்ளத்தில் நீ கலந்தாய்!
நித்தமும், என் குரல் வானம் எட்டும் வரை!
உரக்கச் சத்தமிட்டுக் கேட்கின்றேன்!
நீ வறியவர் தேடும் செல்வமோ!
குடும்பஸ்தன் ஏங்கும் மன நிம்மதியோ!
கூண்டுக்கிளியின் வானவெளியோ!
முதி்ர்கன்னியின் திருமணக் கனவோ!
மரங்கள் வேண்டி நிற்கும் மழையோ!
ராமனின் பேராண்மையோ!
சீதையின் பொன் எழிலோ!
பாஞ்சாலியின் அவிழ்ந்த கூந்தலோ!
பெண் உருவில் இம்மண்ணில் வந்து உலாவும்!
விண்ணவளோ?!
விண்ணவளோ?!
விண்ணவளோ?

திக்கெட்டும் ஒலிக்கட்டும் தேமதுரத் தமிழோசை !

ப. மதியழகன்
சொற்கள் தீயை கக்கின!
அதைப் படித்தவர்கள் உள்ளம்!
விம்மி அடங்கின!
கலைத்தாயின் மகுடத்தில் வைரக்கல்லானான்!
தமிழ்த்தாயின் தவப்புதல்வர்களில்!
தங்கமகனானான்!
வறுமையின் கோரப்பிடி!
வாழ்விலோ பசி, பிணி!
சுற்றத்தினரின் கேலிச்சிரிப்பொலி!
உள்ளத்திலோ, பரங்கியர்களால்!
நயவஞ்சகமாக பந்தாடப்பட்டதனால்!
உண்டான வலி!
சிறைக்கதவுகளால் அவனது சிந்தனையை!
சிறைப்படுத்த இயலவில்லை!
அவனது சுதந்திர தாகம் மட்டும்!
இறுதி வரை தணியவே இல்லை!
முறுக்கு மீசை கொண்டவன்!
முத்தமிழையும் ஆகாய கங்கையென!
தமிழ் மண்ணெங்கும் பாய்ந்தோடச் செய்தான்!
முண்டாசு அணிந்தவன்!
ருத்ர தாண்டவமாடினான், கவிநாதனாக!
விடுதலை எழுச்சியை தேசத்தில் தோற்றுவிக்க!
மேற்கொண்ட பெரும் முயற்சிகளில்!
அவனே வித்தானான்!
அந்த விதை அழிந்த பின்பு தான்!
புரட்சி முளைவிட்டு விருட்சமாய்!
எழுந்து நின்றது!
காணி நிலம் அவன் கேட்ட போது!
கொடுக்கவில்லை பராசக்தி!
இன்று தமிழ் மண்ணெங்கும் பரவிக்கிடக்கின்றது!
அவனது உயிர்சக்தி!
ஆழிப்பேரலையை!
நேரில் கண்டுவிட்ட நாமனைவரும்!
அஞ்சிநடுங்குகிறோம், அல்லல்படுகின்றோம்!
அன்று செந்தமிழ்ச்சுனாமி மானிடனாய்!
வாழ்ந்து காவியங்கள் பல படைத்து!
பின்பொரு நாள் மத்திம வயதிலேயே!
மாயமானதை!
காலச்சுவடுகள் மூலம் அறிகிறோம்!
கோயில் யானை பாரதியின் தேகத்தை!
தனது துதிக்கையால் வீழ்த்தியது!
கருவறையில் சயனத்திலிருந்த பார்த்தசாரதி,!
கோயிலுக்கு உள்ளிருந்து ஓடோடி வந்தானய்யா!
குவளைக் கண்ணனாய்!
மகாகவிஞனை தனது தோளில்!
சுமந்தானய்யா!
யானை அறியாமல் செய்த பிழைக்கு!
பரிகாரம் செய்தானய்யா!
பார்த்தனுக்கு மட்டுமல்ல!
பாரதிக்கும் தானொரு சாரதி - என்று!
அன்று நிரூபித்துச் சென்றானய்யா!
அவன் பிராணன் அடங்கிய போது!
சடலத்தைச் சுமந்து மாயனம் நோக்கிச் சென்ற!
இறுதி ஊர்வலத்தில்!
விரல்விட்டு எண்ணக்கூடிய மிகச்சிலருடன்!
இடுகாடு வரை தமிழன்னை வந்தாள்!
தனக்காக வாழ்ந்தவனுக்கு!
வாழ்த்தி விடைகொடுக்க.... !