ஜாவேத் அக்தர்!
!
பொழுது புலர கண்கள் திறந்து!
மீண்டும் உயிர் பிழைத்தேன்!
வயிற்றின் இருளிலிருந்து!
மூளையின் புகைமூட்டம் வரை!
பாம்பாய் ஊர்ந்தோர் எண்ணம்!
இன்று மூன்றாவது நாள்!
இன்று மூன்றாவது நாள்!
அறையில் ஒருவித அமைதி!
உறைந்து கிடக்கிறது!
ஒரு தரை, ஒரு கூரை!
நான்கு சுவர்கள்- என்னுடன்!
எவ்வித தொடர்புமில்லாமல்!
பார்வையாளர்களாய் பார்த்தபடி!
எதிர் ஜன்னல் வழி!
படுக்கையில் படரும்!
சுடு வெயில் கதிர்கள்!
குத்துகிறது முகத்தில்!
உறவுகளின் கூர்மையோ!
வேலி முட்களைப் போல்!
ஏழ்மையைக் குத்திக் காட்டும்!
கண்களைத் திறக்கிறேன்!
வெறுமையாய் இருக்கிறேன்!
ஓடு மட்டுமே மிஞ்சியிருக்கிறது!
படுக்கையில் கிடக்கிறது!
என்னுடைய பூத உடல்!
ஜீவனற்றக் கண்களுடன்!
அறையை அலசுகிறேன்!
இன்று மூன்றாவது நாள்!
இன்று மூன்றாவது நாள்!
!
நன்பகல் வெம்மையில்!
நடக்கிறேன் திக்கற்று!
நீண்ட சாலையின்!
இருபுறக் கடைகளிலும்!
பார்வையில் பட்டது!
பெயர்ப் பலகைகளை!
வாசிக்க முடியாது!
வந்து போகிறார்கள்!
வழிப்போக்கர்கள்!
அருகிலிருந்து கடந்தும்!
மங்கலாகத் தெரிகிறார்கள்!
முகமற்றவர்களைப் போல!
பாதை நிரப்பும்!
கடைகளில் பெருஞ்சத்தம்!
கெட்டவார்த்தை வார்த்தைகள்!
வானொலி ஓசைகள்!
தூரத்தின் எதிரொலிகள்!
அனைத்தும் கேட்கிறது!
பார்ப்பது அனைத்தும்!
கனவாய் தெரிகிறது!
இருப்பது போலும்!
இல்லாதது போலும்!
நன்பகல் வெம்மையில்!
நடக்கிறேன் திக்கற்று!
எதிர்வரும் சந்தியில்!
பார்வையில் படுகிறது !
நீர்க் குழாய் ஒன்று!
திடமாய் இருக்கும் நீர்!
சிக்குகிறது தொண்டையில்!
வயிற்றில் காற்று!
நிரப்பியதாய் காட்சியளிக்கிறது!
மயக்கமாக வருகிறது!
உடலெங்கும் வேர்க்கிறது!
இனியும் வலுவில்லை!
இன்று மூன்றாவது நாள்!
இன்று மூன்றாவது நாள்!
எங்கும் இருள் சூழ!
கரையில் நிற்கிறேன்!
கல்லாலான படிகளில்!
படுத்துக் கிடக்கிறேன்!
என்னால் எழ முடியாது!
வானத்தைப் பார்க்கிறேன்!
வானமெனும் தட்டில்!
நிலாவெனும் சப்பாத்தி!
கனத்த இமைகள் தாழ்கின்றன!
நிலவெளிகள் மறைகின்றன!
சுழல்கிறது இவ்வுலகம்!
வீட்டில் அடுப்பிருந்தது!
தினமும் சமையல் நடந்தது!
தங்கமாய் சப்பாத்திகள்!
சுடச்சுடச் சாப்பாடு!
திறக்கவில்லை கண்கள்!
காரணம் நான் சாகப் போகிறேன்!
மாறுபட்டவள் அன்னை!
தினமும் உணவூட்டுவாள்!
அந்த குளிர்ந்த கைகளால்!
தீண்டுகிறாள் முகத்தை!
ஆணைக்கு ஒரு பிடி!
குதுரைக்கு ஒரு பிடி!
கரடிக்கும் ஒரு பிடி!
இது மரணமா?!
இல்லை மயக்கமா?!
எதுவானாலும் ஏற்புடையதுதான்!
இன்று மூன்றாவது நாள் !
இன்று மூன்றாவது நாள் !
!
மொழிபெயர்ப்பு!
மதியழகன் சுப்பையா

அடைக்கப்பட்ட ஆடுகளின் விடுதலை யாசகம்!
விமர்சிக்கப்பட்டு முடிவதற்குள்ளாக!
சலனமின்றி மூப்படைகிறது!
சந்ததிகளின் ஆயுள்.!
விடியலைப் பறைசாற்றும் நோக்கில்!
ஆர்ப்பரித்த சேவல்களால்!
வாழ்தலின் வேட்கை அதிகரித்து!
உயிர்த்தெழுந்த போதெல்லாம்!
சேவல்களின் தலைகள் பலியிடப்படுகின்றன.!
சிறை மீட்பாளர்கள்!
சிந்திக்கும் அவகாசத்தில்!
கூண்டுக்குள் வேட்டையாடல்கள்!
விஸ்தரிப்புடன் அரங்கேறி முடியும்.!
கசாப்புக் கடைக்காரனின்!
நீட்டப்பட்டிருக்கும் கைகளின் முடிவிலுள்ள!
பிடியளவு தழைகளையும்!
ருசித்துத் தின்னும் ஆட்டின்!
இறுதி நிமிட வாழ்தலின்!
நிதானத்திற்கு நிகரானது!
ஆதிக்குடிகளின்!
நம்பிக்கையும், தீர்மான நிராகரிப்பும், எதிர்ப்பும்.!
ஓர்மத்துடன்!
ஒவ்வொரு கத்திவீச்சுக்கும்!
தலை மறுக்கும் ஆற்றலுடன்!
ஆடுகள் துணியும்.!
ஓர் தினம் பட்டி உடைக்கும்.!
பச்சைப் பெருவெளிகள் தேடி!
படையெடுக்கும்.!
பின்னாக வயிறு புடைக்க மேயும்.!
வெளி முழுவதும் உலவும்.!
அவ்வெளியே!
பின் நாளில் பட்டியாக்கப்படும்.!

அவை வணக்கம் (கட்டளைக் கலித்துறை)!
நெகிழ்ந்தே எமதரும் கன்னற் றமிழால் நிறைஞரவர்;!
இகம்புகழ் பாக்களைப் பாட மகிழும் *அருளரசன்;!
தகவான சிந்தனைப் பூவதால் பாமாலை தந்திடுவேன்;!
அகமகிழ்ந் தேற்றிட வேண்டுமிவ் வன்பி னரங்கினிலே!!
!
கனவு காணுங்கள் (கொச்சகக் கலிப்பா)!
-----------------------------!
நாற்றிசையும் ஆள்கின்ற நம்பரிதிச் செம்படராய்!
மேற்றிசையில் வீழ்ந்தாலும் வெம்பிழம்பாய் நானிலத்தில்!
சீர்த்தியொளி பாய்ச்சிநலஞ் சேர்த்திடவேக் கீழ்த்திசையில்!
ஆற்றலொடு மீண்டெழுமே அம்புவிக்குக் காவலென!!
!
சிற்றலையாய் மாமலையில் தோன்றுகின்ற சிற்றாறோ!
மற்றெதையும் தன்மனதில் வாங்கிடவே எண்ணாமல்!
சுற்றிநிலங் காடுமலை வழ்ந்திருக்கும் பேராழி!
பற்றிடத்தான் ஓடுவதைப் பார்த்திருப்பாய் என்தோழா!!
!
மண்ணுலகில் ஊழ்த்துவிட்ட மன்னுயிர்கள் அத்தனையும்!
தன்வழியில் ஓர்முடிவைத் தானெடுத்து அவ்வழியே!
சிந்தனையை ஓர்முகமாய்த் தேர்ந்தழகாய் வாழ்கையிலே!
விந்தையென ஆறறிவால் மேன்மையுற்ற இந்தியர்நாம்;!
!
மோழையெனத் தான்மயங்கி மூலையிலே குந்திவிட்டு!
சூழுகின்ற காரெனவே தோன்றுகின்ற வீண்கனவில்!
வாழுகின்ற நாள்வரையில் வாழ்வதையா நம்கலாமும்!
தாழ்விலாத தன்னுரையாய்த் தந்திடுவார்? இல்லையில்லை!!
!
நீணிலத்தில் காணுகின்ற நேரறிவை நம்வாழ்வில்!
வாணுதலின் நங்கையவர் கல்வியதை நம்வாழ்வில்!
தேநிகர்த்த நந்தமிழின் மேன்மையதை நம்வாழ்வில்!
கானகத்துக் கல்வியினை கற்பதையே நம்வாழ்வில்!
!
ஒன்றெனவே வாழ்ந்திருக்கும் ஒற்றுமையை நம்வாழ்வில்!
எண்ணறியா நூல்களுறை நுண்ணறிவை நம்வாழ்வில்!
இந்தியர்கை ஒங்கியொரு அறிவியலால் வானகத்து!
அண்டவெளி மண்டலத்தை ஆள்வதையே நம்வாழ்வில்!
!
ஓர்கனவாய் இன்றிளையர் ஏற்றிடத்தான் வேண்டுமென்றார்;!
ஏற்றமது வாழ்க்கையிலே எத்தனையோ தந்தாலும்!
தூற்றுதலும் பாதையிலே சேறெனவே வந்தாலும்!
தேர்ந்தெடுத்த நேர்கனவை சீர்கனவாய் போற்றுவமே!!
இவண் அன்பன்

1. !
வயோதிபன் தீட்டிய சித்திரத்தில் !
அவனின் கைநடுக்கம் !
நிதர்சனமாய் !
அந்தி வானில் தெரிந்தது !
2. !
கண்டும் காணாமல்ப் போகும் !
மனிதர்களின் பின்னால் போகும் !
எல்லைகளில்லாத என் !
சிந்தனை !
3. !
காலையில் பார்த்தேன் !
எனக்காக ஒரு புன்னகை செய்தாள் !
எவன் கண் பட்டதோ !
மாலையில் மானமுள்ளவள் !
மரணித்துவிட்டாள் !
முள்ளோடு பிறந்த !
சிகப்பு ரோஜா!
!
4. !
என் உடலென்ன !
சுமைதாங்கியா ? !
அவளின் இதயமும் என்னிடமல்லவா !
இருக்கிறது

ஒவ்வொரு அழிவின்போதும் அவர்கள் !
நாலு வார்த்தைகளுடனும் !
கையில் ஒரு கொப்பியுடனும் வந்து போகிறார்கள். !
சாவை நினைத்து அழுகிறது மனம். !
என்னுள் ஏதோவோர் குற்றவுணர்வை !
புதைத்துவிட்டேனும் தம்மைச் சாதிக்க !
பயிற்சி எடுக்கிறது அவர்களின் வார்த்தைகள். !
ஓயாது சலிப்பின்றி !
துயர் பாடும் பாட்டுக்களும் !
நகங்களை எடுத்து வாள்களாய்ச் சுழற்றிக் !
காட்டும் வித்தைகளுமாய் !
அறையைக் காட்சிகள் வியாபிக்கின்றன. !
உடல் சறுகச் சறுக !
சீர்செய்து !
மீண்டும் மீண்டும் இருக்கையைப் பேணுகிறேன். !
தொலைக்காட்சி தொடர்ந்தும் !
காட்சிகளைச் செய்து !
தள்ளிக்கொண்டிருக்கிறது. !
கலாச்சாரம் பற்றி கவலைப்பட்டபடி !
தொப்புள்வெளி விரிய ஆடும் கதாநாயகியின் இடுப்பில் !
காணாமல் போய்விடுகிறேன். !
நேரம் வேகவேகமாய் நகர்ந்து முடிக்கிறது. !
ஒவ்வொரு பிறந்தநாள் கொண்டாட்டங்களின்போதும் !
மெல்லத் தொடங்குகிறது உரையாடல். !
சினிமா அரசியல் என தொடர !
சொற்களின் சேர்க்கைளிலும் மோதல்களிலும் !
வைன் கிளாஸ் மெல்ல மெல்ல !
காலியாகிக் கொண்டிருக்கிறது. !
வார்த்தைகளின் கனத்தை அழிப்பதில் !
வைன்போதையைவிட ஏதோவொன்று !
முந்திக்கொள்கிறது. !
பட்டியலை சரிபார்த்து !
வழமையான சிரிப்புகளைச் செய்து நாம் !
கலைந்து கொள்கிறோம். !
பனிக்காலமிது. !
பனித்திரள் தன்னழகை வெண்ணிறகில் !
விரிக்கிறது வியாபகமாய். !
இயந்திரக் காட்டினுள் வேலை என்னைத் !
தின்று தின்று துப்புகிறது. !
கிடைக்கும் ஓய்வினில் இந்த இயற்கை தன்னும் !
சம்பந்தமற்றுப் போகிறது எனக்கு. !
இன்றைய ஓய்வையும் !
ஒரு திரைப்படம் போலவொரு காட்சி நெய்தலிலோ !
அல்லது பட்டிமன்றம் போன்றதொரு !
நரம்பிசைக்கும் புனைவுகளிலோ !
நான் தமிழனாகி இன்னமுமாய் !
தமிழன் மட்டுமேயாகி வாசிக்கப்படுவதற்காய் !
மண்டப விலாசத்தைத் தேடுகிறேன். !
வாழ்க்கை நகர்கிறது அதுவாய். !
-ரவி (சுவிஸ் 01032005)

எனது பழைய தெருக்களின் வழியே!
எப்பவோ,எவரோ!
சென்றமைக்கான சுவடுகள்!
சருகுகளால் மறைப்புண்டு கிடக்கிறது!
விளங்கிக்கொள்ள முடியாத!
அதன் வளைவுகளில்!
இன்னுமின்னும் அச்சத்தின் அதிர்வுகள்!
கேட்டவண்ணமிருக்கிறது!
எமது எல்லா அச்சம் நிறைந்த ஒழுங்கைகளில்!
மிதிபட்ட சருகுகளுக்குத் தெரியும்!
வன்மம் நிகழ்ந்ததற்கான அசைவெச்சம்!
செருப்புகளோடு சிநேகிதம் கொள்ளாத சப்பாத்துகளும்!
சப்பாத்துகளோடு சிநேகிதம் கொள்ள மறுத்த செருப்புகளும்!
அலைந்தமைக்கான!
எச்சக் குறிகள் மீது இப்போது!
அடா்ந்த சருகுகளின் குவிப்பை!
காற்று கலைத்தபடி இருக்கிறது

3. !
நினைவு !
நம்பத்தகுந்த !
சேதிகள் ஏதும் !
இருப்பதாகப்படவில்லை !
சொல்லி !
பெருங்குரலெடுத்து !
ஊளையிட்டு போகிறது !
காற்று !
சன்னதமாடி !
தொடர்ந்து துரத்துகிறது !
உயிர் பிடுங்கிப்பிசாசு !
இன்னமும் !
எனக்கான !
புதைகுழியை தோண்டுகிறார்கள் !
அவர்கள் !
என்முன்னே !
ஓடிக்கொண்டிருக்கிறான் !
நேற்றுக்கிழித்து !
உப்பு வைத்துத்தைத்த !
முதுகின் !
சொந்தக்காரன் !
குண்டுதுளைத்துப் !
போகிறது !
உடல் !
நினைவில் !
வந்து போகிறாள் !
கையசைத்து !
விடைசொன்ன காதலி !
விரித்தபடி கிடந்த !
ஓலைப்பாயை !
சுருட்டும் போது !
அழுதிருப்பாள் !
அம்மா !
அவளுக்குரியதாகிறது !
அன்று !
காணாமல் !
போவதான காலம் !
நினைவுத்தொடர்பறுந்து !
கண்விழிக்க !
மூத்திரத்தில் !
நனைந்து போயிருக்கிறது !
சாரம் !
கண்களை மூட !
தொடர்ந்து துரத்துகிறது !
உயிர் பிடுங்கிப்பிசாசு

எனக்கு!
மனனம் செய்வது பிடிக்காது!
அதையும் செய்வேன்!
மனனம் செய்யும் பாடம்!
நீயாக இருந்தால்...!
என்!
இதயம் இமைக்காமல்!
காத்திருக்கும் !
என்றுமுன் காதலுக்காக...!
தினமுமுன் வருகைக்காக...!
நீ!
செல்லும் வழியெல்லாம்!
வரமுடியாவிடினும்!
நீ நடக்கும் !
பாதையாகப்!
பிறவிவேண்டும்...!
என்!
விழியின் கனவை!
விரலால் நிறைத்தேன்!
கவிதை...!
என்!
உயிரின் கனவை!
உன்னில் புதைத்தேன்!
காதல்...!
என்!
ஆயுளின் அகவையை!
அன்பின் முகவரியை!
உன்னில் விதைத்தேன்!
“நம் வாழ்க்கை”!
நீ!
எப்படி அழைத்தாலும்!
இனிமையாகத்தான்!
இருக்கிறது...!
நீ!
அப்படியாரையும்!
அழைக்கதாவரை...!
இரவில் !
கிடைத்த சுதந்திரமாய்!
உதடு மட்டும் பேசும்!
உன் வார்த்தைகள்...!
என்!
இதயப் பேனா!
இயக்கப்படுவது!
உனக்கான!
காதலால்தான்...!
உன் பெயரோடு !
என் பெயர்...!
சேர்த்துச் சொன்னேன்!
கவிதை – ஒரு !
புதுக்கவிதை...!
கனவுகளையெல்லாம்!
படம் பிடிக்கும்!
வசதியிருந்திருந்தால்!
வாழ்வே...!
நிரூபித்திருப்பேன்!
அத்தனை கனவுகளிலும்!
அற்புதமாய்...!
வந்ததும்...!
வருவதும் நீயேயென்று...!
உனக்கான !
கவிதைகளே!
எனக்கான!
விருதுகள்...!
நீ!
காதலெனும் நாட்டின்!
என்!
இதயமென்னும் சாம்ராஜ்ஜியத்தின்!
இனிய ராஜா!
உன்!
மனமெனும்!
கல்லூரியில்!
காதலெனும்!
கலையில்!
முனைவரெனும்!
பட்டம் தா !!
உலகத்துள் சிறந்த செல்வம் உன் காதல் - அக்காதல்!
எனக்குள் உயிராம் தலை. !
என்!
நினைவைத் தின்ற!
நிஜம்!
நீ !!
வார்த்தையாய் இருந்த வாழ்க்கை!
வாக்கியமானது உன் வரவால்...!
நானறிந்த மொழிகளிலே - உன்!
நாமொழிபோல் இனிதானது!
எங்கும் காணோம் !!
வானம்!
கண்ணுக்கெட்டும் !
தூரம்தான்!
பைனாக்குலரில்.!
இடி மின்னலின்றி!
மழை!
கண்களில்

எம்மிடை விரியும் வெளியில்!
ஊதுபத்தியின் வாசனை கமழ்வதாய் சொல்கிறாய்!
புறக்கணிக்கப்பட்ட ஒரு கவிதைக்கு!
இசை மதுவூற்றி கிண்ணங்களை ததும்ப வைக்கிறாய்!
ததும்பி வழிந்த மதுவில்!
என் கனவுகள் குமிழியிட்டுடைவதாய்!
நொருங்கிச் சிதறும் சொற்களால் பாடுகிறாய்!
இன்றேன் எம் புன்னகையில் ஈரம் வடிந்திற்று!
காலாற நிழலற்ற பெருந்தெருவில்!
கானலில் ஈர்ப்புற்று அலையும்!
நாய்களின் இளைப்பின் அதிர்வு!
சாகடிக்கப்பட்ட கணங்களாய் நீள்கிறது.!
இனி இரவுகள் தொங்கும் கயிற்றில்!
விழிப்பின் நிறங்களை உரித்தெடுத்தபடி!
நீ செல்லப் போகிறாய்!
எத்தனை ஆந்தைகள் அலறுகின்றன என்னுள்!
மழையற்ற நெடுங்காலமிது!
பாழாக்கப்பட்ட கட்டடங்களின் மேலிருந்து!
சிறகுலர்த்துகிறது கொண்டைக்குருவி ஒற்றையாய்!
இடிபாடுகளுக்குள் கேட்கும் குரல்!
வெளவால்களை துரத்திச் செல்கிறது!
அவற்றின் பறப்பெல்லைவரை.!
நீ காலியான மதுக்குவளைகளை முகர்கிறாய்!
மீதமிருக்கும் போதையையும்!
அவற்றின் நெடியால் நிறைக்கிறாய்!
பின்னும்!
விழிப்பின் நிறங்களை உரித்தெடுத்தபடி!
எனது காலத்தை நிர்வாணப்படுத்துகிறாய்!
எச்சிலாய் வழிகிறது மிஞ்சியுள்ள சொற்களும்.!
நீ சொல்கிறாய்!
எம்மிடை விரியும் வெளியில்!
ஊதுபத்தியின் வாசனை கமழ்வதாய்!
வாழ்தலின் இழையறுத்து வலைபின்னுகிறது காலம்!
கத்திக்கும் வாளுக்குமான பேதந்தான் எமக்கு!
நீ செல்லப்போகிறாய்!
காரணமற்ற குரோதத்தின் பழியுணர்ச்சியுடனும்!
நான் பருகமறுத்த மதுவின் போதையுடனும்.!
உனக்கு வழிவிடப்போகும் கடலை!
விசமாக்கிற்று உனது பார்வை.!
மீன்கள் செத்து மிதக்கின்றன!
கடல் நாறி மணக்கிறது!
இன்னும் நீ சொல்கிறாய்!
எம்மிடை விரியும் வெளியில்!
ஊதுபத்தியின் வாசனை கமழ்வதாய்.!
சித்தாந்தன்!
27-05-2007 இரவு- 11.51

'காதல்' கொண்டு உருவாகும் மதம். !
மதம் கொண்டு உருளும் காதல். !
காதல் பிடித் அலயும் ஒரு தல. !
மதம் பிடித் உருளும் பலர் தல. !
காதல் பிரிந்தால் ஓருயிர். !
மதம் பிரிந்தால் ஒரு சமுகம். !
காதல் உள்ளத்தின் உயிர். !
மதம் இறவனின் முகம். !
காதல் _---------- ஜனனம். !
மதம் -_ மரணம். !
சமயம் பார்த் வருவதில்ல !
காதல். !
சமயங்கள் வழிப்பட்டு வளர்வ !
மதம். !
காதலுக்கு வேண்டும் இரு !
மனம் சம்மதம். !
மதத்திற்கு மட்டும் போம் ஒரு !
மனம் சம்மதம். !
காதல் இருந்தால் உயிர்க்காலம் வர !
வாழ்வான் மனிதன். !
மதம் இருந்தால் உயிர் முடிந் !
வாழ்வான் மனிதன்......? !
காதல்.... !
மனிதனின் மதம்! !
-கொ.நூருல் அமீன்