மொட்டை மாடி!
கலனிலிருந்து தட்டிவிட்டேன்;!
சாக்கடையில் விழுந்து!
பிரகாசித்துக் கொண்டிருந்தது!
இரவெல்லாம் நிலவு!
யாதுமொரு சலனமில்லாமல்!!
- ப்ரியன்

துவாரகன்-!
இந்த நாய்கள் !
எப்போதும் குரைத்துக் கொண்டேயிருக்கின்றன.!
இரவு பகல் நடுச்சாமம் !
எந்நேரமும் நாய் குரைப்பு.!
எக்கணத்திலோ,!
எப்பொழுதிலோ,!
வரப்போகின்ற சாவுக்கே!
கலங்காத நாங்கள்!
இந்த நாய் குரைப்புக்களுக்கு மட்டும் !
கலங்க வேண்டியிருக்கிறது.!
மார்கழி மாதத்துக் கூதற் குளிர்கால நடுக்கம்போல், !
ஒரு முதியவரின் தளர்வைப்போல், !
எல்லாமே இந்த நாய்குரைப்புக் காலங்களில் !
முளைத்து விடுகின்றன.!
அந்தக் காலங்களில்…!
இந்த நாய்கள்!
சுடலையிலிருந்து !
புளியமரங்களிலிருந்து !
நடந்து சென்ற பேய்களைப் பார்த்தும் !
வானத்தைப் பார்த்தும் !
கூரையைப் பார்த்தும்!
குரைத்த காலங்கள் போய்விட்டதாக !
என் அம்மாச்சி சொன்னது ஞாபகம். !
இப்போ !
எங்கள் காலங்களுடன் !
குரைத்துக் கொண்டிருக்கின்றன.!
மழைபெய்து ஓய்ந்த !
மந்தார வேளைகளில்தான் !
தடிகளுடனும் வேட்டைநாய்களுடனும் !
எங்களுர் மனிதர்கள் !
முயல் வேட்டைக்குப் புறப்படுவார்கள்!
அந்தக் காலங்கள் கறங்குபோல் சுழன்று !
இப்போதும் திரும்பிவிட்டனபோலும். !
இறந்த காலங்களும்!
நிகழ்காலங்களும்!
எதுவெனப் புரியாமல்!
விறுவிறுவென வலிக்கும் தேள்கடிபோல் !
என் மூளைக்குள் எல்லாமே குழம்பிப்போயுள்ளது.!
இப்போ!
இந்த நாய்கள் !
குரைக்காது கடித்து விட்டால்கூடப் !
போதுமாயிருக்கிறது.!
அப்போதாவது!
தொப்புளைச் சுற்றி !
ஊசியைப் போட்டாவது தப்பிக்கொள்ளலாம்.!
271020070815

1. தப்பு!
தப்பாமல் அவ்வப்போது!
தப்புகள் செய்திருக்கிறேன் நான்!
சிறு வயதில் செய்த தப்புகள்!
சிரிக்க வைக்கும்!
இப்போது நினைத்தாலும்!
அப்போது செய்த தப்புகள்!
வேடிக்கையாக செய்தவை!
வேண்டுமென்றே பல தப்புகள்!
இப்போதும் செய்கிறேன்!
தப்புத்தப்பாக தப்பு செய்து!
அகப்பட்ட தருணங்களும் உண்டு!
அப்போதெல்லாம்!
தப்பு செய்யக் கூடாது!
என்று தோன்றியதே இல்லை!
தப்புத் தப்பாக!
தப்பு செய்யக்கூடாது!
என்று மட்டுமே தோன்றியது!
2.காலம்!
காலத்தைத் துரத்தித் தோல்வியுறுவதே!
காலத்தின் கட்டாயம் போலும்!
எது எப்படி இருப்பினும்!
காலம் காலம் தாழ்த்தாது!
தன் கடமையைச் செய்து விடுகிறது!
காலத்தைக் கைப்பற்றுவதை விட!
காலத்துடன் பயணிப்பதே எளிதாயிருக்கிறது!
இருப்பினும்...!
இழந்த நாட்களின் வலியிலும்!
நிகழும் நாட்களின் பயத்திலும்!
வரும் நாட்களின் கனவிலுமே!
காலம் பெரும்பாலும் கழிந்து விடுகிறது!
!
-ஜெ.நம்பிராஜன்

எனக்குப் பிறகு மழை!.. வேரீர்ப்பு விசை!
!
01.!
எனக்குப் பிறகு மழை!!
-------------------------!
மழைக்காற்றுக்குப் படபடக்கும்!
உலர்ந்த ஆடைகளை!
அவதி அவதியாய்!
எடுத்து!
அலமாரியில் அடுக்குகிறேன்!
மழை பெய்து!
ஓய்ந்த பிறகு – கொடியில்!
வரிசையாய் காய்கின்றன!
நிறமற்ற மழைத்துளிகள்!
!
02.!
வேரீர்ப்பு விசை!
------------------!
எவ்வளவு உயரத்தில்!
இருந்தாலும்!
காற்று வீசுகையில்!
தலையசைக்கத் தெரிந்த!
இலைகள்!
பழுத்துதிர்கையில்!
தலை சுற்றியே!
வீழுகின்றன!
தன் பாதங்களில்!
-அ. விஜயபாரதி!
-------------------------------------------------------!
அறை எண் - 53!
முதுநிலை மாணவர் இல்லம்!
வேளாண்மைக் கல்லூரி மற்றும் ஆராய்ச்சி நிலையம்!
மதுரை – 625 104

01.!
சம்பவங்கள்!
-------------------!
இரவிலேயே!
நடந்து முடிந்து விடுகின்றன!
முக்கிய நிகழ்வுகள் எதுவும்.!
விழித்த பொழுதோ!
அல்லது விடிந்த வேளையிலேயே!
அறிய முடிகிறது!
நடந்தவைகளை.!
மனைவி எழுப்பி சொல்லியே!
தெரியும்!
முன்னால் முதல்வர்!
எம்,ஜி,ராமச்சந்திரன் மறைவு.!
முன்னால் பிரதமர் ராஜிவின்!
படுகொலையும் அவ்வாறே!
யாரோ கூறியதாக நினைவு.!
அலுவலகத்திலிருந்து வந்த!
அவசர அழைப்பே தெரிய செய்தது!
நடு இரவில் கலைஞர்!
கைது செய்த விவரம்.!
இப்படியே நிகழ்ந்தது!
பின்னர் தெரிந்தது!
எதிர் வீட்டு பாட்டியின்!
இயற்கை மரணம்.!
!
02.!
மெளனி!
-------------!
அதிகாலை ஆறு மணிக்கு!
வீடு தேடி வந்தவர்களுக்காக!
தூக்க்த்தை ரத்து செய்து!
எழுந்தேன்.!
குளிக்கும்போது!
கூப்பிடும் குரல் கேட்டு!
முழுமையாய் குளியாமல்!
வெளியே வருகை.!
சாப்பிடும் வேளை!
சொந்தம் வர!
அரைவயிறு நிரப்பி!
அவசரமாய் முடிப்பு.!
ந்டக்கையிலே!
கடந்து போனவனுக்காக!
கைகளை நீட்டவில்லை.!
பேருந்தில்!
பக்கத்தில் அமர்ந்தவனுக்காக்!
உடல் கால்பாகமய்!
ஒடுக்கப்பட்டது.!
என் பிரச்சனைகளே!
என்னால் தீர்க்கப்படாத நிலையில்!
வந்தவர்கள் சிக்கல்களைக் கேட்க!
மெளனியானேன்.!
எனக்காக வாழ!
எத்தனிக்கும் வேளையிலெல்லாம்!
விட்டுக்கொடுக்க் வேண்டியுள்ளது!
யாருக்காகவோ.!
03.!
பந்தம்!
-------------!
பஞ்சாயத்துக் கூட்டவில்லை!
வேண்டியவற்றை பேசி தீர்த்தோம்!
சரியாக பிரித்துக் கொள்ளப் பட்டது!
உன்னோடு அப்பாவும்!
என்னோடு அம்மாவும்!
பிரிந்து செல்கையில்!
தூரம் கடந்து!
எதேச்சையாக!
திரும்பிப் பார்க்கிறோம்!
ஒரே கணத்தில்!
நீயும் நானும்

வில்வமரத்தில் ருத்ரதாண்டவம் !
வியாபித்த தரிசனம் !
திரிசங்கு சொர்க்கம் !
கிசோபெரனியா கடுங்கோபம் !
கிடந்த சவம் அடக்கம் !
உடைந்த பணம் முடக்கம் !
பலத்துடன் ஒடிநதியில் மோத !
பாவம் கண்டு பயந்து !
பரிதவித்து சிதைந்த நேரம் !
குரங்குடன் குதிரை மனதும் !
குளம்பொலி துடைத்து விட்ட !
கையும் காலும் விலங்கிட்ட !
கனத்த தலையுடன் வெறித்த !
வில்வமரத்தில் ருத்ரதாண்டவம் !
வியாபித்த தரிசனம் !
திரிசங்கு சொர்க்கம் !
கிசோபெரனியா கடுங்கோபம்

மதுக்கலயங்கள் இதழ்களிலெல்லாம் !
மறுபடி மறுபடி முத்தமிட்டேன்! !
புதுச்சுவையங்கே எதுவுமில்லையே !
புளித்துச் சலித்து விட்டுவிட்டேன்! !
மதுக்கவிதைகள்! மயன்உலகங்கள்! !
மறுபடி மறுபடி பிறந்துவரும் !
புதுக்கவிதைகள் பாரதிகவிதைகள்! !
படிக்கப் படிக்கப் புதுக்கவிதைகள்! !
-கரு.திருவரசு !
வெல்லத் தமிழினி வெல்லும்

அருகிலிருந்தவர்!
அணு ஒப்பந்தம் பற்றியும்!
ஆட்சி மாற்றம் பற்றியும்!
பக்கம் பக்கமாகப்!
பேசிக் கொண்டிருந்தபொழுது!
கவனத்தை ஈர்த்தது!
கனத்த குரலொன்று.!
பரபரப்பான பேருந்து நிலையத்தில்!
பார்ப்பவர்கள் இடமெல்லாம்!
தண்ணீர் வேண்டுமா!
தண்ணீர் வேண்டுமாவென்றுக்!
கூவிக் கூவி விற்றபடி!
பாவி ஏழைச் சிறுவன்!
பசிக்காக உழைத்தான்.!
கல்வியென்ற ஒன்றை!
கண்டிருப்பானா இவன்?!
அணு ஒப்பந்தமும்!
ஆட்சி மாற்றமும்!
பற்றிய எந்தக் கவலையும்!
மாற்றிடுமா இவன் வாழ்வை?!
புறப்பட்ட பேருந்து மெதுவாக!
பேருந்து நிலையத்தைவிட்டு!
வெளியேறிய பொழுதும்!
விழியகற்றாது பார்த்துக்!
கொண்டே இருந்தேன் அவனை!
கண்கள் அயர்ந்து!
தண்ணீர் தாகத்தில்!
தொண்டை வறண்டு!
மயக்கமுற்று விழுந்தான் என்!
மண்ணின் மைந்தன்.!
- ஒளியவன்

முடிவில்லாத ஓட்டத்தின்!
எல்லையை!
எவனுமே அடைந்ததில்லை!
இட வலம் நகர்ந்து!
சேகரிக்கும் காசுகள்!
பள்ளத்தில் விழ!
பரிந்துரைக்கின்றது!
வாழ்க்கையிலும் ஓடுகின்றார்கள்!
பல !
டெம்பிள் ரன் ஓட்டக்காரர்கள்!
எத்தனையோ !
அரக்கர்களை தாண்டியபடி!
விழுந்தவனை !
தூக்கிவிட!
எந்த காசுக்கும்!
கைகள் இல்லை

ஒரு நாள் என் கனவில் கடவுள் வந்தார்!
தான் யார் என்று கேட்டார்!
கடவுள் என்றேன்!
எல்லாம் அறிந்தவர்!
எங்கும் நிறைந்தவர்!
எல்லோரையும் காப்பவர்!
அவரே கடவுள் என்றேன்!
ஆனாலும் கடவுள் மிகக் கவலைப்பட்டார்!
என்னவென்று கேட்டபோது!
தான் நன்றாக இல்லை என்றார்.!
கடவுள் நீண்ட நேரம் சிந்திக்கிறார்!
கடவுள் நீண்ட நேரம் விடுப்புக் கதைக்கிறார்!
இதனால்த்தான்!
கடவுள் நன்றாக இல்லையென்பதைப்!
புரிந்துகொண்டேன்!
ஒளிவட்டம் கொண்ட!
ஞானிகள் போல் கடவுளும் இருக்கவேண்டும்!
இல்லாவிடில் இரணியன் வந்துவிடுவானே?!
இப்போ நானும் சிந்தித்துக் கொண்டிருக்கிறேன்!
இரவில் மின்னுகின்ற!
மின்மினிப் பூச்சிகளையும்!
நட்சத்திரங்களையும் பார்த்துக்கொண்டே