தமிழ் கவிதைகள்
என் நேசத்துக்குரிய எதிரிக்கு
எம்.ரிஷான் ஷெரீப்
என் மௌனத்தைக் கருக்கொண்டுள்ளேன்!
அதனை ஓட்டையிட்டு!
வார்த்தைகளை உறிஞ்சத் துடிக்கிறாய் !
மூங்கிலைத் துளையிட்டாய்!
புல்லாங்குழலாகினேன்!
வேரினைக் குழிதோண்டிப் புதைத்தாய்!
பெருவிருட்சமானேன்!
கையிலேந்திய மழைத்துளிகளை விசிறியடித்தாய்!
ஓடையாய் நதியாய்க் கடலாய்ப் பெருக்கெடுத்தேன்!
இவ்வாறாக!
எனக்கெதிரான உனதொவ்வொரு அசைவிற்கும்!
விஸ்வரூபம் எடுத்துத் தொலைக்கிறேன்!
அதிர்ச்சியில் அகலத்திறந்தவுன் வாயினை !
முதலில் மூடுவாயாக !!
இந்த வெற்றிகளை எனக்குச் சூடத் தந்தது!
என் நேசத்துக்குரிய எதிரியான !
நீயன்றி வேறெவர் ?!
ஆனாலும் எனை என்ன செய்யச் சொல்கிறாய் ?!
அமைதி தவழும் ஒரு மரணத்தைப்போல!
அழகிய மௌனத்துடன் நானிருக்கிறேன்!
பூச்சொறிவதாய்ச் சொல்லி!
எதையெதையோ வாரியிறைக்கிறாய்!
நான் தவம் கலைக்கவேண்டுமா என்ன ?!
-எம்.ரிஷான் ஷெரீப்,!
இலங்கை
மழைக்காலம்
அன்பாதவன்
வருஷந்தோறும் பொழிகிறது மழை !
இடிந்துவிழுகிற கட்டடங்கள் !
சிதைந்த உடல்கள் பார்த்து !
'உச்' கொட்டி பெருமூச்சுவிட்டு !
கடவுளை சபித்து நகர்கிறது வேகமாய் !
மாநகர வாழ்வு !
2 !
மழை பொழிந்து கொண்டிருக்கிறது !
ரயில் கண்ணாடியில் படிந்த !
நீர்ப் படிமத்தில் எழுதுகிறேன் உன் பெயரை !
அனிச்சையாய் !
சார் நம்ம ஊரா எனத் தொடங்கி !
தாய்மொழியில் விசாரிப்புகள் !
கிடைத்ததொரு புதிய நட்பு உன்னால் !
3 !
ரயிலை நிறுத்தி பார்க்க வைத்து !
மழையில் மூழ்கி குளிக்கின்றன !
தண்டவாளங்கள் !
4 !
மழை இரைச்சலை மீறி !
புழுங்கி கசகசக்கும் அடைத்த ரயில் பெட்டியில் !
இதமாய் ஒலிக்கின்றன !
உடைந்த பாடல் வரிகள் !
5 !
மழை யைப் பற்றி எழுத !
பொழிய வேண்டும் !
புதுமழை
நான் கண்ட முகங்கள்
எதிக்கா
அஞ்சலிக்கு சென்றிருந்தேன்!
நாட்டுக்காய் மாய்ந்துபோன!
மாவீரர்கள் ஒருபுறம்!
கொடிய போருக்குள் சிக்குண்டு!
உடல்கள் சிதறி !
துண்டங்களாயும்...கருகியும் போன!
அப்பாவி மக்கள் மறுபுறமும் !
பள்ளி வயதினில் !
கூடித்திரிந்த சினேகிதங்கள் ஒருபுறம்!
அன்றாடம் வீதியில் கண்டு !
பரீட்சயமான முகங்கள் மறுபுறம்!
இப்படி...... !
எத்தனையோ இறந்துபொன முகங்கள் - அந்த!
இரண்டு நிமிட மௌன அஞ்சலியில் !
தென்பட்டுச் சென்றன
இனி
கருணாகரன்
அதி பயங்கரமாகவும் !
சாவகாசமாகவும் !
வளர்ந்து செல்கின்றன !
என் து£க்கத்தினூடும் !
விழிப்பினூடும். !
!
ஞாபகங்கொள்ள முடியாத !
பூச் செடிகளில் !
யாரோ விட்டுச் சென்ற !
புன் சிரிப்பின் மீது !
இரத்தத் துளிகளின் நடனம் !
பாம்பின் நனினத்தோடு. !
காதருகில் அச்சமூட்டும் !
இரகசியங்களைச் சொல்லும் எதிரி !
அழைத்துச் சென்ற விருந்தில் !
எதிர்பாராத விதமாகக் கண்டேன் !
கிறிஸ்துவை. !
தலை கவிழ்ந்தபடியிருந்தார் அவர் !
தியானமா அவமானமா !
கனவுகளில் எரிந்து கொண்டிருந்தது காலம் !
பன்னூறு ஆண்டுகால !
தோல்வியின் நிழலைப் பிரதிபலிக்கும் !
அந்த விழிகளில் !
சகிப்பின் கடைசிக்கணம் !
முடிவதைக் கண்டேன். !
-கருணாகரன்
கைவிடப்பட்ட மந்தைகளும்
பிடுங்கி
--------------------------------------------------------------------------------!
கோடைஇடியிடித்து!
வானம் மின்னியது.!
பூமி நடுங்கியது.!
கரு நாகங்கள் மேலெழுந்து ஊரத்தொடங்கின!!!
நரிகள் பிலாக்கணமிட்டழுதன!!
மந்தைக் கூட்டம் சிதறியது.......!
எது திசை??? எது போகுமிடம்???!
தெரியாது திகைத்தன மந்தைகள்.!
மேய்ப்பர்களின் கையசைவிற்காய்!
ஏங்கித் தவித்தன அவை. !
மேய்ப்பர்களைக் காணவில்லை!
கைவிட மாட்டார்கள்.!
நம்பிக்கையோடு,!
மேய்ப்பர்களைத்தேடத்!
தொடங்கின!
மந்தைகள்!!! !
வனாந்தரங்களில்.....!
கட்டாந்தரைகளில்....!
முகாம்களில்....!
காடுகளில்.....!
சுடலை வெளிகளில்.....!
தெருவோரங்களில்......!
எங்கு மேய்ப்பர்கள்???,எங்கு மேய்ப்பர்கள்??? !
தேடித் தேடியே!
மந்தைகள்!
வாழ்விழந்தன.!
எல்லை புகுந்தவை!
வக்கிர புத்திக்காரரின்!
வக்கிரத்துக்குப் பலியாகிப் போயின. !
பாளும் உயிரைக் கையில் பிடித்து!
பசிவயிற்றோடு!
நாலு கடலிலும் அலைந்து திரிந்தவற்றை!
சிறுகச் சிறுக!
கடல் தின்று தீர்த்தது. !
தப்பித்து நீந்தியவைகள்!
மாற்று நாட்டு அகதிகள் ஆகின. !
இறுதியாய் வானைப் பிளந்து!
மந்தைகளுக்குப் பரிந்துரைக்கப்!
புதிய புதிய!
மேய்ப்பர்கள் நாலாபுறமும் ......!
நானே மீட்பர், நானே மீட்பர்,என!
காதுசெவிடுபடக் கூவிச் செபித்தனர். !
வானத்திலிருந்து உங்கள் மேல் இறங்கிவரும்!
புதிய மேய்ப்பர்களாகிய நாங்கள் புதிய உபாகமத்தை!
உங்களுக்காய் உபதேசிக்கின்றோம். !
உம்மைத் துரத்திய தேசத்தை நாமோ ,!
புழுதியும் மண்ணுமாக்குவோம்.!
அதை விட்டு உங்களை விலக்கிய!
படியால்!
அவர்கள் அழியவென நாங்கள் சபிக்கின்றோம். !
பூமியிலுள்ள!
எல்லா ராஜ்யங்களிலும்!
சிதறுண்டு போன எம் மந்தைகளே!!!!
எங்களை ஆதரித்து ஆலிங்கனம் செய்வதால்!
உங்களை வெல்வீர் - இன்றேல்!
உங்கள் பிணம் ஆகாயத்துப் பறவைகளுக்கும்!
பூமியின் மிருகங்களுக்கும் இரையாகும்.!
அவைகளை விரட்டு வாரில்லாதோராய் நீங்கள்!
துயரப்படுவீர்கள். !
உங்கள் குமாரரும் உங்கள் குமாரத்திகளும்!
அந்நிய ஜனங்களுக்கு ஒப்புக்கொடுக்கப்படுவார்கள்.!
அவர்கள் உங்களோடு கூட இராமல்!
டிஸ்கோக்களிலும், மதுபானச்சாலைகளிலும் படுத்துறங்குவார்கள்..!
மொழியை அழித்து முகத்தை இழக்கப்போகிற!
அவர்களைச் சிறைப்படச் செய்வோம். !
உங்கள் நிலத்தின் கனியையும்,!
உங்கள் பிரயாசத்தின் பலனையும்!
நீங்கள் அறியாத ஜனங்கள் புசிக்கும் படிக்கு!
நாங்கள் சபிப்போம். !
தப்பிய மந்தைகள் தடுமாறி நடுங்கின!!!!
எங்கள் மேய்ப்பர்கள்.......!
நல்லவர்களா??!
கெட்டவர்களா ??!
விடையறியாது தவித்தன!
தப்பிய மந்தைகள்
வர வர வார்த்தைகள் மீதே
இந்திரன்
நம்பிக்கை அற்றுப்போச்சு !
நான் சொல்ல !
மற்றவன் வேறொன்றாய் புரிந்துகொள்ள !
விளக்கம், மறுவிளக்கம் !
விளக்கத்திற்கு விளக்கமெனப் !
புதராய் மண்டி புற்றாய் வளரும் !
வார்த்தைகள் !
தூங்குகிறவன் உடம்பில் !
வெளிச்சத்தால் தட்டி எழுப்பியதுபோல !
வீணாகிப் போச்சு எல்லாம். !
என் ப்ரிய நண்பனே !
என்பதின் பொருள் !
நீ எனக்கு அதிகம் தேவைப்படுகிறாய் !
என்பதாய் இருப்பின் !
வார்த்தைகள் ஏன் இன்னும் !
வழக்கொழிந்து போகவில்லை !
மீன்கள் !
கண்ணாடித் தொட்டிக்குள் துப்பும் !
காற்றுக் குமிழிகளாய் வார்த்தைகள்... !
பஸ்ஸில், பள்ளியில் !
பார்லிமெண்டில் !
படுக்கையறையிலும்... !
வெறுமனே உடைந்து வீணாய்க் கரையும்.... !
வர வர வார்த்தைகள் மீதே எனக்கு !
நம்பிக்கை அற்றுப்போச்சு !
- இந்திரன் !
நன்றி : உரையாடல் கவிதை அனுபவம்
நாளின் மறைவு... பாடலின் பிறப்பு
சத்தி சக்திதாசன்
மயக்கும் வேளைதான் !
மனதில் ஒரு ராகம் !
பறவை மீண்டும் !
பறக்குது தன் !
கூட்டுக்கு !
நிலவு மீண்டும் !
நீந்துது அந்த !
வானில் !
பகலை அணைக்க !
இரவு அசைந்து !
வருகுது. !
ஆண்டவன் தூங்க !
அணைக்கின்றானோ !
விளக்கை .... !
ஆந்தைக்கு ஏனோ !
கொண்டாட்டம் !
ஆரம்பம் அதன் உலகம் !
காரில் ஏறி !
விரைகின்றேன் !
அது கூட என் கூடோ ? !
உழைப்பதும் பின் நம் !
பிழைப்பதும் உலகில் !
இயந்திரச் சுழற்சி .. !
எங்கே தொடங்குகிறோம் !
அங்கேயா முடிக்கின்றோம் ? !
அதுவும் தெரியவில்லை !
சிரிப்பதும் செயற்கை !
அழுவதும் செயற்கை !
இதுகூட இயற்கையோ .... !
என் நாளின் முடிவு !
ஏக்கத்திற்கு எங்கே முடிவு !
தேவைகளுக்கு எங்கே .... !
தூக்கத்தைத் தொலைத்தது !
தொலைத்ததை மறந்தது !
துன்பத்தில் விளைந்ததா அன்றி .... !
காலையில் தொடங்கி !
மாலையில் முடிவது , நாள்தான் !
மனதின் எண்ணங்களல்ல !
காரும் பறக்குது என் !
மனமும் பறக்குது !
நான் செல்வதும் ஒரு கூடுதான்
ஊரறியும்... உறவறியும்... நீயறியாய்... பெண்மனமே!
மன்னார் அமுதன்
ஒன்றுமில்லையெனவே!
நாம் முன்மொழிகிறோம்!
வலியின்!
மொழிகளையே!
மனமோ வழிமொழிகிறது!
என் விழிகள்!
திருடுபோயின!
இரவுகளுமென்னை!
ஒதுக்கியே விட்டன!
மெத்தை தணலாக!
தூக்கமும் நானும்!
தூரமாகிப் போனோம்!
உண்ணா நோன்பனை!
உறவாக்கிக் கொண்டது!
யுக்தா!!
என்னுயிர்க் காற்றே!
எங்கேயடி சென்றாய்!
என்னைத் திணறவிட்டு!
மூச்சுத் திணறலோடே!
நகருகின்றன!
நீயில்லாத நாட்கள்!
கண்ணீர் குடித்து வளரும்!
பொழுதுகளின் விழுதுகளில்!
சிக்கிச் சிக்கியே!
சிதிலமடைகிறேன்!
உன் நினைவுகள்!
தின்று தின்றே!
நாள்தோறும் தேய்பிறையாய்!
உருக்குலைகின்றன!
என்னுயிரின் ஓரங்கள்!
இந்த வானம் ... பூமி...!
அந்த மரம்...!
அதன் கீற்றுகளைக்!
கொஞ்சும் காற்று...!
சாலை நடுவில்!
ஏதோ நினைவில்!
நான் மோதப் போன!
முச்சக்கரச் சாரதி...!
என எல்லோரும்!
அறிந்திருக்கிறார்கள்!
உன்னைத் தவிர!
தோள்களில் நீ!
சாய்ந்திருந்த பொழுதுகளைக் கேட்பாயா..!
நான் வாழ்ந்த நிமிடங்களைச்!
சொல்லும்!
விரல்கள் இணைத்து!
நடைபயின்ற வீதியைக் கேளேன்!
சொல்லுமது காதலா? காமமாவென்று?!
உன் கண்ணீரைத் துடைத்த!
கைக்குட்டை கூட!
இன்னும் ஈரமாய்!
என் நினைவுகளில்!
என்றோ எவனோ!
அணைத்த தீயிற்காய்!
நீயேன் இன்னும் எரிகிறாய்!
மாமிசம் சுவைத்தும்!
எலும்பைக் காக்கும் பிராணியாய்!
இன்னும் ஏனடி!
கசப்பைக் காவித் திரிகிறாய் !
தொடுகைகள் பிழையோ?!
உரைப்பாய் - உன்!
தொடுகையில் பனியாய்!
உறைந்தேன், பிழையோ?!
உணர்வினைச் சிலுவையில்!
அறைகிறாய் சரியோ?- சிலுவையைச்!
சுகமாய்ச் சுமத்தலும் முறையோ?!
மலரைச் சூழ்ந்து!
அதரம் கடித்தேன்!
தேனைச் சுவைத்தேன்!
தேடிப் புசித்தேன்!
தேனை ருசிக்கவோ!
பூவை அழகென்றேன்?!
பூவை! நீ சொல்..!
நமக்குள்!
ஒன்றுமில்லையெனவே!
நாம் முன்மொழிகிறோம்!
வலியின்!
மொழிகளையே!
மனமோ வழிமொழிகிறது!
வேதம் புதிது
த.சு.மணியம்
கூனல் கிழவி சிலர்!
வேலிக்குப் பொட்டு வைத்து!
வெளியேறி நாட்சிலவில்!
போலிக்கு வாழ்வளிக்கும்!
புலம்பெயர் மண் கால் பதித்தே -இன்று!
தாலிக்குக் கொடிபோதா!
தடிப்பாகத் தேடுகின்றார்.!
கைநாட்டுப் போட்ட கதை!
கடக்கு முன்பே மறந்து விட்டு!
ரை கோட்டு சகிதமுடன்!
இராக்காலப் பனியில் நின்று!
பை போட்டு கதைத்த அப்போ!
பார்த்திருந்த வட்டு ஒன்று -ஆச்சி!
டைபோட மறந்ததினை!
ஞாபகத்தில் கொண்டு வந்தான்.!
ஆங்கிலமும் தெரியுமென்று!
அருகிருப்போர் அறிந்துகொள்ள!
பாங்கிலவள் பேச எண்ணி!
பத்து தரம் நோ நோ சொல்ல!
மூங்கிலவன் கையெடுத்த -நல்ல!
முரட்டுப் பொடியனுமோ!
வாங்கினிலில் உட்கார்த்தி!
வடிவாகச் சாத்திவிட்டான்.!
வட்டிலிலே பழஞ்சோறு!
குடித்த கதை கேட்கவுமே!
வட்டிஸ்தற்? பழஞ்சோறு!
பாட்டியவள் கேட்டுவிட்டு!
கொட்டிக்க தன் பசிக்கு!
கம்பூர்கர் வேணுமென -சந்தை!
பெட்டிக்கை பாரன் என்று!
பேரனுமோ சொல்லிவிட்டான்.!
அப்புவுடன் சேர்ந்திருந்தால்!
அரசுப் பணம் குறையுமெண்ணி!
தப்புகளைத் தவிர்ப்பதற்காய்!
தாத்தாவைத் தனியிருத்தி!
கொப்பு ஒன்று வேண்டுமென்று!
கோதையவள் தன்னருகே!
சப்பு ஒன்றை வைத்தபடி!
சந்தி பல சுற்றுகிறாள்.!
சித்தெறும்பு கடித்த பாட்டை!
சிறுகப் படித்தபடி!
பெத்த பிள்ளையோடிருந்தால்!
பேத்தி என்று சொல்வரெண்ணி!
மெத்த சுகம் காண!
மேல் மாடி வீடெடுத்து!
செத்த பிணம் பலவும்!
நித்தம் சுடலையிலே.!
ஊரறியேன் பேரறியேன்!
உண்மையிது நானறியேன்!
வாழ்வறியேன் தொழிலறியேன்!
வந்த இடம் வாழ்வறியேன்!
சூதறியேன் வாதறியேன் -அவர் !
சொல்லியதால் ஈதறிவேன்!
நீதறிவீர் நினைத்திடுவீர்!
நிலையற்ற வாழ்வுணர்வீர்.!
த.சு.மணியம்
சுமை
தென்றல்.இரா.சம்பத்
பிறவியெடுக்கும்!
இந்த மௌனச்சொற்களில்!
என் மனதோடு மல்லுக்கட்டும்!
உன் பிரிவை.. நினைவை...!
பெரிதுபடுத்தி!
எழுதத்தெரியவில்லை எனக்கு.!
உறவு! பிரிவு!!
இரண்டும் சுமைதான்!
உறவில் !
மகிழ்வே ஒரு சுமை!!
மகிழ்ந்து பிரிந்தபின்-அதுவே!
நமக்கு மனச்சுமை!!
பிரிவுக்காக !
இந்த மனம் ஏன்!
இப்படி கணக்கிறது.!!
பிரிவு-அது!
உறவில் அரங்கேறிய!
ஊமை நாடகம்.........!!
நாடகம் முடியும் நேரம்!
நாமாக கலையாமல்!
நாட்களும் நாழிகளுமே!
நமை கலைக்கும்போது!
நமக்கென்ன கவலை!
காத்திருப்போம் காதலோடு........!
தென்றல்.இரா.சம்பத்!
ஈரோடு-2
