மொட்டுஅதுத் தானாகக்!
கட்டவிழும் முன்னே!
பட்டுடுத்தி அலங்கரித்துப்!
பாதத்தினைப் பற்றியெடுத்து!
அம்மிமேல் வைத்தழுத்தி!
அருந்ததியைப் பார்க்கவைத்து!
கட்டிவைக்கிறார் அவசரமாய்!
கடமையை முடித்திட..!!
ஈரைந்து திங்களேலே!
ஆடுகிறது தொட்டில்.!
தொலைத்திட்ட அவள்!
பருவம்போலத் துலங்குகின்ற!
பால் நிலவை-!
அழைக்கின்றாள் தேன்குரலில்!
அழகாகத் தன்தாலாட்டில்!
குழந்தைக்கு அமுதூட்டத்!
துள்ளியோடி வருமாறு

ஆறுவது சினம் !
ரெளத்திரம் பழகு !
முரண்களாய்த் தோன்றும் இவற்றின்!
தேவைகள் சந்திக்கும்!
கூர்வாளின் முனைபோன்ற புள்ளியில்!
அடங்கிய ரகசியமாய் சீற்றத்தின் சூத்திரம்!
சரியான நபரிடத்தில்!
சரியான காரணத்துக்கு!
சரியான நேரத்தில்!
சரியான கோணத்தில் !
சரியான அளவிலும்!
வெளிப்படுத்தவேண்டிய ஓர் உணர்வாய்..!
புரிந்தால் !
வாழ்வோடு வசப்படும் வானமும்

மற்றவரை மட்டம் தட்டுவதில்!
மனிதமனம் அடையுது குதூகலம்!
ஒருவர் எட்டி மிதித்ததாலே!
இமயமலையின் உச்சி சரிந்ததாய்!
இல்லை ஏதும் சரித்திரம்!
துரும்பெனப் பரிகசிக்கப்பட்டவர்!
இரும்பை விட உறுதியாய்!
முன்னேறிய கதைகளோ!
வரலாற்றில் ஆயிரம்!
இளக்காரங்களால்!
எவர் தரமும் தாழ்ந்ததில்லை!
இகழ்ந்தவரும் உயர்ந்ததில்லை!
தெரிந்தாலும்!
தேன்குடித்த வண்டு போல!
இன்பங்கண்ட உள்ளங்கள்!
தொடர்கின்றன களிப்பாக!
இதிலென்ன பாவமென!
இல்லை பெருங்குற்றமென!
சடசடவென்று!
சன்னல் கதவுகளை விடாது தட்டி!
இடிமின்னலுடன்!
அடித்துப் பெய்தது கோடைமழை!
சீறிய இயற்கை!
பார் என்றழைக்க!
சிந்தனை கலைந்து நின்றது ஆய்வு !
இதம் மறந்த புயல்காற்றால்!
முற்றமெங்கும் இறைந்து கிடந்த!
தடித்த பெரும் ஆலங்கட்டிகள்!
பளபளத்துத் தெரிந்தன ஏனோ!
பண்பு துறந்த ஏளனங்களாய்!
நிமிடத்தில் கரைந்து!
அடையாளம் தொலைத்தாலும்!
அடங்கோம் யாமென!
நிற்காத அடைமழையினூடே!
கெக்கலிப்பாய் சேதி சொல்லி.!

கோவிலில்!
அர்ச்சனைக்குக் கொடுத்திருக்கிறாளாம்!
அவர் பெயரில்!
அழைத்து நின்ற மனைவிக்கு!
அவள் செல்லமகன் கடைக்குட்டியை!
கைகாட்டி விட்டு!
மனையெங்கும் நிறைந்திருந்த!
மற்ற உறவுகளைக்!
கூட்டினார் ஒன்றாகக் கூடத்தில்!
அடுத்த ஐந்து தினங்களில்!
வரவிருந்த தன் ஐம்பதாவது!
மணவிழாக் கொண்டாட்டத்தில்!
எவரெவருக்கு என்ன பொறுப்பெனப்!
பிரித்துக் கொடுத்துவிட்டுப்!
பெருமிதமாய் நிமிர்ந்தமர்ந்தார்!
வருகின்றயாவரும் வாய்பிளந்து!
ஆச்சரியப் பெருமூச்செறிந்து!
கண்ணிமைக்கவும்தான் மறந்து!
போகின்ற வண்ணமாய்!
பரிசொன்றைத் தரவேண்டும்!
சபையிலே தன்னவளுக்கு!
கவுரவத்தைக் காக்கும்வகையில்!
கச்சிதமான பொருளினைப்!
பரிந்துரைக்கும் நபருக்கும்!
தருவேன் என்றார் அன்பளிப்பாய்!
தங்கத்தில் மோதிரமொன்று!
நடுவில் உயர்ரத்தினம் பதித்து!
முன்வந்து சிலாகித்தாள்!
மூத்த கொழுந்தியாள்!
அன்றொருநாள் போத்தீஸில்!
வியந்துபார்த்து வாங்காதுவிட்ட!
பாட்டுப்பாடும் சீலையை!
'வைரத்தில்ஆரம் வனப்பாய்!
இருக்கும் அண்ணிக்கு'!
குரல் கொடுத்தாள் தங்கை!
வேண்டும் போது பெற்றிடலாம்!
உரிமையோடு இரவல் என்று!
'தனியாகக் கார் இருந்தால்!
சவுகரியம் பாட்டிக்கு'!
ஊர்சுற்ற தனக்கும்!
உள்ளுக்குள் நினைத்தபடி!
செல்லமகளின் சீமந்தப் புத்திரன்!
'ப்ளாஸ்மா நல்லாயிருக்குமே'!
தென்றலும் திருமதிசெல்வமும்!
இனிவிரிவார்கள் பெரியதிரையில்!
கற்பனையில் அகமகிழ்ந்தபடி மருமகள்!
பெரியமகன் சொன்னது!
சகலைக்குப் பிடிக்கவில்லை!
அயித்தான் சொன்னது!
அத்தைக்கு ஒப்புதலில்லை!
அவரவர் ஆசைக்கு!
அடுத்தவர் சொல்வது!
அத்தனை ரசிக்கவில்லை!
ஆனாலும் பெரிதுபடுத்தாது!
நவநாகரீக பிளாட்டின நகைமுதல்!
அதிநவீன கைபேசி வரை!
ஒவ்வொருவர் ஒன்றைச் சொன்னார்!
தவற விடுவானேன்!
தனிபரிசையெனப் பலபேரும்!
அக்கறையில் வெகுசிலபேரும்!
எவர்சொன்னதிலும் திருப்தியின்றி!
அவகாசம் வாங்கிக்கொண்டு!
கூட்டத்தைக் கலைத்திட்டார்!
குழப்பத்துடன் எழுந்திட்டார்!
ஓய்வாக உள்ளறையில்!
ஆழ்ந்துபோனார் சிந்தனையில்!
ஆடியதுநிழல் வாசற்படியிலே!
அன்னைக்குத் துணையாக!
ஆலயம் சென்றிருந்தவன்!
நின்றிருந்தான் நெடுமரம்போலே!
ஏனோ தன்னோடு அதிகம்!
ஒட்டுவதில்லை எனும்!
நெஞ்சடைக்கும் ஏக்கத்தால்!
அதீத பிரியம்தான்!
எப்போதும் இவன்மேலே!
சொல்லெனக் கண்ணாலேபேசிக்!
கனிவாய்ப் பார்த்திருந்தார்!
ஆடும் நாற்காலியில்!
முன்னும்பின்னும் போனபடி!
சின்னத் தயக்கத்துக்குப்பிறகு!
திறந்தான் சின்னவன் மனதை!
இனியாவது அம்மாவுக்கு!
மதிப்பு சந்தோசம் நிம்மதி!
நின்றது நாற்காலி!
நிற்காமல் காலகாலமாய்!
ஓடிக் கொண்டிருந்தது!
அறைமூலையில்!
ஆளுயரப் பாட்டன்கடிகாரம்!
திருகப்பட்ட சாவிக்குத்!
தடையற்ற!
சேவையைத் தந்தபடி!
கடந்துபோன!
நிகழ்வுகளுக்கு எல்லாம்!
கனமான மவுனசாட்சியாய்..?

வீதி முனையில்!
புதிதாய் முளைத்திருந்தான்!
பாதி காலினை!
விபத்தொன்றில்!
பறி கொடுத்த!
வாலிபன் ஒருவன்.!
அனுதினம் காலையில்!
பேருந்துக்குக் காத்திருக்கையில்-!
முடங்கிவிட்டவனைச் சுற்றிக்!
காணக் கிடைத்த!
காட்சிகள் யாவும்!
கடவுளின் கருணையை!
எண்ணி எண்ணி!
வியக்கவும் மெச்சவும்!
வைத்தன மற்றொருவனை.!
போவோர் வருவோர்!
கொடுத்துப் போனார்!
அணிவதற்கு ஆடைகள்!
குளிருக்குப் போர்வைகள்!
உண்பதற்குப் பொட்டலமாய்!
அவரவர் வீட்டிலிருந்து!
விதவிதமாய் உணவுகள்.!
'என்வயதொத்த இவனுக்கு!
எந்தவித சிரமுமில்லாமல்!
இருந்த இடத்தில்!
எல்லாம் கிடைக்க!
அருள்பாலிக்கும் இறைவன்-!
என் தேவைகளையும்!
இப்படி நிறைவேற்றி!
வைத்திட்டால்...'!
நினைப்பே இனித்தது!
நெஞ்சம் ஏங்கியது.!
வாழ்க்கை எனும்!
நிசமான மேடையில்!
விதிக்கப்பட்ட ஆயுள்!
எனும்!
கால அவகாசத்தில்!
நமக்கான பாத்திரங்களை!
எப்போதும்!
ஆண்டவனே!
தீர்மானிப்பதில்லை.!
வேறு எவரோதான்!
தேர்வு!
செய்வதுமில்லை.!
உதவுபவராய்!
இருக்க விருப்பமா?!
உதவி பெறுபவராய்!
ஆகிட ஆசையா?!
நம் கையில்!!
நம் மனதில்

பளபளக்கும் பட்டுடையும்!
மினுமினுக்கும் நகைநட்டும்!
சரிகை இழையோடும்!
தலைப்பாகையுமாய்..!
அலங்கரித்த!
வெண்புரவிகளில்!
கம்பீரமாய் பெருமிதமாய்!
அரசத்தம்பதியர் வீற்றுவர-!
கண்நூறுதான் கண்டுமகிழ..!
ஊர்உலா முடிந்து!
உடைமாற்றி நகை களைந்து-!
நின்றார்கள் கூலிக்கு!
இன்றாவது கிடைக்குமாவென..!
கனைக்காத குதிரைக்குக்!
கால்களாய் இருந்த!
களைப்பு மிகுதியில்!
ராஜாவும்..!
செழிக்காத கலைக்குச்!
சேவகியாய்-!
மெய் வருத்திப்!
பொய்க் களிப்புடன்!
பவனிவந்த ராணியும்!!

பேரொளியொன்று!
வானில் தோன்றிய வேளையில்!
பிரபஞ்சமெங்கும் சிந்தியததன் மிச்சமாய்!
எண்ணற்ற நட்சத்திரங்கள்!
ஓரொளியிலிருந்து!
வந்த மூலம் அறியாமல்!
யார் உயர்வென்று!
எங்கெங்கினும் போர்க்களங்கள்!
மோதியது போதுமென்று!
வாதிட்டு அலுத்துப் போய்!
செய்வதறியாது கோள்கள்!
உலுக்கக் காத்திருக்கிறது உலகை!
ஒற்றை பேனாவின் மை!
வடிக்கப் போகும் தீர்ப்புகள்!
வெட்கப்பட்டு உதித்து!
வேதனையுடன் மறைகின்றார்!
நித்தம் சூரியசந்திரர்கள்!
ஒரேசக்தியாய் ஒளிர்கின்றார்!
அத்தனை கடவுளரும் எனும்!
புரிதலின்றி புவியெங்கும் பாமரர்கள்!!
[24 செப்டம்பர் அலகாபாத் உயர்நீதிமன்றத்தால் வழங்கப்பட இருந்த அயோத்தி தீர்ப்புக்கு உச்சநீதி மன்றம் நான்கு நாட்களுக்கு இடைக்காலத் தடை.]

உடல் மட்டும்!
படுக்கையில் கி்டக்கும்!
மனம் எட்டு முறை!
உலகைச் சுற்றி வந்திருக்கும்!
மின்விசிறி சுழலும் வேகத்தில்!
திரைச்சீலைகள் காற்றில் பறக்கும்!
உறக்கமற்ற இரவுகள்!
நரகத்தை ஞாபகப்படுத்தும்!
சாளரத்தின் வழியே நிலா!
படுக்கையறையை!
குறும்புடன் எட்டிப் பார்க்கும்!
அர்த்த ஜாமத்தில் யாரோ!
கதவைத் தட்டுவது போன்ற பிரமை!
திடுக்கிட வைக்கும்!
பழிபாவத்துக்கு அஞ்சுபவன்!
உறக்கத்தை வரவழைக்க!
தூக்க மாத்திரைகயை நாட!
வேண்டியிருக்கும்!
பொய்யும், புரட்டும்!
நிறைந்த உலகில்!
கடவுள் கல்லாகாமல்!
என்ன செய்வார்!
மரணத்தை அச்சமின்றி!
எதிர்கொள்ள!
தனிமையில் இருந்து!
பழக வேண்டும்!
வாழ்க்கை நம்மை!
எங்கு கொண்டு போய்!
நிறுத்தும் என்று!
யாருக்கும் தெரியாது

வெள்ளிக்கிழமை மாலை
பள்ளியின் கடைசி வகுப்பு
லேசான தூரல்
அடுத்தநாள் சனிக்கிழமை என விடுமுறை குதூகலம்

அப்பொழுதெல்லாம் முதுகில் பாரம் இருக்கும்
இப்பொழுது போல் மனதில் அல்ல

வீட்டிற்கு வந்தவுடன் பாரத்தை இறக்கி ஓரமாய் வைத்துவிட்டு
முகம் கழுவி உடைமாற்றி வர
அவனுக்கு புடிக்கும் என சூடாக சாம்பார் சாதமும் வடகமும் செய்து வைத்திருப்பாள் அம்மா

தொலைக்காட்சியில் அந்நேரம் ஒளிபரப்பாகும் கார்ட்டூன் நிகழ்ச்சிகளை பார்த்துக்கொண்டு
சிரிப்புடன் சாப்பிட

கடைசி வாய் சத்து என மீதம் வைக்காமல்
அனைத்தையும் சாபிடவனின் தட்டில் வடகம் மீதமிருந்தது

வடகத்திர்க்காக சிறிது சாதம் வைக்கிறேன் என அம்மா வைக்க
இன்னும் ஒரு வாய் சாதம் அதிகமாய் உள்ளே போனது

அவசரமாய் எழுந்து கைகழுவி
விளையாட செல்கிறேன் என்று ஓடியவனை

சாப்பிட்டவுடன் இனிப்பு கேட்பான் என
பதம் பார்த்து செய்த ரவாலட்டு
சிறிது நேரம் அமர வைத்தது

அதற்குள் அவன் பெயற்சொல்லி நண்பர்கள் அழைக்க
அவர்களுக்கும் சேர்த்து சில லட்டுக்களை
கை எடுத்துக்கொண்டு கால்கள் ஓடியது

அதனை நண்பர்களிடம் கொடுக்க ஆசையாய் சாப்பிட்டு
மழைத்தூரலில் நனைந்தபடியே
ஆனந்த விளையாட்டு

நாட்கள் அழகாய் இருந்தது அந்த வயதில்...

வரிசையாய் வந்த எறும்புகள்
வாசனை அறிந்ததும் வட்டமிடுகின்றன
வாசலில் போட்ட புள்ளிக்கோலத்தைச் சுற்றி.