பரமப்பிதாவே.. எங்களை மன்னியும் !
பிழைத்திருப்பதற்க்காக !
நன்றி சொல்ல !
எங்களால் முடியாது. !
பிழைத்திருப்பதே !
பிழையாகிப்போனதால் !
அச்சுப்பிழையில் !
அர்த்தமிழந்துவிட்டது உன் வாசகம். !
!
பரமப்பிதாவே எங்களை மன்னியும் !
கோழிமிதித்து குஞ்சுகள் மாண்டன !
கருவறையே கல்லறையானது !
முலைப்பாலில் உயிர்க்கொல்லி !
ஒப்பாரியில் உன் சங்கீதம். !
பரமப்பிதாவே... !
எங்களை மன்னியும்..! !
!
பரமப்பிதாவே.. எங்களை மன்னியும் !
இப்போதாவது- !
உயிர்த்தெழுவது எப்படி என்பதை !
எங்கள் துடுப்புகளுக்கு !
சொல்லிக்கொடும்.. !
உடைந்தப் படகுகளிலிருந்து !
விரியவேண்டும் எங்கள் வலைகள். !
!
புதியமாதவி, !
மும்பை

நடை எமக்கு பழகிப் போன ஒன்று !
நான் நடக்க என்னுடன் !
கூடவே நடந்தாள் அவளும் !
நடந்தோம் நடந்தோம் !
நாதியற்றவர்களாய் நடந்தோம்.!
கற்கள், முட்கள், கரடுமுரடு!
நிறைந்த பாதைகள் எல்லாம் !
தாண்டி நடந்தோம் வெந்து !
போன அவளது கால்கள்!
வெதும்பித் தவித்தன.!
ஆனாலும் நடையோ!
நாதியிழக்கவில்லை.!
நடந்தோம் நடந்தோம் !
தூர நடந்தோம்.!
எதற்காக நடக்கின்றோம்!
ஏன் நடக்கின்றோம் என்று!
புரியாமல் நாம்!
நடந்து கொண்டேயிருந்தோம்.!
என் அருகில் என் அவள் !
இருகின்றாள் என்ற துணிவு!
என் அவள் விழித்துக் கொண்ட !
வேளையில் மனக்கதவை !
திறந்து வெளியே வந்தாள்.!
நடையின் வேகம் குறைந்தது!
தூரங்கள் குறுகின!
தடைகள் உடைத்தெறியப் பட்டன … !
தடைகள் யாவும் பஞ்சு !
மெத்தைகளாயின …… !
இலக்கு என்பது தொலைவில் !
இல்லையென திடம் கொண்ட மனது !
மீண்டும் நடக்கலானது!
விடிவை நோக்கி !
நடை எமக்குப் பழகிப் போனவையே … !
ஆக்கம் !
P .ஆயிஷா !
ஸ்கந்தபுரம்

சட்டம் கருப்பு சட்டையின் ஊடே!
ஒழுங்கு காக்கி சட்டையின் கைகளில்!
சகித்து இனைந்து வாழ்ந்தே தீர!
வேண்டிய கட்டாயம் இருவருக்குமே உண்டு!
இவ்விரு நிறங்களும் சச்சரவு புரிந்து!
செந்நிர குருதிகள் ஆறாய் ஒழித்தோட!
பொது ஜனம் கேட்கிறது உங்களிடம்!
சந்தேகம் கலந்த சந்தேக குரலில்!
காக்கும் பொறுப்பாளிகளே உங்களுக்கு தகுமா?!
காக்கி அணிந்த காவலர்களே!
உங்கள் உடலை மறைக்கத்தானே காக்கி உடை!
இதயங்களுமா அதனுள் மறைந்து விட்டது?!
சட்டம் பயின்றவர்களுக்கே இக்கதி எனில்!
சட்டத்தின் நியாயங்களை கேட்டு!
சாலை ஓரம் நின்று மன்றாடும்!
சாமானியர்களுக்கு எக்கெதி?!
சட்டக்கல்லூரி மாணவர்கள்!
சண்டையிட்டு மண்டை உடைத்தபோது!
செவ்வனே வேடிக்கை பார்த்தீர்கள் கைகட்டி அன்று!
சாலையெல்லாம் ரத்த வெள்ளம்!
என்னே ஒரு பெருமை இன்று!!
ஏங்கிய உங்களின் கரங்களால்!
மண்டை உடைக்கப்பட்டவர்களில்!
மாநில நீதிமன்றத்தின் நீதிபதியும் ஒருவர்!
ஒற்றுமை ஒன்று இங்கே உண்டு!
ஓடிய ரத்தமெல்லாம் சட்டம் பயின்றவை!
பாடம் சொல்கிறது உங்கள் சண்டைகள்!
பயன் ஒன்றும் இல்லை உங்களை நம்பி!
காக்கியும் கருப்பும் கை உயர்த்தி!
காட்சிகளை கண்ணுற்ற மக்களிடத்தில்!
நிபந்தனையற்ற மன்னிப்பு கேட்டால் அன்றி!
நீதி மன்றங்களும் காவல் நிலையங்களும்!
கோட்டான்கள் வாழும் கூடாரங்கள்தான்!
கேட்பாரற்று பாழமைந்த கட்டிடங்கள்தாம்!
சிந்திய ரத்தங்களின் அழுக்கு கறைகள்!
சீரிய வழியில் துடைக்கப்படாவிடின்!
சட்டமும் ஒழுங்கும் சவக்கிடங்கில்தான்

ஊருக்குப்போய் வந்து !
தை பிறந்தால் !
ஒரு வருடம் !
தை பிறந்தபோதுதான் வருடம் போனது !
தெரிந்தது !
இப்படித் தெரியாமல் !
காலம் ஓடுவதை !
பல நிகழ்வுகள் அப்பப்ப !
சொல்லித்தான் போகும் !
மழலைச் சிரிப்பு ததும்ப !
மாமா மாவென்று !
காலைச் சுற்றிவந்த !
சின்னப்பொடியன் !
'உங்களுக்கு ஒண்டும் தெரியாது !
இலாவகமாய் சொல்லிப்போக !
மண்டையில் உறைத்தது !
சந்தடியில்லாமல் ஓடிச்சென்ற !
ஐந்து வருடம் !
-- நிர்வாணி

காண்பது பொய்யா?.. உணர்வுகள்.. வசந்தம் வீசும் காலை!
01.!
காண்பது பொய்யா?!
------------------------------!
ஆழவெளி விண்ணோடை அழகுத் தோற்றம்!
அதனூடே வெடித்தோடும் ஒளியின் சீற்றம்!
கோளமெனச் சுழல்கின்ற குண்டுக் கற்கள்!
குலைந்தோடும் தீநாக்கு குழம்பின் வீச்சு!
தாழமுக்கக் குளிர்தணலைத் தணியாத் தன்மை!
தாமிவைகள் விழிகொண்டும் தெரியக் காணேன்!
ஏழையிவன் அறியாதோர் அதிசயங்கள்!
இருப்பனவோ, பொய்யோ யான் ஏதும் அறியேன்!
!
நீலவிண் பொய்யென்றால் நிலவும் பொய்க்கும்!
நீள்நதியும் குளிரோடை நீந்தும் மீனும்!
காலமெழும் தேன்கனிகள் கடலும் பொய்க்கும்!
கதிரெழுந்து வீழுமதன் காட்சி பொய்க்கும்!
ஆலமரம் அதனூடே அணையும் பட்சி!
அலைந்து வரும் தென்றலதும் அழகுப்பூக்கள்!
கோலமயில், கூவுங்கருங் குயிலும் பொய்யே!
குவலயமும் பொய்யேஎன் கூற்றும் பொய்யே!
வாழுகிறோம் மெய்கொண்டு வந்தோம் மண்ணில்!!
வாசமெழும் மலர்க்கண்டு கொண்டோம் இன்பம்!!
வீழுகிறோம் எழுகின்றோம் வீசும் காற்றில்!
வாசமது கொண்டோம் பின் வாழ்வும் கண்டோம்!
நாளும்பொழு தாகவரும் நம்மைக் காக்கும்!
நாணலிடை தொட்டசையும் நல்லோர் தென்றல்!
ஆழவிடும் மூச்சின்றிப் பொய்க்கு மாயின்!
அத்தனையும் பொய்த்து விடும் அகிலமன்றோ?!
அலையாடும் தூரத்தே அணில்கள் ஓடும்!
அழகுமயில் துளிவீழ அசைந்து ஆடும்!
தலையாடும் இளங்காற்றில் தருக்கள் ஆடும்!
தானாடி சலசலக்கும், தொலை தூரத்தில்!
நிலவோடும் நிற்காது நெருங்கி மேகம்!
நிலமோடும் அதனோடு நிதமும் ஓடும்!
கலைகொண்டு காண்கின்றேன் காணுமிவை எக்!
காலமும் பொய்யாவதிலைக் காணல் மெய்யே!!
02.!
உணர்வுகள்!
--------------------!
நீரோடும் நிலவோடும் நின்றுவெண் முகிலோடும்!
நெஞ்சத்தில் எண்ணமோடும்!
தேரோடும் தென்றலும் திசையெங்கும் பறந்தோடும்!
தேடியே கண்கள் ஓடும்!
பாரோடும் பரந்தஇப் பூமியின் இடமெங்கும்!
பலரோடிச் சென்றுவாழும்!
வேரோடும் உறவுகள் விளையாடும் விதியதும்!
வேடிக்கையாகும் வாழ்வும்!
ஏரோடும் வயல்கூடி எதிரோடும் காற்றோடு!
எழுகின்ற இன்பம் யாவும்!
பேரோடு வாழ்ந்திடும் பெருச்செல்வ வாழ்வினில்!
பிறையாகத் தேய்ந்து போகும்!
சேறோடும் மண்ணோடும் உழுதோடி பின்னாலே!
சேர்ந்துண வுண்டுவாழும்!
நோயோடிப் போகின்ற நிம்மதி வாழ்வினை!
நினைந்தேங்கும் நெஞ்சே நாளும்!
யாரோடிக் கேட்டாலும் விதியோடிச் செய்கின்ற!
விளையாட்டு வேறுஆகும்!
நீர்க்கூடி எழுகின்ற அலையாக ஊருக்குள்!
நின்றதை அள்ளியோடும்!
வேரோடு புயலுக்கு விழுகின்ற மரமாக!
வீழ்த்தியே உறவுகொல்லும்!
பேயாடி நடமாடிச் சிதைக்கின்ற பொருளாக!
பூவுடல் கொன்று பார்க்கும்!
நானோடி நடக்கின்ற நல்லதோர் பாதையில்!
நாலுபேர் தூக்கிஒடும்!
நாளோடி வரும்வரை நானாடி நடக்கின்ற!
நாளது இன்பமாகும்!
பாவோடும் பாஎண்ணும் மனதோடும் வாழ்வது!
பலமான உணர்வு கொள்ளும்!
பாலொடு பனியோடு பார்வையை கொள்வது!
பாவி இவன் உள்ளமாகும்!
மேலோடும் மதியோட முகிலோடி மறைத்திடக்!
காற்றோடி ஒளியை மீட்கும்!
சேலோடும் நீர்ச்சுனை சேற்றோடு தாமரை!
திகழ்ந்தாலும் தூய்மைகாணும்!
வேலோடு விளையாடும் முருகனின் தமிழோடு!
விளையாடி நாளும்போகும்!
காலோட முடியாது காடோடும் உடல்காணும்!
காலமே உண்மை சொல்லும்!
03.!
வசந்தம் வீசும் காலை..!
------------------------------------!
இனிதொரு நாளில் எழுகதி ரொனும் இலங்கிடு குவிவானம்!
பனிதரு காலை பசும்விரி புல்லில் படகுளிர் மெய்காணும்!
தனியிவன் பாதம் தரைபட மலராய் தருவது கிளர்வாகும்!
புனிதமும் போற்றி இருளினை ஓட்டி எழுகதிர் ஒளிவீசும்!
மனிதரின் வாழ்வும் மகிழ்வினைத் தேடும் மனதொடு விரைந்தோடும்!
தனியிடம் போகும் பாதையில் எங்கும் தவறுகள் உருவாகும்!
மனதினி லின்றி மகிழ்ந்திட வென்று மறுபடி மனம் வாடும்!
கனவினில் காணும் வர்ணங்கள் யாவும் காலையில் மறந்தாகும்!
தமிழது கண்டு தாகமென் றாகி தருவது எதுவேனும்!
அமுதமென் றெண்ண அதுசுவை மாறின் தமிழது எனையேசும்!
குமிழிடு குளிர்நீர் குமிழிக ளென்றும் கடுதியில் பெரிதாகும்!
அமைதி என்றாலும் அளவினில்மாற அது உடைந்தழிவாகும்!
புவனமும் காண இயற்கை யென்றெண்ணி பகலினில் நிலவோடும்!
தவறென மீண்டும் இரவினில் வந்தே தண்ணொளி தனைவீசும்!
அவசரம் வாழ்வில் எழுவதுஎன்றும் மனிதரின் மனமாகும்!
நவமுகம்கொண்டு நாம்சிரித்தால் நல் மலர்களை மரம்தூவும்!
பசுந்தரை மீது பனி வருமோடி பகலவன் அதை வெல்லும்!
வசந்தமும் ஓடி வரும்மன தெங்கும் மலர் மணம் நிறைவாகும்!
கசந்திடு மனமும் கனிவுற எண்ணக் கனவுகள் விரிந்தாடும்!
இசைந்திட மனமும் இன்பமொன் றேதான் எண்ணியே உறவாடும்

பனி படர்ந்து உலர்ந்த பாதையில் எப்போதும் போல !
மங்கிய ஒளி தரும் தெருவிளக்கின் கீழ் குளிரில் !
விறைத்துச் சிவந்த மூக்கு நுனியும் கிழிந்து துவழும்!
மேல் மேலாடையும் அதன் மேல் அசிரத்தையுடன் ஒட்டப் !
பட்டிருந்த ஒரு சிறு கனடியத் தேசியக் கொடியும் அடர்ந்த !
நீண்ட பழுப்புத் தாடியில் நு£ற்றாண்டுகளாய்ச் சேர்ந்த !
அழுக்கும் கறையும் உறைந்த பியர் நுரையின் படிவும் !
தலையில் மழை பனி புயல் வெயில் எல்லாவற்றிலும்!
அடிபட்டுத் தோற்றம் சிதைந்த காட்டுப்பச்சை இராணுவத் !
தொப்பியும் !
கூனல் முதுகும் வளைந்த நகங்களும் நீண்டு நெளிந்து !
சிக்குண்ட மயிரும் எனச் சுருண்டு கிடந்து பாதி இருளும் !
பாதி வெறியுமாய் அடிக்கடி திறந்து மூடும் நீலக் !
கண்களுடன் கால் பணம் கேட்டு இரப்பவன் சில்லறை !
எறிபவர்க்கு நன்றி என்கிறான் !
எறிய மறுத்தேன் !
' Fuck you, Paki !
என்று முகத்தைத் திருப்பினான். !
-- சேரன் !
மீண்டும் கடலுக்கு தொகுப்பிலிருந்து !
வெளியீடு: காலச்சுவடு !
தொடர்புகட்கு : kalachuvadu@sancharnet.in !
91-4652-278525

சேலை!
அதிகாலையில் எப்போதும்!
மூடுபனிச்சேலை கட்டி,!
மோகமுள் கொண்டு நிற்பாள்!
என் வீட்டு வெள்ளை ரோஜா.!
அனுதினமும் வந்து!
வேகமாய் துயிலுரித்து!
தாகமாய் முறைப்பான்,!
சூரிய துரியோதனன். !!!
---!
என்றும்,!
தணியாததோர் தேகதாகம்.!
எதற்கும்,!
பணியாததோர் தாகதேகம்.!
முற்றும் துறந்தவனையும்!
விட்டுவைப்பதில்லை.!
மண்டியிடவே வைக்கிறது!
இந்தியத்தொலைக்காட்சிகளின் முன்.!!!
---!
எந்த நொடியிலும்!
சறுக்கி விழுந்தோடி!
சாகவும் துணிந்துதான்,!
இந்த நொடியிலும்!
ஜூலியட் ரோஜாவின்!
சுழல்போதை இதழ்மேல்!
குலைந்து நிற்கிறதோ!
அந்த அதிகாலை தேசத்து!
ரோமியோ பனித்துளி. !!!?!
---!
காதலில்!
உனது வாழ்வு, பயணம்!
எனது வாழ்வு, பணயம்.!
வாழ்வில்!
உனது காதல், முதலீடு!
எனது காதல், முறையீடு.!
என்னில் உனது காதல், காமம்!
உன்னில் எனது காதல், காயம்.!
மண்ணில் நமது காதல், பாடம்

ஆறறிவு ஜந்துக்களினால் பாழடைந்த பூமி !
எரிமலைக் குமுறலாய் பெருமூச்செறிந்தது, !
நச்சு வாயுவை ஏந்திய காற்று பட்டமரங்களின் கிளைகள் !
தழுவி எழுக என ஊழைக்காத்தாடிடும் - !
எலும்புகளுக்கிடையில் !
சூரிய கிழவனின் முகத்தை மறைத்து எழுந்த புகைகள் பல !
கோடி ஆண்டுகளின் பின் பனியுகத்தை ஏற்படுத்தி ஓய்வு கொள்ள !
எழுந்தது உயிரி பக்ரீறியாக்களும் ஜல்லிகளுமாய் !
சூரிய துணை !
கொண்டு வெளித்தது வானம் - !
கூர்ப்பின் முதிர்ச்சியில் சில ஆறறிவு !
ஜந்துக்களாகிட அதில் ஒன்று உரைக்கும் டார்வினைப் போல் !
மனிதம் குரங்கிலிருந்து .... !
!
6-1992

அழகான!
உன் மழலை மொழியால்!
என் மனம்!
குழந்தையாகிறது!!
!
மென்மையான!
உன் புன்னகையால்!
என் மனம்!
கலையாகிறது!!
புயலான!
உன் கொலுசோசையால்!
என் மனம்!
சிலையாகிறது...!
கனமான!
உன் கனவுகளால்!
என் மனம்!
கவிதையாகிறது...!
குணமான!
உன் குறும்புகளால்!
என் மனம்!
குது£கலமாகிறது...!
நிலையான!
உன் நினைவுகளால்!
என் மனம்!
விலையாகிறது...!
க. முத்துக்குமரன்

எச் !
ஜ !
வி !
நிராயுதபாணிகளுக்கு !
எச்சரிக்கை! !
டபிள்யூ !
டபிள்யூ !
டபிள்யூ !
தொழில்நுட்பத்தின் !
எச்சம்! !
டபிள்யூ !
ரி !
சி !
போர் தொடக்க !
உடன்படிக்கை! !
யு !
எஸ் !
ஏ !
பயங்கரவாதத்தின் !
தேவதை! !
முடிவு !
அழிவு! !
------------------------------ !
நட்புடன் !
புதியதோர் உலகம் செய்வோம் !
இளைஞன்