இன்றோ நாளையோ!
இறக்கவிருக்கும் மரங்களில்!
இளமையோடு துளிர்க்கும்!
மலர் சிசுக்களாய்...!
புதுப்புது எதிர்பார்ப்புகளோடும்!
விடை தெரியா கேள்விகளோடும்!
என் கிழட்டுக் காதல்,!
தள்ளாடித் தள்ளாடித்!
தேடுகின்றேன்!
தொலைந்து போன!
பழைய நினைவுகளை...!
அந்த மரத்தில் தானே!
செதுக்கினோம்!
உன் பெயரை நானும்...!
என் பெயரை நீயும்...?!
எம்மைப் போலவே- காலம்!
மரத்தையும் விட்டுவைத்தில்லை!
நரைத்த தலையுடன்!
நின்றிருக்கிறது.!
புதுப்புது காதல் தடங்களை!
தாங்கியிருக்கிறது!
படுத்துறங்கிய புல்வெளி!!
இந்த இடத்தில் தானே!
கைக்கோர்த்து நடைபயின்றோம் ?!
ஆமாம்!!
இதே இடம் தான்!!
இருமருங்கிலும் எழுந்து நின்று!
நிழல் பாய் விரித்து!
காதலர்களை வரவேற்கும்!
பெயர் தெரியா இம்மரங்கள்!
அவள் எங்கே?!
உன்னை தான் விசாரிக்கின்றன!
இந்த மரங்களுக்கு!
நினைவிருக்கும் நம் காதல்!
உனக்கு நினைவிருக்குமோ?!
நீ பற்றியிருந்த என் கரங்களில்!
தொற்றியிருக்கும்!
என் பேரனின் குரல்!
இழுத்தெடுக்கிறது என்னை!
மீண்டும் நிகழ்காலத்துக்கு!
தாத்தா நேரமாகிவிட்டது!
பாட்டி தேடுவாங்க!
என் கேள்விக்கு இல்லாவிட்டாலும்!
அந்த மரங்களின் கேள்விக்காவது!
விடை சொல்!
நீ எங்கே இருக்கிறாய்?

அப்படித்தான்!
அரசு முத்திரைத்தாள்களில்!
எழுதப்பட்டிருக்கிறது.!
இடப்பக்கமும்!
வலப்பக்கமும்!
பின்பக்கமும்!
இருக்கும் வீடுகளின் !
சுவர்களால்!
கட்டி எழுப்பப்பட்டிருக்கிறது!
என் அறைகளின் வடிவம்.!
மாடி வீட்டுக்காரனின்!
ஒவ்வொரு அறைகளையும்!
தாங்கி நிற்கும்!
என் வீட்டுக்குள்!
கிராமத்து வீட்டை!
விற்ற ஏக்கத்தில்!
செத்துப்போன!
அம்மாவின் நிழற்படம்.!
நுழைவாசலில்!
தொங்கிக்கொண்டிருக்கிறது!
அந்நியன் மொழியில்!
என் பெயரின் எழுத்துகள்.!
இவைதவிர!
இது என் வீடு!
என்பதற்கான!
எந்த அடையாளமும்!
என் வீட்டில் இல்லை.!
-புதியமாதவி, மும்பை

எண்ணம் என்னும் கோட்டைக்குள்!
ஆகாசப் பூக்களை!
தோரணம் கட்டியது யார்!
விதையில்லா விருட்சத்தின்!
ஆசை நூலில்லாடும் ஆயுள் கைதி நான்!
ஓசை இன்றி எப்படிச் சொல்வேன்!
ஆசைத் துறவியல்ல நான்!
நரையும் திரையும் சூழ்ந்த பெரிசுகளே!
ஆளக் கடலிலும் முத்தெடுக்கும்போதில்!
இளமை ஊஞ்சலை எப்படி நிறுத்துவேன்!
பதினாறுதானே என் வயசு!
பகலில் கொள்ளையிடும் நட்ச்சத்திரங்களை!
இரவில் குவிக்கும் இறைவனும்!
ஆசை பித்தனே!
இமையை இமை தொடாது விடுமா!
விழியை உறக்கம் தழுவாது தணியுமா!
தணிந்தது தாகம் என்று!
பாகம் பிரிக்கவில்லை!
ஒழுக்கம் வழுவாது இழுக்கத்தில்!
வீழ்ந்த நெஞ்சை!
பாடை வளர்த்தி தோழ் தூக்க!
நால்வர் அருகில்!
ஆயுள் முடிவின் நொடிப்பொழுது!
எண்ணப்படுகிறது எனக்கு!
இப்போதும் ஆசைத் துறவியல்ல நான்!
முள் படுக்கை விரிப்பில் கிடந்தும்!
மரணதேவனை!
வா வா என்றே அழைக்கிறேன்!
ஆசையுடன்.!

நாகரீக மோகத்தால்!
நகரம் நோக்கி நகர்ந்த நான்!
நற்செல்வம் பல இருந்தும் எதையோ!
நாடி மனதாற் திரிந்தேன்..!!
பச்சைபசேலென்ற வயல்கள்!
வற்றாத ஓடைகள்!
ரீங்காரமிடும் குருவிகள்!
மனிதரை மதிக்க தெரிந்த மக்கள்!
மகிழ்வு தரும் திருவிழாக்கள்!
வெட்டவெளி விளையாட்டுகள்!
என என்னுள்!
கிராமத்து இன்பங்கள் நிழலாடின..!!
!
ஓங்கிய கட்டிடங்கள்!
தூய்வற்ற தண்ணீர்!
கூண்டு பறவைகள்!
கூத்தாடும் இரவுகள்!
கணினியே கதியென மக்கள்!
வீடியோ விளையாட்டுகள்!
என எதையுமே!
ஏற்கவில்லை என்னின் மனம்..!!
!
துன்பத்திற்கு விலையாய் கொடுத்த!
இன்பங்களை நினைந்து!
கிராமத்திற்கு திரும்பினேன்.!
!
கவிதையாய் இருந்த என் கிராமம்!
கசங்கி கெட்டது கண்டு!
கதி கலங்கி விட்டேன்..!!
எது வேண்டாமென எண்ணினேனோ!
அது அவசரகதியில் வளர்ந்து வருகிறது!
மனைகளாகும் வயல்கள்!
மறைந்து போன பறவைகள்!
தொலைபேசும் மக்கள்!
தொல்லைகாட்சி என மெல்ல!
நகராமாய் இல்லை நரகமாய்!
உருமாறி வருகிறது என் சொர்க்கம்

; சண்டையொழி..!
01.!
இது என் முதல் கொலை.. !
--------------------------------!
துரத்தி துரத்தி பெண்களை வெட்டுகிறாய்!
வெட்டு வெட்டு!
இரத்தத்தில் ஊறி சரியட்டும் உனது ஆண்மை..!
குத்தி குத்தி பிய்த்து சதையுண்ணும்!
மிருகத்தைவிட நீதான் பெரிய படைப்பில்லையா!
மனிதனாயிற்றே சும்மாவா; குத்திப் போடு..!
சாதியில் ஒரு குத்து!
மதத்தின் மீது ஒரு குத்து!
இந்த தேசத்தின் நெற்றியில் ஒரு குத்து குத்து..!
ஒரு உயிர் இந்த தேசத்து மக்கள்முன்!
பட்டப்பகலில் வெட்டவெளியில் கொன்று பறிக்கப்படுமெனில்!
மடிவது பெண்ணல்ல, எம் தேசத்தின் மாண்பு;!
அதனாலென்ன நீ குத்து !
அவள் இன்னொருவனின் தங்கை!
வேறொருவனின் மகள், எமது தாய்மையின் ஒரு பெருந்துளி!
அதனாலென்ன நீ குத்து!
நீ குடித்த பால்நாற்றம்!
அவள்மீது கூட அடித்துவிடலாம்,!
காலகன்று உனை ஈன்றப்!
பெண்மை வயிறுபிடித்துனக்கு!
சாபமிட்டிருக்கலாம்;!
அதனாலென்ன நீ குத்து!
ஒன்று இரண்டு மூன்று என இருபத்தைந்து முறை!
ஒரு பெண்ணைக் கத்தியால் குத்துகிறாய்,!
உன் பெருமை உன்மீதே யுனை காரி உமிழ்ந்திருக்கும்!
நீ கண்டிருக்கமாட்டாய், உனது கண்களின் வெறித்தீக்கு!
அதெல்லாம் இரையாகிப் போயிருக்கும்..!
எனக்குப் போகாது..!
அவள் கத்தியது எனது காதுகளை மௌனமாய்க்!
கொல்கிறது; கண்களுள் தீயாய் எரிகிறது..!
ஒவ்வொரு பெண் மடிகையிலும்!
எனது அறம் எனை அறுக்கிறது!
உயிருக்குள் அழுகிறேன் நான்; உனக்கெங்கே போனது உன் ஈரம்?!
உனக்கு ஈரம் இல்லை!
ஆண் எனில் தாயின் இன்னொரு பக்கம் என்பது!
உனக்கில்லை; நீ கொல்.. குத்து.. மனிதமரு.. மாய்ந்து போ..!
எங்கே போக.. உன்னை விடுவதாயில்லை!
எனது கைகளை இதோ உயர்த்திப் பிடித்திருக்கிறேன்!
எழுத்துக்களை எடுத்தெடுத்து அரிவாளாக வீசுகிறேன்!
வீசி வீசி உனை வெட்டுகிறேன்!
வெட்ட வெட்ட சரிவது – உனது உடலாகவோ!
உதிரமாகவோவெல்லாம் இருந்துவிடவேண்டாம்!
அந்த ஆண் திமிராக!
உன் அறியாமையாக இருந்துபோகட்டும் போ..!
போடா போ..!
!
02.!
சாதி மறு; சண்டையொழி..!
---------------------------------!
சதையறுக்கும் பச்சைவாசம்!
ஐயோ சாதிதோறும் வீசவீச,!
தெருவெல்லாம் சிவப்புநாற்றம்!
முட்டாள்கள் மேல்கீழாய் பேசப்பேச!!
மாக்க ளூடே சாதி வேறு!
மண்ணறுக்கும் சாதி வேறு!
மனிதங்கொல்லும் சாதியெனில் – அதைச்!
சாக்கடையில் விட்டெறிடா!!
பெற்றவயிற்றில் மூண்ட நெருப்பு!
வெற்று சாதிக்காய் மூண்டதுவே,!
பத்துமாதம் சுமந்த நெஞ்சில் – தீண்டாமை!
தகதிமிதோம் ஆடுதுவே;!
ஐயகோ பூமிப் பந்தை!
அற்பசாதி அறுத்திடுமோ!
ஓட்டைத்தட்டில் வறுமையென்றால்!
உயிர்க்கொண்டு அடைத்திடுமோ..?!
வீட்டுக்குவீடு சாதிப்பேச்சு!
ஊரெல்லாம் ரெண்டாப் போச்சே,!
அடேய்; மனிதத்தை விற்காதே, நில்!
இனி மிருகங்களே காரி உமிழும்!!
மிச்சத்தை மீட்கவேனும்!
மனிதர்களாய் ஒன்று கூடு,!
அங்கே ஆடையற்று கூட நில்!
சாதியோடு நின்று விடாதே;!
சாதியை விடு..!
சாதி போகட்டும் விடு..!
ஓ மனிதர்களே வா’!
என் மனிதர்களே வா “நான் சாதியற்றவன்”!
சொல் “நான் சாதியற்றவன்”!
சாதியற்ற இடத்தில்தான் நாளை!
மனிதர்கள் மனிதர்களாகப் பிறக்கக் கூடும்,!
மழை நிலா காற்று போல நாமும்!
மனிதர்களாக பிறப்போம்; மனிதர்களாக மட்டுமே மடிவோம்

சமுதாய நிகழ்வுகளை உள்வாங்கி!
கவிதையாய்ப் புனையும்!
இவனது கற்பனைத் திறனே!
இவனுடைய சொத்து!
பத்திரத்தில் பதிய முடியுமா!
பலர் மத்தியில் பெருமிதம்!
கொள்ள முடியுமா!
இவன் இதை வைத்து!
உறவுகளின் உதாசீனப்படுத்தலையும்!
நண்பர்களின் நையாண்டியையும்!
மனைவியின் அன்றாட!
ஏச்சுப் பேச்சுக்களையும்!
ஒவ்வொரு நாளும் எதிர்கொண்டு!
கண்ணுறக்கம் கூட முள்படுக்கைதனில் என்ற!
இக்கட்டு தொண்டைக்குழியில் உயிர்நோக!
இறுக்கிய சூழ்நிலையில்!
சுழன்று சுழன்று வீசும்!
சூறாவளியிலிருந்து!
இவனது உள்ளுக்குள் எரியும்!
படைப்புக்கு பிரகிருதியான சுடரை!
அணையாமல்!
ஜீவன் பிரியும் வரை!
தமிழ்ப்பிரவாகம் குறையாமல்!
காப்பாற்றி வந்தான்!
தன்னை தமிழுக்கு அர்பணித்து!
மகாகவிஞன் மறைவுக்குப்பின்!
கல்லறையில் ஏற்றிவைத்த அகல் விளக்கு!
காற்றினால் அணைந்த பின்புதான்!
இவனுடைய கவிச்சுடர் விளக்கு!
இலக்கியவானில்!
விடிவெள்ளியாய் ஒளிவீசத்துவங்கியது!
காலவெள்ளம் கவிஞனை!
அடித்துச் சென்றுவிட்டபோதிலும்!
அவனது கவிவெள்ளத்தில்!
சிக்காமல் மீண்டவர் யார்!
இங்கு

நட்பின் முகவரி!
நகர்வின் முடிவு!
நண்பர்களின் எதிரி!
நரகத்தின் வாசல்!
காதலின் கோட்பாடு!
கல்லறையின் ஏற்பாடு!
கவர்சியில் மோகம்!
களத்தில் மோதல்!
அளவுகடந்த கோபம்!
அர்த்தமில்லா உறவு!
அன்பை எதிர்த்தல்!
ஆணவத்தில் வாழ்தல்!
விடாபிடி தனம்!
வீண் சந்தேகம்!
விளையாட்டுத் தனம்!
வித்திடும் பிரிவுக்கு

கறுத்த கழுகின் இறகென இருள்!
சிறகை அகல விரித்திருக்குமிரவில்!
ஆலமரத்தடிக் கொட்டகை மேடையில்!
ரட்சகனின் மந்திரங்கள் விசிறி!
கிராமத்தை உசுப்பும்!
சிக்குப் பிடித்துத் தொங்கும் நீண்ட கூந்தல்!
ஒருபோதும் இமைத்திராப் பேய் விழிகள்!
குருதிச் சிவப்பு வழியப் பரந்த உதடுகள்!
முன் தள்ளிய வேட்டைப் பற்கள்!
விடைத்து அகன்ற நாசியென!
நெற்றியில் மாட்டப்பட்ட முகமூடியினூடு!
கூத்துக்காரனின் முன்ஜென்மப் பெருந் துன்பம்!
சனம் விழித்திருக்கும் அவ்விரவில் !
பேரோலமெனப் பாயும்!
பச்சைப் பொய்கை நீரின் ரேகைகள்!
ஊழிக் காற்றின் வீச்சுக்கேற்ப !
மாறி மாறியசையும் அக் காரிருளில்!
அவளது உடல்விட்டகழ மறுக்கும் !
யட்சியின் பிடியையும் துர்வார்த்தைகளையும்!
மந்திரவாதியின் கசையும்!
ஆட்டக்காரர்களின் பறையும் !
மட்டுப்படுத்தும்!
பேரிளம்கன்னியைப் பீடித்துள்ள பிசாசினை!
அன்றைய தினம்!
குறுத்தோலைப் பின்னல் அலங்காரங்களில்!
எரியும் களிமண் விளக்குகளின் பின்னணியில்!
அடித்தும் அச்சுறுத்தியும் வதைத்தும் திட்டியும்!
துரத்திவிட எத்தனிக்கும் பேயோட்டியைப் பார்த்தவாறு!
ஆல விழுதுகளைப் பற்றியபடி காத்துக் கிடக்கும்!
பீதியோடு உறங்கச் செல்லவிருப்பவர்களுக்கான !
துர்சொப்பனங்கள்!
அந்தகாரத்தினூடே!
அவர்களோடும் அவைகளோடும்!
சுவர்க்கத்துக்கோ அன்றி நரகத்துக்கோ!
இழுத்துச் செல்லும் தேவதூதர்கள்!
அவளது ஆன்மாவைக் காத்திருக்கிறார்கள்

உலக நாடுகளின் தலைநகரங்களில்!
உரிமையோடு குரல் தந்தோம்!
அரங்கங்கள், சதுக்கங்கள், அனைத்திலும்!
நிறைந்து நின்று நியாயம் கேட்டோம்!
தமிழன் உயிர் வதைபடும் போதெல்லாம்!
ஊமையாய் நீ கிடந்தாய்!
இப்போது மட்டும் நீ ஏன் உளறுகிறாய் ?!
வாயில்லாப் பிராணிகளுக்கு!
இரங்குகின்ற உலகமே !!
நாம் வானதிரக் கத்தினோமே!
காதடைத்துக் கிடந்தாயே !!
இப்போது மட்டும் நீ ஏன் உளறுகிறாய் ?!
புங்குடுதீவு, அல்லைப்பிட்டி, வங்காலை.!
தொடர்ந்த வேளையிலே!
மூச்சடைத்துக் கிடந்தாயே !!
செம்மணி, கைதடி.. என!
தொடர்கிறது புதைகுழிகள்!
மனிதம் பற்றிப் பேசுபவரே நீர்!
ஊமையாய் போனீரோ?!
பச்சிளம் பிஞ்சுகளும், பாலறா வாயர்களும்!
பிச்செறியப்படுகையிலே எமக்காய்!
குரல் காட்ட மறந்தவர் இங்கே!
குருடாகிப் போனீரோ ?!
குருடராய், செவிடராய்!
ஊமையாய், முடமாய் கொஞ்சம்!
இப்படியே இருந்து விடுங்கள்!
ஐம்பத்தெட்டில் விதைத்த வினையின்!
அறுவடை தொடங்கிவிட்டது!
வலியை எமக்குத் தந்தவர்க்கே அது!
பரிசாய் கிடைக்கப்போகிறது!
நாங்கள் துடித்த போதெல்லாம்!
பார்த்திருந்தவர்களே - இன்னும்!
கொஞ்சம் அமைதியாய் இருங்கள்!
அவர்களும் வலியைக் கொஞ்சம்!
உணரட்டும்!
இனி வருவது அறுவடைக் காலம்!
!
- கனடாவிலிருந்து இளவரசன்

கடற்கரையெங்கும்!
பரந்து கிடக்கும் உன்!
சிரிப்பென்னும்!
கிளிஞ்சல்களை!
கைநிறைய அள்ளுகிறேன்!!
காதல்எனும்!
மணல் வீட்டை!
திரும்ப திரும்ப!
கட்டுகிறேன்!
இல்லைஎனும் அலைகள்!
இனிவராது இருக்கலாம்!!
பார்வையெனும்!
சிறு குழிகள்!
கரையோரம்!
தோண்டுகிறேன்!
கிடைப்பதென்னவோ!
கண்ணீர்எனும்!
அதே உப்புநீர்தான்!!
மணல்வெளியெங்கும்!
உன் பாதத்தின்!
சுவடுகளையாவது!
விட்டுசெல்!
முன்னறிவிப்பின்றி!
உன்போல்!
போகமுடியாதென்னால் !!
அன்புடன்!
தியாகு