பொங்கல் - பாப்பாப் பாட்டு - வேதா. இலங்காதிலகம்

பொங்கல் பொங்கல் தைப்; பொங்கல்!
பொங்கும் ஆனந்தத் தைப் பொங்கல்.!
சத்தோடு முந்திரிகை, பயறு கலந்து!
சக்கரை, பால் ருசிக்கும் பொங்கல்!
முற்றத்தில் மெழுகிக் கோலம் போட்டு!
மூன்று கற்களில் பானை வைத்து!
கரும்பு, தோரணம், கலகலப்பாய் அப்பாவும்!
கலந்து கலக்கும் தைமாதப் பொங்கல்.!
பள்ளிக்கு விடுமுறை பாலர் கூடுவோம்.!
வண்ண ஆடை அணிந்து கொண்டு!
கொள்ளை மகிழ்வில் உறவுகள் வீடுகள்!
துள்ளித் துள்ளி உலா வருவோம்.!
அவசியம் என்பது அன்றாட நிகழ்வாய்!
ஆனந்த உலாவாக ஆலயம் செல்வோம்.!
ஆசையாய்க் கூடி ஆடிப் பாடுவோம். !
ஆனந்தத் தையின் பொங்கலோ பொங்கல்.!
பா ஆக்கம் வேதா. இலங்காதிலகம்.!
ஓகுஸ், டென்மார்க்.!
28-01-2008