இரவல் தேசமிது - வேதா. இலங்காதிலகம்

18-10-2007.!
வரலாற்றுத் தாய்மண்ணை விலகி வந்த!
இரவல் தேசமிது, வாடகை வாழ்விது.!
தரளம் விளைவதாய்த் தந்திடும் தரிசனமது.!
வரவும் செலவும் வரம்பின்றி வளர்ந்து!
அரவம் ஊர்வதாய் அருட்டும் உணர்வது.!
நரகமும் சொர்க்கமும் நலங்கிடும் நாடிது.!
பரவசம் மேலாக தைலமாய் மிதப்பது. !
நிரவுதல், பூரணமெனும் மாயம் தருவது.!
விரட்டும் குளிரில் எம் விதியின் எழுத்து!
உரலில் அகப்பட்ட உலக்கையாய்ப் !
புரட்டிப் பலரை நோயில் அழுத்துவது.!
தரவின் தருணத்தைத் தக்கபடி பாவிக்கும்!
இரசவாதம், இராசதந்திரம் பலருக்குமுண்டு.!
தரமுடை எம் இன அறிமுகத் தமிழ்!
சிரம் சாய்க்கச் சிலர் துணையாவதும்!
கரம் கொடுத்து உயர்த்தப் பலருமாயிங்கு.!
பா ஆக்கம் வேதா. இலங்காதிலகம்.!
ஓகுஸ், டென்மார்க்