மெல்லிய சாம்பற்படிவாய் !
கொட்டுகிறது மழை... !
வயல், !
ஓரங்களில் தயிர்வளை !
பறக்கிற கொக்கு, குடையுடன் மனிதரும் !
மெல்லிய சாம்பலின் படிவாய்... !
காற்று வீச்சில் !
வெண் முத்தென முகம் நனைத்த நீரொடு !
அழுவது உன் குரலா... ? !
போ !
போவதுமில்லை... !
பின்னர் வா !
வருதலுமில்லை... !
கொட்டுகிறது மழை !
மெல்லிய சாம்பற் படிவாய்... !
பா.அகிலன் !
1990 !
தயிர்வளை- மழைக்காலத்தில் தெருவோரம் வளரும் சிறு பூக்களை உடைய பூண்டு

பத்து வருடம் ஆகியும் பாழாய் போன!
காதலின் பழைய நினைவுகளை!
அன்று நீ சொன்ன காதல்!
எனக்கு தெயரியவில்லை!
இன்று என் நெஞ்சம் சொல்லும்!
காதல் உனக்கு புரியவில்லை!
அன்று நீ காதல் என்றாய் உன் உணர்வை!
இன்று என் உணர்வை நீ!
காமம் என்கிறாய்.!
நியாயம் தான்,!
பலமுறை ஈமெயில் செய்தோம்!
சிலமுறை போனில் பேசினோம்!
ஆனால்!
ஒருமுறை தானே சந்தித்தோம்!
நீ மட்டும் இதை வாசித்தால்!
என்னை ஒரு முறை மட்டும்!
பேச விடு!
கொட்டி விடுகிறேன்!
என் ஆதங்கத்தை!
குற்ற உணர்வை!
ஏன் காதலை கூட!
நீ அதை குப்பையில் போட்டாலும் போடு!
அதில் தப்பே இல்லை!
நீயோ இன்று பூமியோடு!
நான் இன்று தண்ணீரோடு!
இதை புரிந்து கொண்டால் போன் போடு. !
-சீலன் நவமணி

ஓட்டு எண்ணும் முன்னரே!
ஒருதுளி சந்தேகமின்றி!
எனதுதொகுதித் தேர்தலில்!
ஏற்கனவே செயித்துவிட்டேன்!
சனநாயகத்தில் மக்கள்தாம்!
முடிவுக்காகக் காத்திக்கவேண்டும்!
பணநாயகத்தில் வீட்டு வாசலில்!
முடிவு எனக்காகக் காத்திருக்கும்!
எனது கட்சிக்காரருக்கும்!
எதிர் கட்சிக்காரருக்கும்!
என்கணக்கில் பாதியும்!
காந்திகணக்கில் மீதியுமாய்!
தேர்தல்நிதியாகப் பணத்தை!
தண்ணீராய் இறைத்திருக்கிறேன்!
எனது பணத்துடன்!
எனது பணம் மோதி!
எனது பணம் செயித்து!
என்னையும் செயிக்கவைக்கும்!
எட்டாவது அதிசயமிதை!
எங்கேனும் கண்டதுண்டா !!
எவர் செயித்தாலும் கிரீடம்!
என்தலைக்கு வந்து சேரும் !!!
செயித்த அணியிலேயே இருந்தவன்!
செயிக்கும் அணியில்தான் இருக்கிறேன்!
செயிக்கப்போகும் அணியில்தான் இருப்பேன்

அன்றலர்ந்த தோட்டத்துப் பூவின் மணம்!
விடியற்காலை காவிரி ஆற்றின் குளிர் சிலிர்ப்பு!
முற்கால சோழ காற்றூளிகளின் விசாலம்!
மோனத்தில் தவித்திடும் கருங்குயிலின் கவிதை!
கனவுகளை விரித்திடும் வயல்வெளி விண்மீன்கள் எனக்கு!
இசைவட்டில் தாலாட்டும் ”வெஸ்ட் லைப்”!
வேக ரயில் பயணத்தில் சாய்ந்து கொள்ள அம்மாவின் தோள்!
திவலைகள் படர்ந்த குளிர் கதவில் பிம்பம்!
பூச்சாடிகளில் துலிப் மலர்களின் புன்னகை!
துல்லிய நீலப் படுகைகளில் பவழப் பாறைகள் உனக்கு!
சினேகத்தை உணர்ந்துகொள்ள!
மெல்ல இறுகிக் கொள் உனக்குள் என்னை!
மொழிகளின் சிடுக்குகளிலிருந்து விடுபட்டு!
குறியீடுகள் உருகி விலகும்!
ஆனந்த மௌனத்தில்!
ஆழ்ந்து கரைந்து உயிர்ப்புருவோம்!
!
¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨¨!
!
பனிசிகரத்தின் ஆழ்குகையிலிருந்து!
வசீகரத்தின் மர்ம அழைப்பென!
கானக குரலொன்று நகர்ந்து வருகிறது!
மெல்லிய காற்றின் சுகந்தத்தில்!
கால்கள் பொடிந்து மணலாகி!
திசைகளின் வெளிகள்!
கரைந்து கொண்டிருக்கின்றன!
தருணமில்லை!
விடுபட்டுப் பறக்க வேண்டும்!
அவநம்பிக்கை தொனிக்கும்!
உந்தன் விழிகளில் கவிழ்ந்திருக்க விருப்பமில்லை!
உன் காருண்யத்தால் மட்டுமே!
விரியக் காத்திருக்கும்!
வனங்களை மலரச்செய்ய!
வாய்க்கும் தருணத்தில்!
பொன்னொளிரும்!
சிகரத்தின் அழைப்பால்!
தழைப்பாய் நீயும் ஓர் நாள்

புதியமாதவி. !
* !
நாடக மேடையில் !
அச்சம் தரும் !
அய்யனார் வேடத்தில் !
அரிவாளூடன் ஆடும் !
உன் வேஷம் !
எப்போதும் !
புன்னகைத் தவழும் !
உன் முகத்துடன் ஓட்டாமலேயே !
அழிந்துப்போகிறது !
என் விழித்திரைகளில். !
* !
மழையில் ஒளிரும் !
சிற்பங்கள் !
தூறலில் அழியும் !
ஓவியங்களுக்காய் !
வருந்ததுவதில்லை. !
உன்னைப் போலவே. !
* !
கழிப்பறைக்கும் !
கட்டிலுக்கும் !
நடுவில் என் பயணம். !
சன்னல் கம்பிகளில் !
தொங்குத்தோட்டமாய் !
என் வானம். !
எப்போதாவது !
நலம் விசாரிக்கும் !
உறவுகள் !
எப்போதும் !
எனக்காக காத்திருக்கும் !
மாத்திரைகள் !
செத்துப்போன கனவுகளுடன் !
பாடை ஏறாமல் !
படுத்திருக்கிறது !
மூத்திரவாடையுடன் !
என்னுடல். !
தீயாக !
நீ மட்டுமே !
என்னைத் தீண்ட வேண்டும் !
என்பதால்

கலக்காதே அம்மா!
கள்ளிப்பாலை..!
வயிறு சுமக்காத!
பாரத்தை!
நெஞ்சு சுமக்க!
'தாயாக' தவித்திருப்போர்!
தவமிருக்க!
தானாக வந்ததனால்!
எனதருமை!
தெரியாது போய்விட்டதோ!
என் தாயே?!
கலக்காதே அம்மா!
கள்ளிப்பாலை..!
ஆணாகப் பிறந்திருந்தால்!
அழித்திருக்க மாட்டாய் தான்!
என்றாலும்!
சேயாக எனையிங்கீன்ற நீ!
பெண்தானே? ஆணல்லவே?!
நாளை உன் மகனுக்கோர் இணை!
பெண்தானே? ஆணல்லவே?!
கலக்காதே அம்மா!
கள்ளிப்பாலை!
தினம்!
குடித்து குடித்து!
உனை!
அடித்து அடித்து!
எனைத் தந்த!
என் தந்தை!
ஆணல்ல அம்மா!
அறிந்து கொள்...!
உனை பொருளாக்கி!
உதைத்து!
உணர்வழித்து!
என் உயிரழிக்க முற்பட்ட!
வஞ்சகன்!
ஆணல்ல!
அவனுக்கு மகளாக!
எனக்கும் ஆசையில்லை!
ஆனாலும்!
கலக்காதே அம்மா!
கள்ளிப்பாலை!
எனையோர்!
அரசு தொட்டிலில்!
விட்டு விடு...!
எனைபோல்!
அக்னி குஞ்சுகள்!
ஓர் நாள் நெருப்பாகும்!
வெந்து வீழுமம்மா!
வீணர் ஆணாதிக்கம்..!
வீட்டில் பெண்ணை!
அடிமைப் படுத்தும்!
மூடர் பரம்பரை!
மண்ணில் சாய!
வேர் பொசுக்கி!
வெற்றிக் கொள்வோமம்மா...!
அதுவரை!
கலக்காதே அம்மா!
கள்ளிப்பலை!
எனையோர்!
குப்பைத்தொட்டியிலாவது!
எறிந்து விடு!
கலக்காதே!
அம்!
ஆ.........!
-உமா

************ !
என் கையெழுத்தைப் பார்த்ததும் !
கண்டுபிடித்து விடுவாயோ ! !
சிறுமூளையின் ஏதோ ஒர் அறையில் !
சிறைபட்டுக் கிடந்த நினைவுகளைச் !
சிறகடிக்கச் செய்வாயோ ! !
பயணச்சீட்டு வாங்கிக் கொடுத்துப் !
பரிச்சயம் ஆன அந்த நாள் முதல்.... !
படிக்கட்டில் அமர்ந்து பாடங்களையே !
படிப்பதாய் பாவணைகள் செய்த அந்த நாள் முதல்...! !
'எனக்காக இதைச் செய்யக் கூடாதா?' !
ஏக்கமாய்க் நீ கேட்ட அந்த நாள் முதல்... !
அந்த மழை நாளில்... !
கல்லூரிப் பருவத்தின் கடைசி நேரத்தில்... !
'இன்றாவது சொல்லிவிட மாட்டாயா?’ !
என்ற எதிர்ப்பார்ப்புடன்... !
எதார்த்தமாய்க் கைகுலுக்கி.. !
என்றும் போல் புன்னகைத்துப் பிரிந்த, !
அந்த கடைசி நிமிடம் வரை... !
அத்துனையும் உன் நினைவிற்கு வருமோ ! !
உனக்கான விழா அழைப்பிதழை !
அஞ்சல் செய்து விட்டு, !
உன் இருக்கையை வெறித்தபடி நான்...! !
யார் கண்டது? !
இந்நேரம் உன் இருப்பிடம் கூட !
இடம் மாறி இருக்கலாம்

வகையறுந்த நம்முறவுகள் நசுக்கப்படும் போது!
உலகம் எம்மை வேடிக்கை பார்த்தது-ஏனெனில்!
நமக்கொன்று ஓரசலில்லை !
முட்கம்பி வேலிகளும் முள்ளிவாய்க்கால்களும்!
எம்முரிமைகளை தட்டி பறித்தன-ஏனெனில்!
தட்டி கேட்டோர் நசுக்கப்பட்டனர் !
சின்னாபின்னமான உடல்களும்!
சிதறிய தேசமும் எம்மை அச்சுறுத்த!
போவதில்லை--ஏனெனில்!
அவை அழியாத கொடூர வடுக்கள் !
நம்மினத்தின் அழிவில் -குளிர்காயும்!
சிங்கள தேசத்தின் எக்காளம்!
ஒரு நீர்மேல் குமிழிதான்-ஏனெனில்!
தமிழினம் ஒன்றிணைந்து விட்டது !
நாடு நாடாய் அகதி வாழ்க்கை!
தேவைதானா எம்மினத்திற்கு இன்னும்!
நம் தலைவன் ஊட்டி வள்ர்த்த தமிழீத்தீ!
உலகெங்கும் பரவிட!
அவன் காட்டிய வழியில் சென்று - நாம்!
தமிழீழ அரசொன்று அமைத்திடுவோம்

உருதுக்கவிதை. கவிஞர் தர்ணம் ரியாஷ் (Tarannum Riyaz) !
பழைய புத்தகம் !
=============== !
புதிய ஓளி !
புரியாதச் சுவை !
அறிமுகமில்லாத அறிமுகம் !
இன்னும் தெரியவில்லை !
நீ யாரென்று! !
ஆனாலும்- !
உன் இனிய நினைவுகள் மட்டும் !
பழையப் புத்தகத்தின் வாசனையைப் போல !
என் உள்ளத்தில். !
உறவுகள் தொடரட்டும் !
====================== !
நண்பர்களின் சந்திப்பு தொடரட்டும் !
தொலைபேசியிலாவது தொடரட்டும் !
இன்று மறந்தால்.. !
நாட்கள் மாதங்களாகும் !
மாதங்கள் ஆண்டுகளாகும் !
ஆண்டுகள் கடந்து !
தொலைபேசி அழைத்தால்.... !
தொலைபேசியின் எண்கள் மாறியிருக்கலாம் !
தொலைபேசியே இல்லாமல் போயிருக்கலாம் !
ஏன் அவனும் கூடத்தான். !
மொழிபெயர்ப்பு : புதியமாதவி

ட பிரிவு..!
------------------------------------------------------!
யாருமற்று தனிமையில் காற்று!
பெருமழையென பொழிந்து கொண்டிருந்தது..!
நுண்ணிய இசை நிறைந்த அறையில்!
பருகிய நெடி மீதமான!
நான்கைந்து தேநீர்க் கோப்பைகள்!
மேசை மீது கிடத்தப்பட்டிருந்தன..!
ஒரு உறவின் இணக்கம் பதிவுற்ற!
காகிதங்களில்!
பதிந்திருந்த எழுத்துக்களை அழித்து!
பிணைப்பெனும் நிறமற்ற நீர்!
வெறுமையாய் வழிந்து கொண்டிருந்தது..!
தனிமையின் விளிம்பில் கிடக்கும்!
வெற்றுக்காகிதங்களைக் கிழித்தெறியும்!
காற்றைப் பெருமழையென!
பொழிந்து கொண்டிருந்தது மின்விசிறி