நான் ஏற்கனவே செயித்துவிட்டேன் - துரை.ந.உ

ஓட்டு எண்ணும் முன்னரே!
ஒருதுளி சந்தேகமின்றி!
எனதுதொகுதித் தேர்தலில்!
ஏற்கனவே செயித்துவிட்டேன்!
சனநாயகத்தில் மக்கள்தாம்!
முடிவுக்காகக் காத்திக்கவேண்டும்!
பணநாயகத்தில் வீட்டு வாசலில்!
முடிவு எனக்காகக் காத்திருக்கும்!
எனது கட்சிக்காரருக்கும்!
எதிர் கட்சிக்காரருக்கும்!
என்கணக்கில் பாதியும்!
காந்திகணக்கில் மீதியுமாய்!
தேர்தல்நிதியாகப் பணத்தை!
தண்ணீராய் இறைத்திருக்கிறேன்!
எனது பணத்துடன்!
எனது பணம் மோதி!
எனது பணம் செயித்து!
என்னையும் செயிக்கவைக்கும்!
எட்டாவது அதிசயமிதை!
எங்கேனும் கண்டதுண்டா !!
எவர் செயித்தாலும் கிரீடம்!
என்தலைக்கு வந்து சேரும் !!!
செயித்த அணியிலேயே இருந்தவன்!
செயிக்கும் அணியில்தான் இருக்கிறேன்!
செயிக்கப்போகும் அணியில்தான் இருப்பேன்