தமிழ் கவிதைகள்
செம்மஞ்சள்..தொலைவிலும்..ஒரு பனித் துளி
எம்.ரிஷான் ஷெரீப்
தொலைவிலும் அருகிலும் மிதக்கும் கடல்...ஒரு பனித் துளி ஈரம் !
01.!
செம்மஞ்சள் பொழுதின் வானம்!
-----------------------------------------!
பூர்வீக வீட்டிலிருந்து சற்றுத் தொலைவுதான் எனினும்!
நடந்தே செல்லத் தலைப்பட்டோம்!
அரூப ஆவிகள் உலவும் தொன்ம பூமியென!
வழி காட்டியவர்கள் சொன்ன கதை கேட்டு அச்சமுற்றாயா!
எத்தனையெத்தனையோ தலைமுறைகளுக்கு ஊணிட்ட!
வேலிகளற்ற தரிசு வயலது!
பரந்து விரிந்த எம் பண்டைய பூமி!
வண்டி கட்டிச் சென்று மூத்தோர் விவசாயம் பார்த்த!
சருகுக் கோரைப் புற்கள் விரவிக் கிடக்கும் பயிர்நிலம்!
என் ஞாபகத்திலொரு பூநெல்லிச் செடியிருக்கிறது!
நிலா இரவுகளில் முற்றத்தில் பாய்விரித்து!
தலைகோதிக் கதை சொன்ன அம்மா நட்ட செடி!
பிஞ்சு விரல்கள் வலிக்க வலிக்க!
மூக்கு நீண்ட பேணியொன்றில் நீரேந்தியூற்றி!
நானதை வளர்த்து வந்தேன்!
அந்நிய நகரத்தில் நீயும் நானும்!
அலங்காரத்துக்காக வைத்திருக்கும் போலிச் செடி போலன்றி!
அது நன்கு தளைத்திருந்தது!
தேசம் விட்டகன்ற நாளில்!
அக் காலத்தில் நிழலுக்கென்று வளர்த்திருக்கக் கூடிய!
கொன்றையும் வேம்பும் இன்ன பிற மரங்களும்!
குளிர்ச்சியைத் தந்திருக்கும்!
கூடவே களைப்பறியாதிருக்க வாய்ப்பாடலும்!
கூட்டுக் கதைகளும் வெற்றிலையும்!
சிறு காயங்களுக்குச் சேற்று மண்ணுமென!
உழுத பின் வாடிக் களைத்த மூத்தவர்கள்!
அங்கமர்ந்து ஓய்வெடுத்திருப்பர்!
இன்று!
சட்டை கழற்றிச் சென்றிருந்ததொரு சர்ப்பம்!
தூர்ந்துபோய் வான் பார்த்திருக்கும் பெருங்கிணறும்!
பல பிரேதங்களைச் சுமந்திருக்கக் கூடும்!
எம் மூதாதையரின் இதிகாச ரேகைகள் பரவிய நிலத்தை!
பாதி விழுங்கிச் செரித்திருக்கின்றது கருவேலங்காடு!
அநேகப் பெருவிருட்சங்கள் மரித்துவிட்டன இப்போது!
வலிய துயர்களைக் கண்டு தளர்ந்து கிடக்கிறது பூமி!
அதன் உடலிலின்னும்!
சுருக்கங்களைத் தீட்டிக் கொண்டேயிருக்கிறது!
கோடை காலத் தூரிகை!
அத்தி மரத்தில் சாய்ந்து நின்றபடி!
அந்திப் பேய் வெயில்!
மஞ்சளாய் ஊடாடிய தரிசு வெளி பார்த்துச் சட்டென!
''வான்கோ'வின் ஓவியமும் குரூர ஆயுதங்களும்!
ஒருங்கே கலந்த நிலம்' என்றாய்!
தங்க பூமியின் ஆகாயத்தில்!
செஞ்சாயம் கலந்தது வேறெப்படியாம்!
!
02.!
தொலைவிலும் அருகிலும் மிதக்கும் கடல்!
-----------------------------------------------------!
துல்லியமான நீர்ப்பரப்பு!
கூழாங்கற்களைப் போர்த்திப் படர்ந்திருக்கிறது!
சலனமற்றிருக்கிறது ஈர நிலத்தின் சயனம்!
போர்வையின் பாசிப் பூக்களும் பசிய அலங்காரங்களும்!
அசைந்தசைந்து!
காற்றின் தாலாட்டுக்களை இசைக்கின்றன மௌனமாய்!
உன் கையிலொரு மதுக் குவளை!
'அதிதிகளாய்ப் பறவைகள் வந்திரையும்!
மா கடலின் மேலேயான வானம் பற்றித் தெளிவாகத் தெரியும்!
சமுத்திரம் பற்றி மட்டும் சொல்' என்றாய்!
'இறுதி மதுவில் கரைந்தழியும் பேரண்டம்'!
வேறென்ன சொல்ல இயலும்!
03.!
ஒரு பனித் துளி ஈரம் !
-------------------------------!
இலைகளை உதிர்த்தழும் விருட்சங்களைத் தடவிக் கொடுத்து!
தாண்டிச் சென்ற கோடையைக் கழுவி!
ஞாபகக் கொடியில் காயப்போட்டாயிற்று உலர்த்தவென !
வெண்சாயங்களில் தோய்த்தெடுத்த இழைகளைக் கொண்டு!
குளிர்காலக் கம்பளிகளை!
பின்னுகிறது காலம் !
அதைப் பிடித்துக் கொண்டு படர்கிறது!
நேற்றைக்கு முந்தைய தினங்களில் துளிர்விட்ட!
சிறு ஒற்றைக் கொடி!
வைசாக தினங்களில் வெண்ணிற ஆடையும் பூக்களுமென !
விகாரைக்கு அணிவகுத்துச் சென்ற பக்தர்கள் !
எறிந்து போன சிறு விதையாக இருக்கலாம் தாவரத்தின் மூலம்!
நிலம் பிளந்து வந்த கொழுந்துக்குப் புதிது!
அலையெனச் சுழலும் காற்றும்!
நிமிரும்போதெல்லாம் !
உற்றுப் பார்த்தவாறிருக்கும் பரந்த ஆகாயமும் !
விசாலமாய் நகரும் பூச்சிகளும் இன்னபிற ஜந்துக்களும்!
இன்னும் !
மிதிக்கக் காத்திருக்கும் மனிதர்களும்!
வரும் காலங்களில்!
அதன் கிளைகளில் வந்தமரும் அணில்கள்!
இன்னும் பிறக்கவேயில்லை!
இலைகளின் மறைவுகளுக்குள் தம் !
கூடுகளைச் செதுக்கக் கூடிய பட்சிகள்!
கண்டங்கள் தாண்டி இன்னும் புலம்பெயரவேயில்லை!
வேர்களை வளப்படுத்தும் புழுக்களும்!
இன்னும் நகரவேயில்லை எனினும் !
எப்போதோ மனிதன் உறிஞ்சியகற்றி விட்டான்!
தாவரங்களுக்கான ஈரத்தை!
மண்ணிலிருந்தும் மனதிலிருந்தும்!
பனிக் கூட்டம் விடியலை!
பேரோசையுடன் பாடும் சொப்பனங்களெல்லாம்!
காடுகளால் நிரம்பி வழிகின்றன!
தீயிடம் யாசகனாக்கும்!
குளிர் காலத்தின் நீள இரவுகளிலும்!
வனங்களைத் தொழுத ஆதிவாசிகளை!
கடவுளிடம் மீளக் கொடுத்துவிட்ட இக் காலத்தில்!
துளிர்த்திடப் போதுமானதாக இருக்கலாம்!
தளிரின் வேருக்கென !
இப் பேரண்டம் தரும்!
ஒரு பனித் துளி ஈரம்
அன்பைத்தேடி
ஆதித்தியன்
வீட்டைத்தவிர அணைத்தையும் விற்று!
விருப்பப்படியே படிக்கவைத்தோம்…!
!
இன்று…!
வெளியூரில் அவன் பெரிய மருத்துவன்!
உள்ளூரில் நாங்கள் உழைத்துத்தேய்ந்து!
நோயாளிகளாய்…!!
முதல் தேதியில்!
ணம் மட்டும் மணியாடர்!
மூன்று மாத்ததிற்க்கு ஒருமுறை!
மருந்து மாத்திரை பார்சலிலே..!!
நலம்,நலமா?!
உயிரற்ற எழுத்துக்களை உடலில் தாங்கி!
அவ்வப்போது கடிதங்கள் ..!!
அவன்,!
அங்கு நவீன மருத்துவன்!
நாங்கள் இங்கு,!
நாடி மருத்துவனிடம்..!!
!
இறுதி நாட்களை கழிப்போம் மகனிடம்!
என்று நாங்களும் புறப்பட்டோம்!
முறுக்கு வத்தல் வகைகள் அடங்கிய!
கோணிப்பையுடன் குதூகலமாய்…!
வாங்க நலமா?!
என்ன திடீரென?!
இரண்டே வார்த்தைகள்!
எங்கோ கிளம்பினான்.!
நாங்கள்!
உழைத்து தேய்ந்தவர் என்பதனால்!
ஒடிந்தவை தேய்ந்தவை போடும் அறையை!
ஒதுக்கித்தந்தாள் மருமகளும்.!
!
மாலையில் வந்த அன்பு மகன்!
தேவையை மட்டும் சொல்லுங்கள் என!
அறைக்குள்ளேயே சிறைவைத்தான்.!
குடும்பத்துடன் அவர்கள்!
வெளியே செல்கையில்!
காவல் நாய்களாய் நாங்கள் இருவரும்..!!
உணவு உடை எல்லாம் கிடைத்தது!
உண்மை அன்பின் முகவரி கிடைக்கல…!
போலி அன்பின் வெம்மை தாங்காது..!
இதோ…!
புறப்பட்டு விட்டோம்!
கிராமத்தை நோக்கி…!!
!
நாளை என் மகனும்!
அன்பைத்தேடுவான்!
அவன் மகனும்….!
படிக்கிறான் ‘அமெரிக்காவிலே’!! !
!
-கவிஞர் ஆதித்தியன்
கோடை வெய்யில்.. கோடை மழை
பிரதீபா,புதுச்சேரி
மண்ணில் விழுந்ததால்!
நீயுமா !
மனிதனானாய்!!
ஏமாற்றுகிறாயே !
உன் கானல் நீரால்....!
கோடை மழை!
பூமித் தாயின் !
வறண்ட கன்னங்களை!
வான் முத்தமிட்டதோ!!
ஆதலின் !
ஈரம் தங்கிவிட்டதோ!....!
இருவழிப் பாதை!
இன்றய இருவழிப் !
பாதையை தான்!
அன்றே அனில் மீது!
எங்கள் ராமன் !
வரைந்தானோ!....!
!
-பிரதீபா,புதுச்சேரி
கடைசி இருக்கை.. மிதந்து..சிட்டுக்குருவி
கிண்ணியா பாயிஸா அலி
01.!
கடைசி இருக்கை !
----------------------!
மொழிபெயர்க்க முடியாத கிறுக்கல்களோடும்!
சிறு உடைசல்களோடுமாய்!
எல்லா வகுப்பறைகளுக்குள்ளும்!
உட்கார்ந்திருக்கிறது!
ஒரு கடைசி இருக்கை.!
எண்ணெய் வரண்டும் செம்மை கலைந்துமான!
பரட்டைத் தலையோடும்……!
சொட்டுநீலம் சீராய் பரவிடாத!
சுருக்கம் கலைந்திடாத சீருடையோடும்…!
நிறமுதிர்ந்தும்!
பளபளப்பு கரைந்ததுமான சூக்களோடும்….!
பாதிசோகமும் மீதிமுரட்டுப் பிடிவாதமுங் கலந்த!
முகமணிந்தபடியுமாய்….!
எப்போதுமேயதில் புதைந்திருக்கிறான்!
அக்கதிரையின் சொந்தக்காரன்.!
இதுவரை அணையாதெரிந்த!
இனவன்முறையின் ஏதாவதொரு கிளைத்தீயிலோ!
இல்லையேல் வேறெத் தழலிலுமோ!
பொசுங்கிப்போன தம் வாழ்வெண்ணியே!
பேதலித்துக் கிடக்கிறாளோ!
அவனது விதவைத்தாய்.!
கூரையில் மிதக்கும்!
நிறைவேறாக் கனவுகள் யாவையுமே!
ஒரேயொரு அதட்டலுக்குள்!
புதைத்தவாறே பதகளிப்போடு!
கிளரத் தொடங்குவான்!
ஸிப்பறுந்த தனது புத்தகப்பையை!
குடியிருப்பிலிருந்தும் !
மிகத்தூரமாய் முளைத்திருக்குமொரு!
எல்லைப்புறக்குடிசைபோலவே!
எல்லா செயற்பாடுகளிலும் !
தன் சகபாடிகளை விட்டும்!
ஒதுங்கியே நிற்கிறான் அல்லது!
ஒதுக்கப் பட்டிருக்கிறானவன்.!
இவ்வாறே !
ஒவ்வோர் பாடவேளையிலும்!
பின்னூட்டலுக்கும் விசேட பரிவுக்குமான!
தன்னிலைப்பாட்டினை!
மருளும் விழிகளினூடே!
ஒழுகவிட்டபடி!
அன்பையும் கருணையையும்!
அவாவி நிற்குமோர்!
பிஞ்சு இதயத்தை!
எப்போதுமே சுமந்தபடி!
எல்லா வகுப்பறைக்குள்ளும்!
உட்ககார்ந்திருக்கிறது!
ஒரு கடைசி இருக்கை!
கிழிந்த சிப்புடனோ அல்லது!
பொத்தான் அறுந்த சட்டையுடனோ. !
02.!
மிதந்து வரும் நுரைப்பூவாய்..!
-------------------------------------!
போவதா விடுவதாயென !
இடைவிடாதடித்த எண்ண அலைகளினூடே !
சரி போவோமெனக் கரையொதுங்குது மனசு. !
அதிதியுரை ஆய்வுரை !
நயவுரை நன்றியுரையென !
விரிகிற உரையலைகளினூடே !
மிதந்து வருகிற நுரைப்பூவாய் !
நான் மட்டுமே காணுகிற உன்னோடு !
பேசவே விரும்புதது !
எல்லாமும் முடிந்து நூலோடு வீடேகிய வேளையிலும் … !
அங்கே தொடங்கிய சிடுப்பான சிணுங்கலை !
இங்கேயும் தொடர்கிற சின்னவளுக்கு !
ஆடைமாற்றுகிற வேளையிலுங் கூட !
ரசித்தவை பிடித்தவை !
முகம் சுழித்தவையென்றாகிய !
ஒருநூறு சேதிகளையும் !
பகிர்ந்திடவே ஆதங்கிக்குதது. !
நிலா, நட்சத்திரங்களின் !
சன்னமான குறட்டையொலிகள் தவிர !
மற்றெல்லாமுமே மௌனித்துக் கிடக்கிற !
இந்நிசியின் நிசப்தங்களுக்குள் !
தற்செயலாய் விழித்துக் கொண்டு !
தனிமைப் படுகையிலே … !
அட சற்றுமுன்னமாவது பேசியிருக்கலாமோவென !
மறுபடியும் முணுமுணுக்கத் தொடங்குதது !
மிக அருகிருந்தும் …. !
ஒரு புன்னகைதானும் !
பூக்க மறுக்கும் உன்னோடு.!
!
03.!
சிட்டுக்குருவியே... என் சிட்டு குருவியே…..!!
---------------------------------------------------!
இப்போதெல்லாம்….. !
முற்றத்துப்பூமரங்களும் குப்பைகூளங்களை !
உற்பத்திப்பதேயில்லை. !
ஷம்பூ மணக்கும் குளியலறைத் தரைவிளிம்புகளி;ல் !
அழுக்குப் பாசிகளோ வளருவதேயில்லை. !
துவைக்காத துணிகள்கூட !
சலவைத்தூள் விளம்பரத்தில் மடமடக்கும் !
அழுத்திமடித்த ஆடைகளாய்…. !
அலம்பாத பாத்திரங்களும் பளபளப்பில் !
நட்சத்திரங்களை வென்றபடி… !
இப்போதெல்லாம்….. !
சமைக்காத சட்டிபானைக்குள்ளும் !
கறிவேப்பிலையும் ஏலமும் கமகமக்கும் கறிசோறு !
ஈரத்துணியுரசாத தரையோடுகளிலும் !
படிவதாயில்லை தூசுத்துணிக்கை !
இப்போதெல்லாம்….. !
புதிதாய் அணிந்தும் அள்ளிப்போட்டுக் கொண்டுமான !
மாலைநேரப் பயணங்களிலெல்லாம் !
மனசு இஸ்டப்படுவதேயில்லை !
மேசை இழுப்பறைக்குள் வாரப்பத்திரிகையின் !
கவிதைப்பக்கங்களை நறுக்கிப; போடத் தோணுவதுமில்லை !
இணையத்தில்கூட புதிதாயொன்றும் !
இணைப்பதாயுமில்லை !
சின்னத்திரைகளுக்குள் !
மூக்குச்சிந்திக்கூட வெகுநாளாச்சு. !
வழிபாடும் அது சார்ந்தவையும் தவிர்ந்து !
முழுநாளின் தேடலுமே உன் !
ஒற்றைப்பைக்குள்ளேயே ஒடுங்கிப்போனதா..? !
சிட்டுக்குருவியே…சிட்டுக்குருவியே… !
வெண்பஞ்சு மேகங்களை இறகாயணிந்தே என் !
மனசு முழுக்கச் சிறகடிக்குமென் !
சின்னக்குருவியே..கொஞ்சம் வாயேன். !
இன்றைய உன் வகுப்பறைக்குள் கடைசிமணி !
எப்போது ஒலிக்குமென சொல்லிவிட்டுப் போயேன்
பெண் மொழிகள்
வேதா. இலங்காதிலகம்
நிறையும் உணர்வு, செயற்பாடு எழுதி, !
மறைவின்றிப் பச்சை பச்சையாகப் பலர், !
இறைக்கிறார் கவிதைகள், இது விடுதலையாம். !
இலையாடைப் பிறப்பு, நிர்வாண நிலையருக, !
தலையெடுப்பு நாகரீகம் பல உயர்படிகளாக. !
அலைபுரண்டது மதிப்பு மரியாதையென !
வலை விரித்தது நாகரீக உறவாடல்கள். !
--------------------- !
மனிதம் நாகரீக உச்சம் கண்டதென்று !
மடங்கி விழுந்ததோ இன்று தொப்பென்று! !
ஆதியில் பேசினோமே பச்சை பச்சையாக, !
நீதியில்லையாம் அதை மூடிமறைப்பது! !
ஆடையெதற்கு இன்று எமக்கு அங்கத்திலே !
ஆதியில் திரிந்தோமே நிர்வாணமாயென்று; , !
வாதிக்கமாட்டாரோ அடுத்த வாரிசுகள்? !
போதிக்கும் வழியோ இப் பெண் மொழிகள். !
------------------------ !
புல்லை, புவியை, புலர்காலை அழகென்று !
சொல்லை உழுத கவியுலகில் பெண் மொழி !
முல்லை மணம் வீசுமோ! கல்லையாகுமோ! !
எல்லையின்றி எங்கு போய் முடியுமோ? !
பெண்களின் கவிதையானால் இன்று சிறு !
பின்வாங்கல் அதில் மேய்ந்திட, ஐயகோ! !
பெண் மொழிகளாற் தலை சுற்றுகிறது. !
என்ன இது! கவியுலகம் எங்கே போகிறது! !
---------------------------- !
பா ஆக்கம் - வேதா. இலங்காதிலகம். !
டென்மார்க்
அவசரத் தீர்மானம்!
இன்பசுதேந்திரன்
பூபாலத்தில்!
வெயிலைத் தொலைத்துவிட்ட!
அந்தச் சூரியன்!
முதுமை கொண்ட!
அந்தி வேளையிலே......!
மலையுச்சியில் பறவைகள்!
தங்கள் இனத்தோடு!
கூடு திரும்பின!
ஒரு சோதிடன் கொட்டாவி!
விட்டுக் கொண்டே குளித்த!
அந்த வேளையில்!
அரசியல்வாதிகளின் பேச்சில்!
நம்பிக்கையில்லாத் தீர்மானம்!
கொண்டு வந்த ஒரு கிழவி!
வெற்றிலை குதப்பிய!
வேளையில்தான்!
இந்த நிலவு இருட்டிற்கு!
வெளிச்சம் தந்தது!
அவள் வருவதாயில்லை
ரவி (சுவிஸ்)
உதிர்த்துக் கொட்டிய பேய்ச்சோகம் !
அவள் முகத்தை சருகிட்டிருந்தது !
அப்படியான ஒரு பொழுதில் !
மீண்டும் அவளை நான் !
சந்தித்தேன் திட்டமிட்டபடி. !
!
கடல் எனது அலைகளையெல்லாம் !
வாரியெறிந்து !
அவளின் பாறையில் !
சிதறிக் கொட்டியது. !
வார்த்தைகளின் முழு வலுவையும் திரட்டி !
அவள்மீது அறைந்தேன் நான் !
அறையவும் முடிந்தது அப்படி !
அவைகளை நான் !
தயார்செய்து வைத்திருந்ததால். !
!
என்னை அசைத்தது அவளின் மௌனம்; !
என்றேயாகுக !
எனக்கு பைத்தியம் பிடித்துவிட்டதா !
அவள்மீதான நெருக்குதல்களை எப்படி நான் !
எனது உரிமையாக்கினேன் !
எங்ஙனம் சாத்தியமாகியது !
கிறுக்கிய வரிகளிடை !
கவிதை தோய்ந்தெழுந்த தாள்களையெல்லாம் !
மனசு விரைந்து தேடுகிறேன் !
அந்த வார்த்தைகளின் ஆண்மனத்தை எரித்துவிட !
அதன் வெறியை எரித்துவிட. !
!
அலைகள் ஓய்ந்த பொழுதில் !
எனது மௌனத்தை கடல் !
தாலாட்டியது. !
நான் நொந்துபோயிருந்தேன். !
அவள் இன்று வருவதாயில்லை. !
!
வானம் பறவைகளை உதிர்த்ததான !
பொழுதில் நான் !
பறிபோயிருந்தேன். !
-ரவி (சுவிஸ்)
மரபுகளை முறித்து
நிர்வாணி
ஏனெனில் நீயும் நானும் ஒன்று!
உன்னுடைய ஒவ்வொரு அசைவையும்!
என்னால் வரையறுக்கமுடியும்!
ஏனெனில் உனக்குள் நான்!
நீ ஜாதி வெறிபிடித்த அப்பனின் குழந்தை!
நான் ஜாதியால் ஒதுக்கப்பட்ட மனிதம்!
நீ துள்ளி விளையாடிய சிங்கக்குட்டி!
நான் கட்டி வைக்கப்பட்ட கன்றுக்குட்டி!
ஆனாலும்!
இங்கே நெருப்புக்கும் பஞ்சுக்கும் காதல்!
எலிக்கும் பூனைக்கும் உறவு!
மரபுகளையும் முறித்துக்கொண்டு
ஈழத்தமிழ்க்கருவின் கதறல்
பிரியா பாஸ்கரன்
இறப்பில் உள்ள உன்னில்!
லெமுரியா கண்டம் வாழ்ந்த!
தமிழன் முதல்!
இனம்புரியா இன்றைய!
தமிழன் வரை!
வாழ்ந்த தமிழ் மக்களின்!
மரபணுவால் வருவானது நான்!
என்பது வித்தையே !!
அம்மா ! !
நான் வெளிவரும் முன்னே!
உருவான நாள் முதல்!
என்னால் நீ பட்ட துயரை!
நான் அறிவேன்!
உன்னால் நான் பட்ட துயரை!
நீயறியாய்!
ஒரிரு நாளில் வெளிவரும் முன்னே!
உன்னோடு நான் கதைக்க!
விரும்புகிறேன்!
அம்மா !!
நினைவிருக்கிறதா !!
என்று எனக்கு!
அகவை மூன்று திங்கள்!
மெல்லிய மலர் மீது!
வல்லிய வன் கதிர்!
கல்வியதன்ன தீண்டியது என்னை!
கண நேரம் துடித்தேன் நான்!
நாழிகை ஓறிரண்டு கழித்து!
நாவினால் விழுங்கினாய் நீ ஒன்றை!
நாணில் புறப்பட்ட அம்பாய்!
நாற்புறமும் நஞ்சாய்!
அறித்தது என்னை!
எந்தையும் நீயும்!
கொஞ்சுக் குழாவியயில் நான் அறிந்தேன்.!
பிஞ்சு நான்!
ஐந்தாவது பெண் என்று!
வேண்டாது இது என்று!
சுரக்காது தாய்ப்பால் என்று!
கொடுத்தாய் இஞ்சிசாறு அன்று!
மாடுகாட்டி போரடித்தால்!
மாளாது செந்நெல் என்று யானைகட்டி போரடிக்கும்!
அழகான தென்மதுரைச் சீமையிலே!
பெண்ணொருத்தி!
களத்து மேட்டில்!
விளைந்த தானியத்தை!
கல்வேறு பொருள்வேறாக!
களைந்து கொண்டு தனித்திருக்கையில்!
பசி கொண்ட புலி ஒன்று!
புசிப்பதற்காக அவளை நோக்க!
தான் கொண்ட முறத்தாலே துரத்தினாலே!
அவளின் மரபணு என்னுள் இருக்குதம்மா!
அன்றொருநாள் !!
கல்தோன்றி மண் தோன்றா காலத்தே!
வாளொடு முன் தோன்றியது எங்கள் குடி!
தமிழ்குடி என்னும் சிந்தையிலே நான் இருந்தேன்!
ஆனால் நீயோ !!
திராவிட நாகர்கத்திற்கு முற்பட்டது!
ஆரிய நாகரீகம் எனும்!
தவறான வரலாற்றை உண்மை என்றாய்!
ஒவ்வாத நம் வாதத்தால்!
ஒ என நீ எடுத்தாய் வாந்தி!
மற்றொரு நாள்!
மானுடனாய் பரவிய நாம்!
திராவிடனாய் சுருங்கியதை எண்ணி!
நானிருக்கையில்!
ஆனால் நீயோ !!
இந்தியா என் தாய்நாடு!
இந்தியர் அனைவரும் என் உடன்பிறந்தோர்!
என்றாய்.!
அம்மா !!
தவறான வரலாறு வேண்டாம் என்று கதறினேன்!
திராவிடனாய் இருந்த என் அண்ணன்!
கர்நாடகன் என்னும் இந்தியனாய் மாறிய பின்!
தண்ணீர் தர மறுத்ததால்!
தமிழன் நான் வடித்த கண்ணீர் தான்!
அம்மா ! உன் பனிக்குட நீர்!
இறுதியாய் அம்மா !!
என் முப்பாட்டன் வயிற்று பேத்தி!
உன் மகள்!
தாயின் முலை அறுபடுவதை பார்த்து பயந்து!
தகப்பன் மண்டை ஒட்டல் அடிப்பட்டு!
செஞ்சோலை இல்லத்தில் தங்க வைக்கப்பட்டால்!
அவளோடு சேர்த்து தொண்ணூறு குழந்தைகள்!
சிங்களன் வீசிய குண்டில் மாய்ந்த செய்தியை!
அறிவித்த தொலைக்காட்சி அலைவரிசையை மாற்றி!
மானாட மயிலாட பார்த்தாயே அப்பொழுது எட்டி உதைத்தேன் அம்மா உன்னை!
ஆனால் நீ!
பெட்டைக்கோழி கூவுது என்றாய்!
அம்மா!
நான் கண்ணீர் விட்டு!
கதறுவதும் கதைப்பதும்!
உன் காதிற்கு எட்டாது!
ஆம் அம்மா !!
அம்மா என்னும் சொல்!
உன்னை பொறுத்தவரை!
ஆடு, மாட்டிற்கு உரியது!
அம்மா!
இறுதியாய்!
வேண்டாத குழந்தையாய் என்னை சுமந்து!
குழந்தைகள் தினம் கொண்டாடும் தலைவியாய் இருக்கும்!
உனக்கு மகளாய்!
இன உணர்வற்ற வந்தன்!
ஈன வயிற்றில் பிறந்து!
மண்ணுக்கு உரமாவதைவிட!
ஈழப் போராளியின் வயிற்றில் பிறந்து!
தனித்தமிழ் ஈழ மண்ணின் மைந்தனாய்!
என் மகனை வாழ வைக்க!
வாளேந்துவேன் வீர மகளாய் !!
இறுதியாய் அம்மா!
தமிழ் இன, மொழி உணர்விருந்தால்!
எனை ஈன்று எடு!
இல்லையேல்!
எனை கொன்றுவிடு !!
!
-பிரியாபாஸ்கரன்!
---------------------------------!
அட்சய பாத்திரமாய் அன்று!
பிச்சை பாத்திரமாய் இன்று!
தமிழன் !!
---------------------------------!
தமிழகத்தில் தீபாவளி !
தமிழ் ஈழத்தில் தீராவலி!
வெடிசத்தம்
வானமெங்கும் வஞ்சியின் வடிவம்
ப.மதியழகன்
விழிகளிரண்டால் சமர் புரிவாள். !
கண்மணியாள், பொன் நிறத்தாள்!
செவ்விதழால் நவிலும் தேன்குரலால்!
மயிலிறகாய் தேகமெங்கும் வருடிக்கொடுப்பாள். !
நிலவொளியாள், மலர் முகத்தாள்!
மென் பஞ்சுப் பாதங்களால் மண் அளப்பாள். !
ஈசனின் இடப்பாகமானவள், உயிர்களுக்கு வித்தானவள்!
நாணி நிலம் பார்த்து வெட்கி கன்னம் சிவப்பாள். !
ஒளியின் கிரணமானவள், வானவில்லின் வண்ணங்களானவள்!
தனது தோற்றப் பொலிவைக் கொண்டு!
விண்ணையே வியக்க வைப்பாள். !
ஸ்படிக நீரானவள், மழையின் சுவை போன்றவள்!
முத்துப் போன்ற பற்களைக் கொண்டு!
சிந்தும் புன்னகையால் அந்த மின்னலையே தோற்கடிப்பாள். !
நதியின் நீரலையானவள், புயலின் மையம் போன்றவள்!
சிறு நகத் தீண்டலிலே மானிடனை தேவனாக்கி!
தனது வியத்தகு ஆற்றலை உலகோருக்கு உணர வைப்பாள். !
கார்மேகமானவள், விருட்சத்தின் வேர் போன்றவள்!
தனது தயை குணத்தால் பூமிப்பந்தின் சுழற்சியையே!
கண நேரம் நிறுத்திவைப்பாள். !
நிலைச்சுடரானவள், குழந்தையின் பசியைப் போக்கும்!
பால் போன்றவள்!
ஏக்கத்தினை காதல் பரிசாக தந்து,!
காதலையும், காதலனையும்!
உயிரோடு கல்லறையில் புதைத்து வைப்பாள். !
மலரின் நறுமணமானவள், விடை காண இயலாத!
புதிர் போன்றவள்!
என்றும் வளராத தேய்பிறையாய்!
ஆடவர்களின் வாழ்வை மாற்றி வைப்பாள். !
தெய்வத்தாயானவள், கருவறை தெய்வச்சிலை போன்றவள்!
தனது உணர்வெழுச்சிகளை சம்ஹாரம் செய்து!
உள்ளத்திலேயே பூட்டி வைப்பாள். !
ஐம்பூதங்களானவள், உடலை இயக்கும் உயிர் போன்றவள்!
அன்று தில்லை நடராஜரின் ஆனந்த தாண்டவத்தை!
மனக்கண்ணால் கண்டு அகிலம் வியக்க!
உள்ளிருந்து அந்தச் சிவகாமி ஆட்டுவித்தாள்
