சாபமிட்டு எறிந்தாலும்!
பாதத்தோடு ஒட்டாத நிழலாய்!
தொடர்கிறது!
உறங்கும் போது!
இருளின் இருளாய்!
ஒட்டிக் கொள்ள முயல்கிறது!
தாழிட்டு இறுக்கி!
ஓரத்தில் வைத்தாலும்!
பலகுரலிசை!
நாய்க்கு ஊற்றப்பட்ட பழங்கஞ்சியாய்!
என் ...அது!
அது இல்லாமல் அலைகிறேன்!
புதிதாய் தேடி

மனது முழுக்க!
ததும்பி வழியும்!
கேள்வி முடிச்சுகள்..!
உறங்கும் புத்தியில்..!
ஓராயிரம் எண்ணங்கள்..!
அனைத்திற்கும் தீர்வாய்..!
தனிமையில் நான்...!
வேண்டியது வேண்டி!
வினைதேடும் காத்திருப்புகள்..!
கனவிலும் விரட்டும்!
கடிவாள நிருபணங்கள் ..!
விடைகளே அறியா!
வினாக்களின் விரட்டல்கள்.!
எனக்குள்ளே இரைச்சலாய்..!
புத்திமுழுக்க உரசல்கள்..!
உடல்முழுக்க தழும்புகள்.....!
தனிமையில் ... அதற்கான!
மௌனத்துடன் காத்திருக்கிறேன்..!
எனக்கான ஓர் வரவிற்காக...!

உருவங்கள் உணராமலும் கருத்தா¤க்கும்!
வேறெவரும் உ£¤மைபெற உள்ளம் மறுக்கும்!
எமக்கு மட்டும் சொந்தமானது!
என்றெண்ணி மனம் பெருமிதம் கொள்ளும்!
எமைவிட்டு பிரிந்து செல்லும் நிலைவா¤ன்!
ஏன் ? என்று பலவகை வினாக்கள் எழும்!
விடைகளை ஏற்றுக்கொள்ள மனம் மறுக்கும்!
விதி என்று வெளி வார்தை பேசும்!
கோபம் வராமல் பொய்யாய்!
கோப வார்த்தை பரிமாறும்!
உள்ளம் அழும்!
மீண்டும் விதி என்று வெளிவார்த்தை பேசி!
தனக்குத்தானே மனம் ஆறுதல் சொல்லும்!
முதற் காதலின் வெறுமை இதயத்தின்!
ஓரத்தில் தேங்கிக்கிடக்க உலக!
மேடையில் வாழ்க்கைத் தொடா¤ன்!
அடுத்த காட்சி அரங்கேறும்

மங்கிய இருளில் மூழ்கி!
குப்பி விளக்கின் செம்மஞ்சள் கவிகிறது.!
அறைச்சுவரில் பேய்வெயில் !
முகத்தில் குந்தி சிறகாட்டும்!
சிறு வண்ணாத்தி!
இமைகள் பார்த்தே இருக்கிறாய்!
சுடு சுவாசக் காற்று!
இரவுத் தென்றல் கதகதக்கும் ஸ்பரிசம்!
நெற்றி முடி ஊஞ்சல்போல!
நார் நாராய் மழைத் தூறல்!
ஓலை முனையில் எறும்பூர்ந்து!
குண்டு விழுந்து வெடித்துச் சிதறி!
களிமண் தரையெல்லாம்!
தொப்புள் குழிகள்!
பூத்துமடியா!
தழும்பும் இரு மழைக் குமிழி!
கருங் கூந்தல் கலைந்து வீழ்ந்து!
இடையில் நீர் அருவி!
அழகையெல்லாம் மேய்ந்தலைந்து!
விறைப்பேறி மனம்!
வயிற்றுக் கடலோடா!
இடுங்கித் தாண்ட காகிதக் கப்பல்!
நீர் நிறைந்து மிதக்கக் கூடும்!
எனைக் கவரும் கவிதை ஒன்றை!
இன்றிரவில் நான் எழுதக்கூடும்!
அது!
கைபொத்திக் கால்உதைத்து!
எனைப் பார்த்து சிரிக்கக்கூடும்!

தலை தேங்காய்கள் உடைத்தாயிற்று!
தீர்த்தம் இரத்தம் - தெளித்தாயிற்று !!
சிகரெட் நுணியிலும்!
அகல் திரியிலும்!
மந்தமாய் ஒளிரும் - இந்த!
பூனைக்குட்டி நெருப்பின் பசிக்கு!
நூறு குடிசைகள் பொசுக்கி!
யானை சோறு போட்டாயிற்று.!
இன்னும் எத்தனை நாட்களாம்!
இந்த சாதிக்கடவுளின் பூசைக்காலம்?!

அன்பே உனக்காக!
நான்!
நிறையவே இழந்திருக்கிறேன்...!
குறிப்பாக!
என் வாழ்க்கையை...!
நான்!
எனக்காக வாழவில்லை..!
எனக்குள் வாழும்!
உனக்காக.....!
நான் சேமித்தவற்றில்!
மிக முக்கியமானவை..!
நீ வெட்டி எறிந்த!
நாகதுண்டும் கூந்தல் முடியும்.....!
நான் உனக்காக!
பல கவிதைகள் எழுதி இருக்கிறேன்.!
ஒவ்வொன்றிலும் ஒவ்வொரு வேடத்தில் நீ....!
ஆனால் நீ எழுதும்!
ஒரே ஒரு கவிதையிலும்!
தியாகியாக நான்

எண்ணத்தில் எண்ணத்தில்.. விடியலைத் தேடிநட..என்ன என்ன என்னடா?.. வாழ்க்கை..!
01.!
எண்ணத்தில் எண்ணத்தில்!
----------------------------------------!
இனிதொரு நாளில் எழுகதி ரோனும் இலங்கிடு குவிவானம்!
பனிதரு காலை பசும்விரி புல்லில் படகுளிர் மெய்காணும்!
தனியிவன் பாதம் தரைபட மலராய் தருவது கிளர்வாகும்!
புனிதமும் போற்றி இருளினை ஓட்டி எழுகதிர் ஒளிவீசும்!
மனிதரின் வாழ்வும் மகிழ்வினைத் தேடும் மனதொடு விரைந்தோடும்!
தனியிடம் போகும் பாதையில் எங்கும் தவறுகள் உருவாகும்!
மனதினி லின்றி மகிழ்ந்திட வென்று மறுபடி மனம் வாடும்!
கனவினில் காணும் வர்ணங்கள் யாவும் காலையில் மறந்தாகும்!
தமிழது கண்டு தாகமென் றாகி தருவது எதுவேனும்!
அமுதமென் றெண்ண அதுசுவை மாறின் தமிழது எனையேசும்!
குமிழிடு குளிர்நீர் குமிழிக ளென்றும் கடுதியில் பெரிதாகும்!
அமைதி என்றாலும் அளவினில்மாற அது உடைந்தழிவாகும்!
புவனமும் காண இயற்கை யென்றெண்ணி பகலினில் நிலவோடும்!
தவறென மீண்டும் இரவினில் வந்தே தண்ணொளி தனைவீசும்!
அவசரம் வாழ்வில் எழுவதுஎன்றும் மனிதரின் மனமாகும்!
நவமுகம்கொண்டு நாம்சிரித்தால் நல் மலர்களை மரம்தூவும்!
பசுந்தரை மீது பனி வருமோடி பகலவன் அதை வெல்லும்!
வசந்தமும் ஓடி வரும்மன தெங்கும் மலர் மணம் நிறைவாகும்!
கசந்திடு மனமும் கனிவுற எண்ணக் கனவுகள் விரிந்தாடும்!
இசைந்தது மனமும் இன்பமொன் றேதான் எண்ணியே உறவாடும்!
02.!
விடியலைத் தேடிநட..!
-------------------------!
படபட தடதட எனவரும் இடர்களும்!
விடுபட உயிர்பெறவே!
கடகட குடுகுடு எனநட தடைகளும்!
பொடிபட உடைபடவே!
கொடுகொடு பிடிபிடி எனத்துயர் தருபவர்!
பகைவரும் எமைவிடவே!
நடநட கிடுகிடு எனசெய லெடுகரம்!
இணைந்திடு ஒருபடவே!
தொடைகடகடவென நடுங்கிய நிலைவிடு!
மடைவெள்ளம் உடைபடவே!
விடுவிடு எனவரும் அலையென நடைஎடு!
எதிரிகள் விடைபெறவே!
தொடுதொடு குடையென வளையினும் தொலைவினில்!
உளவிரி வான்அருகே!
மடுமடு என அல்ல மலையென நிமிர்வரும்!
கொடுமைகள் தறிகெடவே!
தடுதடு வருமவர் தமிழரை நெருங்கிட!
துடிதுடி உனதுடலே!
எடுஎடு கொடுகொடு எதிரிகள்நடைபிழன்!
றுடைபட விழகுழியே!
மடமைகொள் ளவரிடம் எதுவென்ன பகர்வதில்!
ஒருபய னெதுவில்லையே!
அடியெனும் ஒருமொழி அறிவரே அதைவிட!
எதுவித புரிவில்லையே!
படுபடு கிடகிட எனவுடல் சரிந்திட!
அயர்வுடன் உறங்கிடவே!
துடிதுடி என அவன் கொலையிட உறவுகள்!
கொடுமையில் வதைபடுமே!
விடிவிடி எனவரும் விடியலும் உனதிரு!
விழிகளில் தெரிந்திடுமே!
அதுவரை விடுவிழி திறஒரு இரவதும்!
இலையுன தருகினிலே!
கடகட எனஎழு கனதுள செயவென!
திடமுடன் எடுநடையே!
இட இட முடிஉன திருகர மிடுசெயல்!
முடிவுற எமதுயர்வே!
சட சடவெனப்பகை சுடுமொரு கொதியுறும்!
அனல்பட நீறெனவே!
மடமட எனஎரி மறமுடன் தருமமும்!
பெருநெருப் பெனஎழவே!
சடசட எனஅடி சிறகொடு பறவைகள் !
திரிவது உயர்வினிலே!
திடமொடு உனதரு கடமையும் குறிதனும்!
நிலகொளும் மனதுயர்வே!
கடகட எனவருங் கடமைகள் தனை முடி!
பெறுவது தமிழீழமே!
அதுவரை உனதரும் இதயமும் துடிகொள்ளு!
விடுதலை கொடுஎனவே !!
03.!
என்ன என்ன என்னடா?!
------------------------------!
நேர்மையென்ப தென்ன என்ன, நீதி என்பதென்னடா?!
போர்புரிந்து மென்ன என்ன, போர்விதிகள் எங்கடா!
பாரிழைத்த தென்ன என்ன, பார்த்து நீதி கேளடா!!
ஊரழிக்க மன்னன் என்ன, எமன் விடுத்த தூதனா?!
கோலமிட்டு மென்ன என்ன, கோவில்கட்டி என்னடா?!
ஆலமிட்ட கண்ட னெங்கே, அரன் நினைப்பு என்னடா?!
காலமிட்ட தென்ன என்ன? கன்னியர்க்கு மேனிதான்!
கால்மிதித்துக் கொல்லு என்று காலதேவன் சட்டமா?!
காலைப்பூ மலர்ந்த தென்ன, காயும் வெப்பம் கொல்லவா?!
பாலையில் விழுந்த நீரைப் போலஈழம் செல்லவா?!
சேலையை இழந்த பெண்கள் சீரழித்தல் கண்டுநீ!
மூலையிற் படுத்துறங்க மேனிஎன்ன கல்லோடா?!
வீறுகொண் டெழுந்து நில்லு வெல்லவென்று துள்ளடா!
ஆறுபோ லெழுந்து ஓடு அன்னைபூமி வெல்லடா!
நீறு கொள்ள மேனி கொன்று நித்தம்தீ கொளுத்துவோர்!
கூறுபோட முன் பிடித்து கூட்டில் தள்ளிப் பூட்டடா !
வாழையும் கனிந்துவந்து வாயில் சேருமென்றடா!
நாளைஎண்ணி நீஇருப்ப தாகுமாமோ கூறடா!
வேளையில் பழுக்குமென்று விட்டுகாத் திருக்கவே!
பாழும்அஞ்சுகம் பறக்கும் பஞ்சை விட்டகதையடா!
பொன்னிழைத்த தட்டிலில்நாடும் புன்னகைத்து மெல்லவே!
நன்மைசெய்து நாமளித்தோம் நாடுஉங்க ளானதே!
என்றுருக்க உள்ளங்கொண்டு ஈழமீவ ரென்பதை!
இன்னும்நம்பி எந்தநாடு எம்மைகாக்கும் என்பதோ?!
முன்னெடுத்த கால்களோடு மெல்லஉண்மை கண்டுநீ!
தன்நிகர்த்தல் யாருமற்ற தன்மைகொண்டாய் நம்படா!
உன்னெடுப்பில் ஊரில்கேட்ட வெற்றிமுரசம் எண்ணடா!
நின்னைநீயே நம்பு வாழ்வில் நீதிஒன்று உண்டடா!
!
04.!
வாழ்க்கை!
-----------------!
தேனோடும் மனம் மீதோடும் துயர்!
தானோடும் மகிழ் வேயாகும்!
வானோடும் முகில் போலோடும் உளம்!
வாழ்வோடும் வழி தானோடும்!
மீனோடும் கடல் மேலோடும் அலை!
போலாடும் அது தள்ளாடும்!
தானோடும் அலைமீதாடும் அது!
தாங்கும் ஓடம் வாழ்வாகும்!
நிலவோடும் ஒளி நிலம்மூடும் அதில்!
நினைவோ டினிமைகள் குதிபோடும்!
பலஓடும் முகில் அருகோடும் சில!
அதைமூடும் பொழு திருள்கூடும்!
கலையோடும் மனம் தமிழோடும் சில!
காலம் மகிழ்வுடன் இருந்தாலும்!
பலமோடும் பெரும் வலியோடும்!
பல துன்பம் மகிழ்வைப் பந்தாடும்!
மலைபோலும் மனதிடமோடும் அதில்!
கனிவோடும் நாம் நடந்தாலும்!
வலைபோடும் விதி வாழ்வோடும் பல!
வழியிற் துயர்தர விளையாடும்!
சிலைபோலும் மனம் இருந்தாலும் அதிற்!
சிலநேரம் விழி வழிந்தோடும்!
நிலைமாறும் துயர் தனை ஓடும்வகை!
நினைவை மாற்றிடும் நிலைவேண்டும்!
விழிமூடும் வரை வழிதேடும் பெரும்!
வாழ்வில் எதுவரை உரமோடும்!
எழிலாடும் மலர் இதழ்காணும் மெது!
இதயம் கொண்டிட வாழ்ந்தாலும்!
வழிதோறும் பல குழிகாணும் அதில்!
வீழ்ந்தே அடிபட வலிதோன்றும்!
எழிதோடும் நல்ல இயலோடும் அதை!
இல்லா வகைசெய்து எழுநீயும்!
வாழ்வோடும் அது வானோடும் சுடர்!
போலாகி ஒளிவந்தாளும்!
நாள்கூடும் வரை போராடும் மனம்!
பேராழித் திரை போலாடும்!
வீழ்வோடும் பெருவளைவோடும் அது!
வீழ்ந்தாலும் உடன் வீறோடும்!
ஆழ்வோடும் வெகுஅழகோடும் அது!
அலைந்தும் உயர்ந்திடக் கரைநாடும்!
இனிதோடும் மனம் இதுபோலும் நிலை!
இருந்தும் வாழ்ந்திட வழிதேடும்!
கனிதேடும் கிளி என்றாகும் படி!
கலையில் இனிமையை மனம்தேடும்!
பனிமூடும் அது விழிமூடும் பின்!
படபட வென்றே இடி தோன்றும்!
எமை நாடும் எதுவென்றாலும் அதை!
எதிர்கொள்ளும் மனம் இறை வேண்டும் !
மீனோடும் அதுஆறோடும் அலை!
மீதோடும் அது சேர்ந்தோடும்!
ஏனோடும் சிலஇளமீன்கள் அதில்!
எதிரோடும் நிலை போலோடும்!
தானோடும் குளிர் நீரோடும் சில!
தடுமாறும் அதில் இடம்மாறும்!
தேனோடும் அத் திரைநீரில் அவை!
தேடிச் சுகமும் கொண்டாடும்

?!
--------------------------------!
அழுகின்ற பிள்ளைக்கு!
கொடுக்க உணவில்லை..!
குளிரைத் தாங்கிட!
போதிய உடுப்பில்லை..!
விழுகின்ற குண்டுகளின்!
வேகத்தை பொறுத்தே,!
அடுத்த நிமிடங்கள்!
உயிர்வாழ்கிற நிலை..!
எங்கெல்லாம் குண்டுகள்!
விழுகின்றனவோ!
அங்கெல்லாம் அழுதபடி!
தமிழ்த் தாய்மார்கள்...!
இங்கெல்லாம் நடக்கிற!
இன்னல்கள் கண்டும்!
இனிக்குமா நமக்கு!
புத்தாண்டும் பொங்கலும்?!
காந்தியம் பேசிவிட்டு!
களவாணித் தனமாக!
இந்தியன் அளித்த!
ஆயுதங்கள் கொண்டு,!
சிங்கள வெறியன்!
தொடுக்கிறப் போரில்!
இந்தியர் என்பதால்!
நமக்கும் பங்குண்டு..!!
கொல்லாதே என்று!
கூக்குரல் எழுப்பினால்!
தேசத் துரோகமாம்!
இந்தியம் சொல்கிறது...!
கொலைகார இந்தியனாய்!
வாழ்ந்து தொலைப்பதைவிட!
தமிழனாய் தேசத் துரோகியாய்!
போராடி மடிவோம்...!!
உணவைப் பொங்கியே!
ஓடிய நாட்கள் போதும் !!
தமிழினத்தின் விடியலுக்காக!
உணர்ச்சியால் பொங்குவோம்!!
உணர்வை மேம்படுத்தி!
உயிரையும் உரிமையும் காக்க!
உறுமுகின்ற புலியாக!
உலகறியப் பொங்குவோம்!!
!
-க.அருணபாரதி

சுவரில் இருக்கும் பல்லியைப் பார்க்கிறேன்!
ஒரு பல்லியைப்போல் இல்லையது!
நான் சிரிக்கிறேன் அதுவும் சிரிக்கிறது!
வெறுப்பாகப் பார்க்கிறேன் -அதுவும்!
முத்தமிடச்செல்கிறேன்-இருந்தும்!
ஒரு பல்லியைப்போல் இல்லையது!
ஒரு பல்லியென அதுவிருந்தால்!
எனது முத்தத்திற்காக காத்திருக்கும்!
அல்லது!
துடிதுடிக்கும் வாலைச்சுழற்றியபடி!
என்னைப் பார்த்துப் படபடக்கும்!
அது சுவரில் இருப்பதால் ஒருவகையில்!
பல்லியாகவும் இருக்கலாம் -அல்லது!
நேற்றையதின் நிழலாகவும்!
பல்லியென உறுதி செய்யவதன் சத்தம் !
தேவை!
பல்லி சொல்வது சகுனமென அம்மா சொல்வாள்!
பல்லி வாலைக் குறுகுறுத்துச் சுழற்றும்!
குறியெழுப்பும்:பல்லியின் குறியில் !
உனது விதியிருப்பதையுணர்!
சகுனமென நான் பல்லியின் குறியைப் பார்க்கிறேன்!
பல்லின் குறியைப்போல் இல்லையது

நினைவூட்டுகிறேன்!
என் க‌ண்ம‌ணியே!
ப‌ள்ளி நாட்க‌ளில்!
பேனா பென்சில்!
நோட்டு புத்த‌க‌ம்!
எதிர்பாராம‌ல் த‌ந்துபோனாய்!!
இன்றோ!!!!
புத்த‌க‌மாய்...!
உன் இத‌ய‌த்தை!
எதிர் பார்க்கிறேன்!
ஏன‌டி த‌ராது போகிறாய்?.!