அசைந்தாடும் மரமே,!
நீ அசைந்தாடி என் மேனி முழுக்க பரவசப்படுத்துகிறாய்..!
நினைத்தேன் -நீ காற்றை தந்து மனம் மகிழ்விக்கும் மகா வள்ளல் என்று,!
உணர்கிறேன் -யான் கண்ட குட்டி அனுபவங்களால்,,!
நீ உன் மனம் குளிர!
கிளைக்கரம் உதரி-!
உன் களைகளான காய்ந்த சருகுகளை அகற்றுகிறாய் அல்லவா?!
நானும் என் மனத்தை கீரி களைகள் தேடுகிறேன்,!
காயம் தான் மிச்சம்,!
தேடிய களைகளை காணவில்லை..!
சடத்துவம் இல்லா ஒரு வெறுமை-!
உள்ளத்தின் ஒரு டம்மி வெடிப்புக்குள்..!
ஒரு வெளிச்சம் புகாதா?!
ஏங்குகிறது -நீரின்றி கண்ட கோடை வரட்சி...!
ஒரு மின்மினி பூச்சியும் இனி கதிரோன் தான்-!
இவ்வவலநிலை தொடர்ந்து விட்டால்..!
என் இரவுக்கும் ஒரு சூரியன் வராதா??!
அணை கடந்த வெள்ளமாய், பல சிகிச்சைகளுடன் -ஒரு கன்னி மனது

பயங்கரவாத வெறியாட்டம்!
பலியாயினர் அப்பாவிகள்!
இலங்கையில் குண்டுவெடித்து!
இருநூறு பேர் சாவு!
இஸ்ரேல் ஏவுகணை வீச்சு!
இழப்பு சில உயிர்கள்!
இராக் குழந்தைகள்!
ஏராளம் மரித்தன!
உணவின்றி!
எல்லாமே செய்தியென்று!
இருந்துவிட்டுப்போக...!
பக்கத்துவீட்டில்!
திடீரெனச் செத்தவனோ!
பாதி ராத்திரியில்!
எழுந்து வருகிறான்!
என் தூக்கம் கலைப்பதற்கென்றே!!
---------------------------!
முற்றுப்புள்ளிகளை கொஞ்சுபவர்களே!!
சற்றேனும் கற்றுணருங்கள்:!
வாக்கியத்தின் இனிமை!
முற்றுப்புள்ளியில் இல்லை.!
நீளமான வாக்கியத்தை!
நினைத்தேங்குபவர்களே!!
சிறிய வாக்கியமும்!
சிறப்புப் பெறுவதுண்டு!
குறளைப் போல!
எல்லா வாக்கியங்களுக்கும்!
இருக்கிறது ஒரு முற்றுப்புள்ளி!
என்று சொல்பவர்களே!
இருங்கள்,!
இடைநிறுத்தக் குறி!
ஒருபோதும் முற்றுப்புள்ளியாவதில்லை.!
-- !
H.FAKHRUDEEN!
பஃக்ருத்தீன் (இப்னு ஹம்துன்)!
+966 050 7891953

காலை வணக்கத்தில் !
'நேர் நில்' சொல்லியும் !
நிமிர்ந்து பறக்கச் சக்தியற்று !
தர்மசக்கரத்தை மறைத்து !
தேசியக்கொடி தரை பார்க்க, !
மாணவர் ஊர்வலம் !
மரத்தடி வகுப்புக்கு !
மவுனமாய்ச் செல்லும். !
ஐந்து வகுப்பிலும் !
அறுபத்தேழு பேர்சொல்லி !
வருகை பதிவதற்குள் !
மணியடித்துவிடும், !
அடுத்த வகுப்பு துவங்கும். !
பெரியாரைப் பற்றிய !
உரை நடைக்குமுன் !
கடவுள் வாழ்த்தோடு !
செய்யுள் தொடங்கும் !
உலகப் படத்தில்- !
பாற்கடலைத் தேடும் !
இலக்கியம். !
ஆண்டவனைக் காப்பாற்றும் !
அறிவியல். !
ஆள்பவரைக் காப்பாற்றும் !
வரலாறு. !
வறுமைக் கோடுகளை மறைத்து !
வடஅட்சக் கோடுகளைக் காட்டும் !
புவியியல். !
கடன்வாங்கச் சொல்லித்தரும் !
கணக்கு. !
கிழிந்த சட்டை, !
நெளிந்த தட்டோடு !
அச்செழுத்துக்களை மேய்ந்த !
அஜீரணத்தில் மாணவர். !
'எலேய்! எந்திரிச்சு வாடா' !
அவ்வப்போது வந்து !
அழைக்கும் பெற்றோர். !
உபகரணங்கள் இல்லாமல் !
பாவனையில் நடக்கும் !
செய்ம்முறைப் பயிற்சி. !
அவசரத்தில் !
தின்றதை வாந்தியெடுக்கும் !
தேர்வுகள். !
பழைய மாணவர் எம்.எல்.ஏ கி !
பள்ளிக்கு வந்தார். !
சிரியர் கையை !
தரவாய்ப் பற்றி, !
'கோரிக்கை ஏதுமுண்டா !
கூறுங்கள்' என்றார்- !
'நிரந்தரப் படுத்தணும் !
நீயும் சொல்லணும்' !
திறந்த உலகம்தான் !
சிறந்த படிப்பாம், !
எங்கள் பள்ளிக்குக் !
கதவே கிடையாது- !
கட்டடம் இருந்தால்தானே? !
'எங்கள் பள்ளி நல்ல பள்ளி !
கட்டடம் இரண்டு பூங்கா ஒன்று' !
-நடத்துவார் ஆசிரியர். !
'எங்கேசார் இருக்குது?' !
மரத்தடி மாணவன் !
எழுந்து கேட்பான். !
'புத்தகத்தைப் பார்ரா' !
போடுவார் ஆசிரியர். !
போதிமரத்தடியில் !
புத்தருக்கு ஞானம், !
புளியமரத்தடியில் !
மாணவர்க்குப் பாடம். !
இதுவே- !
எங்கள் கிராமத்து !
ஞானபீடம்! !
-- நா.முத்து நிலவன்

வீணாய்ப்போன பொழுதொன்றில்!
காணாமல் போயிற்றென்!
காதல்…!!
மனம்தான் பெரிதென்று!
காதலில் பிதற்றியவள்!
மயக்கம் தெளிந்தவுடன்!
பணத்தின் மகிமை சொன்னாள்.!
உள்ளம் ஒத்தென்ன!
உணர்வுகள் ஒத்தென்ன!
கலைத்துவக் கண்களால்!
காதலைப் பார்த்தென்ன!
புழுதி அடங்கியதும்!
தெரிகின்ற கழுதைபோல்!
காதல் கழிந்தபின்தான்!
சகலமும் புரிகிறது.!
தூளாகிப் போகுமென்று தெரிந்தும்!
பாழாய்ப்போன மனம்!
மணல்கோட்டை கட்டத்தானே!
மல்லுக்கு நிற்கிறது.!
உன்மீது குற்றமில்லை,!
சராசரிக் காதலியாய்!
மன்னியுங்கள்,!
மறங்களென்றாய்.!
உன்மீது குற்றமில்லை.!
வீணாய்ப்போன பொழுதொன்றில்!
காணாமல் போயிற்றென்!
காதல்…

;!
கலந்துவிட்ட பின்னும்!
என்னுள் ஓடிக்கொண்டே இருக்கிறாய்!
காட்டாற்றின் வெள்ளமாக!!
*!
ஒளியால் தொட்டுத் தழுவிச்செல்லும்!
வான் நிலவு!!
விழியால் தொட்டுச் சீண்டிச்செல்லும்!
மண்நிலவு நீ!!
*!
எந்த செடியில்!
மலர்ந்த பூ!
நீ!!
*!
உன்னால் கிழிக்கப்படுகின்றன!
என் காயங்கள்!
வாசிக்கப்படுகின்றன அவையே!
கவிதைகளாய்!!
*!
உன் கண் இடறி!
காதல் கடலில் விழுந்துவிட்ட!
குருடன் நான்!!
*!
ஒடிந்து கிடந்த!
புல்லாங்குழலெடுத்து!
மகுடி ஊதினேன்!!
நீயோ!
இசையாக வழிகிறாய்!!
!
- ப்ரியன்

கருவாய் உன்னுள்!
நான் கலந்தபோது!
அந்த!
இருட்டுச் சிறையில்!
இருந்த சுதந்திரம்!
வெளிச்ச வெளியில்!
வெட்டப்பட்ட சிறகுகளாய்...!
மடிகிடந்து!
மார்பணைத்து!
கழுத்து வளைவில்!
முகம் புதைத்து!
கண்ணங்குழிய!
கண்ட என் கனவு!
பஞ்சு மெத்தை தலையணையில்!
எட்டாகனியாய்!
வட்ட மாத்திரைக்குள்...!
அறியா பருவத்தில்!
உணரா இனிமைகள்!
காலம் கடந்து!
தூங்கா என்!
கண்களில்!
எழுதா கவிதைகளாய்...!
கனவு மெய்ப்பட!
வேண்டும்!
ஓர் உயிர்ப்பு!
உன்னுள் கருவாய்!
மறுபடியும்..!
உமா

சுவாரஸ்யமற்றுதான் போய்விட்டது !
காற்றில் மகரந்தமில்லை !
உனது வெறுப்பு !
எனது வேர்களை !
கருக்கிவிட்டது. !
இதழ்கள் இழந்த ஒற்றை ரோஜாவாய் !
காற்றில் ஆடி !
கடைசிமுறையாக உன் !
கருனணதுளி பருக காத்திருக்கிறேன்! !
உன் தோழி,உன் மரப்பாச்சிபொம்மை !
உன் கவிதையென !
உனக்கு பிரியமானவைகளில் !
உன்னையே கண்டேன். !
விட்டுவிடு என்றா சொன்னாய் !
சொன்ன கணத்தில் !
என் செல்களிலெல்லாம் பொதிந்த நீ !
சிதறி போகிறாய்...... !
சிதறல் சேகரிப்பதில் சிந்தைபோகுதன்றி !
சீ.....போ என்று உதறிப்போகுதில்லை !
நான் இப்படித்தான்

கனவு தேவதை.. இலையுதிர் காலம்.. மண் வாசனை!
01.!
கனவு தேவதை !
----------------------!
தூங்க எத்தனிக்கும் நிமிடம் !
மூளையிலிருந்து ஒரு காதல் கவிதை !
வந்து விழுந்தது !
படிக்க நினைத்து!
விரித்துப் பார்கையில்!
குடைப் பிடித்துச் சென்ற !
தேவதை ஒருவளின்!
பாதங்கள் மட்டுமே பதிந்திருந்தது ....!
02.!
இலையுதிர் காலம் !
--------------------------!
ஒரு வேனிற்கால வேளையில்!
ஏனோ!
காற்றுடனான உரையாடலை!
முறித்துக்கொண்டிருந்தன!
இலைகள் ........ !
03.!
மண் வாசனை !
-------------------!
மழை!
மண்ணோடு பேசும்!
மௌனமொழி

முற்றத்துப் பூவரசில் சேவலொன்று!
முதற்சாமம் கூவுகுதே துயில் மறந்து!
பற்றைகளில் சலசலப்பும் கேட்கவில்லை!
பாவியரைக் காக்கவென்றா உறங்குதில்லை!
சுற்றத்து உறவுகளும் விலகத் தூரம்!
சுதந்திரமாய்க் கூவிடவோ துணிவுமற்று!
கற்றவைகள் கடந்தவைகள் மனத்தில் உந்த!
கண் விழித்து மனத்திருத்திக் கூவுதங்கே.!
தொலைக்காடசிப் பெட்டிகளின் தொடரும் நீள!
தொல்லை தரும் சேவையெனப் புரிந்தும் நாளும்!
விலை மதிக்கா நேரமதை ஒதுக்கி ஓய்ந்து!
விடிவதையும் மறந்தபடி கோழி தூங்க!
கலைத்துவிட்ட தூக்கமுடன் சேவல் எல்லாம்!
கரையாமல் கூவாமல் எழுந்து ஓடி!
மலை போலப் பணம் சேர்க்க ஊண் மறந்து!
பாதையெது என்றறியாப் பறக்குதிங்கே.!
ஆறறிவு படைத்தவராம் சொல்லும் மாக்கள்!
அல்லலுறும் தம் சொந்தம் நிலை மறந்து!
தேறிவரும் செல்வமதில் முழுதே மூழ்க!
தெருவினிலே தம் பொழதைச் செலவும் செய்ய!
முறித்துவிட்ட உறவினைப்போல் அவரின் செல்வம்!
முரண்டுபட்ட சங்கமத்தில் தேடிச்சேர!
பறித்ததுவே அமைதியினைக் குடும்பம்தோறும்!
பார்த்திருக்கப் பொறுக்குதில்லை அகதிவாழ்வும்.!
!
த.சு.மணியம்

்!
--------------------------------------!
இந்த மண்ணுக்குள்!
ரகசியங்கள் புதுமைகள் !
மறைந்து கிடப்பதுபோல்!
எனக்குள்ளும் எத்தனை எத்தனையோ…!
கணங்கள் தோறும்!
என்னுள் கவிதைகள் திரள்கின்றன…!
கவிந்து மிதந்து செல்லும்!
மேகத் திரள்கள்!
நிலவருகே வரும்போது!
ஒளிமயமாகவும்!
விலகிச் செல்லும்போது!
கரிய நிழலாகவும்!
ஜாலம் செய்கிறதே! !
அது அன்றைய நிலவா?!
அதே நிலவுதானே இன்றும்…!
அந்த நிலவு கறள் படிந்து!
நினைவை நனைக்கிறது…!
இரக்கமற்ற பூமியில்!
தினசரி நடக்கிறது போர்…!
நிதம் போகும் உடல்களின் பயணங்கள்…!
மண்ணில் பாய்கின்ற சோக அருவிகள்…!
துக்கங்களை பூசிக்கொள்கின்ற முகங்கள்…!
எனது ராகம் குழைந்து!
குரல் இழைக்கையிலே நீ!
அசிங்கத்தைப் பார்க்கிறமாதிரி !
பெண் என்னை!
முகத்தைச் சுளிச்சுக்கொண்டு !
முறைச்சுப் பார்க்கிறாய்!
பயந்து நடுங்கி!
சுருங்கும் என் முகம்…!
என் மென் உடலில் !
வீரியத்தை வரவழைக்கின்றன…!
வாழ்க்கை குரூரமானது என!
திரும்பத் திரும்ப நிரூபிக்கப்பட்டாலும்!
அதன் மீதுள்ள காதலை !
என்னால் உதறமுடியவில்லையே! !
!
-நவஜோதி ஜோகரட்னம்!
லண்டன்.!
8.7.2008