காதல் துய்த்து காதல் துய்த்து!
காதல் தோய்த்த பலாச்சுழையாகி!
உணர்வுகளை எல்லாம் ஒன்றாய்குவித்து!
காதல் நோயில் கிறங்கிக் கிடப்பேன்.!
கோபக்கனலை!
மென்று விழுங்கி!
என்னை நானே!
வதைத்துக்கொள்வேன்.!
போட்டி பொறாமை!
வஞ்சம் பொய்மை!
கணையாய் வந்தால்!
போதி மரத்துப் புத்தனாவேன்.!
அன்புச் சிறையுள்!
என்னைப் பூட்டி!
அணுவணுவாய்!
ரசித்து மகிழ்வேன்.!
விடுதலை உணர்வை!
மென்று தின்று!
மனிதநேயம்!
வளர்த்துக்கொள்வேன்.!
தனிமைச்சுவரை!
எனக்குள் அமைத்து!
கிழமைக்கணக்காய்!
அழுது சிரிப்பேன்.!
மௌனம் மௌனம்!
நன்றே என்று!
மாயச் சிறையுள்!
புகுந்து கொள்வேன்.!
மழையில் நனைந்து!
பனியில் உறைந்து!
உணர்வுகள் சாக!
மரத்துக்கிடப்பேன்.!
நிலத்தில் நீந்தி!
நீரில் நடந்து!
வெற்றிப் படிகள்!
ஏறிமகிழ்வேன்.!
காதல் நோய் என்னை வதைத்து!
வெறுமை என்னை துரத்தம் போது!
கழுவில் ஏற்றி என்னை மாய்த்து!
மீண்டும் மீண்டும் புதிதாய்ப் பிறப்பேன்.!
நளாயினி தாமரைச்செல்வன்!
சுவிஸ்.!
11-2-2007

(இலங்கையில் அகதிகள் முகாம் என்ற பெயரில் முள்வேலி நாற்புறமும்!
போட்டு துப்பாக்கி பிடித்த இராணுவக் காவல்சிறைக்குள்ளே இருக்கும் !
ஒரு தமிழ் சிறுவன் பாடுகிறான்)!
!
01.!
ஏனிந்த வஞ்சனை இறைவா?!
----------------------------------- !
ஏனிந்த வஞ்சனை இறைவா?!
சுற்றிவந்து தொட்டுப்போகும் காலைத் தென்றலே - உன்னை!
கட்டிவைத்து கால்விலங்கு போட்டவர் உண்டோ!
நெற்றிமீது பொட்டுபோன்ற வட்ட நிலாவே - உன்னை!
நிற்கவைத்து வேலிபோட்டு விட்டதும் உண்டோ!
சுற்றிமுள்ளுக் கம்பிபோட்டு கூடுகட்டியே - எம்மை!
வைத்திருப்ப தென்ன வென்று தெரியவில்லையே!
விட்டுஇதை வெளியில் சென்று கத்திகூவியே!
நாமும்பெற்று விட்டோம் ஈழமென்று பாடவேண்டுமே!
வண்ணப் பூவில் வந்திருக்கும் வண்டுமாமாவே!
வாழ்க்கைஎன்ன வென்றுசற்று சொல்லி போங்களே!
விண்ணின்மீது ஓடிச்செல்லும் வெள்ளி மேகமே!
விட்டது யார் வெளியிலென்று சொல்லிதாங்களே!
எட்டஉயர் வான்பறக்கும் சிட்டுக்குருவியே - உங்கள்!
செட்டைதன்னை எங்குபெற்றீர் எனக்கும் தாங்களே!
நட்டநடுவானில் நானும் பறந்து சுற்றுவேன் - இந்த!
நரகவாழ்வை விட்டுநானும் மகிழ்ச்சி யாகுவேன்!
கண்ணில்நீரைத் தள்ளிஏதும் கண்டது மில்லை!
காலில்போட்ட சங்கிலியாய் விடுதலை இல்லை!
மண்ணில்ஏது பாவம்செய்தேன் மனசு நோகுது!
மாறிவேறு ஜென்மம் கொள்ள ஆசைபொங்குது!
இடியிடித்து மழைபொழிந்தால் பூமிக்கு இன்பம்!
இரவுமாறி பகல் எழுந்தால் பூக்களுக் கின்பம்!
குடிகெடுத்து பார்ப்பதிந்த கயவருக் கின்பம்!
விதிபிழைத்த எனக்குமட்டும் ஏன்இந்த துன்பம்!
மதிசிறுத்த விலங்கைக்கூட அடைத்து வைப்பவர்!
மாலைகாலை என்றுவெளியில் மேயச் செய்கிறார்!
கதிசிறுத்த தமிழர்எம்மை அடைத்து வைத்ததும் அன்றி!
காக்கிஉடை காவல்கொண்டு சுற்றி நிற்கிறார்!
அழகுமலர் வாசம்கொண்டு ஆடி வந்திடும்!
அச்சமின்றி வீசிவந்து அணையும் தென்றலே!
பழகிவந்த உலகிலெங்கும் இறைவன் கண்டீரேல்!
பார்த்துஇந்த பாலன்தந்த சேதி சொல்லுவீர்!
கொடுமைபாவம் குற்றம்கொள்ளை செய்யும் கொடியவர்!
கூடிஆடி இன்பவாழ்வு கொண்டு மகிழ்கிறார்!
வறுமைநீதி தருமம்உண்மை பேசும் நல்லவர்!
வாழ்வுமட்டும் நரகமாகிப் போனதென்னவோ?!
விதியைஎழுதும் உனதுகைகள் எமது தலையினில்!
விடை தெரியா கணக்கெழுதி விட்டதும் ஏனோ!
பொதுமுறைமை மனிதம் நீதி விதிகள்இன்றியே!
போனபோக்கில் உலகைசெய்து சுழலவிட்டாயோ!
தமிழன்மேனி மற்றினங்கள் ஏறி மிதிக்கவே - வெகு!
சொகுசுஎன்று எழுதிவைத்த தேனோ ஆண்டவா!
அமிழ்துஎடுத்த போதுகண்டம் நின்ற நஞ்சுதான் - உன்!
உடல்முழுக்க பரவிஇந்த மோசம் செய்ததோ!
!
02.!
படைகள் இல்லாத ஊரொன்று வேண்டும்!
-----------------------------------------------!
(இராணுவக் காவல்சிறைக்குள்ளே இருக்கும் ஒரு தமிழ் இளைஞன் பாடுகிறான்)!
படைகள் இல்லாத ஊரொன்று வேண்டும்!
இலைமீது தழுவி குளிரோடு இழைந்து!
முகம்மீது படர்ந்தோடும் காற்றே - உன்னை!
அலையாது நில்லு எனக்கூறி வேலி!
தடைபோட்டு மறித்தாரும் இல்லை!
கரைமீது மோதும் அலையாரே சொல்லீர்!
கடல்மீது ஒருவேலி கட்டி!
உருளாதே என்று ஒருநீதி கண்டு!
தடுத்தாரும் எங்கணுமில்லை!
மலைமீ தொழிந்து மறுநாளில் வந்து!
உலகோட சுழன்றோடும் நிலவே!
கருவானில் யாரும் கரம்நீட்டி உன்னை!
சிறை போட்டு கொண்டதோ சொல்லு!
ஒருபாவம் அறியா தமிழான என்னை!
ஓடாதே என்று கால்கட்டி!
பெருவேலி யிட்டு கடுங்காவல் செய்து!
சிறையாக்கி வைத்ததேன் சொல்லு!
விரிவானில் காற்றில் விரைந்தோடும் குருவி!
எனவாகிப் பறந்தோட வேண்டும்!
முகிலாகி வானில் மிகிழ்வோடு நீந்தும்!
முழுதான சுதந்திரம் வேண்டும்!
குழலூதி மலரில் குறுந்தேனை யுண்டு!
புவிமிது உலவிடும் வண்டும்!
கனிதேடி ஓடி மரந்தாவும் அணிலும்!
காண்கின்ற அகிலமே வேண்டும்!
ஒருநாடு வேண்டும் அதில்நாங்கள் மீண்டும்!
குதித்தாடும் சுதந்திரம் வேண்டும்!
தெருவீதி யெங்கும் செறிவான படைகள்!
நிற்காத ஊரொன்று வேண்டும்!
வயலோரம் சென்று கதிர்நீவி நின்று!
பயமின்றி மகிழ்தாட வேண்டும்!
இரவாகி வந்தும் எழிலான மங்கை!
தனியாக அகம் திரும்பவேண்டும்!
தருவார்கள் என்று தனிஈழ அரசு!
அமைகின்ற திசைநோக்கி நின்றோம்!
பெருவாழ்வு மீண்டும் வரும்ஆசை கொண்டு!
விடியாதோ என் ஏங்கி நின்றோம்!
உலைபோன அரிசி சோறாகி எங்கள்!
இலைமீது விழுகின்ற வரையில்!
உடலோடு ஒன்றாய் உயிர்சேர்ந்து நின்று!
பிணமாகா விதிஒன்று வேண்டும்

விளைநிலம் ஒன்றில்!
ஒற்றை ஆடும் அதன் குட்டியும்!
மேய்ந்தபடி இருந்தன..!
கழுகு ஒன்று!
குட்டி ஆட்டினைப்!
பசி பொங்கும் விழிகளால் பார்த்தபடி!
வட்டமடித்து வந்தது..!
கீழிறங்கி!
இரையினைக் கவ்வும் நேரத்தில்!
இன்னொரு கழுகும்!
பசியோடு வந்து சேர்ந்தது..!
எதிரிகளின்!
ஆவேசப் போராட்டத்தின்!
கூக்குரல்!
வானமெங்கும் நிரம்பி வழிந்தது..!
ஆடு மேலே நிமிர்ந்து பார்த்து!
ஆச்சர்யப்பட்டுப் போனது..!
குட்டியிடம் சொன்னது,!
பார்த்தாயா குழந்தாய்..!
எத்தனை விநோதம் இது??!
இவ்விரு பெரிய பறவைகளுக்கும்!
விரிந்து பரந்த இந்த காயம்!
போதவில்லையோ??!
இப்படி ஒருவரை ஒருவர்!
தாக்கிக் கொள்கிறார்களே..!!!
சிறகு முளைத்த அந்த!
உன்னிரு சகோதரர்களுக்கிடையில்!
சமாதானம் ஏற்படட்டும் என்று!
இதயபூர்வமாய் நீ!
இறைவனை வேண்டிக் கொள்..!!!
குட்டியும் அவ்வாறே!
வேண்டிக் கொண்டது..!!!
-கலீல் கிப்ரான்

சக்தி சக்திதாசன்!
இதயத்தில் சுரக்கும்!
அன்பின் ஊற்றாய்!
இருட்டை அகற்றும்!
அறிவு விளக்காய்!
ஆசையெனும் நிழலை!
விரட்டும் ஆதவனாய்!
வையகத்தின் வரலாற்றில்!
வரமாய் ஜொலித்திடும்!
தேவமைந்தன் பிறந்தநாள்!
அன்பிற்கோர் திருநாள்!
தன்னைப் போலே!
பிறனையும் நேசி!
தவறாத உண்மையை!
வேதமாக ஒப்பித்தான்!
மனிதர்களை ரட்சிக்க!
மண்ணிலே ஒருயிராய்!
மனிதர்கள் மத்தியில்!
மாபெரும் ஜோதியாய்!
ஞானத்தின் வழி நின்று!
வானமாய் விரிந்தவன்!
மதங்களின் பெயராலே!
மனிதர்களை பிரிப்பது!
மனிதாபிமானம் அற்றவர்களே!
மாபெரும் உண்மைதனை!
மறக்காமல் இருக்க!
மற்றையோரையும் !
தன்னைப்போல்!
மதிக்கச் சொன்னவன்!
மேரிமாதா மைந்தனாய்!
பாரினிலே விழுந்தவன்!
வாடிநின்ர உள்ளங்களை!
மாரியாய்ப் பொழிந்து !
நனைத்தவன்!
ஏழைகளின் காவலனாய்!
நாளைகளின் ரட்சகனாய்!
நேற்றைகளின் நினைவுகளில்!
சுகந்தமாய்க் கலந்தவன்!
கிறீஸ்துமஸ் திருநாள்!
கிறீஸ்தவர்களுக்கு மட்டுமல்ல!
அன்பை மதிக்கும் உள்ளங்கள்!
அனைத்துக்கும் பெருநாளே!
இனிய இத்திருநாளில்!
இதயத்தால் ஒன்றுபட்டு!
அனைவரும் மனிதர்களே!
அதிரவே கோஷமிடுவோம்!
தேவன் யேசுவின் போதனைகள்!
மனிதர் அனைவர்க்கும் பொதுவே!
அனைத்து நண்பர்களுக்கும்!
அன்பான கிறீஸ்துமஸ் வாழ்த்துக்கள்

01.!
அவசரம்!
----------------!
அவசரம் ஒரு குறை வரம்,!
அவலம் பெருக்கும் அந்தரம்.!
அவதி அவதியாய்ப் படும் அவசரம்!
அவஸ்தையான மன நெரிபாடு.!
அவசரம் மனிதனுக்கு அவசியமற்ற!
அவப்பொழுதை உருவாக்கும்.!
அவசர காரியம் சிதறிப் போகும்.!
அவசர உணவும் புரையேறிப் போகும்.!
தேகம் படபடத்து நிதானமிழக்கும்.!
நாகரிகமின்றி வார்த்தைகள் நழுவும்.!
வாகாக வேலைகள் வாகை பெறாது.!
தேகாரோக்கியமும் அவசரத்தால் நழுவும்.!
அவதானமாய்ச் செய்யும் செயற்பாடு – மனம்!
உவகையாய்க் கொள்ளும் சுகப்பாடு.!
பத்திரமான நிதானமும் நிறைவும் ஒரு!
மொத்தமான பூரண பலன் தரும்.!
!
02.!
அலுக்காத வசீகரம்….!
---------------------------!
பரந்து விரிந்து, விழிகளுக்கு விருந்தாகி!
பரவசம் தந்து பளிச்சிடும் கோல எழில்.!
பிரமிப்பூட்டும் அழகிய வானமே நீ!
இரகசியம் நிறை தரவல்லவோ! உலகிற்கு!!
மின்னும் சூரியக் கதிர் சோபையில்!
உன்னைச் சூழ்ந்த நட்சத்திரத் தேவதைகள்!
என்னவாகிறார்கள் சொல்! பயணத்தில்!
என்னோடு தினம் ஓடும் வானமே!!
என்னுள்ளமள்ளும் கடல் நீலக்குடையே!!
உன் தவசியான மோனம் ஊருக்கும்!
என் மன அமைதிக்குமொரு தானம்.!
கண்களுக்குத் தினம் அலுக்காத வசீகரம்

ஒட்டறை போர்த்திய!
ஒரு முளம்!
கயிறு - இந்த!
தமிழ் சுகந்திரம்..!
அடிவிளுகையில்!
குனிந்தே நின்றதால்!
பையிலிருந்த!
சுகந்திரம் - பத்திரமாய்!
காப்பற்றப்பட்டது.!
ஓடியபோதும்!
ஒட்டியே வந்தது!
நம்!
ஓடுகாலி சுகந்திரம்..!
என்னவோ,!
உயரத்திலிருந்து!
விழுந்ததால்!
பட்ட அடி!
கொஞ்சம் அதிகம்.!
சூம்பிப்போன!
கனவுகளோடும்,!
நாறிப்போன!
லட்சியத்தோடும்,!
எம் - கிழிந்த!
பைகள் தாங்கும்!
தமிழ் சுகந்திரம்!
இன்னும் மரிக்கவேயில்லை.!
காவடி தோளேற!
தமிழ் கர்வம்!
தலைக்கேறும்!
மீண்டும்

1.சிறுத்த இருத்தல் !
செண்பகபாண்டியன் !
!
செக்க சிவந்த வானம் !
சிறுவண்டு சங்கீதம் !
பருத்த அகம் பாவம் !
இருத்தலின் சிறுகுறி !
கருத்து உறுத்தும் மேகம் !
உரத்த இடிமழையுடன் !
சிறுத்த தடி மனம் !
புலம் பெயர்ந்தமையாலே !
2.கெட்ட மானுடம் !
செண்பகபாண்டியன் !
விழித்தேறி வெளிப்புக !
சலித்தேறி மனம்புக !
கலிப்பேறி கனம்சுக !
வெட்டவெளி தவம்சுட !
சிவப்பேறி யுகம்புக !
தவஒளி சுடர்விட !
கெட்ட மானுடம் !
சுட்டு விட !
உவப்பேறி உள்கொண்டேன் !
உள்கொண்டு பின்பும் !
உள்கொண்டேன்

(சந்தம்)!
பட்ட “த்ருஸ்டி” போகவே!
பாய்ந்து வந்து தோன்றினான்!!
துட்டர் கண்ணைப் போக்கவே!
சூலம் கையில் ஊன்றினான்!!
கட்டி வைரம் மண்ணுள்ளே!
கண்படாமல் போயினும்!
வெட்ட வெட்ட மின்னலாய்!
வெளியில் வந்த(து) ஒப்பவே!
அகத்தியர் முன் நின்றவன்!
அவரோடு உள்ளே போனவன்!
சகத்தின் மக்கள் துன்பத்தைத்!
தாங்கொணாது வந்தனன்!
சுகத்தை ஊட்டி நின்றனன்!!
தூய நிலவாய்ப் பரவினன்!!
அகத்துள் வந்த கணபதி!!
அகக்கண் ”த்ருஸ்டி” கணபதி!!
விஷ்ணுவைப்போல் சக்கரம்!!
வேலனைப்போல் ”ஆயுதம்”!!
இஷ்ட ஆஞ்ச நேயன்போல்!
இடது கையில்பெருங்கதை!!
துஸ்டர் அஞ்சும் “காளி”போல்!
”சூலம்” ”அங்குசத்துடன்!
கஸ்டம் போக்கும் கணபதி!!
”கண்” ஆம் “த்ருஸ்டி” கணபதி!!
முடித்து வைப்பான் செயல்களை!
மோதகத்தைப் படையுங்கள்!!
பிடித்து வைப்பான் வரங்களை!!
”பிட்டு” தந்தே துதியுங்கள்!!
கடித்தே உங்கள் வினைகளைக்!
களைய ”கரும்பு” தாருங்கள்!!
துடித்தே சொல்லும் என் ”மந்திரம்”!!
தும்பிக்கையின் தந்திரம்

கண்ணீர் நீங்கலாக !
எனதன்பின் எச்சங்கள் உகுத்து!
கூட்டுப்புழுவையொத்து!
சுற்றிலும் வலை பின்னுகிறேன்!
இங்கே இயல்பாயிருத்தல் !
இயலாதெனினும்!
அதை கிழித்து அப்புறத்தில் !
பறந்துபோகும் ஆசையோ!
பிறிதொரு வண்ணச்சிறகுகள் பற்றிய!
கனவுகளோ ஏதுமில்லை !
காற்றில் கரையும் உயிரை !
தேடித்தேடி சேகரிக்கிறேன்!
அள்ளிக்கொஞ்சவோ!
அணுவணுவாய்க்கொல்லவோ!
என்னைத்தேடிவரும் காலையில்!
உனக்கது உபயோகமாயிருக்கும்

இதயமே இல்லாத இரத்த உறவுகள்!!.....அடங்கி போக... அடிமைகள் இல்லை நாம்!!!!
!
01.!
இதயமே இல்லாத இரத்த உறவுகள்..!!!
----------------------------------------!
பணத்திற்கும் பகட்டிற்கும்!
பல் இளிக்கும் கூட்டம்...!!
பந்தா காட்டி பழகுவதும்..!
பச்சோந்தி தனமாய் உரு மாற்றுவதும்!
முதன்மை குணங்களாம்..!!!
இமயமாய் இடுக்கண் வருங்கால்..!
இழிமொழி கொண்டு வைய்ந்திடும்!
இரு வேடமிட்ட இரத்த உறவுகளாம்!
இவர்கள்...!!!!
இரத்தத்தினை உறிஞ்சிடும் உறவுகள்!
இரத்த உறவுகள் தானோ...!
இரு வதனம் கொண்டு!
இன்பமாய் மலர்ந்து பேசி,,!
இரண்டகம் செய்து குந்தகம் விளைவிக்கும்!
இரணியர் கூட்டமன்றோ..??? !
நெஞ்சத்திலே வஞ்சம் சேமித்து - எமக்கு!
பஞ்சம் வரும் போது கொஞ்சம்!
இனம் காட்டிடுவர் - தம்!
இரும்பு நெஞ்சமதை!
இருப்பதை கொடுத்தாலும்...!
இல்லாததை இல்லை என்றாலும்,,!
இடித்து பேசிடும் பொல்லாத கூட்டம்...!!!
இதயமே இல்லாத இரத்த உறவுகள்..!!!
இப்படி ஒரு உறவு!
இருந்தால் என்ன...???!
இறந்து தான் போனால் என்ன...???!
!
02.!
அடங்கி போக... அடிமைகள் இல்லை நாம்..!!!!
------------------------------------------------------!
நாலாம் மாடியில்!
நான்கு திங்களாய்!
நா வறண்டு கிடக்கின்றோம்..!!!
நாயினை ஒத்து.... இல்லை!
நாய் கூட சுதந்திரமாய்..!!
!
நாதியற்று(சொந்தங்களின்றி)!
நாமில்லை..!!
நாதியற்ற(கேட்பாரற்ற) இனமென்பதாலோ..??!
நான்கு சுவருக்குள் நாம்..!!!
நாட்டினை ஆளும் இனம்!
நாலா புறமும் சேவையில்..!!
நாளை விடியுமா - நீண்ட!
நாளாக இதே ஏக்கம்..??!
!
அடைத்து வைத்து!
அழகு பார்க்கின்றார்கள்..!!!
மோத விட்டு எம் வீரத்தை பார்க்க..!
மோதி வெற்றி வாகை சூட..!
வீறு இல்லை இந்த!
வீணர்களுக்கு...!!
நிர்வாணத்தை எத்தனை நாட்களுக்கு!
நின்று நின்று ரசிப்பாய்..??!
!
பொங்கி வரும் உதிரம்...!
பொத்தி இறுக்கும் எம் கரங்களால்,,!
பொறுமையாய் அடங்கி போகின்றது..!!!
கொப்பளிக்கும் கோபம்... !
அதரங்களை(உதடுகளை) துண்டிக்கும் - எம்!
கொலை வெறிப்பற்களின் நற நறப்பால்!
கொஞ்சம் தூரமாய் பயணிக்கின்றது..!!!
!
அரக்கர்களே..!!!
அதிகமாய் !
அடங்கி போக...!
அடிமைகள் இல்லை நாம்..!!
அடங்க மாட்டோம்... !
அதிக தினங்களுக்கு..!!
அதனால்..!
அப்புறமாகி போய் விடுவீர்..!!
அரவமின்றி(நிசப்தமாய்)...நீவிர்