கானல் நீரா?! !
காவியமா?! !
கடுகதியாய் போகும் !
எண்ண ஓட்டமா?! !
நினைவுகளுக்கு !
சக்கரம் பூட்டிய வேகமா?! !
குழந்தைத்தனத்துள் தெரியும் !
குது£கலமா?! !
இதுவரை யாருமே !
வெளிக்காட்டாத !
உயரிய சிந்தனையா?! !
யாருமே அனுபவித்திராத !
இன்ப ஊற்றா?! !
என்னவென்றே இனம் காணமுடியாத !
ஒரு தளுவல் !! !
காற்றில் பறக்கும் அனுபவம் !
மலையின் உச்சியை !
தொட்டுவிட்ட அனுபவம் !
யாரும் அருகில் இருப்பதை கூட !
மறந்த நிலை: !
இவை எல்லாம் !
சின்னத்தனமாய் தொ¤யவில்லை- !
ஆனாலும் !
சமூகத்திற்கு பயந்த சாபக்கேடாய் மனதுள்: !
தொட்டுவிட்ட தொட்டாச்சினுங்கியாய் !
தன்னை மறைத்துத்தான் கொள்கிறது. !
அப்பப்போ தன்னை இனம் காட்டும் !
அந்த தொட்டாச்சினுங்கிக்கு உள்ள மனசு கூட !
பாவம் மனித மனசுக்கு !
தனக்குள் இருக்கும் !
மனசை காட்ட !
சந்தற்பம் கிடைக்காமலே போகிறது. !
!
நளாயினி தாமரைச்செல்வன் !
சுவிற்சலாந்து !
31-12-2002

அறிவுநிதி!
மலரில் இளைப்பாறும்!
பட்டாம்பூச்சயின் சிறகசைப்பாய்!
உன் நினைவுகளில்!
என் இதயம்!
இமைமூடி!
உறங்கமறுக்கும் இருவிழிகளுக்கு!
இடையில்!
திறந்தே கிடக்கிறது !
உன் முகப்படம்!
கரையைக் கடக்காத அலைகள்!
மீண்டும் மீண்டும் !
அதன் முயற்சிபோல!
நானும் காதலில்!
உனக்கு ஒரு புதுப்பெயர்!
ஒப்பிடுகிறேன் திருடி!
மலர்மோதி மலர் சிதைந்ததில்லை!
உன் பொய்கோபம் போல!
நாம் !
அடிக்கடி பிரிக்கப்படுகிறோம்!
என் தனிமையை கலைக்கும்போதெல்லாம்!
நம்!
யுத்தஙகள் நீண்ட மௌனத்தில்!
இதயங்கள் சரணடைந்தன.!
-அறிவுநிதி

தீபாவளிக்கு வாங்கி!
வெடிக்காமல் போன!
பட்டாசை!
விரித்துப் பார்த்தேன்!
சிறுவன் ஒருவனின்!
வியர்வையும் இரத்தமும்!
இன்னும் காயாமல் இருந்தது!!

01.!
யாமிருக்கப் பயமேன்!
-------------------------------!
யாமிருக்கப் பயமேன் என்று!
யான் யதார்த்தத்தில் கண்டதில்லை!
யாதேனும் பயனின்றி யாரேனும் வருவதில்லை!
யாரோ வருவார் யாரோ போவார்!
வருவதும் போவதும் தெரிகிறது!
வந்தவரெல்லாம் வாங்கிக்கொண்டுதான் போகின்றார்!
இவர்கள் வாரிக்கொடுத்தால்!
வாழ்த்துச் சொல்லும் வஞ்சகர் கூட்டம்!
கொட்டிக்கொடுத்தால் கூடிக்குலாவும்!
குள்ள நரிக்கூட்டம்!
தட்டித்தவறி தடையேதும் வந்து!
கொடுக்காது விட்டால் கொடியவனென்று!
கூக்குரலிட்டு கூட்டம் கூட்டி!
சேற்றினை வாரிச் சிரித்து நிற்கும்!
சிறந்த மனிதர்கள்!!
சிந்தித்து நின்றேன் சிதையா மனதுடன்!
அந்தியும் வந்தது அடுத்த காலம்!
காலத்தின் கட்டாயம்!
கடந்து செல்லும் இவர்களையும்!
கணக்கெடுத்து கடந்துசெல்ல முனைகிறேன்!
என் காலத்திற்குள்ளான காலநதியை...!
02.!
மூன்றெழுத்து!
-------------------!
வாழ்வு எனும் மூன்றெழுத்து!
வளமாக வாய்த்திடவே!
அன்பு எனும் மூன்றெழுத்து ஒளிகொண்டு!
இருள் என்ற மூன்றெழுத்து!
வாழ்வில் இடம் பிடித்து விடாமல் எாிகின்ற!
தீபம் எனும் மூன்றெழுத்து!
வெற்றி எனும் மூன்றெழுத்தை!
விடாமல் பிடித்துவிட என்னை விளைவித்த!
சக்தி எனும் மூன்றெழுத்து!
அது என் அன்னை

ஏழெட்டு மாசமா!
எங்கூரில் மழையில்ல!
யாரு செஞ்ச குத்தமுன்னு!
யாருக்குமே தெரியல்ல!
சமைக்கத் தண்ணியில்ல!
தொவைக்கத் தண்ணியில்ல!
குளிக்கத் தண்ணியில்ல!
குடிக்கத் தண்ணியில்ல!
ஊருணியும் மணலாச்சு!
ஒலந்த மீன் முள்ளாச்சு!
தூரெடுத்தும் கெணத்திலே!
துளிக்கூடத் தண்ணியில்ல!
குச்சிமகா காளியம்மன்!
கோவிலிலே பூசாரி!
நச்சுன்னு ஒடச்ச தேங்கா!
ஒண்ணுலயும் தண்ணியில்ல!
போரு கொழாய்த் தண்ணி!
போட்டுவெச்ச சீமாங்க!
மனசிருந்தா வாம்பாங்க!
மாறுபட்டாச் சீம்பாங்க!
தாகத்தைத் தீத்து வெக்க!
இளனியில்ல நொங்குமில்ல!
பாவத்தைக் கழுவக் கூட!
பச்சத் தண்ணி எங்குமில்ல!
நஞ்சையும் புஞ்சையாச்சு!
புஞ்சையும் புழுதியாச்சு!
பஞ்சப் பாட்டையெல்லாம்!
பத்திரிக்கை எழுதியாச்சு!
தேர்தலுக்கு வந்த கட்சி!
தேறுதலுக்கு வரவுமில்ல!
ஓட்டு வாங்கிப் போனவங்க!
ஒத்தாசை தரவுமில்ல!
வேலி கொவ்வாக்கொடி!
வெக்கையில காஞ்சிருச்சு!
காரச் செடி சூரச் செடி!
கருமுள்ளாத் தேஞ்சிருச்சு!
உசல மரம் புங்க மரம்!
மஞ்ச நெத்தி ஈச்ச மரம்!
உசிரு போற வெய்யிலில!
ஒலகத்த வெறுத்திருச்சு!
புரவ ஆட்டுத் தீனிக்கு!
புல்லுமில்ல பொதருமில்ல!
தொரட்டி எட்டும் தூரத்திலே!
மரத்து மேல தழையுமில்ல!
முட்டிபோட்டு வால்துடிக்க!
முட்டிமுட்டி பால்குடிக்க!
குட்டி ஆடு பசி அடக்க!
சொட்டுப்பாலும் சொரக்கலயே!
முண்டக்கண்ணி சாவலுக்கும்!
தொண்டத்தண்ணி வத்திருச்சு!
விடிஞ்சாத்தான் என்னன்னு!
கால் நீட்டிப் படுத்திருச்சு!
குறி சொல்லும் சோசியனும்!
தலையில அடிச்சுக்கிட்டான்!
கிளி செத்துப் போச்சுன்னு!
கடைய அடச்சுப்புட்டான்!
கால்ஊனி கால்மடிச்சு!
நாலாய் நின்ன கொக்கு!
வீசா வாங்கிக் கிட்டு!
வெளிநாடு போயிருச்சு!
அறுவடைய நம்பித்தான்!
நடக்குதுங்க விவசாயம்!
பருவமழை தவறிப்புட்டா!
குடுத்தனமே கொடைசாயும்!
தண்ணிபட்ட பாடாத்தான்!
தவிக்குதுங்க இடையபட்டி!
வருண கருண பகவானே!
வந்திருங்க நடையக்கட்டி

சிறுகச் சிறுக !
சேர்த்து வைத்திருக்கிறேன் !
என்னைப் பற்றியும் !
என் வேர் பற்றியும் !
யாரும் கவனிக்கவில்லை !
அவரவர்க்கு !
அவரவர் அவசரம் !
யாருக்கும் நேரமில்லை !
மண்ணின் வாசனை !
மனங்களின் நேசம் !
மலர்களின் வாசம் !
மலரும் நினைவுகள் !
சொல்ல வேண்டும் !
உரக்கச் சொல்ல வேண்டும் !
மண்ணை நேசிக்கும் !
மனங்கள் பற்றி !
உயிரைத் துறக்கும் !
உயிர்ப் பூக்கள் பற்றி !
இனவாதம் எதிர்க்கும் !
இதயம் பற்றி !
சிறுகச் சிறுக !
சேர்த்து வைத்திருக்கிறேன் !
என்னைப் பற்றியும் !
என் வேர் பற்றியும் !
- இளந்திரையன்

குத்தும் குளிரிலும் - என்!
குருதி மிதமான சூடு!
உரிமையிழந்த மண்ணின்கோலம்!
பார்வையில் படியும்போது!
உடல் இறுகி உதிரம் உறைகிறது!
சரித்திர வட்டத்தில்!
நெருப்பு இடி பூகம்ப வெடிகள்…!
மூடாத குழிகளில்!
அம்மா அப்பா மட்டுமன்றி!
ஐயோ எம்!
எதிர்காலச் சோளக் கதிர்களெல்லாம்!
சிதறிப் போய்க்கிடக்கிறது…!
இளவேனில் மழைத்தூறல்!
சிவப்பாகி பெருக்கெடுக்கிறது…!
இரும்பு இதயங்களின் வேற்றுமை படர்ந்து!
மண்ணும் வெடுக்கெடுக்கிறது…!
இனவாதச் சகதிக்குள் மனிதக் கருகல்கள்…!
மனிதத்துக்குக் கண்ணீர் அஞ்சலி!!
நாமோ மண் எங்கும் ஓடுகின்றோம்…!
கனத்து கரைந்து கசக்கிறது காலம்…!
எரிகிறது இதயம்…!
ஒளி செத்த தேசம்…!
சிவப்பாகும் கோபம் உங்களை திரட்டி விழுங்காதா? – எம்!
குருதியைச் சீராக்கி!
சிரிப்பைக் கண்டெடுத்து!
சுதந்திரம் விரைந்து விரைவில்!
மாலைகளாய் எம்!
கழுத்தில் வீழாதா?...!
-நவஜோதி ஜோகரட்னம்!
லண்டன்.!
2.2.2009

முக வரிகள் நிறைந்து!
முறுவலிக்க மறந்த!
முகம்!
முதிர்ச்சியாய்!
கடும் பனியில்!
கட்டிடக் காட்டினுள்!
இயந்திரத்துடனான போராட்டத்தில்!
இறுகிச் சிவந்து!
வார இறுதியின்!
வரவுக்கும்!
மாசம் தவறாத!
மருட்டும் செலவுக்குமான!
இடைவிடாத போராட்டத்தில்!
இன்னும் தொலைந்தது நித்திரை!
மலர்கள் மழலைகள்!
மரத்துப் போன இதயத்தின்!
மானசீகக் கற்பனை!
மயக்கமூட்டுவதாய்!
கடிகார முள் பார்த்து!
கால் ஓட!
சாத்திய கதவின் பின்னால்!
கவனமாய் ஒரு வரி - என்!
முகத்திலேற!
முறுவலிக்க மறந்த!
முகம் முதிர்ச்சியாய்!
முக வரிகள் நிறைந்து.!
- இளந்திரையன்

பழாய்ப்போன சனங்களுக்கு எதிராகவும்!
முகம் சுழிக்க வேண்டியிருக்கிறது.!
சனங்கள் என்ன செய்ய முடியும்?!
முதுகுகள் எங்கும்!
துவக்குகள் குத்தயபடியிருக்கின்றன.!
விலக்க முடியாத பேரணியில்!
சொல்லித்தரப்பட்ட வாசகங்கள்!
முழுவதுமாய்!
நமக்கு எதிராய்!
நமது வாயில் ஒலிக்கின்றன.!
திணிக்கப்பட்டிருக்கிற கொடியின்!
பற்களுக்கிடையில்!
சிக்கித்தவிக்கிற தேசத்தின் வெற்றிக்கு!
நமது சகோதரர்களாலே!
பரணியெழுதப்படுகிறது.!
சனங்கள் தமது சனங்களுக்கு!
எதிராய் கிளப்பப்படுகின்றனர்.!
துப்பாக்கி எல்லாவற்றையும்!
ஆண்டு கொண்டிருக்கிறது!
அதிகாரம் எல்லாவற்றையும்!
மாற்றி அமைக்கிறது.!
ஒடுங்குகிற சனங்களின்!
வார்த்தைகள் நசுக்கப்படுவதற்கு!
சனங்களையே திரட்டப்படுகிற நகரத்தில்!
எதிரியின் அதிகார மொழிப்பாடல்!
காதை கிழித்தொலிக்கிறது.!
நாம் பாடலின் அர்த்தத்தை!
புரியாதவர்களாயிருக்கிறோம்.!
கறுப்புத்துணிகளால்!
மூடுண்டு வாழுகிற நகரத்தின்!
தலைகள் ஆடுகிறபோது!
துப்பாக்கிகளே பேசுகின்றன.!
சொற்களற்ற நகரத்தில்!
மனிதர்கள் துண்டிக்கப்பட்டு!
திரட்டப்படுகின்றனர்.!
பழாய்ப்போன சனங்களின்!
கையில் திணிப்பதையெல்லாம்!
பார்வையிடுவதற்கு முன்பே!
படம் பிடிக்கப்படுகின்றனர்.!
எல்லோருடைய கால்களும் உருகுகிறது.!
கறுப்புத்துணி தலைகளை தின்று விடுகிறது.!
முண்டங்கள் திரியும் வீதியில்!
அடிமைக்கு வலுவான!
வாசங்கள் தொங்குகின்றன.!
அதிகாரம் தனது வெற்றியை!
திணித்துவிட்டு!
அடிமையை கட்டாயம் செய்து தருகிறது.!
வீதியை கடக்கிற அவகாசத்தில்!
விடுதலை மறக்கிறது!
நாடு மறக்கிறது!
கறுத்த நகரத்தின் சந்தையுடன்!
வாழ்வு முடிகிறது.!
நமது கண்களை நாமே!
பிடுங்குவதைப்போலவும்,!
நமது உடலை நாமே!
கூறிடுவதைப்போலவும்!
அதிகாரம் எல்லாவற்றையும்!
எல்லாரையும் பிரித்தாழுகிறது.!
பாம்புகள் வழிகாட்டுகிற வீதியில்!
தொன்மையான சொற்கள் பலியிடப்பட!
முகங்களை குத்துகிற வாசங்கள்!
எழுதித்தரப்பட்டிருக்கின்றன.!
எனது பாழாய்போன சனங்களே!
துவக்குள் சுட முடியாத!
என்றைக்குமான எல்லாவற்றுக்குமான மனது!
விலக்க முடியாத பேரணியில்!
மிதிபடுவதை கண்டு செல்லுங்கள்.!
கடைசியில் உணவில் விஷமிருக்கிறது!
படுக்கை சுடலையாகிறது.!
எழுதித்தரப்பட்ட வாசங்கள்!
தூக்கத்தில் கொலை செய்துவிட்டு போகிறது.!
பழாய்ப்போன சனங்களுக்கு எதிராகவும்!
முகம் சுழிக்க வேண்டியிருக்கிறது.!
அதிகாரம் எல்லாவற்றையும்!
தனக்கு ஏற்றமாதிரி மாற்றியமைக்கிறது.!
சனங்கள் என்ன செய்ய முடியும்?!
-தீபச்செல்வன் !
--------------------------------------------------------------------!
28.12.2008. யாழ்ப்பாணத்தில் மக்கள் சிலர்!
இலங்கை அரசின் வன்னி இராணுவ நடவடிக்கைகு ஆதரவாக பேரணியில் ஈடுபடுத்தப்பட்டனர்.!
-----------------------------!
தீபம் பதுங்கு குழியிலிருந்து ஒரு வலைப்பதிவு!
தீபம்

ஏழை!
------------!
கரைந்தது காகம்!
விருந்தாளிகள் வரவில்லை!
ஏழையின் குடிசைக்கு!
மின்சாரம் தேவையில்லை!
நிலவொளி போதும்!
ஏழையின் குடிசைக்கு!
வயிற்றுவலி இல்லை!
வயிற்றில் ஈரத்துணி!
கண்ணீரில் ஏழை!
ஏழை சிரித்தான்!
இறைவனைக் காணவில்லை!
முதுமொழி பொய்யானது!
பணமழை பெய்தது!
ஏழை சிரித்தான்!
தேர்தல் வரவால்...!
கோடிகளில் ஊழல்!
கோடிகளில் வாழ்க்கை!
நாதியில்லாத் தமிழன்!
செல்போன் இலவசம்!
பிச்சைக்காரன் மகிழ்ந்தான்!
சா(வே)தனை இந்தியா!
அம்மனுக்கு கூழ் ஊற்றினார்கள்!
வயிறு நிறைந்தது!
ஏழைகளுக்கு!
வறுமையில் வாடாத!
உழவனையும் புலவனையும்!
பார்ப்பதரிது