குரல்வளை நெரிக்கும் விலையேற்றம்-எம்!
குடும்பத்து வாழ்வில் தடுமாற்றம்-இனி!
மனிதர்கள் முகங்களில் பெரும் வாட்டம்-இது!
தினம் தினம் நிகழ்ந்திடும் போராட்டம்!
கொஞ்சூண்டென்றால் சமாளிப்போம்-இது!
கிடு கிடுவென்றால் என் செய்வோம்-நாம்!
நமக்கள் மட்டும் விவாதிப்போம்-இதை!
நாடெங்கும் உரைத்திட யோசிப்போம்!
சொகுசாய் வாழும் சீமானே-இன்று!
சிக்கலில் சிக்கிச்சீரழிய-அட!
ஏழைகள் நாங்கள் என் செய்வொம்-இனி!
ஒரு வேளைதான் சோறுண்போம்!
சிரித்தால் கூட செலவாகும்-என்று!
சிரிப்பை மறந்தே வாழ்கின்றோம்-பிறர்!
வாழ்க்கை பற்றிக்கவலையில்லை-இது!
விதியா?சதியா?தெரியவில்லை!
ஐந்துக்கும் பத்துக்கும் அலைந்தோமே-இனி!
ஐம்பது நூறைத்தேடணுமே-இன்னும்!
இரண்டு மாதங்கள் போனாலே-நாம்!
ஆயிரம் என்றே ஓடணுமே...!
ஏன்தான் மண்ணில் பிறந்தோமோ..?-இந்த!
கேள்விக்கு மட்டும் விடையில்லை-நம்!
வாழ்க்கைச்செலவின் வளர்ச்சி மட்டும்-என்றும்!
வளர்ந்தே செல்லத்தடையில்லை!
தண்ணீர் குடிக்கவும் காசாச்சு-இனி!
கண்ணீர் குடிக்கும் நாளாச்சு-இது!
எதுவரை என்பது தெரியவில்லை-அது!
தெரிந்தவர் யாரும் இங்கில்லை

ஆரம்பப்பள்ளியில்..... !
சாதிகள் இல்லையடி பாப்பா... !
முதல்வகுப்பில் !
ஆசிரியர் !
உரக்கச் சொல்லி !
பாடம் நடத்துகிறார். !
முதல் வகுப்பில் !
சேர வந்த !
மாணவனிடம் !
உன் ஜாதி என்ன? !
தலைமை ஆசிரியர் !
கேட்டுக்கொண்டிருக்கிறார். !
பொதுக்கூட்டத்தில்..... !
ஜாதியை !
ஒழிப்பதுதான் !
எங்கள் இலட்சியம் !
-அமைச்சர் ஆவேசம்! !
நான்கு சுவர்களுக்குள்..... !
என்னை !
அரும்பாடுபட்டு !
வெற்றி பெறவைத்த !
நம் ஜாதி !
சங்கத்தினருக்கு !
நன்றி! !
நம் ஜாதிக்காரர்கள் !
முன்னேற்றத்துக்கு !
பாடுபடுவேன். !
- அமைச்சர் வாக்குறுதி. !
- ஆல்பர்ட்

மனிதர்கள் சந்திக்க!
மறுக்கிறார்கள்!
வீட்டில்!
எல்லோரும் சந்திப்பது!
அபூர்வமாகி விட்டது,!
அவரவர்க்கு பணி நேரம்!
பகலிலும் இரவிலும் மாறி மாறி வருகிறது!
அப்பாவிடம் நேரடியாக!
பேச வெட்கப்பட்ட!
மகனால்!
தொலைபேசியில் அரைமணி நேரம்!
கருத்து சொல்லமுடிகிறது,!
மனைவி ஓர் ஊரில்!
கணவன் மற்றொரு ஊரில்!
குழந்தை உண்டு அவளுடன்!
இனி வேண்டுமா சந்திப்பு!
!
கடன் பெற்றவரை!
அவரின் வீடு தேடிவந்தும்!
சந்திக்க முடிவதில்லை,!
!
அலுவலகத்தில்!
உள் இணைப்புகள் வழியாகவே!
காரியங்களை நிகழ்த்திக் கொள்ள முடிகிறது,!
பொது இ,டங்களில்!
சந்திப்புகள்!
நாகரீகமற்ற முறையிலேயே!
அரங்கேறுகின்றன,!
!
சந்திப்புகள் நிகழ்வதே இல்லை!
பெரும்பாலும்,!
எதற்காகச் சந்திப்புகளற்ற!
வாழ்க்கை!
முகத்திற்கு முகம்!
காண இயலாத வாழ்க்கை!
எதைச் சந்திக்க!
இவ்வளவு!
விரைவாய் முன்னேறுகிறது!
!
-மு.பழனியப்பன்

நீ ஆலமரம் !
நான் தொட்டிச்செடி !
நம் வேர்கள் !
சந்திக்கவே முடியாது !
காற்றுக்கு மட்டுமே !
நாம் காதலர்கள் !
மழைகூட !
நம்மை வஞ்சித்துவிட்டது !
மரபுச் சட்டங்கள் !
நம்மைத் தண்டித்துவிட்டது !
!
என் வேப்பமரக் காற்று !
உன் மேல்துண்டை !
உரசியதில் !
என் சருகுகளில் தீ !
உன் கண்களில் !
என் மண்ணின் !
தூசி. !
உறுத்துகின்றது என்று !
உதறிவிடாதே !
உறுத்தலில்தான் !
உண்மைகள் !
பிரசவிக்கும். !
!
என் பிச்சிப்பூக்கள் !
பூத்துக் குலுங்கியதில் !
புதர் நாகங்கள் !
வெட்டிவீழ்த்திவிட்டேன் !
இன்று !
தொட்டிச்செடிகளில் !
தொடர்கின்றது !
தோட்டம் !
மண்ணுக்காக ஏங்கும் !
என் வேர்கள் !
மலருக்காக நீள்கின்றன !
உன் கைகள் !
மயக்கத்தில் !
இலைகளையும் !
உதிர்க்கின்றன !
என் செடிகள். !
--அன்புடன், !
புதியமாதவி, !
மும்பை

மொட்டின் சத்தம்!
இதழ்களில்!
கேள்வியாய் வெடித்தால்தான்!
இயற்கையின் இயல்பே அர்த்தப்படும்...!
மலர் பிறப்பைப் பத்திரப்படுத்தி!
தொடர்ந்து வரும் வித்தில்!
கேள்விகளை விதைப்பதால்தான்!
முளைகள் கேள்விக்குறியாயின..!
கேள்விக்கும்!
முளைக்கும் வித்துக்கும!
மூளைமனிதன் போட்ட முடிச்சு இது..!
--கண்ணப்பு நடராஜ்

அறியாத வயதில் கால் !
தடுக்கிவீழ்ந்து முத்தமிட்ட நாட்கள் !
அறிந்த வயதில் குனிவதா நான் என !
அகங்காரம் கொண்ட நாட்கள் !
வீழ்ந்தாலும் மீசையில் மண் ஓட்டுவதில்லை என !
வீறாப்பு பேசித்திரிந்த நாட்கள் !
எல்லாமே காற்றோடு காற்றாய் கரைந்தே போய்விட்டது. !
இனவாதபோரினால் மண் தன் இனத்தை தொலைக்கின்றது !
கப்பலேறும்போதே எம் கனவுகளும் ஏறிவிட்டன !
அன்னிய மண்ணல்ல அயல் மண்தான் !
புரியாத மொழி. . புரிந்த மொழிக்கு பூட்டு !
அனுபவித்த வேதனைகள் அளவில்லை !
கால் பதிக்கும்போதே அந்த மண் !
என்னை கிண்டலாய் ஒரு தரம் !
வீழ்த்திப்பார்த்தது. . மகனே !
முத்தமிட்டுக்கொள் என்னை !
நீ முக்குளிக்கப்போவது !
இம் மண்ணில்தான் என்பதுபோல !
நாட்கள் மின்சார ரெயில்போல் வேகமாய் நகர்ந்தோடியது !
அவற்றிடமும் இறக்கைகளா !
இப்படி பறக்கின்றதே !
நாட்களை மாதங்கள் ஆக்கிரமிக்க !
மாதங்களை வருடங்கள் பலாத்காரம் செய்துகொண்டன !
இரண்டு ஆண்டுகள் நாணலுமல்ல ஆலுமல்ல !
இரண்டும்கெட்டான் வாழ்க்கை வாழ்ந்தேன் !
பிறக்கின்றபோதே தமிழன் !
சிறைவாசம் எத்தனை நாட்கள் என !
குறித்துக்கொண்டே பிறக்கின்றான் !
எனக்கும் குறித்திருந்தது புரியாமல் இருந்துவிட்டேன் !
தமிழன் எல்லாம் பயங்கரவாதி !
மருண்டவன் கண்ணிற்கு இருண்டதெல்லாம் பேய் !
என்பதுபோல் நாம் !
இருண்டிருந்தோம் அவன் மருண்டிருந்தான் !
பேயாகதோன்றி பிடிபட்டு அடிபட்டோம் !
இன்று !
அந்த வேதனைகள் !
கொஞ்சம் கொஞ்சமாய் உருவமெடுக்கின்றன !
உட்காயங்கள் உயிர்கேட்கின்றன !
இன்னும் எத்தனை நாட்கள்தான் வாழ்வோ !
என்னைப்போல் எத்தனை ஜீவன்களோ

கண்கள் பார்த்த தருணங்கள் !
இடையில் மிதந்த காற்று !
காதல் சுமந்தது !
பார்வைகளின் !
மொழிகளில் !
தூரம் குறைந்தது !
மனப் பாரம் !
நிறைந்தது !
மௌனம்.... !
புன்னகை.... !
வினாடிகளில் !
ஒராயிரம் வருடங்கள் !
ஒன்றாய் வாழ்ந்து விட !
ஒரு உற்சாகம். !
உத்வேகம்.... !
இளமைப் பருவத்தின் ... !
அத்தியாயங்கள் !
தொடங்கிய !
இனிமை உணர்வுகள் !
ஓரிரு பக்கங்கள் !
திருப்பிய !
வாழ்க்கைப் புத்தகத்தில் !
அம்மி மிதித்தல் !
அருந்ததி பார்த்தல் !
எண்ணிய மந்திரங்கள் !
புண்ணியம் என்று !
போதனைகள்... !
!
சுண்டுவிரல் !
முடிச்சுகளில் !
அக்னி சுற்றிய !
வளைவுகளில் !
காதலுக்கும் !
வாழ்க்கைக்கும் !
இடையே நடந்த !
போரில், !
நிதர்சனம் செய்த !
சமரசமாய் !
காதலி காணாமல் போக !
கல்யாணம் முடித்தவளோ !
வேறென்று ஆக !
எல்லாம் அறிந்த !
இயற்கையும் !
போதை கொண்டு !
புரண்ட உடல்களானது !
காமம் கரைத்த !
காலம் !
கண்ணே... செல்லமே !
என்ற குவா குவாக்களாய் .... !
அர்த்தங்கள் தேடி !
அலைந்த !
வாழ்க்கைப் பக்கங்களில் !
ஞாலம் அறைந்த !
தடங்களில் !
எதையோ விட்டுவிட்ட !
ஏக்கம் !
வாழ்க்கையின் !
வழிகளில் !
மனதின் மூலைகளில் !
காணாத எழுத்துக்களில் !
எழுதாதபுத்தகமாய்.... !
என் காதலி !
என் மனைவி !
என் மக்கள் !
எல்லாமே எனக்குள்

இரு கோல்கள் சங்கமிக்கும்!
வழிமண்டலம்!
இரு துருவங்கள் இணையும்!
மையப்புள்ளி!
வேற்றுகிரகத்து மனிதர்களாய்!
முதல் சந்திப்பின்!
ஆய்வுகள் இனிப்பதில்!
அவசர இணைப்பு நடைபெறுகிறது!
தன் உடமை காத்தல்!
வாரிசு உறுதிப்படுத்தல்!
கற்பென்ற பேரில் காப்புரிமை!
ஆணுக்கும்!
கலாச்சாரம் பேணல்!
பண்பாடு ஊட்டல்!
எனக்குமட்டும் என்ற நம்பிக்கை!
பெண்ணுக்கும்!
சொத்துக்கள் பெருக்கவும்!
வாரிசு வளர்க்கவும்!
நியமிக்கப்படும்!
இரு அதிகாரிகளின்!
குடும்ப ஸ்தாபனம்!
எப்பொழுதுமே!
மேலதிகாரியாய் அமர்த்தப்படுகிறான்!
அவன்!
மரபுகளை முறித்துக்கொண்டு!
துளிர்த்த காதலையே!
சருகாக்கும் திருமணஸ்தாபனத்திம்!
கல்யாண மேடையில்!
எப்போதுமே ராஜா வேஷம்!
அவனுக்கு!
காதலும் வேஷம் போடுமிடத்து!
இருவருமே கைதேர்ந்த நடிகர்கள்!
ஒருவனுக்கு ஒருத்தியென்றது!
கட்டாயப்படுத்தலாய் அமுழுக்கு வருகிறது!
இரகசியத்தில் திருத்தியெழுதப்படுகிறது!
பழைய தீர்ப்புகள்!
இழப்பதற்கு இனி ஒன்றுமில்லை!
என்ற பொழுது!
திருமணம் ஒரு நல்ல வழிதான்!
இல்லையென்றால்!
காதலுடன் வாழ!
கல்யாணமெதற்காம்?!
இருந்தும்!
நிறுவப்படுகின்றன!
புதிய புதிய நிறுவனங்கள்!
பெரிசுகளின் வழிநடத்தலில்!
பின்னே செல்ல!
அத்தனையும் ஆட்டுமந்தைகள்!
!
-கவிதா நோர்வே

உடைந்து கிடக்கும் சமாதான நகரத்தின் கதவுகள்!
--------------------------------------------------!
!
அ.!
நிலத்தின் மீது படர்ந்து வருகிறது!
மாமிசம் தின்னும் புகை!
வாலறுந்த ஒற்றைக்குருவியாய் காடுகளில் அலைகிறது!
சூரியன்!
!
சனங்கள்!
புராதன நகரங்களிலிருந்து வெளியேறிவிட்டார்கள்!
புதர்மூடிய பாதைகளில் உக்கி உதிர்கின்றன!
மனித என்புகள்!
பதுங்கு குழிகளுக்குள் தேங்கிக்கிடக்கிறது!
கை விடப்பட்ட வாழ்க்கை!
!
கடவுள் கைவிட்டார்!
அனுதாபிகள் கைவிட்டார்கள்!
திரும்ப முடியாத் தொலைவில் புதைகிறது!
ஆதிக்குடியின் பாடல்!
!
நகரங்கள் வீழ்கின்றன!
வயல்களில் உலர்கின்றன வியர்வைத்துளிகள்!
நெல்மணிகளைக் கொத்தித் தின்னும் குருவிகளும்!
வெளியேறிவிட்டன!
காற்றில் வீழ்கிறது ஒரு இரத்தத்துளி!
காலத்தின் மிக மோசமான குறியீடாய்!
!
வாழ்வு பற்றியதான கனவுகளை உடைத்துக் கொண்டு!
கூடாரங்களில் தொங்குகின்றன ஒளியிழந்த லாம்புகள்!
பசித்த வயிறுகளைத் துயரம் நிறைக்கிறது!
இன்னும் கேட்கிறது வெறிகொண்ட வெற்றிக் கூச்சல்!
!
அவர்கள் நகரங்களைக் கைப்பற்றினார்கள்!
சனங்கள் அற்ற நகரங்களை!
தங்கள் வெற்றியை கொண்டாடினார்கள்!
பிணங்களின் மேல் குந்தியிருந்து கொண்டு!
குடிசைச் சுவர்களில் வரையப்பட்டிருந்த குழந்தைகளின்!
ஓவியங்களில் வெற்றிகளை எழுதினார்கள்!
!
ஆ.!
விருட்சங்கள் பெயர்ந்தலைகின்றன தெருக்களில்!
சாவுகாலத்தின் கடல்!
சனங்களின் முற்றங்களில் பெருகியோடுகின்றது!
!
அனுதாபிகளின் கண்டனங்களுக்கிடையிலும்!
கருனை மிதக்கும் சொற்களுக்கிடயிலும்!
எறிகணைகள் வீழ்ந்து வெடிக்கின்றன!
!
கபாலங்கள் பிளந்து இறந்த குழந்தைகளின்!
கனவுகளை காகங்கள் கொத்தித் தின்னுகின்றன!
!
நகரங்களை இழந்த மனிதர்களின் வாழ்வு!
காற்றில் சிதறுகிறது வெறும் செய்தியாக!
இரத்தத்தால் நிரம்பிய பதுங்கு குழிகளுக்குள் பகல்வானம்!
முடங்கிக்கிடக்கிறது!
!
அவர்கள் நகரங்களை கைப்பற்றுகிறார்கள்!
சனங்களற்ற நகரங்களை!
மிருகங்கள் வெருண்டோடிய காடுகளை!
வாழ்வு தொலைந்து போன நிலங்களை!
சூரியன் காடுகளில் அலைகிறது!
இ.!
உடைந்து சிதறிய விருந்தினர் விடுதியின்!
விசாலமான மண்டபத்தில்!
நெருங்கிக்கிடக்கின்றன!
சொல்ஹைமின் உணவுக் கோப்பையும்!
ஆகாசியின் சூப் கிண்ணமும்!
இன்னும்!
சமாதான காலங்களின் வரைபடங்களில்!
அவர்கள் சிரித்துக்கொண்டேயிருக்கிறார்கள்!
!
மலர்ந்த புன்னகையின் அடியில்!
கத்தியாய் மின்னுகின்றன சமாதானகாலச் சொற்கள்!
சனங்கள் வெளியேறிய நகரத்தில்!
நாறிமணக்கின்ற!
தொண்டு நிறுவனங்களின் கொடிகளின் கீழே!
அவலமாய் காகங்கள் கரைகின்றன!
அவர்கள் உறிஞ்சிய குளிர்பானக் குழாய்களை!
எறும்புகள் காவிச்செல்கின்றன!
காலியான மதுக்குவளைகளில் பாம்புகள்!
அடைக்கலம் புகுந்திருக்கின்றன!
நகரம் ஒற்றப்பனையாய்த் தனித்திருக்கிறது!
வெறிச்சோடிய தெருக்களில்!
ஊர் நீங்கிய மனிதர்களின் கால்தடங்கள்!
அசைகின்றன!
கைவிட்டு வந்த நிலங்களில்!
காற்று இரைகிறது!
!
ஈ.!
மழை ஓயாத மழை!
கூடாரங்களை இழுத்துச் செல்லும் மழை!
சனங்களைத் துரத்தும் மழை!
!
குளங்கள் நிரம்பி விட்டன!
நெல் மணிகள் மிதக்கின்றன!
வெள்ளத்தில் மிதந்து கொண்டிருக்கும் வீதிகளில்!
அலக்கழிந்தபடி செல்கிறது ஒற்றைச் செருப்பு!
புயலின் அசுரத்தாண்டவம் முறித்த மரங்களிலிருந்து!
சிதறிக்கிடக்கின்றன காகக்கூடுகள்!
!
மீதி வாழ்க்கையையையும் வெள்ளம் தின்கிறது!
வானம் உடைந்து!
சனங்களின் தலைகளில் வீழ்ந்திருக்கிறது!
வெடித்துச்சிதறும் சன்னங்களையும்!
எறிகணைகளையும்!
மழை கொண்டுவருகிறது!
கூடாரங்களின் கீழ் கனவுகளின்!
ஆழ் வேர்களை இழந்து விட்டு!
அகதிகளாயினர் சனங்கள்!
மீளவும் அகதிகளாயினர்!
!
உ.!
நகரத்தை நோக்கி!
மையங் கொண்டுள்ளது போர்!
புயல் அள்ளிச் சென்ற கூடாரங்களை!
சனங்கள் தேடிக்கொண்டிருக்கிறார்கள்!
விமானங்கள் துரத்துகின்றன!
பதுங்கு குழிகளில் நிரவிப்பாய்கிறது வெள்ளம்!
!
ஊ.!
போர்!
கனவுகளை உறிஞ்சும் போர்!
போரின் தீரத்தில் எற்றுண்டுகிடக்கும் மனிதர்களை!
காலம் மௌனமாகத் தாங்கிக்கொள்கிறது!
!
கனவுகளை உறிஞ்சும் போர்!
உடல் சிதறிப்பலியான குழந்தைகளை!
தின்னுகின்றது!
!
நிலங்களுக்குள் கடலாய் நுழைந்த போர்!
ஊர்களைப் பருகுகிறது!
!
எ.!
நகரம் அதிர்கிறது!
சமாதான நகரத்தின் கதவுகள்!
உடைந்து கிடக்கின்றன!
இறுதி யுத்தம் என்ற பிரகடனங்களுக்கிடையில்!
நகரம் அதிர்கிறது!
முற்றுகையிடப்பட்ட நகரத்தில் இருந்து!
வெளியேறிய சனங்களின் கூடாரங்கள்!
பெயர்ந்து கொண்டிருக்கின்றன!
!
போர் தொடர்கிறது!
கனவுகளை உறிஞ்சும் போர்!
நிலங்களைத் தின்னும் போர்!
சனங்களை விரட்டும் போர்!
காடுகளில் அலைகிறது சூரியன்!
!
ஏ.!
கடைசியில் நகரம் வீழ்ந்து விட்டது!
சமாதானத்தின் நெடுங்கதவுகள்!
உடைந்து கிடக்கின்றன!
ஊர்களைப் பறிகொடுத்த சனங்களை!
விமானங்களும் எறிகணைகளும் துரத்துகின்றன!
!
-சித்தாந்தன்

கண்ணப்பு நடராஜ் !
நேசம் கொண்ட நெய் நிலத்து !
நெல் மணிக்கு நீர் கொடுக்க !
நீள் வரம்பு நீண்டு நிறைந்திருக்க !
காற்றடிக்கக் காகம் பறக்க !
கனத்த பனம் பழம் மொத்தன மோத !
போகம் பெரும் போகம் !
செல்லமாய் சிரி பெண்ணே !
செவத்தப் பச்சை சேர்ந்திடிப்போம் !
சேதி சொல்ல செவியைக் கொடு !
செவ்விளநீர் கோதிக் கிடக்கு !
பச்சைச் செம்பட்டான் பழுக்கப் புடுங்கிப் போடு !
வயலுக்குள் காலைக் குளிர் !
காலைக் குளிர் கூசுது கதிர் !
தளிர் பட்டு வெடிக்குது மொட்டு !
வயலுக்குள் வாலைக் குமரி !
செல்லமாய்ச் சிரி செவத்தப் பெண்ணே.. !
யாழ் நிலமெல்லாம் வாழ்த்த வாயெடுக்க !
கட்டுவன் மண்ணிலொரு அடுப்புப் பிடியடி !
பொய்யர் புளுகரின் !
வாய்க்கு வையடி நெருப்பு !
ஒனறே குலமடி ஓலையை வையடி !
அக்கா தங்கைச்சிக்கு !
நல்ல தமிழ்ச் சொல்லைச் சொல்லிக் கொடடி !
காகம் கரையுது !
கட்டுவன் மண்ணிலொரு அடுப்புப் பிடியடி !
கூரைக்கு மேலே கூவுற கோழியைக் கூப்பிடு கூப்பிடு.. !
வானம் சிரிக்குதடி வையகம் வெளிக்குதடி !
ஒன்றே தேவன் உலகிற்கு ஒரு வெளிச்சம் !
உத்தமர் பெயரை உச்சரி தினமே.. !
காங்கேசன் கடல் நுரையோடி !
கறுத்த மச்சான் கள்ளச் சிரிப்போடி !
செல்லமாய்ச் சிரி செவத்தப் பெண்ணே !
செவத்தப் பச்சை சேர்ந்திடிப்போம் !
விருந்துக்கு வறுத்த பயறு !
கொழுத்த கொழுக்கட்டை பிடித்தெடு !
காகம் கரையுது !
கட்டுவன் களி மண்ணிலொரு அடுப்புப் பிடி !
விருந்து வருகுது பகை ஓடுது.. !
தோட்டம் திருத்தியது நாமடி அதில் !
நோட்டம் விடுவது யாரடி? !
உந்த மண்ணில் உறைப்பது எங்கள் வேர்வையடி !
எந்த மனிதன் பறிப்பான் எங்கள் சோற்றை? !
கறுத்த மச்சான் கள்ளச் சிரிப்போடி !
நாளை சரித்திரச் சாட்ச்சிகளடி நாம். !
--------------------------- !
ஆசிரியர் கண்ணப்பு நடராஜ் !
தொகுப்பு: வாழுகின்ற வாலிபங்கள்