வாலிப வசந்தம் - மனித !
வாழ்க்கையின் சுகந்தம். !
வர்ணக் கனவுகளின் கலவையில் !
சுதந்திர வானில் சிறகடிக்கும் இனிமை. !
எல்லாமே இன்று ஒரு கனாக்காலம் !
கண்ணெதிரே கலைந்து கொண்டது. !
சொர்க்கத்தில் தலைவாசல் !
என்னும் ஒரு தீவின் பிரசைகளாய் !
முன்னொரு காலமதில் !
மகிழ்ந்திருந்த வேளைதனில் !
ஆட்சியாளர்களின் பதவிப் போட்டியிலும் !
ஆதிக்க வெறியின் உச்சக் கட்டத்தாலும் !
திசைக் கொன்றாய் பிரிந்து போனோம். !
இளமைத் துடிப்பும் !
உதிரத்தின் புத்துணர்வும் !
வருங்காலமதின் அற்புதக் கனவும் !
கண்ணெதிரே கலைந்து போனது. !
வாலிபத் துடிப்பில் !
கன்னியர் பின் காற்தடம் பதித்து !
பூரிப்போடு நடந்த நாட்களை !
இன்னுமே எண்ணியபடி !
துடிக்கிறது பேதை மனது. !
நல்லைக் கந்தனின் திருவிழாவும் !
புனித அந்தோனியாரின் பெருநாளும் !
ஹச்சுப் பெருநாளதனில் நண்பர் வீட்டில் !
“வட்டிலப்பம்” உண்டு களித்த !
நாட்களை நினைந்தபடி இன்னும் !
அழகிய நிலா நாளில் !
கோட்டை முனியப்பர் முன்றலில் !
வறுத்தெடுத்த நிலக்கடலை !
கொறித்தபடி திரிந்த நாட்கள். !
பனி படந்த தேசமதில் !
ஓடுகின்ற கடிகார வேகத்திலும் !
விரைவாய் ஓடுகின்ற எமக்கு !
அது ஒரு கனாக்காலம் !
மீண்டும் அந்த நாட்களை !
எண்ணியும் முடியாதபடி !
முதுமையின் தாக்கம். !
மீண்டும் ஒரு பிறவி என்பதில் !
உடன்பாடு எனக்கில்லை !
ஆனாலும் அந்தக் காலத்திற்காய் !
ஏங்கியபடி இந்த மனிதம்.. !
இளவரசன் (கனடா)

எம் பாட்டன் முப்பாட்டன்!
ஆண்ட தமிழ்நாடு!!
வேற்றோனுக்கு தாய்வீடு...!
மாற்றான் மொழி பேசும்!
தமிழ்நாட்டன் மொழியென்றால் ஏசும்!
ஆங்கிலேயன் நயாகராவில்!
வருக! வருக!!!
தமிழன் பயாகராவில்*!
WELCOME ENTRY TICKET 2 Rs/-!
ஆடுவது மானாட மயிலாட!
ஆளுவது தமிழ்நாட!
நடத்துவது செம்மொழிமாநாட!
பாரடா! தமிழ்ப்படும் பாட்ட!
தெலுங்கன் ஆள்கிறான்!
கன்னடன் அடிக்கிறான்!
மலையாளி தூற்றுகிறான்!
தமிழன்!
அலைகிறான்!அழிகிறான்!!!
கேட்டால் தமிழ்நாடென்கிறான்...!
தமிழ் பேசா!
வேற்றோன் நாடு!!
அதற்கே தமிழீழ!
தனிநாடு அண்ணன்!
கட்டமைத்த செந்தமிழ்நாடு!!!
தமிழர் நாதமதில்!
தமிழீழமே இசைந்திடும்!
குருதி கண்ட உடல்!
நீர்க்கொண்ட விழி கள்!
மறக்குமா? ரணங்கள்!
இனியோ அலறமாட்டோம்...!
அனல் கக்கும்!
நெருப்பாய் போராடுவோம்!!
பதுங்கும் புலிகள்!
பாய புறப்படுவோம்!!
பாயந்து வென்றிடுவோம்!!
தாய்நாடு புகுந்திடுவோம்!!!
எதிரியை விரட்டிடுவோம்!!!!
இனியோ!!
அண்ணன்புலி ஈழநாட்டில்..!
தம்பிபுலி தமிழ்நாட்டில்

1. !
உன் தாவணி !
பிடித்து !
நீ தவிர்க்க நினைத்த !
வெய்யில் !
உன் கைகளை !
மாலையாக்குகிறது !
என் நிழலுக்கு.... !
!
2. !
முட்டாள் நிழலே! !
எனக்கே இடமில்லாத !
அவள் பிடிக்கும் !
குடையினுள் !
நீ ஏன் நுழைய !
முயற்சிக்கிறாய்? !
!
3. !
மழை ஓய்ந்த நேரத்து !
வெய்யிலில் !
சூடாக என் தேகம். !
எனக்கும் சேர்த்து !
நடுங்குகிறது !
ஓடும் நீரில் !
என் நிழல்.... !
!
4. !
மாலை நேர !
க்ஷருட்டை விரட்ட !
சன்னல் கதவுகளைத் திறந்தேன். !
வெளிச்சமாக உள்ளே !
நுழைந்தது !
மாடியில் பாடம் !
படிக்கும் !
உன் நிழல்..... !
!
5. !
விறகு கட்டைகள் !
அடுக்கி !
துணி போர்த்து !
நீயும் நானும் !
கட்டிய வீட்டின் !
நிழல் !
மொட்டை மாடியில் !
இன்னமும் இருக்கிறது - !
ஒதுங்க ள் இல்லாமல். !
6. !
மின்சாரம் !
தடைபட்டால் !
நிஜம்மாகவே !
இருண்ட காலம் தான்... !
நேருக்கு நேராய் நின்றும் !
பார்த்துக் கொள்ள !
இயலாத இருளில் !
நம்மை பேசிக் கொண்டிருந்தது !
நம் நிழல்கள்.... !
!
7. !
எப்போதும் !
என்னை ஒட்டிக் கொண்டிருக்கும் !
நிழலே !
நீ எங்கே தூங்குவாய்? !
என் படுக்கையின் கீழா? !
!
8. !
என்னைப் !
புதைக்க !
இருளிலே !
தூக்கிச் செல்லுங்கள். !
என் நிழலுக்குத் !
தெரிய வேண்டாம் !
இனி எப்போதும் !
பிறப்பில்லை அதற்கென்று......... !
!
9. !
தகிக்கும் வார்த்தைகளால் !
தர்க்கம் நிகழ்த்துகிறோம் !
எதிரும் புதிருமாக !
நாம். !
மௌனயுத்தம் நடத்துகின்றன !
நம் நிழல்கள் !
ஓரே திசையில்..... !
!
நன்றி:

எய்ட்ஸ்!
காலனுக்கான காமனின் கடிதம்!
சிலரால்!
அஞ்சல் செய்யப்படும்!
அவர்களுக்கும்!
அஞ்சலி!
இது-!
வாங்குபவரும் விற்பவரும்!
நட்டப் படுகிற!
விசித்திர வியாபாரம்!
பாருங்கள்!
இந்தப் பாலுறவு விபத்து!
கருவறைகளின்!
சுவாசப்பையாயிருந்த!
பள்ளியறைகளையே!
கல்லறைகளின்!
இரைப்பையாக்கி விட்டதே!
ராமனாயிருந்தால்!
காத்திருப்பது சீதை!
காமனாயிருந்தால்!
காத்திருப்பது சிதை!
பத்தினி வரும்வரை!
பட்டினி கிடக்க!
சூளுரை எடு!
அடங்காப்பசியா...?!
’ஆணுறை’யாயினும் இடு!
பல பேரைத் தழுவிய வேசி!
கொதிநீரைத் தழுவாத ஊசி!
சோதிக்கப்பட்டது எடுக்கும் இரத்தம்!
காயம்பட்ட இதழ் கொடுக்கும் முத்தம்!
இவைகளே!
எய்ட்ஸின் உலகு!
எதற்கு நமக்கு ? விலகு!
கண்ட கண்ட!
’மெய்‘ எழுத்துக்களோடு!
கலந்ததில்!
உருகிக்கொண்டிருக்கிற!
சில!
’உயிர்‘ எழுத்துக்கள்!
குற்றெழுத்தாய்க்!
குறுகிக்கொண்டிருக்கின்றன!
அவைகளை நோக்கி!
ஆயுத எழுத்துக்களை!
அல்ல...!
ஆறுதல் எழுத்துக்களை!
நீட்டுவோம்!
நன்றி : ஆனந்தவிகடன்

அறிவுநிதி!
பிரத்யேக அழைப்பொலியில்!
அவிழும் காட்சிகள்!
நடுநிசியில் விழித்துக்கொண்டு!
இருள் வெளியில் வேட்கை பிரசன்னமாகிறது!
பெறுவது ஒன்றுமில்லாதபோதும்!
உடைபடுகிறது தொலைந்த பிம்பங்கள்!
வெவ்வேறாக எட்டிப்பார்க்கும்!
தீராத ஏக்கத்தின் நினைவு!
பெரும் கனவுகளாக சபிக்கின்றன.!
!
-அறிவுநிதி!
-சிங்கப்பூர்

கொன்கிறீட் புதை குழியும் நானுமாய்!
எட்டியுதைத்தேன் அதன் அடைப்புக்களை!
வெளித் தெரிந்தது வானம்!
என் சுமை தூக்கியாய் மேலே!
நேரே இன்னும் நிரைகளாய் புதைகுழிகள்!
உயிர் உள்ளவற்றுக்காய்!
கீழே நெடுஞ்சாலை ரயர்களை சபித்த!
வண்ணம் நீள் கொள்ளும்!
என்னைப்போல் மரங்களும்!
நீண்ட இறப்பின் பின் சிறிது உயிர்ப்புற!
துளிர்கொள்ளும் நம்பிக்கைள்!
கோடைத் துலம்பலில்

காமன் வதைபட கட்டில் முறிபட!
மாமன் வருவானோ மாமயிலே! -சோமனும்!
சுட்டென்னைத் தீய்த்தானே! சொப்பனம்வஞ் சித்ததுவே!!
சட்டெனமா மன்பிரிந்த தால்!!
கூந்தல்பூ என்னை குறும்பாய்ப் பரிகசிக்கும்;!
ஏந்திய கைவளைகள் எக்களிக்கும்; -மாந்தளிர்!
மேனியுடை என்னை வெறுத்துப் புறம்நழுவத்!
தேனினிய சொல்திக்கு தே!!
மானுலவும் கண்கள் வடிவிழந்து காணும்;எண்!
சாணளவு மேனி தளர்ந்துவிடும்; -தேனுலவும்!
வாலெயிறு நீர்நஞ்சாய் மாறிவிடும் என்தலைவன்!
தோளிரண்டில் தொத்தாதக் கால்! !
வதைத்தோடும் பால்நிலா வஞ்சிக்கும் தென்றல்!
எதைத்தூது நான்விட்டால் ஏற்பான்? -சதைச்சிலையாய்!
ஆனேனே! அம்கனவில் கண்டு விழிக்குங்கால்!
காணேனே கண்ணொடுகொண் கன்!!
கற்-பனையா என்மேனி? காமன் விடுகணைகள்!
கற்பனைக்கெட் டாத்துயரம் காட்டிடுதே! -நற்றலைவன்!
என்னருகி ருப்பானேல் மண்ணுலக சொர்க்கத்தைக்!
கண்ணருகில் காட்டானோ கண்டு?!
வல்வரவைச் சொல்லி வகைமோசம் செய்தவனின்!
சொல்தவறிப் போனதனால் தூக்கமின்றி -மெல்லமெல்ல!
மெய்யிளைக்கும்; மென்புன்ன கையிளைக்கும்; பெய்வளையென்!
கைவளைக்கும் இல்லை கணிவு!!
!
-அகரம்.அமுதா

பிறந்த மண்ணில் சுதந்திரமாக!
பறந்து திரிந்த பறவைகளுக்கு!
வெள்ளை பருந்துகள் புதிய அறிமுகம்!
பிறந்த மண்ணை விட்டு!
வெள்ளா பருந்துகளின் ஈர்ப்பில்!
தொடர்ந்தன......சுவர்னபூமியை நோக்கி!
வந்து சேர்ந்த பறவைகளுக்கு!
சுவர்னம் கிட்டவில்லை!
வெள்ளை பருந்துகள் காட்டியதோ துயரம்!!
குரல் எழுப்பின மற்ற இனப் பறவையோடு!
கூட்டணி சேர்ந்தது பறவைகள்!
சுவர்ன பூமியை மீட்க!
போரட்டம் நடந்தது!
நம்மினத்து பறவைகளின் பங்கு......மேலானது!
சுவர்ன பூமி மீட்கபட்டது!
அதே வேளையில் ந்ம்மினத்து பறவைகளின்!
உரிமை மறுக்கப்பட்டண...........!
அரவணைப்பு புறக்கணிக்கத்தான்!
என்று பறவைகள் அறியவில்லை!
பரிதாபம்......... பரிதாபம்......... பரிதாபம்.........!
அரை நூற்றான்டுகள் ஆயின!
இன்னும் சுவர்னம் கிட்டவில்லை!
உரிமை குரல் மீண்டும் எழுப்பின!
நம்மினத்து பறவைகள் புதிய கூட்டணியோடு!
பறவைகள் தந்த சிறகுகளால்!
வெற்றி இலக்கு கிட்டியது!
இந்த கூட்டணியாவது சுவர்னத்தை!
காட்டுமா என்று ஏங்கிகொன்டிருக்கிறது!
நம்மினத்து பறவைகள்....இன்று வரை

உள்ளத்தின் !
உணர்ச்சிகளில் ஓவியமாய் !
உறைந்தது !
ஒரு வினாடி !
கண்களின் மணிகளில் !
காவியமாய்ப் !
புதைந்தது !
ஒரு வினாடி !
காதுகளின் !
சுவர்களில் !
கானமாய் ஒலித்தது !
ஒரு வினாடி !
தென்றலின் குளிர்மை !
உடலோடு உறவாடி !
தீண்டும் சுகம் !
ஒரு வினாடி !
பார்வைகள் மோதி !
காதலாய்த் தெறித்து !
மோகமாய் வளர்வது !
ஒரு வினாடி !
ஒவ்வொரு வினாடியாய் !
கிடைத்த கிளர்ச்சிகளின் !
மொத்த உருவமாய் !
தொலைவிலே நீ

ஐநா சபையில்!
அங்கம் வகிக்கும்!
அதிபதிகளுக்கு வணக்கம்!
சேவை செய்கிறோமென!
கோஷமிடும் உங்களுக்கு!
வன்னி மக்கள் அவலக்குரல்!
வரவில்லையோ காதோரம்...?!
பிரிவுகளை இணைக்கிறோமென!
அறிக்கைவிடும் உங்களுக்கு!
துண்டாடப்பட்டிருக்கும் வன்னிமக்கள்!
துயர்வாழ்க்கை தெரியலையோ...??!
போர்முடிந்து!
பலநாட்கள் கடந்தும்!
ஊர்போக முடியாமல்!
முகாம்களே தஞ்சமென!
ஊமைகளாய் வாழும் மாந்தர்!
உயிர்வலிகள் புரியலையோ..??!
காப்புவலயங்களில்!
தமதுயிரைக் காவுகொடுத்து!
எறிகணைகளின் பசிக்கு!
தம்மையே இரைகொடுத்து!
எஞ்சியவைகளோடு ஓடிவந்து!
ஏமாறும் மக்கள் இடர்!
ஒருபோதும் தெரியாதோ...??!
தீர்க்கிறோம் தீர்க்கிறோமென!
நீங்கள் தீர்த்தவைகளெல்லாம்!
எங்கள் உயிர்களையும்!
உரிமைகளையும் உடமைகளையும் தான்!!
நீங்கள் தீர்க்கவந்த விடயங்கள்!
நாட்டின் தேநீர்விருந்தோடு!
கரைந்து போவது!
நாம் காண்கின்ற சங்கதிதானே...!!
ஆணைக்குழுக்களின்!
அறிக்கைகளில்கூட!
அசட்டைசெய்யும் உங்கள் குணம்!
அடுத்த அழிவின்!
ஆரம்பத்திற்கு அடிக்கல்லாவதை அறிவீரோ...??!
பிழைகளைத் திருத்தும் நீதியே...!!
இப்போது உபசாரத்திற்குள்!
உண்மைகளைப் புதைப்பதால்!
முட்கம்பிவேலிகள் ஆரவாரிக்கின்றன!
இரத்தக்கறைகளுடன் எமைப்பார்த்து!!!
அதிகாரம் கொண்ட அதிகாரிகளே!!!
பாராமுகமாய் எங்களில் மட்டும்!
பாரச்சிலுவையைச் சுமத்தாதீர்கள்!
நாங்கள் சீரழிந்து!
சிதைந்து கெட்டுப்போனவர்களல்ல!!
வளமோடு வாழ்ந்து!
வறுமையாக்கப்பட்டவர்கள்!!!
இனியேனும் எம்மை!
ஏமாற்றி நழுவாமல்!
நாம் மலர உதவுங்கள்!
எம் இடரைப் போக்குங்கள்...!
கடுகதியில் நாம் எழுவோம்!
வன்னி மண் வளமாகி!
வந்திடும் இன்னுமொரு!
வளர்ச்சி மிக்க தேசமாய்