குழந்தைகளின் அதிகப்பிரசங்கித்தனம்!
பெரியவர்களின் பொறாமை!
அம்மாக்களின் சுயநலம்!
அப்பாக்களின் கஞ்சத்தனம்!
சான்றோரின் பொய்!
தொழிலாளியின் சோம்பல்!
பணக்காரனின் நீச்சத்தனம்!
ஏழைகளின் சுயவிரக்கம்!
ஆண்களின் அதிகாரம்!
பெண்களின் புலம்பல்!
பிச்சைக்காரர்களின் நச்சரிப்பு !
பொதுக்குழாயில் சச்சரவு!
இவைப்போன்று எரிச்சலூட்டக்கூடியது!
மே மாத கத்தரி வெயில்!
கண்ணங்குழிந்த குழந்தை முகம்!
பெரியவர்களின் அரவணைப்பு !
அம்மாவின் மடி!
அப்பாவின் கைப்பிடி!
ஆண்களின் நேசம்!
பெண்களின் புன்னகை!
இப்படி இதம் தரக்கூடியது!
தெருவோர ஆலமர நிழல்.... !
s.uma

கையும் காலும்!
முடங்கிப் போனால்!
உடலும் உயிரும்!
என்ன செய்யும்!
பரிவும் உறவும்!
முறிந்து போனால்!
பணமும் காசும்!
என்ன செய்யும்!
நாடும் வீடும்!
மறந்து போனால்!
பாடும் பலமும்!
என்ன செய்யும்!
கண்ணும் காதும்!
இருண்டு போனால்!
கனவும் நினைவும்!
என்ன செய்யும்!
பற்றும் பாசமும்!
காட்டி வாழ்ந்தால்!
கடைசி காலம்!
வரை அது தேடிவரும்!
!
கவிஆக்கம்: சுதர்மன்!
தொடர்புக்கு: 006567289683

கரு.திருவரசு !
எவருக்கும் எல்லாமே இரண்டிரண்டாய் இங்கே !
இருந்திடலாம்! செல்வரெனச் சிறந்திடலாம்! ஆனால் !
எவருக்கும் இருதாயார் இருப்பதில்லை! உன்னை !
ஈன்றெடுத்த தாய்த்தெய்வம் என்றென்றும் ஒன்றே! !
எவருக்கும் தாய்மொழியாய் இருப்பதொரு மொழியே! !
இன்தமிழே உனக்குத்தாய் மொழியாகும்! இதிலே !
எவருக்கும் இருகருத்தே இருக்க முடியாது! !
இருந்தாலோ அவனைவிடு, திருத்த முடியாது! !
பிள்ளைக்குச் செந்தமிழில் பெயரிடுவோம் என்றே !
பேசுவதும் அதற்கொருநூல் போடுவதும் என்ற !
எல்லைக்கு நம்தமிழன் எப்படித்தான் போனான்? !
இருந்தாலும் மறந்திடுவோம்! இனியேனும் செய்வோம்! !
பிள்ளைக்கு நம்தமிழில் பெயரிடுவோம்! இதிலே !
பேதமுறும் ஒருமகனைத் தமிழச்சி பெற்ற !
பிள்ளையவன் இல்லையெனத் தள்ளிடுவோம்! இனத்தின் !
பெயரிருக்க வேண்டுமெனின் தமிழிருக்கச் செய்வோம்! !
வெல்லத் தமிழினி வெல்லும்

“எப்பல ஊருக்குப் போற?“ என்பான்!
நண்பன்!
நான்!
ஊருக்கு போனதுமே!
வந்ததுமே துரத்துகிறானென!
வருந்துபவர்களுக்குத் தெரியாது!
அவன்!
கேள்வியினுள்ளிருக்கும் பொருள் !!
புரிந்துக கொண்டவர்களுக்குள்!
மட்டுமே!
புரிந்து கொள்ளப்படுகிற!
விசித்திரமான!
மொழிப்பரிமாற்றம்தான்!
நட்பு.!
விபத்தொன்றில் காலிழந்து!
முதுகுத்தண்டு செயலிழந்து!
ஓடியாடிய நண்பன்!
படுக்கையில்...!
ஓடினேன்!
வீடுவரை சென்ற கால்கள்!
படிதாண்ட பயப்பட்டன!
“எந்த முகத்துடன்!
எதிர் கொள்வது நண்பனை?“!
உணர்ந்துகொண்டதுபோல!
உள்ளிருந்து கேட்டது குரல்!
“சும்மா வாலேய்..!
நான் செத்தா போயிட்டேன்?“!
கசங்கிய துணியாய்!
கட்டிலின் மீது!
நண்பனின் உடல்.!
ஆறுதல் சொல்லவேண்டிய என்னை!
தேறுதல் செய்து!
அனுப்பினான் நண்பன்.!
ஓன்றல்ல!
இரண்டல்ல!
ஓடின ஆண்டுகள் ஆறு.!
இன்று!
கட்டில் மட்டும்!
நண்பன் இல்லை!
தாங்கமுடியாத!
சோகத்தில் மூழ்கிய எனக்குள்!
இன்றும்!
ஒலித்துக்கொண்டிருக்கிறது!
அழியாத ஒலியலையாய்..!
“எப்பல ஊருக்குப்போற..“

வாழ்க்கைப் புதிர்!
அவிழ்கிறது!
சுவாரஸ்யமற்ற பக்கங்களைப்!
புரட்டியபடி!
திரைச்சீலை அகன்றது!
கட்புலனாகாத காட்சிகள்!
கனவில் விரிந்தது!
ஆற்றுப்படுத்த எவருமின்றி!
உள்ளம் பொங்கி எழுகிறது!
நேர்பட்ட நெஞ்சகத்துக்கு!
எதுவும் தவறாகவே தெரிகிறது!
விடியல் வரை!
முள்படுக்கை தனில்!
உறக்கம் வராமல்!
புரள்கிறேன்!
கசங்கிய ஆடையுடனும்!
குளித்து நாளானதால்!
கவுச்சி நாற்றத்துடன்!
சுற்றித் திரிகிறேன்!
துரதிஷ்டம் துரத்தியடிக்கிறது!
என்னை!
துன்பக் கேணியில்!
காப்பாற்ற எவருமின்றி!
முழுவதுமாக!
மூழ்கிக் கொண்டிருக்கிறேன். !

01.!
கூடை!
--------------!
ஏழெட்டு கூடைகளோடு!
என் மகன் .!
மண்ணள்ளி விளையாட!
ஒன்று !
தம்பிக்கென்றான்.!
அப்பாவிடம் ஒன்றை கொடுத்து !
கவிதை எழுதும் காகிதத்திற் கென்றான்.!
இது!
பிளாஸ்டிக்பைக்கு பதில் !
கடையில் பொருள் வாங்க வென்றான்!
ஆத்தா!
வெற்றிலை பாக்கு வைத்துக்கொள்ள !
ஒன்றை !
ஊருக்கு அனுப்பச் சொன்னான்!
குடத்தடி கொடிமல்லி பூப்பறிக்க !
இது அக்காவுக் கென்றான்!
கூடைகளுக்கெல்லாம் கொண்டாட்டம் !
குதித்து குதித்து !
குப்புற விழுந்து சிரித்தன.!
ஊரில் பார்த்த !
ஓலை குட்டான் !
கடவாய் பொட்டி!
சாணி அள்ளும் தட்டுக்கூடை !
ஈச்சமிளாறில் செய்த!
நெல் தூற்றும் கூடை!
அவித்த நெல்லை அள்ளும் கூடை!
நெல்லரைக்க போய்!
தவிடள்ளும் கூடை!
பனையோலை கிழித்து !
மூங்கில் சீவி!
முடைந்த கூடை!
ஞாபகம்.!
அழகு கூடையொன்றில்!
அள்ளி கொடுத்தான்!
அம்மாவுக்கு தன்!
முத்தங்களை.!
வரைய சொன்ன ஆசிரியையிடம் !
கூடை ஒன்றை கொடுத்து !
அதில்!
நட்சத்திரங்களை போட சொல்லி !
நின்றான்!
வெறுங் கூடை!
நிறைய நிறைய !
கனவுகள்.!
02.!
நினைவுகளே நீளுவதால்....!
--------------------------------------!
நினைவுகளே நீளுவதால்!
நேரமிருப்பதில்லை!
எழுத....!
நினைத்தே நினைவுகள் ஓட!
எழுதவேண்டிய கடிதமும்!
எழுதப்படாத காகிதமாய்.!
நலம் விசாரிக்காமலே!
நலமென்றே !
நம்பும் நினைவுகள்....!
நித்தம் !
ஆடி ஓடிய அசதிக்குப்பின்னும்!
அலுக்காத நினைவுகள்....!
நினைவொளி!
நிலவுநெஞ்சம் வழிய!
இரவும் விழியும் !
ஈரம்.!
நினைப்பதை நிறுத்தி!
நினைத்ததை எழுத நினைத்தால்!
நினைத்தது நினைத்து!
நீளும் நினைவு.!
நினைத்ததை எழுதாமல்தான்!
இருந்தேனென்றால்!
நினைத்ததைப் பேசாமல்கூட!
போய்விட்டேன்!
நேற்று உன்னை நேரில் பார்த்தும்.!
நீளும் நினைவுகள்

அன்பே.... !
உனக்காகக் !
காத்திருக்கும் நேரங்களில் !
கொஞ்சம் கொஞ்சமாகச் !
செத்துக் கொண்டிருப்பது !
வினாடிகள் மட்டுமல்ல !... !
நானும் தான்......... !
பெயர் : மெஹாசெயின்ட் !
தேதி : 25.05.2006

வட்டத்துக்குள் இருக்கப்!
பழகிக் கொள்ளவில்லை!
இடைஞ்சலாயிருக்கிறது!
இச்சிறிய வட்டம்!
மூச்சு விட இயலவில்லை!
வெட்டவெளியெனினும்!
துரத்தி விளையாட முடியவில்லை!
செளகரியத்திற்காகவோ!
எல்லை தாண்டவில்லையென்ற!
மறைமுக உண‌ர்த்த‌லுக்காகவோ!
வரைந்து கொள்ளலாம் இவ்வட்டத்தை!
பெரிதாய்..!
*சற்றே பெரிதாய்..*!
*இன்னும் பெரியதாய்..*!
- சகாராதென்றல்!
-- -----------------------------------!
வித்தியாச‌மாய் வித்தியாச‌ப்ப‌டு

மாதுளைச் செடிக்கும்!
குறுக்கு வேலிக்குமிடையில்!
தாவித்திரியும்!
அணிலின் கனவில்!
தின்று முடித்த பழத்தின் ஞாபகங்களா!
தின்னப் போகும் கனிகளின் ருஷியா?!
அணிலின் கண்களில்!
தீராத் தவிப்பில் துடிக்கிறது!
அச்சத்தின் குரூர நிழல்!
அணிலின் காதலுக்கு!
இருக்கின்றன மரங்கள்!
காதல் முடிய!
மரத்தின் கனிகளும்!
மரத்தில் நின்றே!
மரப் பழத்தைத் தின்றாறிக்!
கொண்டாடும் அணில்.!
மரத்தின் கீழே!
வேட்டையின் நுட்பங்களோடு!
பாயும் முனைப்பில் பூனை!
யார் வாய்க்கு!
யாதோ.!
- கருணாகரன்

எண்ண வலையில் இரையைத் தேடி!
உண்டு களித்து மீளாப் பறவை...!
ஆறறி வென்னும் சாரதி சொல்லை!
மீறி நடந்து மீளும் குதிரை...!
கற்பனை யென்னும் சிற்பம் செதுக்க!
சிற்றுளி கொண்டே சனித்த பாறை...!
தைத்திடும் முள்ளெனத் தைத்திடும் வேளை!
பிய்த்தெறிந் திடினும் பிழைத்தெழும் கோரை...!
ஒன்றை விட்டே ஒன்றில் தாவி!
ஒன்றைப் பற்றி ஓடிடும் தேனீ...!
சஞ்சல மாம்அலை தாவி யெழுந்தால்!
கொஞ்சமும் நிலையின்றிக் குதித்திடும் தோணி...!
பண்போ டன்பு பாசம் பற்றெனும்!
பண்ணெழு திடவே படைத்த ஏடு...!
செய்தமுன் வினைக்காய் வினைப்பயன் பெற்றிட!
மெய்யெனும் கையது ஏந்திய ஓடு...!
ஆசை என்னும் வேசையை நாடிப்!
பூசை நடத்திப் புலம்பிடும் போகி...!
பற்றாம் தூசைப் பற்றி யெடுத்து!
முற்றும் அகற்றி முனகிடும் யோகி...!
மறதி யென்னும் மருந்தைப் பூசி!
விரைந்து ஆறிட விளைந்த காயம்...!
நினைவாம் கணைகள் நிமிடமும் பாய்ந்து!
கணத்தில் தைக்கக் கடவுளின் சாபம்...!!
-அகரம்.அமுதா