அயல் நாட்டு இளவேனில் - சின்னு (சிவப்பிரகாசம்)

வெண்பனி சூடிட பூமகள் வேண்டி!
சுடர் கதிர் வேடுவன் உறங்கிடும் நாட்களில்!
பூமகள் போர்த்த பெய்திடும் பொன்மழை!
ஓவியன் வேண்டிடும் அலைகடல் ஓடத்தின்!
சொப்பனப் புன்னகை!
முதல்பனி கண்டதும் முகங்கொண்ட குறுநகை!
முப்பனி காண்கையில் வெறுத்திடும் மனநிலை!
வெண்பனி போக்கிட வந்திடும் கோமகன்!
உறங்கும் மங்கையை உயிர்த்திட பெய்திடும்!
பெருமழை தந்திடும் புன்னகை பொன்நகையா!
நாடு விட்டு நாடுவந்தால்!
புழுதி அடங்க கல்மாரி பொழிய!
காளான் முளைக்க மின்னல் தெறிக்கும்!
பொட்டல் காட்டின் வாசனை வேண்டி!
அழியுதே என் மனது!