தமிழ் கவிதைகள்

தமிழ் கவிதைகள்

அழகு தின்னிப் பறவை!

எஸ்.நளீம்
விழி இரண்டும் சிறகடித்துப் பறக்கும்!
இரட்டைப் பறவைகளாய்!
அழகைக் கண்டதும் பொன்னி வண்டுபோல!
அதில் மொய்க்கும்!
ஆடு போல அனைத்தையும் மேயும்!
புறாக்கள் போல!
நட்சத்திரங்களைப் பொறுக்கியுண்டு!
நிலா முட்டியில் பாலருந்தித் திரும்பும்!
ஆடுபோல் ஓரிடத்தில் குந்தி ஓய்வாய் இரை மீட்டும்!
மீண்டும் இரவு விளக்கின் மங்கிய இருளில்!
ஒதுங்கிய மாராப்பில் புகுந்து!
கோழியாய்!
எங்கனும் சீச்சிப் பொறுக்கித் தின்று!
களைப்பில் மயங்கி விழும்

ஆட்சி அவள்நெஞ் சினிலே

எசேக்கியல் காளியப்பன்
வீட்டினின் மனைவி கூட்டிய குழம்பைச்!
சூட்டுடன் அருந்திச் சுவைத்து மகிழ்ந்து!
மாட்சிமை பேசும் மனத்தினன்!
ஆட்சிசெய் யானோ அவள்நெஞ் சினிலே

புலம்பி ஆகுமோ தோழா

எசேக்கியல் காளியப்பன்
சிவந்த வானுமே!
விடியலின் முன்னே!
சிரிக்க மயங்காதே தோழா! -அது!
தவழ்ந்து வீழுமத்!
தணலின் முன்னுமே!
தன்னைக் காட்டுமே தோழா!!
புரட்சி என்பதை!
ஆயு தத்தினால்!
புரிய வைக்கவோ தோழா!--அது!
புயலின் நாசமாய்ப்!
புரட்டிப் போனபின்!
புலம்பி ஆகுமோ தோழா?!

தமது முயற்சி வென்றிடுவீர்

எசேக்கியல் காளியப்பன்
ஓடும் நதியும் சிரிப்பானால்!
உள்ளத் துள்ளே ஒடுங்கிடுமோ?!
தேடும் எதுவும் கைவந்தால்!
தேக்கம் நெஞ்சில் வந்திடுமோ?!
கூடும் நட்பை விரும்பிடுவோர்!
கொடுத்து வாழ மறுப்பாரோ?!
நாடும் உனதாய் நினைப்பாயேல்!
நலிவு செய்வோர் பொறுப்பாயோ?!
உள்ளும் புறமும் சிரித்திடுவீர்!!
உறுத்தும் கவலை மறந்திடுவீர் !!
எள்ளும் கொள்ளும் முகத்தினிலே!
எதற்கு வெடிக்க விட்டிடுவீர்!!
தள்ளும் முள்ளும் வாழ்க்கைதான்!!
தள்ளும் கோப முள்ளினையே!!
வெள்ளத் தோடே செல்லாமல்!
விலகி நீந்தக் கற்றிடுவீர்!!
எள்ளும் வாய்கள் மூடிவிடும்!!
எதிர்ப்பும் தானே ஓடிவிடும்!!
கள்ளும், கழிவி ரக்கமதும்!
கவலை கூட்டும் அழித்துவிடும்!!
வெள்ளை மனத்துக் குழந்தைகளை!
விரும்பி உம்முள் நினைத்திடுவீர்!!
தள்ளிப் போகும் தடைகளுமே!!
தமது முயற்சி வென்றிடுவீர்

ஒரு துளி விழுதே!

லதாமகன்
தெருவெங்கும் காலடித் தடங்கள்!
கதவை தட்டிவிட்டுப் போயிருக்கிறது!
மழை!
சொட்ட சொட்ட நனைந்திருக்கிறது!
காயப் போட்டிருந்த துணி!
நள்ளிரவில்!
விழித்திருக்கலாம் நான்!
ஓடுகள் கழுவும் மழையை!
ஒளிந்திருந்து பார்த்திருக்குமோ!
நிலா?!
குழந்தையை முத்தமிடும்!
தேவதை போல்!
சுவர்களில்!
முத்தமிட்டுப் போயிருக்கிறது மழை

நேசம்

கவிரோஜா
பார்த்தவுடன்
மனதிற்குள் உன்னோடு
உரையாடிக்கொண்டே..
மௌனமாய் கடந்து போகிறேன்..
ஒவ்வொரு நாளும்
உன்னை மட்டுமல்ல;
உன் மௌனத்தையும் நேசிப்பதால்..

எதிர்பார்ப்பு

கவிரோஜா
காத்திருக்கிறேன்…
குறுந்செய்தியாய் உன்னிடம்
இருந்து வருபவை எல்லாம்…
உன் குரலாக என்னோடு..
உரையாடும் என்று...

தேடுவது

செண்பக ஜெகதீசன்
வாலிபம் என்பது !
வணங்காமுடி, !
அது !
வானைப் பார்க்கிறது.. !
வயோதிகம் !
வளைந்து மண்ணைப் பார்க்கிறது- !
தொலைத்துவிட்ட இளமையைத் !
தேடிப்பார்க்கிறதோ…!!

கனவும் நனவும்

செண்பக ஜெகதீசன்
வானம் பொத்துக்கிட்டு !
ஊத்துது.. !
வரப்பும் தண்ணியில !
மூழ்குது.. !
வயலும் குளமாத் !
தெரியுது.. !
தெருவுல தண்ணியும் !
ஓடுது.. !
தேரிக் காட்டிலும் !
தேங்குது- !
தெரிந்தது இப்படி !
கனவிலே, !
வறண்டு கிடக்குது !
வெளியிலே, !
வாங்க வேண்டும் !
தண்ணீரே…!!

இனிக்கும் நினைவுகள்

ஜே.ஜுனைட், இலங்கை
இனிப்பின் சுவை!
இதுதான்… சின்ன வயதில்…!
எங்கள் நினைவில்…!
சவர்க்கார முட்டையூதி!
சுவரில் வைத்து உடைத்தோம்…!
பட்டம் செய்து பறக்க விட்டோம் - அதில்!
நாமும் கற்பனையில் பறந்தோம்…!
நிலாச்சோறு சமைத்து வேடிக்கை பார்த்தோம்!
மழையில் நனைந்து ஓடிப்பிடித்தோம்!
வாழை நாரில் பூக்கள் தொடுத்து!
வீணை செய்து கீதம் இசைத்து!
கூட்டாய் விளையாடினோம்..!
முற்றத்து மணலில் வீடு கட்டி!
உள்ளே சென்றோம் உடைந்ததுவே!
வெள்ளத்தில் காகிதக் கப்பல் விட்டு!
நாமும் சென்றோம் கற்பனையிலே…!
என்ன சொல்ல, என்ன சொல்ல!
எல்லாம் இன்று ஞாபகமே!
இனிப்பின் சுவையும், இன்ப நினைவும்!
இதுதான் வேறு இல்லையே.!!
களிமண் உருட்டி!
சட்டி, பானை செய்தோம்!
வேப்ப மர நிழலிலே!
அடுப்பு மூட்டி விளையாடினோம்!
இன்னும் சொல்ல, இன்னும் சொல்ல!
நேரம் இங்கு போதவில்லை!
அன்று கொண்ட ஆனந்தமே!
உண்மை, உண்மை வேறு இல்லை