தமிழ் கவிதைகள்
கோள்களின் நிழல்கள்
அனிதா
பின்னோக்கிய யுகங்களின்!
ஒரு பிரபஞ்ச வெளியில்!
நம் முதல் சந்திப்பை...!
கிரகங்களின் இடுக்குகளில் அமர்ந்து!
நூற்றாண்டுகளாய் தொடர்ந்த பேச்சுக்களை!
இரண்டாவது பால் வீதி முனையின்!
விருப்பமில்லா விடைபெறுதல்களை!
தேகங்கள் மாறி மாறி நுழைந்தும்!
சலிக்காத கண்ணாமூச்சிகளை!
பிறந்ததுமே தேடத் துவங்குகிறேன்!
உன்னை ஒவ்வொரு முறையும். இம்முறையும்.!
ஜனனங்கள் பலவாகி ரேகைகள் மாறினும்!
இப்பொழுதும் அடயாளத்திற்கு உதவும்!
உன்னுள் படிந்த என் மோகங்களும்!
என்னுள் பரவிய உன் வெட்கங்களும்!
-அனிதா
என்ன குறை உன்னில் தமிழா?
இமாம்.கவுஸ் மொய்தீன்
என்றேனும் சிந்தித்தாயா?!
சாரம் இல்லாதவனா? - நீ!
சோரம் போனவனா?!
உறக்கத்தில் இருக்கின்றாயா?!
உணர்வின்றி இருக்கின்றாயா?!
கல்வியில் உழைப்பில் திறமையில்!
சிறப்பாய் இருக்கின்ற நீ!!
மொழியில் இனஉணர்வில் மட்டும்!
மந்தமாய் இருக்கின்றாயே!!
அந்நிய மொழிகளையெல்லாம்!
அழகாய் உரைக்கின்றாய் நீ!!
உன்மொழி தமிழை மட்டும்!
கலந்தே கதைக்கின்றாய் நீ!!
கங்கை கொண்டான்!
கடாரம் வென்றான் என -முன்னர்!
எத்தனைப் பெருமைகள் உனக்கு!!
தமிழனின் வீரம் மானம்!
எல்லாமே ஏட்டில் இன்று!!
அண்டையில் ஈழத்தமிழன் !
அடிக்கப்படுகின்றான் ஒடுக்கப்படுகின்றான்!!
அகதியாய் நாட்டை விட்டே !
விரட்டப் படுகின்றான்!!
தமிழகம் மட்டுமின்றி!
மலேசியா சிங்கப்பூரிலும்!
நிறைவாய் இருக்கும் உனக்கு...!
ஈழத்தின் நிகழ்வுகள் கண்டுமோர்!
கண்டனக் கணை கூடவா!
தொடுக்க முடியவில்லை? ஏன்?!
அந்நியம் ஆட்கொண்டதாலா? - நீ!
அந்நியத்தை அரவணைத்துக் கொண்டதாலா?!
தாய்ப்பால் பருகாததாலா?!
புட்டிப்பால் பருகியதாலா?!
என்ன குறை உன்னில் தமிழா?!
இப் புத்தாண்டிலாவது சிந்திப்பாயா?!
-இமாம்.கவுஸ் மொய்தீன்
காதலே உன்னை என்ன செய்ய
றஞ்சினி
எப்போதுமின்றி!
என்வீட்டு மரங்கள் வெறுப்பை தருகிறது!
இதயம் விட்டு விட்டு அடிக்கிறது!
என்னை அந்தரத்தில்!
தவிக்க வைத்து தாலாட்டு கேட்கிறது!
சில மணித்தியால சலனங்கள்!
தொ¤ந்தும் ஏன் இப்படி தவிக்கிறது மனம்!
ஆசையாய் உன்னை முத்தமிட முடியாது!
அன்பாய் உன்னை வருட முடியாது!
காதலாய் உன்னை அணைக்கவும் முடியாது!
ஆயிரம் தடைகள் சம்பிரதாயங்கள்!
அவனுக்கும் இப்படித்தான் இருக்குமா!
இருக்க வேண்டுமென்கிறது மனம் ஆசையாக!
என் உணர்வுகளே உங்களுக்கு !!
மதிக்கத்தான் நினைக்கிறேன் முடிவதில்லை!
எப்போதும்!
அறிவாக நினைத்தால் சி£¤ப்புத்தான் வருகிறது!
அறிவாக நினைக்க மனம் அனுமதிக்கப்!
போவதுமில்லை இப்போ.!
காதலே ! திரும்பத்திரும்ப உனது அடிமையாக!
இன்னும் எத்தனை காலம்தான் நான்..!
வயது வரம்புகள்!
எப்போ எங்கு யாருடன் என்றெல்லாம்!
பார்க்காது!
வினோதமான உறவுகளை எப்போதும்!
விதைத்த படி நீ.!
உதறிவிட்டு போனாலும் தொடர்கிறாய்!
என்னுடனே!
கொன்றுவிட்டு வாழவும் முடிவதில்லை என்னால்!
என்ன செய்ய காதலே உன்னை என்ன செய்ய
விட்டில் பூச்சிகள் ..தவம்.. பொக்கிஷம்
ப.மதியழகன்
விட்டில் பூச்சிகள் !
------------------------!
நட்சத்திரங்களின்!
நகலா இருக்க!
ஏன் ஆசைப்படுகிறார்கள்!
உடல் மொழியைக் கூட!
காப்பியடிப்பது!
உங்கள் சுயத்தை!
அழிக்காதா!
உன் குரலை!
மிமிக்ரி பண்ணும் அளவுக்கு!
நீ வளர வேண்டாமா!
எத்தனை பேர்!
கூக்குரலிடுகிறார்கள்!
இயேசு இறங்கி வந்தாரா!
திரையரங்கிலேயே விட்டுவிட்டு!
வர வேண்டியதையெல்லாம்!
ஏன் சுமந்து கொண்டு திரிகிறாய்!
நிழலை நிஜமென்று!
நம்பியவர்களின் கதியெல்லாம்!
என்னவானது தெரியுமா!
கனவுக்குள் புகமுடியாது!
என்பதால் தானே!
அதற்கு கனவுலகம் என்று!
பெயர் வைத்திருக்கிறார்கள்!
கோடி என்றவுடன்!
ஏன் வாயைப் பிளந்து விடுகிறாய்!
தெய்வமே உன் வீட்டில் வந்து!
குடியிருக்கும் போது!
சில்லறை விஷயங்களுக்காக!
ஏன் வீணாய் அலைகிறாய்!
நீ சாதிக்கும் போது!
பார்த்துப் பெருமைபட!
குடும்பம் இருக்க!
வேண்டாமா!
பிறரது வாழ்க்கை மூலம்!
பாடம் கற்காவிட்டால்!
வாழ்க்கை நடுத்தெருவில்!
நிறுத்திவிடாதா. !
!
02.!
தவம் !
---------------!
கணினியின்!
கடவுச்சொல்லை மறந்தால்!
உறைந்து போக வேண்டாம்!
உள்ளே நுழைய!
ஆயிரம் வழிகள் உள்ளன!
பிச்சைக்காரனுக்காக!
சில்லறையைத் தேடி!
ஏமாற்றமடைய வேண்டாம்!
உனக்கும் சேர்த்து!
இரண்டு ரூபாயாக தட்டில்!
எவரேனும் போட்டுவிடுவர்!
மற்றவர்கள் செய்கையில்!
குறை காண வேண்டாம்!
படைப்பே குறையுடையது!
எனும் போது!
பந்தயத்தில் ஓடுவது போல!
நடந்து கொள்ள வேண்டாம்!
சின்ன சின்ன சந்தோஷங்களை!
தவறவிட்டுவிட நேரலாம்!
வரம் கொடுப்பவர் தலையில்!
கை வைப்பவர்களின் வலையில்!
வலியச் சென்று விழவேண்டாம்!
சிடுசிடுவென முகத்தை!
வைத்துக் கொள்ள வேண்டாம்!
குழந்தை உள்ளம்!
உடையவருக்கே!
சுவர்க்கத்தின் ராஜ்ஜியத்தில்!
இடமுண்டு என!
பைபிள் சொல்கிறது. !
03. !
பொக்கிஷம் !
--------------------!
சூரியனை நோக்கியே!
தலைசாய்க்கும் சூரியகாந்தி!
பழத்தை சுவைப்பவர்கள்!
எண்ணிப்பார்ப்பதில்லை!
மரத்தை வைத்தவர்!
எவரென்று!
இலை உதிர்த்த மரத்தை!
எவர் பார்க்க விரும்புவர்!
அவரவர் உலகத்தில்!
அவரவர் பத்திரமாய்!
பசியுடன் தூங்கும்!
பிச்சைக்காரனின் இரத்தத்தை!
குடிக்கும் கொசுக்கள்!
விதை எப்படி!
மண்ணைப் பிளக்கிறது!
எவரின் ஆணைப்படி!
கிழக்கு வெளுக்கிறது!
கோயில் உண்டியலில்!
போடும் காசை!
தர்மம் பண்ணினால்!
என்ன!
நாட்கணக்கில் வரிசையில் நின்று!
தரிசனம் செய்தால்!
வரம் கொடுத்துவிடுமா சாமி!
பாதாள அறைகளில்!
பொக்கிஷங்கள் நிறைந்திருக்கும்!
தட்டில் சில்லறை போட்டால் தான்!
சாமி கண்ணைத் திறக்கும்
சிலிர்ப்பு
அன்பாதவன்
தொடரும் தூறலில் தணிந்தது வெக்கை!
எழுந்தது மண்மணம்!
பறவைகள் சிறகுகளுக்குள் ஒடுங்க !
இலைகளின் தளிர் முகத்திலோ !
ப்ரியமானவர்களைச் சந்திக்கும்!
சந்தோஷமினுப்பு!
உரத்த குரலெடுத்து நலம் விசாரிக்கும்!
இடியைப் பார்த்து பளிச்சென்று!
புன்னகைக்கும் மின்னல்!
அதுண்டுகளாய் மழைக்கம்பிகள்!
செங்குத்துப் பாலமாகின்றன!
விண்ணுக்கும் மண்ணுக்கும்.!
எல்லாக் கசடுகளையும் அடித்துச் செல்லத்!
தேவையாயிருக்கிறதொருப் புதுமழை
தீர்க்கதரிசனம்.. அரசிலையின்
மனோ.மோகன்
--------------------!
யாருமற்ற!
இதுபோன்றதொரு இரவின் தனிமையில்!
பத்து செண்டிமீட்டர் உயரமேயுள்ள!
பூனைக் குட்டியொன்றைப் பரிசளித்தாய்!
உன் துரோகங்களைத் தீர்க்கதரிசனம் சொல்லும்!
வார்த்தைகள் ஏதுமில்லை அன்று!
புகை படிந்த சாம்பல் நிறம் கொண்ட!
அந்தப் பூனையின் 'மியாவ்' வைத் தவிர!
நான் குடிக்கும் பால் அதற்கென்றானது!
என் தலையணை அது உறங்குவதற்கென்றானது!
கட்டிலில் அவிழ்த்துப் போட்ட என் உடைகள்!
அது மூத்திரமிடுவதற்கென்றானது!
வாரத்தைகள் அற்ற என்!
அறையின் தனிமையை நிறைத்த படியே!
பெரும் பசியை அறிவித்துக் கொண்டிருந்தது 'மியாவ்'!
பகல் பொழுதில்!
கபாலத்திற்குள் ஓடி விளையாடுவதும்!
படிக்கும் புத்தகத்தில் தாவிக் குதிப்பதுமென!
என் காலத்தைப் புசித்துக் கொண்டிருந்தது பூனை!
இன்றைய அந்தியில்!
ஓரிரு முறை உன் போர்விமானம் கடந்தபின்!
புகை படிந்து சாம்பல் நிறம் கொண்ட!
என் தெருவின் சிதிலங்களூடே!
உன் துரோகங்களைத் தீர்க்கதரிசனம் சொல்லும்!
வார்த்தைகள் ஏதுமில்லை!
'மியாவ்' வும் கூட இல்லை!
!
அரசிலையின் யுத்த தருமங்கள்!
----------------------------!
போதி மரத்திலிருந்து!
உதிர்ந்த அரசிலையொன்றில் புத்தனின் கறிக்கடை!
கிடைத்த குடல் துண்டுகளோடு!
பறந்து விட்டிருந்தன காக்கைகள்!
வேறேதேனும் எலும்புகள் சிதறியிருக்கிறதாவென!
மோப்பமிட்டபடியே எஞ்சிய சில நாய்கள்!
விற்பனை முடிந்த கணத்தில் கறிக்கட்டையில் ஏறி நின்று!
யுத்த தருமங்களை உபதேசித்தான் புத்தன்!
குருட்டுப் பைத்தியக்காரனைப் போல!
இலக்கற்று இருள் கவியும் கணத்தில்!
மூன்றாம் நாள் உயிர்த்தெழுதலின்!
கனவோடு கொல்லப்பட்டிருந்தான் மெசியா
செஞ்சோலைக் குஞ்சுகளே
கனிகை
நெஞ்சுருக அஞ்சலிகள்!
கண்ணிரண்டும் குளங்கள்!
குமுறுகின்ற உணர்வுகள்!
யாவும் இருந்தென்ன?!
நீங்கள் இன்றில்லை !
எம்மிளம் சிட்டுக்களே!!
பல்லி சொல்லவில்லை!
பூனை போகவில்லை!
ஆந்தை அலறவில்லை!
ஆட்காட்டியும் சத்தமில்லை!
காகம் கூட உணர்த்தவில்லை!
யார் நினைத்தார்-பேடிகள்!
பிஞ்சுகளைச் சிதைப்பாரென்று!
உறுதிமிக்க உறவுகளே-எம்!
பட்டாம்பூச்சிக்கனவுகளே !
உங்கள் வாழ்வினில்!
எத்தனை நினைப்பிருக்கும்!
விடுதலைத்துடிப்பிருக்கும்!
கல்வித்திறனிருக்கும்!
பாசக்கரமிருக்கும்!
அத்தனையும் ஒடித்தாரோ?!
ஆறுதல் என்பது எமக்குக் !
கற்பனையாய் போயிற்று !
மீண்டும் மீண்டும் முயல்கின்றோம்!
இழப்பின் சோகம்- நெஞ்சில்!
குற்றிய முள்ளாய் வலிக்கிறது!
மழலைகள் மாதர் வயோதிபர் ஏதிலிகள்!
பேணிச்செய்வதே போர்தர்மம்-இதுதானோ!
பாதகர் புத்ததர்மம்?!
கேவலம் பிள்ளைகளே!
உமைக் குதறியது அவர்க்குக்!
கேவலம் பிள்ளைகளே!
மௌனித்துப் போன ஐரோப்பிய நாடுகளே!!
உல்லாசப் பயணிகள் அங்கிருந்தால்!
அலறிக் கதைத்திருப்பீர்!
ஆதரவற்ற தழிழரென்றே!
புறம் தள்ள நினைத்தீரோ?!
உமையொத்தே உயிரழிக்கும்!
அரசென்று இணை சேர்ந்தீரோ?!
கதறித்தான் நிற்கின்றோம்-ஆனால்!
சாம்பலிலும் உயிர்க்கின்ற பூக்கள்நாம்!
தழுவி வரும் மென்காற்றில்-எம்!
அஞ்சலிகள் நிறைந்திருக்கும்!
சாந்தியடைக குஞ்சுகளே!!
நாட்கள் எப்போதும்- இப்படிக்!
கலங்காது.!
கனிகை
வெறுமையின் ஏக்கம்
கி.சார்லஸ்
தெருவோரத்தில்!
கண் விழிக்காத!
நாய்க்குட்டிகள்!
தாயின் பால்காம்புகளில்!
முட்டி,முட்டி!
பால்குடித்துக்கொண்டும்!
குட்டிகளை!
நக்கி கொடுத்தபடியிருக்கும்!
தாய்நாயை பார்த்து!
ஆசையாய் ரசித்தபடி!
கோலமிட!
மனம் வராமல்!
பெருமூச்சு கலந்த!
ஏக்கமாய்!
நடுவிரலால் அடிவயிற்றை!
நிரடிப்பார்க்கிறாள்!
மலடி
மின் பின்னியதொரு பின்னலா ?
வ.ந.கிரிதரன்
உண்மையென்று ஏதேனுமொன்றுண்டா ?!
நான் பார்ப்பது, நீ இருப்பது இதுவெல்லாம்!
உண்மையென்று!
எவ்விதம் நான் நம்புவது ?!
நீயே சொல்.!
நீ சொல்கின்றாய்!
நீ இருக்கிறாயென்று.!
உண்மையாக நீ இருக்கின்றாயென்று.!
என்னை விட்டுத் தனியாக!
எப்பொழுதுமே!
இருப்பதாக நீ கூறுகின்றாய்.!
எவ்விதம் நம்புவது.!
ஆயிரம் மில்லியன் ஒளிவருடங்களிற்கு!
அப்பாலிருந்து இருந்து வரும்!
ஒளிக்கதிர்களுக்கும்!
உன்னிலிருந்து வரும் ஒளிக்கதிர்களுக்கும்!
இடையிலென்ன வித்தியாசம் ?!
நேரத்தினைத் தவிர.!
உனக்கும்!
எனக்குமிடையில்!
எப்பொழுதுமே ஒரு தூரம்!
இருக்கத் தானேசெய்கிறது.!
அது எவ்வளவுதான் சிறியதாக!
இருந்த போதிலும்.!
எப்பொழுதுமே ஒரு நேரம்!
இருக்கத் தானே செய்கிறது!
கணத்தினொரு சிறுபகுதியாய்!
என்றாலும்.!
நீ இருப்பதாக!
நீ சொல்லுவதைக் கூட!
நான் அறிவதற்கும் புரிவதற்கும்!
எப்பொழுதுமே இங்கு நேரமுண்டு.!
தூரமுமுண்டு கண்ணே!!
காண்பதெதுவென்றாலும்!
கண்ணே! அதனை!
அப்பொழுதே காண்பதற்கு!
வழியென்றுண்டா ?!
காலத்தைக் கடந்தாலன்றி!
ஞாலத்தில் அது!
நம்மால் முடியாதன்றோ ?!
தூரமென்று ஒன்று உள்ளவரை!
நேரமொன்று இங்கு!
இருந்து தானே தீரும் ?!
அது எவ்வளவுதான்!
சிறியதாக இருந்த போதும்.!
வெளிக்குள்!
காலத்திற்குள்!
கட்டுண்டதொரு இருப்பு!
நம் இருப்பு கண்ணம்மா!!
காலத்தினொரு கூறாய்!
உன்னை நான் காண்பதெல்லாம் இங்கு!
உன்னை நான் அறிவதெல்லாம்!
மின்னலே!!
மின் பின்னியதொரு!
பின்னலா ? உன்னிருப்பும்!
இங்குமின் பின்னியதொரு!
பின்னலா ? என் கண்ணே!!
திண்ணை Tuesday September 24, 2002
