கொடூர விலங்கொன்றின் சாயை - வேல் கண்ணன்

கொடூர விலங்கொன்றை வளர்த்து வருவதாக சொன்னார்கள்!
கொடியது ஆயினும் சைவ உண்ணி தான்,!
வற்றினாலும் புசிக்கது அசைவத்தை எனவும் சொன்னார்கள் !
விரல் நீள மெமரி கார்டில பதிவு செய்தவன் கேட்டான்!
வளர்ப்பது ஏன் ? வெளியேற்றப்படும் நாள் எது ?!
வெள்ளை நிற சட்டை அணித்தவர் பதில் சொன்னார்:!
சூழல் கனிந்து வரும் காரணம் அன்று தெரியும் !
மறுநாளில் தலை முதல் வால் வரை செய்தியானது !
உலக அரங்கில் ஆலோசித்தனர்!
விண்வெளி கண்கள் இருப்பிடம் தேடிமொய்த்தன.!
தீனி செலவு கணக்கிடப்பட்டது ரகசியமாக!
உள்துறை ஆட்கள் வேவு பார்த்தார்கள்!
சந்தையில் விலங்கின் கற்பனை ஓவியமும்!
கட்டுடைத்த கதைகளும் விற்று தீர்த்தது.!
கேலிச்சித்திரம் ஒன்று எழுதி எழுதி அழிக்கப்பட்டது.!
பிறிதொரு நாளில்!
பெருந்தலைவனின் தலைமறைவு குறித்தும்!
நடிகைகளுடன் தொடர்பு குறித்தும் செய்தியானது. !
ஆனாலும்!
குழந்தைகள் விளையாடும் தோட்டத்திலும்!
கனவிலும்!
கொடிய விலங்கு ராட்சத பேருருவமாய்!
உலவிவருகிறது இன்னமும்