நிலைக் கண்ணாடி - முத்துசாமி பழனியப்பன்

சுய நினைவுள்ள எந்தவொரு!
அந்திப் பொழுதிலும் உனைப்!
பார்க்கத் தவறியதில்லை - நான்!
அழைத்த குரலுக்கு இசையும்!
என் குழந்தைக்கு அடுத்து - நீ!
என்னைக் கேட்காமலேயே வழி!
பற்றிக் கொள்வாய் - எங்கு!
சென்றாலும் பின் தொடர்வாய்!
உன்னை மறைத்த குற்றத்திற்காய்!
வழக்கு மன்றம் வந்து போய்க்!
கொண்டிருக்கிறது மேகம் இன்னமும்!
உன் பிறப்பும் இறப்பும் நீயறிவாய்!
ஒரு நாள் துக்க தினம் வானத்தில்!
கைமாறு என் செய்வேன் நான்!
களை பறித்து நீர் பாய்ச்சியிருக்கிறேன்!
காவல் இருந்திருக்கிறேன் - களத்து மேட்டில்!
தொலைத்த காலணாவைக் கண்டிருக்கிறேன்!
ஒற்றையடிப் பாதையில் ஒருவனாய் நடந்திருக்கிறேன!
தேர்வுக்குத் தேவையான அளவு படித்திருக்கிறேன்!
வீட்டுப் பாடம் எழுதி நோட்டுக்களோடு தூங்கியிருக்கிறேன்!
நீ கொடுத்த இலவச மின்சாரத்தில்!!
உன்னை முதல் நாளே பார்க்க!
பல முறை பல நாள் தவமிருந்திருக்கிறேன்!
கரும்புகை குறைவாக்க வேண்டி!
ஆலைகளுக்கு ஓலை அனுப்பியிருக்கிறேன்!
களத்து மேட்டுக் கனவிலும் நீ வருவாய்!
கண் விழித்துப் பார்த்தாலும் நீ தெரிவாய்!
காவலுக்குக் காவலிருப்பாய் எனக்கு நேராக!
உன்னோடு ஓட்டப் பந்தயம் வைத்து!
ஓடைக் காட்டில் எத்தனையோ முறை!
இடறி விழுந்திருக்கிறேன்; சிரித்திருக்கிறேன்!
நடந்தால் நடப்பாய்; நின்றால் நிற்பாய்!
உனையென் நிலைக் கண்ணாடி என்பதோ?!
தீராத காதல் கொண்டிருக்கிறேன் உன் மீது!
அனுதினமும் உன் முகம் காட்டு