தூற்றி உயர்வதுவும் தொல்லுலகில் ஆகாதே - எசேக்கியல் காளியப்பன்

தமிழுக்கே உயிரென்று தண்டவாளம் மேல்படுத்தோர்!
உமிழ்ந்திட்ட தெல்லாமும் ஒருமொழிமேல் விடமன்றோ?!
அமிழ்தென்றே கூறியவர் அதைப்பாட மொழியாக்க!
உமிழ்ந்தாரோ ஒருசொல்லும்? ஊர்,ஏய்ப்பே எல்லாமும்!!
வேற்று மொழிபடித்து வெளிநாட்டு வேலையையே!
போற்றி அவர்தொடரப் போவதுவும் அதனாலே!!
தூற்றி அதனால்தான் தூயதமிழ்ப் பெயர்சொல்லார்!!
சேற்றில் இறக்கிவிட்டச் செம்மல்களை நினையுங்கள்!!
தூற்றி உயர்வதுவும் தொல்லுலகில் ஆகாதே!!