மீண்டும் பிறந்திருப்பேன் - எசேக்கியல் காளியப்பன்

உன்றன் அருகில் வந்தேன் – உனது!
உணர்ச்சிக் காற்றேடுத்தேன்!
இன்றும் வாழ்ந்திருப்பேன் –என்!
இதயம் நன்றிசொலும்!!
உன்முகம் அருகில் கண்டேன் – அது!
உதிர்த்த பூக்கள் கொண்டேன்!!
என்மனம் மணக்குதடீ –அங்கே!
இன்றுமுன் பூசையடீ!!
காந்த விழிகள் கண்டேன் ! –எனக்குள்!
காயங்கள் ஆறுதடீ!!
மாந்த அருகில்வந்தேன் –இதழ்கள்!
மறுக்கப் பசித்திருப்பேன்!!
சேர்ந்த கருங்கோந்தல்- எனக்குள்!
சிலிர்ப்பைத் தந்தடீ!!
நேர்ந்த கவிதைகளை –உலகும்!
நித்தம் படிக்குதடீ!!
மீந்த நாட்களிலே –உந்தன்!
மெல்லிய நினைவுகளைச்!
சோர்ந்தே விழும்வரைக்கும் –நெஞ்சில்!
சுகமெனப் பூட்டிவைப்பேன்!!
மீண்டும்,உன் நாள் வரவே –இறையை!
வேண்டித் தவமிருப்பேன்!!
மாண்டும்,அந் நினைவுகளில் –நான்!
மறுபடிப் பிறந்திருப்பேன்!