Photo by Gabriel Izgi on Unsplash
சின்னச்சின்னதாய் நீ விட்டுச்சென்ற
நினைவுகளால் நிதம் வாழ்கிறேன்...
கரையில்லா உன் அன்புக்கு முன்னே
கவலையின்றி உன் நினைவில்!
பார்த்துப் பார்த்து நீ தந்த
கனவுகளெல்லாம் ... நீ
என் இதய பெட்டிக்குள் இருப்பதுபோலே
பத்திரமாக.... நீ வரும் வரையில்!
சேர்ந்தே நடந்து சென்றோம்....
நினைவிலும் கனவிலும்.....
தனியே கடக்கிறேன்....
ஒவ்வொரு பொழுதுகளையும்!
வறண்ட நிலமாகத்தான் நானிருந்தேன்
வற்றாத அன்பு தந்தாய்...
உன் நினைவுகளின் வலிமைக்கு முன்னே..
நான் உடைந்து போகிறேன்..!
நெருங்கி நொறுங்கி போவதுதான்
உன் அன்பின் பரிசானாலும்....
இன்னாளும் என்னாளும் உனக்காக
உன் நினைவில் நான் ....!
பாரதிபிரியா
