தாய்ப் பூ - எஸ்.நளீம்

கண்டுகொள்ளப் படாத!
ஒரு கொய்யாப் பூவாய் !
ஒரு பிஞ்சாக !
ஒரு காயாக !
என்னை ஒட்டி வளர்த்தாய் !
வௌவால்கள் வட்டமடிக்கும் !
ஒரு மரத்தின் !
ஒரு மூலையில் !
இலை மறைவில் !
எனை விளைவித்தாய் !
அணில் கொறித்துத் தின்னும் !
ஒரு கனிந்த நாளில் !
கமழும் வாசனையில் !
பல கண்கள் நமைப் பார்க்க !
அப்போதும் !
ஒரு கொய்யாக் கனியின் !
தொப்புள் உருவாய் !
தாய்ப் பூவே !
நீயும் ஒட்டியேயிரு!
என்னை