தேநீர் தேவதை - சீமான் கனி

நீ தேநீர் கோப்பையோடு
அடிக்கடி என் முன்
தோன்றும் போதுதான்
நிலவில் கரை படிந்ததின்
காரணம் விளங்குகிறது.




தேநீர் கோப்பை
உன் மீது புகார் வாசிக்கிறது
நீ குடித்து வைத்ததும்
பெரிய  சர்க்கரை கட்டி என்று
எறும்புகளால்
கடத்த படுகிறதாம்.



நீ தேநீர் குடிப்பதாய்
சொல்லிவிட்டு
கோப்பையின் விளிம்பில்
கவிதை ஒன்றை
பதித்து விட்டு போகிறாய்.
''இது தேவதை குடித்த
தேநீர்  கோப்பை'' என்று.




நீ குடித்து மீதியை உன் வீட்டு
நாய் குட்டிக்கு பகிர்ந்தாய்
அது இன்று வரை
தேநீர் தீவிரவாதியாய்
கோப்பைகுள்ளே குடியிருக்கிறது.




நீ குடித்த தேநீர்
கழிவுகள் உற்றி வளர்ந்த
காகித பூச்செடி
காதல் பூச்செடியாய்
மாறி போனதாம்.

- சீமான் கனி