ஜனனமும் மரணமும்
கைகுலுக்கி
விடைபெறுகிறது...
புத்தாண்டு

காதலில் மட்டும் தான்
வெற்றிக்கும்
தோல்விக்கும்
ஒரே பரிசு...கவிதை

நிலவுக்கு வந்த
கோடி காதல் கடிதங்கள்
நட்சத்திரம்

காலையில் காதலித்தாய்
மாலையில்
எறிந்துவிட்டாய்

இவ்வளவுதானா? உன் காதல்.

இப்படிக்கு
பூக்கள்

முதல் காதல் கடிதம்.....
புதிதாய் படிக்கிறேன்..
நூறாவது முறையாய்....
- 

பிச்சை எடுப்பது
குற்றமென்று அறிவித்துவிட்டால்
குற்றவாளிகளாய்
மாப்பிள்ளைகள்தான் நிறைய
மாட்டக்கூடும்

காதலிக்கு காதலன் எழுதிய மடல்...

நான் வல்லினம்

நீ மெல்லினம்

அம்மா இடையினம்.

அப்பன்  தடை இனம்

ஜவுளி கடை பொம்மைக்கு
சேலை கட்டும் ஆண்கள்,
ஜகத்தினில் பெண்களுக்கு
சேலை அவிழ்க்க நினைப்பதேன்?

மலரோடு தங்கை மாங்கல்ய தாரகை - தாரம்
இழந்தாலென்ன தரம் குறையா தங்கை
கிளை வெட்ட வெட்ட தழைக்கிது மரம்
துணை வெட்ட வெட்ட உலருது மனிதம்

காவல்காக்கும் முற்கள்
முன்னாலே தேன் குடிக்கின்றன   
வண்டுகள்