இப்படியே இருக்ககூடாதா ? - ந.பரணீதரன்

Photo by engin akyurt on Unsplash

கையசைத்து வரவேற்பதுபோல் !
ஆடிஅசையும் தென்னந்தோப்பு !
அதன் நடுவில் ஒற்றைக்குடிசையாய் !
ஓலைக்குடிசையொன்று !
முற்றத்து நிழலினில் !
முதுகுசார ஓர்¢ கதிரை !
இப்படியே இருக்ககூடாதா ? !
நுரைதள்ளி கரைவந்து !
கதைசொல்லி மறையும் அலை !
அலையுடன் கொஞ்சிக்கொள்ள !
ஆர்ப்பாரிக்கும் நண்டுக்கூட்டம் !
கால்நனைய உட்கார்ந்து !
பலகதைகள் பேசிக்கொள்ள !
அருகினில் நீயும் !
அப்படியே இருக்ககூடாதா ? !
பூமிதொடும் முதல் மழைத்துளி !
பனியோடு படுத்துறங்கும் புல்த்தரை !
வண்டுடன் சல்லாபிக்கும் பூவிதழ் !
உயர உயர பறந்து !
உச்சி முத்தமிடும் சிட்டுக்குருவி !
இப்படியே இருக்கக்கூடாதா ? !
கல்லெறி வேண்டியும் !
வாலைக்குழைத்து !
வளைய வரும் தெருநாய் !
எப்போது உறங்குவோம் !
அப்போது நுழைவோம் என !
விழிநோக்கி காத்திருக்கும் !
செல்ல பூனை !
இப்படியே இருக்ககூடாதா ? !
அசரும் நேரத்தில் !
ஆசையாய் ஓடிவந்து !
பழம் தின்னும் பச்சைக்கிளி !
ஓய்ந்துவிட்டால் வாழ்க்கை இல்லை !
என ஓடி ஓடி உழைக்கும் !
சின்னஞ்சிறிய சிற்றெறும்பு !
இப்படியே இருக்ககூடாதா? !
தலைவைத்து சாய !
அன்னை மடி !
கோபம் வந்தால் குட்டிக்கொள்ளவும் !
ஆசைவந்தால் அள்ளி அணைக்கவும் !
அன்பு தந்தை !
பாசத்தை பங்குபோடவும் !
பகிடியாய் சண்டை பிடிக்கவும் !
அன்புத்தங்கை தம்பி !
விழிக்குள் வைத்து காப்பதற்கு !
பாட்டன் பாட்டி !
இப்படியே இருக்ககூடாதா ? !
ஆக்கம். கரவைபரணீ ?
ந.பரணீதரன்

Comments

Authentication required

You must log in to post a comment.

Log in

There are no comments yet.