நீ என் குழந்தை - நாச்சியாதீவு பர்வீன், இலங்கை

வாப்பா என்றழைக்க !
வந்துவிட்டாள்...!
என் மகள் மரியம்..!
நதியோடு பேசும் !
புது ராகம் அவள் !
நிலவோடு விளையாடும் !
மழை மேகம் அவள் !
பூக்களை நேசிக்கும் !
சின்னப் பனி துளியவள்.!
இரவென்ன பகலென்ன!
அவள் இதழோரம்!
புன்னகைதான் !
பஞ்சுக் கரங்களால் !
வருடும் மான்குட்டி!
பிஞ்சிக் கால்களால் !
உதையும் பூந்தொட்டி !
என் ஆனந்த வாழ்வில் !
அழகான பரிசு அவள் !
தேவதைக்கு பிறந்த !
தேன்-வதையவள்.. !
சோகத்திடலில்!
விழுந்து கிடந்தேன்!
பாசக் கடலாய் !
வந்தாய் மகளே !
நேசம் நிறைந்த !
வல்லோன் இறைவன் !
தந்தான் உன்னை !
நீ என் குழந்தை